ผญา คติสอนใจประจำวันที่ 24 ตุลาคม 2557:: อ่านผญา 
ไผสิหลิงเห็นไส้หัวใจคนใหญ่ ลางเทื่อฝังเกี่ยวไว้ในหั้นหมื่นดวง แปลว่า ใครจะมองเห็นภายในใจของผู้อื่นได้ บางที อาจฝังเคียวไว้ในใจเป็นหมื่นเล่ม หมายถึง จิตใจคนอื่น หยั่งรู้ได้ยาก ไม่พึงไว้เนื้อเชื่อใจจนเกินไป

การละเล่นพื้นบ้านอีสาน  

ม้าหลังโปก...การละเล่นพื้นบ้าน --- อีสานจุฬาฯ
  หน้าก่อน หน้าถัดไป
๓๓.ม้าหลังโปก


เป็นการขี่ม้า โยนอุปกรณ์หรือเกิบ วนรอบวง จนกว่าอุปกรณ์หรือเกิบสิตก 


จำนวนผู้เล่น
: ๖ คนขึ้นไป (จำนวนคนต้องเป็นคู่)

สถานที่และการเตรียม :

เดิ่นหรือบริเวณกว้าง ๆ จักหน่อย... อุปกรณ์ กะใช้ผ้ามัดเป็นก้อนกลมๆ หรือใช้ลูกบอลน้อยๆ กะได้ แต่ที่หาง่ายที่สุด กะคือเกิบฟองน้ำ เจ้าเก่า... (ขออธิบายโดยใช้เกิบเป็นอุปกรณ์)


การจัดไท
: วิธีการ ปาว ปิ่ง ป้ง (ควรสิจับคู่ให้เหมาะสมกัน)

การเลือกไทเล่นก่อน : วิธีการ ปาว ปิ่ง ป้ง


วิธีการเล่น
:

แต่ละคู่ กะยืนอยู่นำกัน แล้วกะขยายวงออก ให้ใหญ่พอสมควร โดยระยะห่างระหว่างแต่ละคู่ประมาณ ๓-๔ ก้าว... จากนั้น ไทที่เป็นม้า กะยืนแบบก้มๆ แอ่นหลัง เอามือค้ำเข่าไว้ ให้ไทเล่นก่อนขี่... ไทเล่นก่อน ขึ้นขี่หลังไทม้า (คู่ไผคู่มัน)

จากนั้น ไทเล่นก่อน ผู้ที่ถืกเกิบไว้ กะโยนเกิบไปให้คนถัดไป (วนซ้ายหรือขวากะได้) คนถัดไป กะฮับเอา ฮับได้แล้ว กะโยนไปให้คนถัดไป วนอ้อมไปเรื่อยๆ จนกว่า ผู้ได๋ผู้นึงฮับพลาด หรือฮับบ่ได้

พอผู้ได๋ผู้นึงฮับบ่ได้ เกิบตกลงดิน... ไทเป็นม้า ผู้ที่อยู่ใกล้เกิบ ให้ฟ้าวเก็บเอาเกิบ แล้วกะดึกปาใส่ไทขี่ม้า... ฝ่ายไทขี่ม้า ให้ฟ้าวโดดลงจากหลังม้า แล้วกะฟ้าวแล่นหนีไปให้ไกลที่สุด พร้อมทั้งหลบบ่ให้ไทม้าดึกเกิบถืก

ถ้าไทเป็นม้า ดึกเกิบบ่ถืกไทขี่ม้า ไทขี่ม้านั้น กะได้ขี่ม้าต่อ โยนเกิบ ฮับเกิบต่อ ไปเรื่อยๆ (ขี่ม้าดนๆ จนม้าหลังโปก กะเลยเอิ้นว่า ม้าหลังโปก)

ถ้าไทเป็นม้า ดึกเกิบถืกไทขี่ม้าผู้ได๋กะตาม ไทขี่ม้านั้น กะ “ลุน” ทันที ต้องเปลี่ยนไปเป็นม้า ให้ไทตรงข้ามขี่หลัง

 

กติกา :

  • ไทม้า เป็นม้าให้ไทตรงข้ามขี่หลัง
  • ไทขี่ม้า ขี่ม้า โยนเกิบให้ไทเจ้าของฮับเอา
  • กรณีไทขี่ม้า ฮับเกิบบ่ได้ ไทเป็นม้า สามารถสิเอาเกิบมาดึกปาไทขี่ม้าได้ โดยการดึกปา ต้องยืนอยู่กับที่ หม่องที่เก็บเกิบขึ้นมา ห้ามไล่คุมดึกปา
  • ถ้าดึกบ่ถืกไทขี่ม้า... ไทขี่ม้า กะยังมีสิทธิ์ขี่ม้า โยน-ฮับ ต่อไป
  • ถ้าดึกถืกไทขี่ม้า โดยถืกผู้ได๋กะตาม... ไทขี่ม้านั้น ต้อง “ลุน” ทันที ... ไทม้า กะได้เป็นไทขี่ม้าแทน

  หน้าก่อน หน้าถัดไป

 
Creative Commons License

ชมรมอีสานจุฬาฯ... การละเล่นพื้นบ้านอีสาน