จำนวนผู้เล่น : ๓ คนขึ้นไป

สถานที่และการเตรียม :

เดิ่นหรือบริเวณพอนั่งล้อมวงกันได้... สิ่งของที่ต้องการเซี่ยงหรือให้ทาย เช่น หินก้อนน้อยๆ กิ๊บปักผม แหวน เป็นต้น

การคัดโต : วิธีการ โอ น้อย ออก

วิธีการเล่น :

ผู้เล่นทุกคน นั่งล้อมเป็นวง ให้ผู้ขี้ตู่ (ซึ่งคัดโตเรียบร้อยแล้ว) เข้าไปหมูบก้มอยู่กลางวง จากนั้น ผู้เล่นที่นั่งล้อมวงอยู่ กะซ่อยกันร้องเพลงว่า

“ขี้ตู่กลางนา ขี้ตาตุ๊กแก สนุกสะแหน่ ออละแล่ ออละชน ชน ติ่งชน ติ่งชน ติ่งชน”

พร้อมทั้งส่งสิ่งของสำหรับเซี่ยง อ้อมวงไปเรื่อยๆ ร้องเพลงขี้ตู่กลางนาไปเรื่อยๆ จักสองสามรอบกะได้ จนกว่าสิเซี่ยงสิ่งของนั้น เสร็จเรียบร้อย กะบอกผู้ขี้ตู่ว่า แล้วแล้ว

จากนั้น ผู้ขี้ตู่ กะเงยหน้า ลุกขึ้นมา แล้วกะทายว่า สิ่งของนั้น ผู้ได๋เอาไป หรืออยู่กับผู้ได๋ ถ้าทายถืก ผู้ที่เก็บสิ่งของนั้นไว้ กะสิเป็นผู้ขี้ตู่คนต่อไป... ถ้าทายบ่ถืก ผู้นั้น กะป็นผู้ขี้ตู่ต่อ

กติกา :

• ผู้ขี้ตู่ ถ้าทายถูก กะเซาเป็นผู้ขี้ตู่ กลายเป็นคนปกติ
• ผู้เซี่ยงที่ถืกจับได้ว่าเป็นผู้เอาไป กะกลายเป็นผู้ขี้ตู่แทน
• การเซี่ยง ต้องเซี่ยงไว้กับโต ห้ามเอาไปเซี่ยงไว้หม่องอื่นไกลๆ