จำนวนผู้เล่น : ๖ คนขึ้นไป (ไทละ ๓ คน)

สถานที่และการเตรียม : เดิ่นกว้าง ๆ จักหน่อย

การจัดไท : วิธีการ ปาว ปิ่ง ป้ง (หรือบ่ต้องจัดไท แต่อาศัยการสับหว่าง กะได้)

การเลือกเล่นก่อน : วิธีการ ปาว ปิ่ง ป้ง

วิธีการเล่น :

ผู้เล่นทุกคน ยืนเป็นวงสลับกัน ระหว่างไทเล่นก่อนกับไทเล่นหลัง ...ไทเล่นก่อน นั่งลง แล้วกะเอาตีนมารวมอยู่จุดศูนย์กลาง ยันตีนกันและกันไว้.... ไทเล่นหลังที่ยืนสลับอยู่ กะเอามือมาจับมือไทเล่นก่อน โดยจับกันแบบเกี้ยวคอไก่ (กำจับข้อมือของกันและกัน) แล้วกะดึงแขนกันให้ตึงๆ ขณะเดียวกัน ไทเล่นก่อน กะพยายามจัดตีนเจ้าของ ให้ยันกันไว้อย่างดี บ่หลุดจากกันง่าย...

พอพร้อมแล้ว ไทยเล่นหลังที่ยืนอยู่ กะเริ่มดึงย่างหมุน ซ้ายหรือหมุนขวา (แล้วแต่ตกลงกัน.. แต่ต้องหมุนทางเดียวกัน) ...หมุนหลุ่นขุ่นๆๆๆ ไปเรื่อยๆ จนกว่า สิหลุดออกจากกัน

พอหลุดออกจากกัน บ่ว่าสิมือหลุดจากกัน ตีนหลุดจากกัน กะสลับฝ่ายกันเล่น จนกว่าสิเบื่อ พุ่นล่ะ

กติกา : เล่นม่วน ๆ บ่มีกติกาหยังหลาย