จำนวนผู้เล่น : สี่คนขึ้นไป

การคัดโต : ใช้วิธี จ้ำ ปิ่ง จ้ำ ดอง

สถานที่และการเตรียม :

เดิ่น หรือบริเวณกว้าง ๆ จักหน่อย ....เอาตีน หรือเอาไม้ขีด เป็นวงเลขแปด ใหญ่ประมาณคนเล่นเข้าไปยืนอยู่ได้ ขึ้นมา โดยประมาณจาก สมมติหนอนแล่นไต่เส้นอ้อมวง เด่มือเข้าไปในวง สามารถสิแต้มเอาคนในวงได้ (เพราะว่า ถ้าวงใหญ่เกินไป หนอน กะบ่สามารถแต้มคนในวงได้ ถ้าวงน้อยเกินไป กะบ่มีหม่องสิแล่นหลบ แค่เด่มือเข้าไป กะแต้มได้แล้ว)

วิธีการเล่น :

หนอน ยืนอยู่นอกวงเลขแปด ผู้เล่นที่เหลือ เข้าไปอยู่ในวงเลขแปด วงเดียวก่อน จากนั้น หนอนกะแล่นไต่เส้น พยายามเด่มือเข้าไปในวง เพื่อที่สิแต้มเอาคนในวง คนในวงถอยหลบไปอยู่ใกล้เส้นทางได๋ หนอนกะฟ้าวแล่นไปทางนั้น เพื่อที่สิแต้มเอา ...คนในวง สามารถสิแล่นหลบไปอยู่วงได๋กะได้ ระหว่างวงสองวง หนอนกะสามารถสิแล่นไต่ไปนำเส้นระหว่างรอยต่อของวงได้ ...แล่นวนไป วนมา จนกว่าสิแต้มไปได้

กติกา :

• หนอน ต้องแต้มถืกผู้อื่น จั่งสิพ้นความเป็นหนอน
• ผู้ที่ถืกหนอนแต้ม ต้องกลายเป็นหนอนแทน
• หนอน แล่นเหยียบไต่เส้นได้ แต่เอาตีน หรือว่าขาเข้าในวงบ่ได้ เด่เข้าไปได้ เฉพาะแขน ท่อนั้น
• ผู้เล่นที่อยู่ในวง สามารถสิแล่นหลบไปอยู่วงได๋กะได้ ผ่านรอยต่อระหว่างวงสองวง
• ผู้เล่นที่อยู่ในวง