จำนวนผู้เล่น : สามคนขึ้นไป

การคัดโต : ใช้วิธี จ้ำ ปิ่ง จ้ำ ดอง

สถานที่ : ห้วย หนอง คลอง บึง แม่น้ำ หรือหม่องที่มีน้ำเล่นนั่นล่ะ

วิธีการเล่น :

ผู้ที่เป็น หนอน ต้องลอยน้ำ มุดน้ำไล่คุมแต้ม (เอามือแตะ) ผู้อื่น แต้มถืกผู้ได๋ ผู้นั้นกะเป็นหนอนแทน แล้วกะหาไล่คุมแต้มผู้อื่นๆ ต่อไป

ซุมบ่เป็นหนอน กะลอยน้ำหนี มุดน้ำหนี บ่ให้หนอนแต้มถืก ทางปากกะพยายามเว้ายั่วให้หนอนไล่คุมว่า

“ หนอนบ่ไล่ มักไก่ตาตูม หนอนบ่คุม มักไก่ตาบอด..”

กติกา :

• หนอน ต้องแต้มถืกผู้อื่น จั่งสิพ้นความเป็นหนอน
• ผู้ที่ถืกหนอนแต้ม ต้องกลายเป็นหนอนแทน
• การแต้ม ห้ามแต้มคืน หรือว่าห้ามแต้มเอาผู้เก่า (ที่เพิ่งพ้นความเป็นหนอน)
• ผู้ได๋ขึ้นจากน้ำ ถือว่า “ ลุ่น ” หรือผิดกติกา ต้องกลายเป็นหนอนทันที (ถ้าจำเป็น ต้องขออนุญาต หรือต้อง “ อัด ” สาก่อน)