จำนวนผู้เล่น : สี่คนขึ้นไป

การคัดโต : ใช้วิธี จ้ำ ปิ่ง จ้ำ ดอง

สถานที่และการเตรียม :

เดิ่น หรือบริเวณกว้างๆ จักหน่อย ....เอาตีน หรือเอาไม้ขีด เป็นวงกลมใหญ่ ประมาณคนเล่นเข้าไปยืนอยู่ได้ ขึ้นหนึ่งวง โดยประมาณจาก สมมติหนอนแล่นอ้อมวง เด่มือเข้าไปในวง สามารถสิแต้มเอาคนในวงได้ (เพราะว่า ถ้าวงใหญ่เกินไป หนอน กะบ่สามารถแต้มคนในวงได้ ถ้าวงน้อยเกินไป กะบ่มีหม่องสิแล่นหลบ แค่เด่มือเข้าไป กะแต้มได้แล้ว)

วิธีการเล่น :

หนอน ยืนอยู่นอกวง ผู้เล่นที่เหลือ เข้าไปอยู่ในวง จากนั้น หนอนกะแล่นตามเส้น พยายามเด่มือเข้าไปในวง เพื่อที่สิแต้มเอาคนในวง พอคนในวงถอยหลบ กะสิไปแข่นอยู่อีกฟากหนึ่ง หนอนกะแล่นอ้อมไปฟากนั้น เพื่อที่สิแต้มเอา ...แล่นวนไป วนมา จนกว่าสิแต้มไปได้

กติกา :

• หนอน ต้องแต้มถืกผู้อื่น จั่งสิพ้นความเป็นหนอน
• ผู้ที่ถืกหนอนแต้ม ต้องกลายเป็นหนอนแทน
• หนอน เหยียบเส้นได้ แต่เอาตีน หรือว่าขาเข้าในวงบ่ได้ เด่เข้าไปได้ เฉพาะแขน ท่อนั้น
• ผู้เล่นที่อยู่ในวง ถ้าหลุดออกนอกวง ถือว่า “ ลุ่น ” หรือผิดกติกา ต้องกลายเป็นหนอน ทันที