จำนวนผู้เล่น : สามคนขึ้นไป

การคัดโต : วิธี จ้ำ ปิ่ง จ้ำ ดอง

วิธี “ จ้ำ ปิ่ง ” กะคือ ผู้ที่เป็นหัวหน้าพาหมู่เล่น เอานิ้วชี้ ชี้ผู้เล่นทีละคน (คนละพยางค์) ทางปากกะว่า

“ จ้ำ .. ปิ่ง .. จ้ำ .. ดอง .. หลอง .. ไท่ .. เลา .. ลิบ ”

ผู้ได๋ ตรงกับคำว่า “ ลิบ ” ผู้นั้น กะ เป็น หนอน

สถานที่ : เดิ่นหรือบริเวณ หม่องได๋กะได้

วิธีการเล่น :

ผู้ที่เป็น หนอน ต้องไล่คุมแต้ม (เอามือแตะ) ผู้อื่น แต้มถืกผู้ได๋ ผู้นั้นกะเป็นหนอนแทน แล้วกะหาไล่คุมแต้มผู้อื่นๆ ต่อไป

ซุมบ่เป็นหนอน กะแล่นหนี แล่นหลบ บ่ให้หนอนแต้มถืก ทางปากกะพยายามเว้ายั่วให้หนอนไล่คุม ว่า

“ หนอนบ่ไล่ มักไก่ตาตูม หนอนบ่คุม มักไก่ตาบอด..”

กติกา :

• หนอน ต้องแต้มถืกผู้อื่น จั่งสิพ้นความเป็นหนอน
• ผู้ที่ถืกหนอนแต้ม ต้องกลายเป็นหนอนแทน
• การแต้ม ห้ามแต้มคืน หรือว่าห้ามแต้มเอาผู้เก่า (ที่เพิ่งพ้นความเป็นหนอน)