เป็นการซ่อยกันดึงลากคนของฝ่ายตรงข้าม ให้เลยเส้นตาย

จำนวนผู้เล่น : ๔ คนขึ้นไป

สถานที่และการเตรียม :

เดิ่นกว้าง ๆ พอสมควร.... ขีดเส้นขึ้นมาสองเส้น ระยะห่างกันประมาณหนึ่งก้าว ความยาวพอสมควรกับสถานที่ หรือจำนวนคนที่มีอยู่ จากนั้น กะก้าวนับจากแต่ละเส้นนั้น ออกไปประมาณ ๑๐ ก้าว (หรือระยะที่เห็นว่าพอเหมาะ) แล้วกะขีดเส้นแนวขนาน ขึ้นมาอีก ซึ่งเส้นนี้ กะคือ เส้นตาย นั่นเอง

การจัดไท : วิธีการ ปาว ปิ่ง ป้ง

วิธีการเล่น :

ผู้เล่นของทั้งสองฝ่าย มายืนเรียงแถวกัน อยู่เส้นกลางฝ่ายไผฝ่ายมัน เตรียมพร้อมสิดึงกัน จากนั้น กะ ร้องบทก่อนเริ่มเล่นว่า

“ เล่นกองตึ้ง มาดึงกันต่อ โพนอ่อเยาะ ไว้ท่าปลูกมันแกว นาหนองแซง ไว้ท่าคั่วข้าวเม่า อยากได้กล้า มื้อหน้าจั่งค่อย เอา !!! ”

พอร้องจบ กะเริ่มดึงกัน ลากกัน ซ่อยกันดึง ซ่อยกันลาก เพื่อที่สิให้คนของฝ่ายตรงข้าม เลยเส้นตายของฝ่ายเจ้าของ... ผู้ที่ถืกลากเลยเส้นตายของฝ่ายตรงข้าม ถือว่า “ตาย”

พอผู้ใดผู้หนึ่ง (หรือหลายคน) “ตาย” แล้ว ผู้ที่เหลือซึ่งยังบ่ทันตาย กะให้เริ่มเล่นใหม่... เล่นไปเรื่อยๆ จนฝ่ายใดฝ่ายหนึ่ง ตายเหมิดทุกคน.... ฝ่ายที่ตายเหมิดทุกคนก่อน เป็นฝ่ายที่แพ้ ต้องถืกทำโทษโดยการถืกเขกเข่า หรือกุ่ง(กระเตง) อีกฝ่ายหนึ่ง

กติกา :

• การดึงลากกัน สามารถซ่อยกันได้ บ่จำเป็นต้องเป็นหนึ่งต่อหนึ่ง
• ผู้ที่ถืกลากเลยเส้นตายของอีกฝ่ายหนึ่ง ถือว่า “ ตาย ”
• ผู้ที่ “ ตาย ” แล้ว ถือว่าเหมิดสิทธิ์เล่นต่อ ต้องรอท่าจนกว่าฝ่ายใดฝ่ายหนึ่ง สิตายเหมิด แล้วกะเริ่มต้นเล่นใหม่ จั่งสิมีสิทธิ์เล่นอีก