| |
อนุเซียน
ภูมิลำเนา : บึงกาฬ - หนองคาย
สมาชิกภาพ : สมาชิกทั่วไป
เข้าร่วม : 15 มิ.ย. 2553
รวมโพสต์ : 1,601
ให้สาธุการ : 2,855
รับสาธุการ : 3,783,420
รวม: 3,786,275 สาธุการ
|
|
ใต้ฮ่มหมากหว้าหลังโรงเรียน คือหม่องรวมพล ตามที่ตกลงกันไว้
มาครบกันทุกคนหล่ะบ้อ... ปิ่นลมหัวโจกหัวโจกถาม
ครบแล้ว เพิ่นรุทธิ์บ่มา เห็นญังนั่งคุยกับเพิ่นสุดสวยญู่ลูกพี่ ใหญ่ฟ้าวรายงาน
บ่เป็นหญัง เพิ่นตั้มมาเฮากะมีคนปีนเคลือหมากผีพ่วนแล้ว ปะๆฟ้าวหญ่าง
เดี๋ยวอ้ายภารโรงต้องแล่งสิเพิ่นมาเห็น แล้วไปฟ้องครูหน่อยเด่ะ ปิ่นลมเร่ง
หลังจากมุดฮั้วหนามหมากจับโรงเรียนได้ ซุมนักเรียนขี้เดื้อกะเริ่มวาดลวดลาย
เว้านัวหัวหม่วนกันแตกโคบๆไปตามทาง เห็นหมากผีผ่วน,หมากตาไก้
หมากตากวงสุก ข้างทางกะเก็บใส่พกเสื้อไปนำ กินไปนำ จุดมุ่งหมายคือตาดหิน
ขอบคุณภาพจากกูลเกิล
แค่คึดหว่าสิได้เล่นน้ำกะหม่วนแล้ว...เฮา น้อยเว้าขึ้น
เอาจั่งซี้ซะ พวกเฮามาแล่นแข่งกันดีบ่ สิไดฮอดตาดหินเร็วๆ หน่อเสนอ
ดีๆ ไผแล่นฮอดคนสุดท้ายเป็นแหล่งเด้อ แก่นสนับสนุน
เอออออ...เป็นแหล่งถึกหมู่ขึ้นขี่คอตีลังกาพ้อมเด้อ ปิ่น
ตัดสิน
หลังจากน้น ซุมเด็กน้อยกะตั้งหน้าตั้งตาแหล่นแข่งกัน เสียงดังแซวๆปานป่าสิแตก
|
|
|
