เว้าเรื่องผักพื้นบ้านอีสานเฮาเด้อ --- เว็บบอร์ดอีสานจุฬาฯ

คห.ที่238) [ไปที่ความเห็นนี้ ในกระทู้นี้]

ศิษย์น้องเล็ก

ภูมิลำเนา : ขอนแก่น
เข้าร่วม : 09 ก.พ. 2555
รวมโพสต์ : 25
ให้สาธุการ : 0
รับสาธุการ : 51910
รวม: 51910 สาธุการ

ว่าแม่นไปฮอดใสแล้ว.ยังวนอยู่กับหมากเผ็ดนี้นอ..สำหรับผมฟ้าขาดกะยัง ยันคำเก่า..หมากเผ็ดเป็นพืชถิ่น ของ
อิสานบ้านผม ..สิเป็น ดร. นักวิชาการใส่เว้ากะซ่าง ..ฟังแล้วมัน บ่คือ .ขัดกับ ฮีตครอง บ้านหมู่ผม.คุณปิ่นลม
เว้าถืก..อาหารอิสาน ประเพณีอิสาน สืบทอดมายาวนาน.การที่นักวิชาการ ผู้ได๋ ผู้หนึ่ง สิมาอ้างฝรั่ง ให้มาเป็นผู้
ขีด ให้อาหารบ้านหมู่ผม.เป็นไปนำความคิดเจ้าของ มันเป็นไปบ่ได๋ดอก เว้าเรื่องพริกไทย. ให้มาจักพันนักวิชาการ มาพิสูจน์ มาหัดกิน มาหัดเฮ็ด อาหารอิสาน ให้มันฮู้ท่องแท้ก่อน จังเ้ว้า..บ้านผม.ตั้งแต่ปู๋ ตั้งแต่ปู้ บ่เคยกินพริกไทย เว้าง่าย..(ลาวตาแตกบ่ฮู้จักพริกไทยกะแล้วกัน)แล้วกะ บ่ฮู้สิไส่อียังกิน อย่าเชื่อฝรั่งหลาย
แม่นบ่ ท่านปิ่นลม..

บ่ได่มาโดนเติบ มากะมาพ้อ..เอาโลดนอ ..ฝรั่งหมู่นี้ มันมีเมืองหลังจากลาวบ้านหมู่ผมบ่ฮู้ว่า จักพันปีเด้อ..ลาวบ้านผม มีถิ่นกำเหนิดอยู่นี้..โดนกว่า ทวีปอเมริกาสิมี กะแล้วกัน มื้อลุนสิเว้าให้ฟัง..

สาธุการบทความนี้ : 464 ครั้ง
จากสมาชิก : 2 ครั้ง
จากขาจร : 462 ครั้ง

24 พ.ย. 2555 เวลา 00:38:42

โพสต์โดย

1) กินส้ม

คห.ที่398) บักค้อ แซ่น้ำปลา [ไปที่ความเห็นนี้ ในกระทู้นี้]

หวั่งสองอาทิตย์ก่อน มีคนเอาบักคัอมาฝาก หน่วยงามๆ แกะใส่กาละมังน้อย (หลายเติบพู้นหละ) เติมน้ำปลา น้ำตาล ใส่พริกผง ผงนัวหน่อยหนึ่ง โอ้ย แซ่บสุดๆ กินบ่ เอิ้นไผ เกือบเบิด ตื่นเช้า ปวดแข่ว ทรมานสุดๆ จนฮอดมื้อนี้ ยังปวดบ่เซา ขนาดไปหาหมอกะแล้ว หมอว่าสาร ความส้มอยู่ ในเนื้อบักค้อ เข้าไปกัดฮากแข่ว ต้องถ่าจนกว่ามันสิเบิดฤิทธิ์เอง แต่มาเห็นรูป คุณป้าหน่อยเอามาลง ผัดน้ำลายแตกอีกหละ นี้หละเขาว่า คนบ่เข็ด กะเอามาเว้าสู่ฟัง ฮ่ามีผู้กินหลาย คือผู้ข้าวา ย้านปวดแข่วซั่นดอก ผู้ได๋มีวิธีแก้กะเว้าสู่ฟังแน่

สาธุการบทความนี้ : 459 ครั้ง
จากสมาชิก : 0 ครั้ง
จากขาจร : 459 ครั้ง

10 ก.ค. 2555 เวลา 21:02:43

134) มีขนมอะไรบ้าง ที่เป็นขนมท้องถิ่นของคนอีสานคนลาว

โพสต์โดย

คห.ที่19) [ไปที่ความเห็นนี้ ในกระทู้นี้]

คุณหนุ่มบางกอก:

คุณปิ่นลม:

” การกินเจ “ ที่ ด๊อกเตอร์แป๊บ กล่าว หมายถึง
“มนุษย์  เป็นสัตว์กินพืช ไม่ใช่สัตว์กินเนื้อ มาตั้งแต่มีมนุษย์เกิดมา ในโลก ( ประมาณ 2 แสนปี  )
สังเกตจากฟันของมนุษย์ แตกต่างจาก สัตว์กินเนื้อในโลกมาก ฟันของมนุษย์  เหมาะสำหรับ บดเคี้ยว
เมล็ดพืช และใบไม้ ( เหมือนควาย ) มากกว่าจะเหมือน ฟันของสิงโต หรือ เสือ “

หลักฐานที่บอกว่ามนุษย์กินเนื้อมีครับ วัวควายเดิมวิวัฒนาการมาจากสัตว์กินเนื้อ ส่วนมนุษย์กินสัตว์พืชกินทั้งเนื้อ มีหลักฐานชัดเจนว่ามนุษย์สมัยโบราณไม่ได้กินแต่พืช

แนวคิดที่คุณพี่ปิ่นลมบอกมาว่าฟันของมนุษย์เหมาะสำหรับบดเตี้ยวพื้ชมากกว่าเคี้ยวเนื้อสัตว์ ไม่มีหลักฐานใดๆสนับสนุนครับ ตอนที่มนุษย์ยังเป็นสัตว์อยู่ก็เป็นสัตว์กินเนื้อเป็นหลัก แล้วก็กินพืช ภายหลังกินทั้งเนื้อทั้งพืช อย่างสัตว์ที่คนส่วนใหญ่เชื่อว่ากินพืช จริงๆจังจับแมลงกินเหมือนกัน

แต่โครงสร้างมนุษย์สมัยโบราณไม่ได้เอื้อให้กินผักอย่างเดียวครับ จริงๆมนุษย์กินทั้งพื้ชกินทั้งเนื้อ

ป.ล.แสดงความเห็นเฉพาะเรื่องกินเจนะครับ
แล้วขอบคุณที่ให้ความรู้เรื่องขนม

การกินเจ แปลให้ตรงความหมายคือ การไม่กินคาว (อาหารเด้อ บ่แม่นแนวว่า) ที่ผมว่าคนอิสานกินเจนั้น ผมบ่ได้เหมาว่า คนอิสานบ่กินเนื้อสัตวฺ์ ความหมายของผมกะคือ ที่คุณ ปิ่นลม อธิบายไว้นั้นหละ (อ่านให้ดีตีให้แตก) คนอิสานการกินอยู่มันง่ายๆ บ่มี พิธี รีตรองให้วุ่นวายปานได๋ ดอก ส่ายข้าวแล้ว ปั้นโฮยเกลือแน บาย บักขามแน บายบักตูมแน มันได้ทุกอย่าง ข้าวในดอก ปั้นเดียว ไถนาแล้ว สามสี่ท่ง ถ้าเว้าว่า วัวควายวิวัฒนาการ มาจากการกินเนื้อ อันนี้ตกไกลเด้อ ลักษณะ พวก อนาโตมี่ ของวัวควาย บ่ว่าขี้ยว ฟัน มือเท้า แล้วชาติโลด บ่มีโอกาศ จับสํัตว์กินได้เลย ถ้าเว้าเรื่องวิวัฒนาการของสัตว์ พันกว่าปีมาแล้ว ที่เขาว่า คนวิวัฒนาการมาจากลิง หลายๆร้อยปีมานี้ บ่เคยเห็นลิงวิวัฒนาการเป็นคนจักเทื่อ ถ้าคนเป็นลิง อันนี้กะว่าบ่ซ่างได๋ เว้าไปแห่งปวดประเทศ

สาธุการบทความนี้ : 456 ครั้ง
จากสมาชิก : 0 ครั้ง
จากขาจร : 456 ครั้ง

19 ส.ค. 2555 เวลา 01:52:31

110) อยากทราบว่าอาหารอีสานโบราณ(รวมถึงล้านช้าง) ชนชั้นสูงกินแกงกินอาหารอะไรกันครับ

โพสต์โดย

คห.ที่1) แกงของอิสาน [ไปที่ความเห็นนี้ ในกระทู้นี้]

ถ้าถามถึงแกงอิสานที่มีน้ำข้นๆ เป็นอิสานแท้ๆ ต้องแกงหน่อไม้และแกงอ่อมหอย หรือไทอิสานเอิ้นแกงบักหอยจูบ การแกงหน่อไม้และแกงบักหอยจูบ(ภาคกลางเอ้นแกงหอยขม)..ที่มีน้ำเข้มข้นเพราะไทอิสานเฮาไซ่เข้าเบือหรือเข้าเบีย..กะคือเข้าเหนียวแซน้ำไว้จักคาวหนึ่งแล้วเอามาตำ เอาไว้ไซ่ในน้ำแกงเฮ็ดให้เหนียวแล้วข้นนัวๆออกหวานๆ ถ้าเป็นแกงให้ข้นคือแกงกะทิทางภาคกลาง..ของอิสานเฮาสิเป็นแกงส้มเป็นส่วนมาก มีแกงส้มผักอีฮูม แกงส้มดอกแค ที่ข้นเพราะเอาเนื้อปลาที่แกงป่นลงไปนำ อาหารที่มีน้ำส่วนใหย่ของไทอิสาน เอิ้นว่า ต้ม ตัวอย่างคือ ต้มปลาค่อ(ปลาซ่อน) ต้มส้มกบ ต้มไก่ ต้มเปตรปลาไหลเป็นต้น ถ้าว่าอาหารกินกับข้าวจ้าวคนอิสานเฮาบ่ค่อยถนัดปานได่ดอก เพราะข้าวจ้าวมันมาทีหลัง สมัยเป็นเด็กน้อย สังพ่อ(สังภาษาอิสานหมายถึงคนที่ตายไปแล้ว)พาเอาข้าวเหนียวจ่ำข้าวจ้าวกิน..โอแซบตั่วหละแล้วคาบข้าวพู้นหละแหม คนอิสานหรือสิไทเวียงฝั่งทางลาวคือกันอาหารส่วนใหย่สิเป็นอาหารพื้นบ้าน พวกผักนำฮั้วนำสวน ปูปลานาน้ำง่ายๆ แต่หากินยากตัวอย่างไข่มดแดง เอาแม้ถ่าแหย่ได่ง่ายๆ ป่นบึ้งซั่วสิขุดได่แต่ละโต..ลาบจอนฟอนไล่คุบอยู่เคิ้งมื้อจั่งได่ห่าลางเทือบ่ได่กะมี ถ้าสิให้เว้าเรื่องอาหารอิสาน โฮสามมื้อบ่จบ มื้อลุนสิเว้าเรื่องแกงอีรอกไส่กากหมูสู่ฟัง มันมันกินแล้วบินๆ เอ้าลืมเว้าเรื่องน้ำปลาอาหารอิสานหรือคนอิสานแท้ๆ สิบ่ค่อยกินน้ำปลาท่อได่..ส่วนไหย่ไซ่เกลือ กับน้ำปากแดกเพราะปากแดกะหมักมาจากเกลือ

สาธุการบทความนี้ : 433 ครั้ง
จากสมาชิก : 0 ครั้ง
จากขาจร : 433 ครั้ง

26 ก.พ. 2555 เวลา 00:25:51

โพสต์โดย

คห.ที่103) ก้อยปลาขี้โก๋ [ไปที่ความเห็นนี้ ในกระทู้นี้]

ปลาขี้โก๋ เป็นปลาทะเลลักษณะคล้ายปลาอีจน(ปลาค่อหน้าแหลม) เอามาตากแห้งสมัยก่อนเป็นอาหารยอดฮิตของอิสานบ้านเฮา  เอิ้นทั่วไปว่าปลาแห้งหรือปลาขี้โก๋

เครื่องปรุงก้อยปลาขี้โก๋ มี ปลาขี้โก๋ทอดกรอบ หรือปิ้งแห่มแห่มหรือให้กรอบ บักม่วงดิบ เอาชนิดส้มส้มจนตาบอด สับซอยเป็นเส้นน้อยน้อย หอมหัวแดงซอย หอมสดซอย น้ำปลาแดก พริกผง

วิธีปรุง
ตำปลาขี้โก๋ให้แหลก
ใส่พริกผง บักม่วงซอย หอมหัวแดงซอย น้ำปลาแดก กะเบิ่งเอามักเผ็ดใส่เผ็ด  กะให้พอดี ตำค่อยๆ ให้เข้ากัน
(น้ำปลาแดกค่อยๆหยอด เพราะปลามันเค็มอยู่แล้ว)
พอเข้ากันแล้วใส่หอมสดซอย แล้วคนเอา หอมสดซอยจั่งบ่ซ้ำ  แล้วๆ กะตักใส่จาน

ผักกินกับก้อยปลาขี้โก๋ ที่เข้ากันที่สุดคือ ยอดผักกะเสดอ่อน กับบักแตง
(เคล็ดลับ อย่าใส่ผงชูรสเพราะว่าน้ำปลาแดกกับปลาขี้โก๋ กะนัวอยู่แล้ว คั่นใส่มันสิเป็นฟ่าวๆปาก)

ลองเฮ็ดกินเบิ่งเด้อ ประหยัดเงินดีหลายๆ กินบ่เบิด เก็บใว้หลายมื้อกะได
มื้อหน้า สิเว้าเรื่อง ลาบหมูทะเล  มื้อนี้แค่นี้ละ ซำบายสู่ผู้สู่คนเด้อ

สาธุการบทความนี้ : 432 ครั้ง
จากสมาชิก : 2 ครั้ง
จากขาจร : 430 ครั้ง

21 ก.พ. 2555 เวลา 06:46:27

โพสต์โดย

คห.ที่198) [ไปที่ความเห็นนี้ ในกระทู้นี้]

พ่อปู่เว้าให้ฟัง ท้าวศรีโคตร ตายกะย้อน กินตำหมากม่วงน้อยใส่หมากเผ็ด กับปลาแดกต่อน ที่เจ้าเมืองเวียงจันทน์ วางแผนให้กินจนเจ็บท้อง เข้าส้วมเลยถืกหอกยนต์ตำก้น พะนะ ไปเว้าให้หมู่เป็นฝรั่งฟัง มันบ่ฮู้จักบักพริก บ้านเฮา กินกะบ่เป็น มีแต่สูดปาก เผด เผด อยู่เมืองฝรั่งบ่เห็นต้นหมากพริกจักเทื่อ

สาธุการบทความนี้ : 410 ครั้ง
จากสมาชิก : 0 ครั้ง
จากขาจร : 410 ครั้ง

03 ส.ค. 2555 เวลา 22:46:29

โพสต์โดย

คห.ที่110) ลาบหมูทะเล [ไปที่ความเห็นนี้ ในกระทู้นี้]

....คำว่าลาบหมูทะเล..ดอกเตอร์แป้ปได้ซื่อมาจากหมู่รุ่นเอี้อย เพิ่นเป็นเมียนายพลใหญ่ทางฝั่งเวียงจันท์ ในปีลาวแตก..เพิ่นอพยพข่วมมาฝั่งไทย ถ่าไปประเทศทีสาม เพิ่นบ่ได้อยู่ในศูนย์อพยพคือซุมอื่น เลยได้มาสนิทสนมกัน เอี้อยเพิ่นมักเฮ็ดแนวกิน แนวกินทางบ้านเพิ่นกะคือๆกันกับทางบ้านเฮานี้หละ..แต่บ้านเพิ่นบ่มีอาหารทะเล เพิ่นได้ปลาทูปลาหมึกกะไปจากทางฝั่งบ้านเฮาพี้หละส่งไปขาย ส่วนหลายเป็นของแห้ง ดอกเตอร์แป้ปเห็นว่าเพิ้น บ่ค่อยได้กินของสด(ปลาทูปลาหมึกสดเด้อ อย่าคึดเป็นปลาอันอื่น)กะเลยลาบปลาทูสดใส่เครื่องในหมูสู่เพิ่นกิน เอี้อยเราฝัดเอิ้นว่า ลาบหมูทะเล นี้หละคือทีมาของคำว่า ลาบหมูทะเล แต่บาดนี้การเอาปลาทูมาเฮ็ดแนวกิน บ่ว่าสิสดหรือนึ่ง คันกินแล้วมันโลดเป็นสีคาวๆปาก กะเลยเปลี่ยนเป็นปลากะพงขาวหรือแดงกะได้..เข้าท่าตั้วหละ วิธีเฮ็ดง่ายๆ..ปลากะพงทอดกรอบบี้เอาแต่เนื้อ..ปลาหมึกกล้วยลวกสุกซอยเป็นวงๆ..เครื่องในหมูต้มสุกซอยคือใส่ลาบเฮานี้หละ เครื่องลาบกะหอมหัวแดง หอมสด สารแหน่ หอมเป ข้าวคั่ว หมากนาว น้ำกระเทียมดอง น้ำปลา พริกผง พริกสดซอย เอาไว้ถ่าโฮย คนคือคนลาบเฮานี้หละ น้ำกระเทียมดองเหยาะแทนผงนัว..เข้ากันดีแท้ๆกับปลาหมึก โอ้ยเว้ามาน้ำลายออก ผักกินกับเข้ากัน..คือผักอีเลิด..ผักสลัด ลองเฮ็ดกินเบิ่ง..เด้อพี่น้อง แม้นแท้เป็นกับแก้มคักบักขนาด..มื้อลุนสิตำบักนัดใส่หมากสีดาน้อยสู่กิน มื้อนี้กะซำ่บายดี..สู่ผู้ซู่คนเด้อขอรับ..

สาธุการบทความนี้ : 394 ครั้ง
จากสมาชิก : 1 ครั้ง
จากขาจร : 393 ครั้ง

04 มี.ค. 2555 เวลา 23:27:32

134) มีขนมอะไรบ้าง ที่เป็นขนมท้องถิ่นของคนอีสานคนลาว

โพสต์โดย

คห.ที่7) [ไปที่ความเห็นนี้ ในกระทู้นี้]

คุณหนุ่มบางกอก:
แล้วไม่มีพวกขนมประเภท ปั้นแป้ง หรือเอามาปั้นเป็นดอกไม้ ทำจีบๆสวยงาม มีรึเปล่าครับ

คนอิสานส่วนใหญ่เป็นเกษตกร เรื่องการประดิษฐ์ประดอย สิบ่ค่อยมี เพิ่นสิเฮ็ด งามตามธรรมชาติ จั่ง ข้าวปาด กะเฮ็ดเป็นเหลี่ยมในกะบะฮื ถาด ข้าวโป่ง กะเฮ็ดเป็นแผ่นกลมๆ ยามย่างกะสิพองโตสวยงาม ข้าวนางเล็ด กะหยอดน้ำอ้อยเป็นรูปดอกไม้สวยงามไปคนละอย่าง บ่นิยมมานั่งปั้นจับจีบดอก โบราณเพิ่นว่าบ่กล้ากิน ถ้าประเภทปั้น กะมีแต่ ข้าวจี่ แต่ถ้าเป็นอาหาร ของอีสาน ที่มีมากก่อนหมู่ในโลก คืออาหาร เจ คนอิสาน เป็นพวกแรกในโลกที่กินอาหารเจ อาหาร เจ คืออาหารที่บ่มีเนื้อสัตว์ทุกชนิด ตามที่ค้นขว้ามาโดนเติบแล้ว สรุป ได้อย่างชัดเจนหาข้อโต้แย้งบ่ได้ ในข้อที่ว่า คนอิสานเป็นชนกลุ่มแรก ที่กินอาหาร เจ คือ ตั้งแต่โบราณ กาล คนอิสานนิยม กินข้าว โฮยเกลือ กับข้าวบ่ายกล้วย ข้าวบ่ายบักขาม อีกหลายๆอย่าง และที่สำคัญ ลูกอิสานแท้ทุกคน ต้องกินอาหาร เจ ตั้งแต่แรกเกิด สำหรับผู้ข้า อีแม่ว่า มักกินแต่ข้าวในดอก หรือ เจ เต็มร้อยเลยหละ

สาธุการบทความนี้ : 387 ครั้ง
จากสมาชิก : 0 ครั้ง
จากขาจร : 387 ครั้ง

07 ส.ค. 2555 เวลา 22:12:26

134) มีขนมอะไรบ้าง ที่เป็นขนมท้องถิ่นของคนอีสานคนลาว

โพสต์โดย

คห.ที่5) [ไปที่ความเห็นนี้ ในกระทู้นี้]

มีครับ บ้านผม แม่ใหย่ (แม่ของแม่ ) ย้านงง ฮอดยามบุญยามทาน แต่สมัยเป็นเด็กน้อย เพิ่นมักสิต้ม ข้า้วเหนียวเปียก เอิ้นแบบบ้านนอกบ้านผม เพิ่นเอิ้น ต้มข้าวเปียก (บ่แม่นข้าวเปลือก เด้อ) วิธีเฮ็ดกะบ่ยาก หม่าข้าว สิเป็น ข้าวเหนียวขาว หรือดำ (อีกหละ ไทบ้านผมเอิ่นข้าวเหนียวดำว่าข้าว ก่ำ ) กะพอข้าวอ่อน กะซาว มาใส่หม้อต้ม (ฮู้บ่นอ ว่าซาวแม่นอีหยัง ) พอข้าวแตก หรืออ่อนโต กะใส่ น้ำอ้อย เหยาะเกลือจักหน่อย พอมันตัดรสชาติกับน้ำอ้อย พอข้าวแตกได้ที่ กะปงหม้อลง แล้วขูด หมากพร้าว ที่พอเป็นมัน บ่ แก่ บ่ อ่อน ตักใส่ถ้วยแน่ ตักใส่ ตักใส่โป๋ บักพร้าวแน่ สำหรับผมมักตักใส่ โป๋หมากพร้าว เพราะมันหอม แล้วกะได้เล็ม บักพร้าวติดโป๋ ฮู้ บ่หละครับว่า โป๋บักพร้าวแม่นอีหยัง ยังมีอีกหลายครับ อาหาร หวาน ของไทอิสานแต่ปู๋ แต่ปุ้ย ที่เฮดใส่หม้อ ใส่โอ

สาธุการบทความนี้ : 362 ครั้ง
จากสมาชิก : 0 ครั้ง
จากขาจร : 362 ครั้ง

07 ส.ค. 2555 เวลา 20:57:19

75) เว้าเรื่องผักพื้นบ้านอีสานเฮาเด้อ

โพสต์โดย

คห.ที่285) [ไปที่ความเห็นนี้ ในกระทู้นี้]

ท่านจารย์ใหญ่ นอกเรื่องจักหน่อย หอก่อกลับจากมุดาหาร ไปหาม่องอยู่ให้ ลูกชายแม้ครับ ลูกชายได้ย้ายไปอยู่ ธนาคารออมสิน สาขามุกดาหาร อยู่ตรงข้าม โรงพักในเมืองนั้นหละ หาพวกแมนชั่น หอพักยากๆ จารย์ใหญ่ พอมีม่องแนะนำบ่ มื้อนี้ไปได้อยู่ห่างธนาคาร เกือบสองกิโล เว้าเผิ่นไว้ เดือนแรกก่อน ถ้ามีจั่งได๋ อนุเคราะห์ลูกหลานแน้เ้ดอครับ ขอบคุณไว้ก่อนโลดหละ ลูกชายเริ่มงาน ยี่สิบหก นี้หละ ฝากลูกฝากหลานแน้เด้อ เดี่ยวสิบอกซื่อเราให้ดอก

สาธุการบทความนี้ : 358 ครั้ง
จากสมาชิก : 0 ครั้ง
จากขาจร : 358 ครั้ง

22 ก.ค. 2555 เวลา 23:17:23

โพสต์โดย

คห.ที่205) [ไปที่ความเห็นนี้ ในกระทู้นี้]

สำหรับผมแล้ว พริกเป็นพืชท้องถิ่น เกิดตามธรรมชาติ ในภูมิอากาศ ที่คล้ายๆกัน เกิดตามธรรมชาติ เหมือนพืชหลายๆชนิดที่มีอยู่ในภูมิภาคนั้น เป็นบางอย่างเท่านั้นที่นำเข้า แต่ก็มาใกล้เคียงกับพืชท้องถิ่นของเรา แม้แต่ภาษาเรียก บางครั้ง ยังมาพ้องกับภาษาไทยของเราเลย ผมว่าพอแค่นี้ดีกว่า เรื่องพริก เพราะกลัวมีนักวิชาการ ออกมาพูดว่า ปลาช่อน ปลาดุก มาจาก อะเมซอนอีก เด๊ยวไปกันใหญ่ การอ่านมากเชื่อพอดีมีเหตุผล ทำให้ฉลาด ฟังมากเชื่อง่ายฝังใจ ทำให้โง่ ซั่นดอกว้า

สาธุการบทความนี้ : 352 ครั้ง
จากสมาชิก : 1 ครั้ง
จากขาจร : 351 ครั้ง

07 ส.ค. 2555 เวลา 21:24:45

6) มาเว้าผญากันเด้อพี่น้องเด้อ

โพสต์โดย

คห.ที่2158) เงินเหลือไซ้ [ไปที่ความเห็นนี้ ในกระทู้นี้]

โอเด..นางเอยอ้ายนี้เงินเหลือไซ้ฝังเซี่ยงไว้เต็มไต้ล่าง.. หล้าคำนางเอยเจ้าบ่คึดอยากไซ้นำอ้ายแนบ่นาง..อ้ายนี้เมื้อยเบิดมื้อหย่อนว่าเงินเต็มไต้ล่าง..แพงเอย เผากะแล้ว...ฝังกะแล้ว...ยังเหลือล้นอั่งเฮือน อ้ายหาคนซ่อยเมี้ยน..มัดฮีเป็นเจ้าของ...ซั่นดอกหวา แม่นอีน้องนางได๋นอสิมาซ่อยอ้าย มันโลดหลายเอาฮ้าย..เงินพะองอวนพี่..คำเอย ให้ผู้นั้น..แจกผู้นี้แจกมาหลายปีแล้ว..กะยังล้นอั่งเเฮือน..ซั่นเดคำเอ้ย

สาธุการบทความนี้ : 343 ครั้ง
จากสมาชิก : 1 ครั้ง
จากขาจร : 342 ครั้ง

25 ก.พ. 2555 เวลา 23:14:59

75) เว้าเรื่องผักพื้นบ้านอีสานเฮาเด้อ

โพสต์โดย

คห.ที่274) อาหารอิสาน ก่อนคริสกาล [ไปที่ความเห็นนี้ ในกระทู้นี้]

เมืองอิสาน มีมาตั้งแต่ก่อนคริสตกาล อันนี้ อ้างอิง จากหนังสือของ ศาสตราจารย์ paul PELLIOT เผิ่นเป็น ศาสตราจารย์ ประจำสำนักฝรั่งเศสปลายบุรพทิศ เผิ่นเขียนไว้ ปี ค.ศ.1903 แต่ว่าจำเล่มบ่ได้ เรื่องราว ของอาณาจักรฟูนัน( ภาคอิสานของไทย+ประเทศกัมพูชา ) พู้นนะ กว้างบักขนาด หรือเรื่องอาจักร ศรีโคตรพระตะบอง ล้วนแต่เกี่ยวข้องกับเขตแคว้น แดนอิสาน ทั้งนั้น เพราะฉนั้น อาหารอิสานจึงมีมาแต่ก่อน คริสตกาล บ่ว่าสิเป็นพริกเขือเกลือปลาแดก ข้าวคั่ว พริกผง หรือการกินเนื้อเสิก เอิกลาย กินหมูกินไก่ ผักอางนางหญ้า คนอิสานสมัยก่อนย้ายม่องอยู่ดู๋ พริกเขือเกลือปลาร้าจึงจำเป็นมีไว้ติดล้อ ติดเกวียน ปูปลานาน้ำไปหาเอาหน้า บักพริกบักเขือ เป็นพืชล้มลุก ปลูกง่าย ตั้งรกรากไสกะปลูกหั่น เกลือจั่งเป็นนำบางพื้นที่ กะหาง่าย ม่องได๋มีดินเอียด แค่เอาดินเอียดมาแซ่น้ำแล้วกรองเอาน้ำไปต้มกะได้เกลือแล้ว แต่กะต้มเพื่อไว้ เพราะคนอิสานสมัยก่อน ส่วนหน่อยที่สิอยู่ใกล้ดินเอียด เพราะการปลูกพืชผักบ่ค่อยได้ผล แต่กะมีบางกลุ่มเผิ่นอยู่ ต้มเกลือเป็อาชีพ เอาไว้แลกข้าวแลกปลาเว้าเรื่องการกินหมู คนอิสานกินหมูมาแต่โบราณกาล แต่บ่ค่อยเป็นที่นิยม เพราะเลี้ยงยาก ขี้กะเหม็นแพงกว่า งัว กว่าควาย เว้าง่ายๆ มันกินเพี้ยบ่ได้ เรื่อง กินหมูของชาวอิสาน มีในประเพณีการแต่งดอง และกินดองของคนอิสาน หรือลาวบ้าน ดอกเตอร์แป้ปนี้หละ อิสานมีวัฒนธรรม เรื่องอาหารมากมาย มีภาษาเป็นของโตเอง มาให้เซาใช้ วั่งตั้งมลฑล สมัยกรุงรัตนโกสินร์นี้หละว่า อีกประเพณีหนึ่ง คือประเพณีเผาศพแบบ หัสดีลิงค์ ของเมืองอุบล หลวงเผิ่นกะให้เซาว่าเฮาไปหลอกแบบเจ้า พะนะ บ่ได้มาโดน ย้อนคาแต่อ่าน เลยบ่ได้เขียน เห็นมีผู้สงสัย แต่อิสาน อิสานหลายวา เลยเขียนเล่นให้อ่านก่อน เอามื้อหน้า จั่งพ้อกันอีก ซำบายดี ซู่ๆคนเด้อ

สาธุการบทความนี้ : 341 ครั้ง
จากสมาชิก : 1 ครั้ง
จากขาจร : 340 ครั้ง

21 ก.ค. 2555 เวลา 17:20:12