| |
ยอดปรมาจารย์
ภูมิลำเนา : ร้อยเอ็ด + ขอนแก่น
สมาชิกภาพ : สมาชิกทั่วไป
เข้าร่วม : 17 มี.ค. 2553
รวมโพสต์ : 787
ให้สาธุการ : 45
รับสาธุการ : 1,587,480
รวม: 1,587,525 สาธุการ
|
|
แต่นั้น ท้าวได้จาคำต้าน ถามมวลแมงกุดจี่ ว่าแพงตาตอนนี้ ถืกขังไว้บ่อนใด๋
แมงกุดจี่ปวงไพร่ ได้ต้านตอบตามจริง ว่าแพงตาองค์หญิง จรลีหายลี้
แต่ก่อนกี้ ถืกขังในห้องใหญ่ แต่หายไปมิดจ้อย ลับลี้ดั่งผี
อันกุดจี่แดงเฒ่า เพียงเอานางมาข่มขู่ แต่โตเองกะบ่ฮู้ แพงตาย้ายอยู่บ่อนใด๋
พอได้ฟังเหตุฮ้าย สลดใจคนิงฮ่ำ แพงตาของเบ้าคำ เจ้าไปหลบหลีกลี้ ดีร้ายจั่งใด๋
ปลอดภัยดีบ่น้อน้อง นวลละอองของอี่พี่ ยอดชีวีของบักอ้าย ชายห่วงเจ้าอยู่บ่เซา
ใจระทมโศกเศร้า เหงาอุราสิบ้าป่วง คือดั่งดวงใจนี้ สิมายม้างมุ่นหมาง
บ่มีนางเคียงคู่ นอนคู่เคียงหมอน ใจสิขาดรอนรอน อ่อนโทรมซวนล้ม
แสนสิตรมหมองไหม้ เหมิดอาลัยทุกสิ่งอย่าง มีแต่ความอ้างว้าง แลงเซ้าหง่วมเหงา.. (มังกรเดียวดาย)
ถึงสิอุกอั่งเอ้าเซ้าค่ำคนิงนาง จำต้องวางแพงฮักพักเซาทนเศร้า
บาสิเอาตนตั้งประโยชน์หลายหมู่ใหญ่ วางละไว้ให้กายพ้นส่วนตน
ทนเอาถ่อนอดสาก่อนเด้อใจ บ่ได้ไลลืมนางค่ำคองคนิงน้อง
ขจัดหมองเมืองบ้านบริบาลพวกไพร่ กำจัดภัยให้เกลี้ยงหายเสี่ยงหล่ำเพียง ก่อนถ่อน
บาดนี่องค์หน่อค้ำสิตกแต่งแปงขุน ปุนแปงจัดทั่วพันธุ์แนวซั้น
คันไผฮู้บูฮานฮีตเก่า องค์หน่อเค้าปันให้บ่วาย
แมงทั่วค่ายทุกชาติแนวพันธุ์ ปัญญาดีเอิ้นเนาโฮมเต้า
เอาตนตั้งยุติธรรมมั่นเที่ยง เสียงส่าก้องแมงย้องทั่วผอง ..... (ต้องแล่ง)
|
|
|
