ผญา คติสอนใจประจำวันที่ 20 พฤษภาคม 2567:: อ่านผญา 
อย่าได้ติโทษท้วงปวงหมู่หมูหมา มันบ่เห็นแนวกินบ่แล่นวนเวียนอ้อม แปลว่า อย่าได้ป้ายความผิดให้หมูหมา หากมันไม่เห็นของกิน คงไม่วิ่งรุมล้อม หมายถึง ก่อนจะตำหนิ หรือให้ความผิดผู้อื่น ควรหันดูความผิดของตนก่อน


  ล็อกอินเข้าระบบ  
ชื่อ ::
รหัสผ่าน::
*จำสถานะ
 
  วิถีชีวิตชาวอีสาน  
       ดินแดนอีสาน มีวัฒนธรรม ประเพณี เฉพาะตน มีวิถีชีวิตความเป็นอยู่ ที่เรียบง่าย ท่ามกลางความแร้นแค้น ชาวอีสาน มีความเป็นอยู่เช่นไร ใช้ชีวิตอยู่เช่นไร สร้างศิลปะ วัฒนธรรม ประเพณีเช่นไรขึ้นมา

     แต่ละจังหวัด แต่ละสถานที่ อาจมีวิถีชิวิต ความเป็นอยู่ ที่แตกต่าง ตามลักษณะพื้นที่ หรือธรรมชาิติที่มีอยู่ แต่อย่างไรก็ตาม ทั้งหมด ล้วนคือวิถีชิวิตแห่งชาวอีสาน

     เชิญทุกๆท่าน ร่วมเขียนบทความ เรื่องสั้น เล่าวิถีชิวิต ความเป็นอยู่แห่งชาวอีสาน ได้แล้วครับ...



กระทู้ธรรมดา... มีข้อความโพสต์ใหม่

  หน้า: 1 2 3 4 5 6 7 8 9 10 11 12 13 14 15 16 ตอบกระทู้  
  โพสต์โดย  
นิยายชีวิตอีสาน เรื่อง โสกฮัง - ตาดไฮ ( โดย บ่าวปิ่นลม พรหมจรรย์ ) ฉบับผญา (คลิกอ่านบทความต่อเนื่อง)
 
  จารย์ใหญ่    คห.ที่71) เรื่องยาว บ่าวปิ่น (ฉบับผญา) ตอนที่ ๒ ต่อ  
  อนุเซียนผู้อมตะ

ภูมิลำเนา : มุกดาหาร
สมาชิกภาพ : สมาชิกทั่วไป
เข้าร่วม : 13 ก.ย. 2552
รวมโพสต์ : 5,168
ให้สาธุการ : 3,230
รับสาธุการ : 8,946,780
รวม: 8,950,010 สาธุการ
 
มาบัดนี้......
ยายสองเตรียมกระต่าไว้ลำยาวไม้ส่าวไผ่        ปลาแดกห่อแต่งไว้ใส่ใบตองมัดตอก
ออกไปนาก่อนน่าไปหาแย้แหย่มดแดง           หาเอาแมงมดไม้อยู่นาโคกท่งไกล
ในคราวนั้น จันแรมนางหน่อหล้าขอไปนานำแน่ แม่ก็จาบอกห้ามทางไกลไปบ่ง่าย
ฮ้อนแดดหลายยามนี้บ่ไปนำกะตามส่าง    จันแรมจากล่าวอ้างทางแม่เจ้าก็อ่อนใจ
ไปกะไปลูกหล้ามาพายเอาถือกระต่า        ว่าแล้วขึ้นซ้อนท้ายรถถีบน้อยค่อยไป

เว้าให้ฟังบอกให้ฮู้     ผู้เผิ่นซื้อจักรยาน
นานผ่านมาหลายปี    แต่คราวหลังกี้
มีเงินขายงัวได้         จักรยานเผิ่นออกใหม่
พ่อใหญ่ค้ำเผิ่นซื้อไว้   ตราแข้เผิ่นมักหลาย

กลายมาแล้วหลายปีแต่ใช้ขี่                     ใช้หลายปีคักแล้วรถก็ฮ้างห่างลา
มาเต็มทีแต่มันเฒ่าจักรยานมันเก่า               เว้าถึงเบาะอยู่ก้นฟองน้ำกะบ่มี
อุกอีหลีหลายเด้เจ้าโซ่มันยานโต่งเหล่ง         สิแวะเค่งจอดซ่อมเฮือนฮ้านร้านเจ๊กอู๋
ฮ้านหากอยู่กลางบ้านทางไปนาสิกลายผ่าน    เป็นร้านใหญ่กลางบ้านเผิ่นขายค้าคู่สู่อัน

จันแรมจาบทบั้นถามความต่อแม่            เจ๊กหยังน้อเหลื้อมแมบดำแท้หากบ่ขาว
แม่ก็จาตอบเจ้าความลูกสาวเว้าต่อ          บ่แม่นเจ๊กหรอกหล้าก็คือเฮาดังว่า
มันรวยหลายทางการค้าคนเลยเอิ้นเจ๊กอู๋    อันนี้จาให้ฮู้เรื่องเจ๊กอู๋เขาส่า
ว่าแล้วย่างเข้าร้านถามหาน้ำมันเครื่อง       เคืองฝึดหลายยากแท้ถีบได้กะบ่ไป

อู๋เอ้ยเจ้าขอน้ำมันจักหน่อยแน่        คันบ่ทาย้านแต่แย่ไปนาพุ้นย้านบ่เถิง
หาเบิ่งเอาเด้อป้าหาเอาเองเด้อแม่   ข้อยยากหลายแท้แท้เบิ่งฮ้านเช็คของ
ลุงคำจ้องโผล่หน้าย่างมาเว้าว่า       มาหาย่างเลาะซื้อมอเตอร์ไซค์รุ่นใหม่
รุ่นได๋ดีให้บอกเว้าบักอู๋ให้จากล่าว    คราวนี้กูสิถ้าคอยมึงเว้าให้ชื่นใจ

มีท่อใดล่ะเงินเจ้า   เอาท่อได๋น้อคุณพ่อ
เจ๊กอู๋จาตอบต้าน   ถามลุงคำเอิ้นใส่
กูก็ขายข้าวได้       สองพันอยากได้ใหม่
อยู่ไสเด้บักหล้า    ให้จาต้านกล่าวมา

ฮอนด้าอิงมีอยู่แล้ว        พ่อลุงสิเอาบ่
มันหากจอดพ้อว้อ         อยู่ริมไม้ห่มหมากขาม
ลุงคำถามจั้นจ้อ            อยู่ไสน้อรุ่นใหม่
จัดให้บ่าวผู้เฒ่า            มีแฮงแท้แน่กะไค
ดีใจหลายความอยากได้  มองไปใต้ห่มหมากขาม


ถามหารถคือเว้าเอาไว้ไสบอกแน่  บอกมาแม้บักหล้าอย่ารอช้าอยู่นาน
เห็นแต่จักรยานฮ้างสีแดงพิงอยู่     อิงกกขามเอาไว้ไฟหน้าหากบ่มี
อันนี้ตี้บักบ้าฮอนด้าอิงมึงว่า         บักเจ๊กดำบักบ้าบักเซียงเมี่ยงห่ากิน
ยินแต่เสียงเลาเว้าลุงคำฮ้องด่า     รุ่นใหม่ไฟฮ้างฮ้างขาตั้งกะบ่มี

พอแต่เสร็จดีแล้ว        น้ำมันทาโซ่เค่ง
ยายสองเร่งอ่วยหน้า   ไปนาโคกย่างไว
ทางสิไปหากเป็นเส้น   หนทางขี้หินแห่
แลเบิ่งสีดินแล้ง          ยามนี้แห้งทั่วระแหง

แยงดูทางคดเคี้ยว  เหลียวแนมมองทางท่ง
มองดูลงล่ายล้อม   กกไม้ไขว่ขีน
กกไม้ถิ่นประจำนี้    มีกกฮังเชือกใหญ่
คูนขี้เหล็กบอกไว้    ทั้งบกพร้อมพร่ำกัน

มองมันยืนตระหง่านฟ้า   ตามท่งนาเป็นกลุ่ม
ซุมหมู่ควายหากินหญ้า   มองมาแหงนหน้าใส่
จันแรมผ่านเข้าใกล้        เอามือชี้ใส่มัน
ควายนั้นเลียดังแลบ       ทำล่อใส่อีนาง

ทางสิไปมันยาก        ลำบากยามขี่
ขี้หินแห่เป็นก้อน        ตามท้างหว่างทาง
พอมาถึงสะพานสร้าง    นายกคนเก่า
หม่อมคึกฤทธ์แต่เค้า    โครงการเว้าว่ากัน

เอิ้นเงินผันว่าซั้น     สมัยนั้นพัฒนา
เผิ่นหากมาสร้างไว้  ในคราวนั้นท้องบ่าวสัน
พอแต่ปั่นมาฮอด     จอดลงเซาก่อน
ตอนนี้เถิงตีนโคก     มันฮกเฮื้อกว่าท่งนา

มาเด้อหล้าหาฮังมดแดงก่อน          ตอนนี้แม่พ้อแล้วกกยอพุ้นอีหลี
คือสิมีทางได้หน่วยใหญ่หลายไข่ต่ง  ลงจากรถฟ้าวยื่นเอากระต่าส่งแม่
เผิ่นก็แหย่ใส่พุ้นฮังน้อยค่อยแยง       มดแดงไต่ลงไม้ไหลลงไปกระต่า
หยับไปนางอีหล้า มดตกมาสิขูใส่     ทั้งเล่าเคาะไม้ส่าวลำไม้ไล่มดแดง

เสียงจันแรมฮ้องขึ้น                   ว่ามดกัดเอิ้นหาแม่
เบิ่งเอาแหน่ลูกหล้า                   อย่าให้มุดเข้าซิ่นผืนผ้าค่อยระวัง
ทั้งกัดเจ็บทั้งแสบฮ้อนขาฮ้อนแข่ง  มดแดงโตน้อยน้อยกัดเจ็บแท้อีหลี
นี้ล่ะน้ออีหล้าของฟรีเผิ่นว่า           ในโลกาโลกนี้บ่มีแท้หรอกอีนาง

จันแรมนางกล่าวอ้าง  ไผหากมักของฟรี
มีแต่อย่างหนึ่งนั้น       ข้อยชังหลายเป็นตาหน่าย
ยายสองงึดลูกเว้า       ถามเอาเว้าต่อ
มีอยู่บ้อลูกหล้า          ของฟรีนั้นหากแม่นหยัง
ฟังเสียงลูกตอบเว้า     ยาวัคซีนเด้อแม่
ข้อยย้านหลายแท้แท้  มาแจกบ่อยากเอา.......

เซาลงไว้หิวนอนมาไล่ ตอนหน้าพุ้นสิมาจ้อต่อนิทาน.....  

ปล. ขอตั้งชื่อเรื่องว่า "เรื่องยาว บ่าวปิ่น" เด้อ  

 
 
สาธุการบทความนี้ : 309 ครั้ง
ให้สาธุการบทความนี้
 
 
  14 พ.ค. 2553 เวลา 02:37:52  
      offline ติดต่อหลังเวที ติดต่อโดยเมล์ ตอบอ้างอิง  
 
  มังกรเดียวดาย    คห.ที่72)  
  มหาเซียน

ภูมิลำเนา : ขอนแก่น
สมาชิกภาพ : สมาชิกชมรมฯ
เข้าร่วม : 03 มี.ค. 2550
รวมโพสต์ : 3,640
ให้สาธุการ : 8,145
รับสาธุการ : 5,668,280
รวม: 5,676,425 สาธุการ
 
มาเทื่อนี้สำนวนดีคักแน่ อ่านแล้วม่วนแท้ๆ ตอนหาแย้แหย่มดแดง

 
 
สาธุการบทความนี้ : 0 ครั้ง
ให้สาธุการบทความนี้
 
 
  14 พ.ค. 2553 เวลา 08:39:06  
  www    offline ติดต่อหลังเวที ติดต่อโดยเมล์ ตอบอ้างอิง  
 
  ปิ่นลม    คห.ที่73)  
  เซียน

ภูมิลำเนา : สกลนคร
สมาชิกภาพ : สมาชิกชมรมฯ
เข้าร่วม : 16 มี.ค. 2553
รวมโพสต์ : 2,213
ให้สาธุการ : 180
รับสาธุการ : 4,935,200
รวม: 4,935,380 สาธุการ
 
ฮือ..คักน้ออ้าย หล่ายมาเป็นกลอน  
ข่อยมาออนซอนนำ  คารมเป็นตาย้าน
ฟังจาต้าน คิดฮอดเก่าคราวหลัง
ลองมาเว้าให้ฟัง อีกแน เด้อ พี่......

 
 
สาธุการบทความนี้ : 244 ครั้ง
ให้สาธุการบทความนี้
 
 
  14 พ.ค. 2553 เวลา 09:49:02  
      offline ติดต่อหลังเวที ติดต่อโดยเมล์ ตอบอ้างอิง  
 
  ป้าหน่อย    คห.ที่74)  
  เซียน

ภูมิลำเนา : อุบลราชธานี
สมาชิกภาพ : สมาชิกทั่วไป
เข้าร่วม : 05 ธ.ค. 2552
รวมโพสต์ : 2,169
ให้สาธุการ : 3,415
รับสาธุการ : 4,649,680
รวม: 4,653,095 สาธุการ
 
แม่นความเพิ่นเด้อยาอ้าย ลายผญาเจ้าคักแน่
ซางมาม่วนแท้ๆ ความเว้าจังแม่นหลาย

 
 
สาธุการบทความนี้ : 0 ครั้ง
ให้สาธุการบทความนี้
 
 
  14 พ.ค. 2553 เวลา 16:28:24  
      offline ติดต่อหลังเวที ติดต่อโดยเมล์ ตอบอ้างอิง  
 
  จารย์ใหญ่    คห.ที่75) อันนี้คอมเม้น เด้อ  
  อนุเซียนผู้อมตะ

ภูมิลำเนา : มุกดาหาร
สมาชิกภาพ : สมาชิกทั่วไป
เข้าร่วม : 13 ก.ย. 2552
รวมโพสต์ : 5,168
ให้สาธุการ : 3,230
รับสาธุการ : 8,946,780
รวม: 8,950,010 สาธุการ
 

ขอขอบคุณผู้หนุนค้ำ กำลังใจให้จารย์ใหญ่     ดีใจหลายลื่นล้น ได้ทนสู้พากเพียร
อดสาเขียนนำเรื่อง บทประพันผู้เผิ่นแต่ง        หลายแห่งคาขัดข้อง หลายม้องบ่ค่องคือ
ลางเทื่อมืดอื้อตื้อ ความคิดประดิษฐ์กลอน      ย้านบทตอนบ่อนบั้น บ่คือเค้าเรื่องโครง
แต่งลงนำสองเรื่อง นิทานยาวบ่าวปิ่น           เว้าไปยังบ่สิ้น ลิขิตฟ้าฯได้แต่งตาม

ยากนำคำความเว้า หาเอามาว่า                  ยากหลายเด้ผู้ข้า เวลาน้อยบ่หลาย
บ่อนบ่ดีอภัยไว้ ให้ซ่อยแลนำแหน่               ขอให้แปลซ่อยแก้ กลอนข้าซ่อยจา
อันว่าตนโตข้อย สิคอยเขียนบ่ป๋าปล่อย         คอยอ่านไปเด้อพี่น้อง ให้คอยจ้องอ่านดู
กระทู้เฮามีหลายเว้า กระทู้เฮามีหลายเรื่อง     มาเคืองใจแต่บ้าน เมืองเศร้าเก่าหมอง....พี่น้องเอ้ย...    

 
 
สาธุการบทความนี้ : 249 ครั้ง
ให้สาธุการบทความนี้
 
 
  15 พ.ค. 2553 เวลา 01:37:41  
      offline ติดต่อหลังเวที ติดต่อโดยเมล์ ตอบอ้างอิง  
 
  ปิ่นลม    คห.ที่76)  
  เซียน

ภูมิลำเนา : สกลนคร
สมาชิกภาพ : สมาชิกชมรมฯ
เข้าร่วม : 16 มี.ค. 2553
รวมโพสต์ : 2,213
ให้สาธุการ : 180
รับสาธุการ : 4,935,200
รวม: 4,935,380 สาธุการ
 

คอนตินิวเนาะ
( อ้ายจารย์ใหญ่โตปลอม แต่งซ่อย )

จ้ำจ้อก้อ เลาะแหย่ไข่มดแดง     แทบสิเบิ๊ดเฮื่อแฮง มาฮอดเถียงนาน้อย
เซาเมื่อยม้อยฮอดเถียงไฮ่นา    เหลียงเบิ่งฝาตองกุงมุงเถียงบังไว้
ไก่แม่โค่นกู๊กลูกหากิน             ใจถวิลเทียวคด เขี่ยฮังปลวกฮ้าง
ทางขื่อนั้นจารึกเป็นอักษร           เป็นคำกลอนถ่านไฟ ฮักเฮาคอยพ้น
แม่ใหญ่สองน้ำตาล้นคิดฮอดลูกชาย   ผู้เพิ่นเป็นความหมาย หาเงินเมืองนอก
จันแรมยอกย่นยู้ ล่อน้ำบาดาล   ไหลมาเป็นสายธารให้อาหารไก่เลี้ยง
ย้อนว่าทุข์ยากเสี่ยงอึดน้ำไซ้กิน   รินเหล้าขาวหมดเท จั่งพอสมจกได้
โยกน้ำไว้ใส่กะบะยางเก่า            แล้วก็ฟ้าวฝั่งเข้า เซาเทิบอยู่เถียง
ก้อนเส่าเคียงเถียงนาหม่น        กระทอเกลือตั้งอยู่
ปลาแดกต่วงนำพ้อม              ออมไว้ในขวดโอ ,

ทุกข์ยากฮ้ายลูกชายหนีไปจาก     ทั้งน้ำตาพรากย้อย คึดค่ำรำพัน
บักคำจันหนีหน้าไปค้าต่างประเทศ       จั๊กว่าเป็นเหตุหรือฮ้ายทางพู้น อยู่จั่งได
เสียงแม่เอิ้นมาไซ้ ตักน้ำมานำ         เลาขยำทั้งกวนไข่ลงในหม้อ
ซีกเอาผ้าก่อมก้อเป็นต่อนลงแกว่ง     ไข่มดแดงแยกไว้เทิงก้อ ห่อใบตอง
เอาอันนี้ไปฝากเฮือนเฮาซุมใกล้            แม่ก็ไขจาต้านบอกนางหล่าอย่าวาง
ฝากเฮ็ดหยังถ่อน เฮาเลาะแทบวาย    ทางลูกผัดเสียดายไข่ซุมหาได้
จื่อจำไว้นางนาทจันแรม                 เฮียมสิมีสุขแกม หรือบ่แบ่งปันต้อน
ฟังเอาถ่อนคำเก่าโบราณ                 คนอีสานเฮาสอน ตุ้มโฮมไปหน้า...    

 
 
สาธุการบทความนี้ : 161 ครั้ง
ให้สาธุการบทความนี้
 
 
  16 พ.ค. 2553 เวลา 14:02:00  
      offline ติดต่อหลังเวที ติดต่อโดยเมล์ ตอบอ้างอิง  
 
  ป้าหน่อย    คห.ที่77)  
  เซียน

ภูมิลำเนา : อุบลราชธานี
สมาชิกภาพ : สมาชิกทั่วไป
เข้าร่วม : 05 ธ.ค. 2552
รวมโพสต์ : 2,169
ให้สาธุการ : 3,415
รับสาธุการ : 4,649,680
รวม: 4,653,095 สาธุการ
 

โอย..พี่น้อง เวอร์ชั่นได๋ กะโศกเศร้า
เฮ็ดเอาพอน้ำตาเหี่ย
หนีไปหา บักส้มกินแก้ ก่อนเด้อ

 
 
สาธุการบทความนี้ : 0 ครั้ง
ให้สาธุการบทความนี้
 
 
  16 พ.ค. 2553 เวลา 14:07:11  
      offline ติดต่อหลังเวที ติดต่อโดยเมล์ ตอบอ้างอิง  
 
  จารย์ใหญ่    คห.ที่78)  
  อนุเซียนผู้อมตะ

ภูมิลำเนา : มุกดาหาร
สมาชิกภาพ : สมาชิกทั่วไป
เข้าร่วม : 13 ก.ย. 2552
รวมโพสต์ : 5,168
ให้สาธุการ : 3,230
รับสาธุการ : 8,946,780
รวม: 8,950,010 สาธุการ
 
คักแล้ว ครับ แต่งต่อไปอีกแหน่เด้อ ผมยังยากอยู่ครับ

 
 
สาธุการบทความนี้ : 0 ครั้ง
ให้สาธุการบทความนี้
 
 
  16 พ.ค. 2553 เวลา 18:52:59  
      offline ติดต่อหลังเวที ติดต่อโดยเมล์ ตอบอ้างอิง  
 
  ต้องแล่ง    คห.ที่79)  
  ยอดปรมาจารย์

ภูมิลำเนา : ร้อยเอ็ด + ขอนแก่น
สมาชิกภาพ : สมาชิกทั่วไป
เข้าร่วม : 17 มี.ค. 2553
รวมโพสต์ : 787
ให้สาธุการ : 45
รับสาธุการ : 1,587,480
รวม: 1,587,525 สาธุการ
 
คุณจารย์ใหญ่:
คักแล้ว ครับ แต่งต่อไปอีกแหน่เด้อ ผมยังยากอยู่ครับ


คือสิยากคักอยู่ดอกซอมเบิ่ง   มิดซีลีเอาโล้ด

 
 
สาธุการบทความนี้ : 177 ครั้ง
ให้สาธุการบทความนี้
 
 
  02 มิ.ย. 2553 เวลา 04:59:37  
      offline ติดต่อหลังเวที ติดต่อโดยเมล์ ตอบอ้างอิง  
 
  ปิ่นลม    คห.ที่81)  
  เซียน

ภูมิลำเนา : สกลนคร
สมาชิกภาพ : สมาชิกชมรมฯ
เข้าร่วม : 16 มี.ค. 2553
รวมโพสต์ : 2,213
ให้สาธุการ : 180
รับสาธุการ : 4,935,200
รวม: 4,935,380 สาธุการ
 

จารย์ใหญ่ฝากบอกมาว่า
ช่วงนี้ ทาง บริษัท ห้ามใช้คอม ส่งข้อมูลออกครับ
คุมเข้มหลายเรื่อง SEVER  เลยบ่ได้หลอยเข้ามา  
แต่กะ ซำบายดี มีแฮงอยู่ ครับ

 
 
สาธุการบทความนี้ : 163 ครั้ง
ให้สาธุการบทความนี้
 
 
  02 มิ.ย. 2553 เวลา 12:00:14  
      offline ติดต่อหลังเวที ติดต่อโดยเมล์ ตอบอ้างอิง  
 
  ปราร้านอกไห   ตอบเต็มรูปแบบ || Quick Reply  
  หน้า: 1 2 3 4 5 6 7 8 9 10 11 12 13 14 15 16

   

Creative Commons License
นิยายชีวิตอีสาน เรื่อง โสกฮัง - ตาดไฮ ( โดย บ่าวปิ่นลม พรหมจรรย์ ) ฉบับผญา --- วิถีชีวิตชาวอีสาน (ปลาร้านอกไห --- อีสานจุฬาฯ)