| |
โพสต์โดย |
|
20) ฟังนิทานก้อม หย่ำไนบักขามคั่ว |
|
| |
ครูหมู
|
|
คห.ที่249) นิทานชาวบ้านเรื่อง ทนรำคาญบ่ไหว [ไปที่ความเห็นนี้ ในกระทู้นี้] |
|
| |
ศิษย์ใหม่ไร้วรยุทธ์
ภูมิลำเนา : ขอนแก่น
เข้าร่วม : 11 ธ.ค. 2551
รวมโพสต์ : 3
ให้สาธุการ : 70
รับสาธุการ : 15840
รวม: 15910 สาธุการ
|
|
นิทานมุขตลก
เรื่อง ทนรำคาญบ่ไหว
ยังมีสองผัวเมียอาศัยอยู่ในหมู่บ้านแห่งหนึ่ง ทั้งสองอยู่กันอย่างมีความสุข จนมีลูกเต้านำกันถึง 3คน อยู่มาอีกปีหนึ่ง ฝ่ายเมียได้ออกลูกคนที่ 4 ต้องอยู่ไฟตามประเพณีพื้นบ้าน 15 มื้อ เพราะว่ามีความเชื่อว่า ถ้าอยู่ไฟนานๆมดลูกสิแห้งบ่มีลูกอีก จังซั่นฝ่ายผู้ยิงกะเลยยอมอดทน แต่ฝ่ายผู้เป็นผัวเผิ่นกะอัดอัดหลาย เพราะอยากนอนกับเมีย เฮ็ดให้อารมณ์บ่ดี หงุดหงิด โกรธง่าย เป็นที่ผิดสังเกตุของลูกกับเมีย
มื้หนึ่งขณะที่ผัวอารมณ์บ่ดี เมียคึดว่าเพราะเฮ็ดงานนอกบ้านมาเมื่อย เลยคึดสิเอาใจผัว เลยบอกลูกว่า
"นาง มื้อนี่พ่อนางคือสิเมื่อย ไปซื้อเหล้ามาให้พ่อมึงแก้เมื่อยจักขวดไป๊"
ฝ่ายผู้ผัวกะเลยตอบว่า "กูบ่กินกูบ่เม่นนักเลง"
ฝ่ายเมียกะบอกลูกต่อไปอีกวา " นางเอากล้วยในตะกร้าให้พ่อมึงกินไป๊"
ผู้ผัวกะตอบวา " กูบ่กินกูบ่แม่นเด็กน้อย"
ผู้เป็นเมียกะเลยตอบวา "นางไปตักน้ำมาให้แม่จักหาบ แม่สิออกไฟมื้อนี่"
ผู้ผัวกะฟ้าวบอกว่า " นางบ่ต้องไป พ่อสิไปเอง
ฝ่ายเมียจึงเว้าว่า "จังชั้นกูเข้าใจพ่อมึงแล้ว"
เล่าโดย นายคมสัน เยาวพันธ์
จากหนังสือ คติชาวบ้านอีสาน ของจารุวรรณ ธรรมวัตร |
|
|
| |
|
|
|
|
| |
13 ธ.ค. 2551 เวลา 11:17:34 |
|
|
|
