ผญา คติสอนใจประจำวันที่ 1 พฤษภาคม 2568:: อ่านผญา 
ชาติที่ตัณหานี้พาโตตกต่ำมีดาย ลางเทื่อดับชาติซ้ำวายย้าวคอบญิงแท้ดาย แปลว่า บางทีตัณหา ก็พาให้คนตกต่ำ บางคนถึงกับสิ้นชีวิตเพราะผู้หญิงก็มี หมายถึง ไม่พึงตกอยู่ภายใต้อำนาจตัณหาราคะจัด พึงพยายามบรรเทาราคะตัณหาให้เบาบางลง


  ค้นหาสาธุการ กระดานสนทนาชมรมอีสานจุฬาฯ  

หน้า: 1  
  โพสต์โดย   20) ฟังนิทานก้อม หย่ำไนบักขามคั่ว  
  เซียงน้อยหนองข้อง    คห.ที่117) ไหว้พระตอนเดิก      [ไปที่ความเห็นนี้ ในกระทู้นี้]  
  ยอดปรมาจารย์

ภูมิลำเนา : ขอนแก่น
เข้าร่วม : 11 เม.ย. 2551
รวมโพสต์ : 731
ให้สาธุการ : 795
รับสาธุการ : 3504320
รวม: 3505115 สาธุการ
 
     พ่อใหญ่คมชาย  ลาวเป็นคนธรรมะธัมโม ลาวบวชเรียน จนสอบได้เปรียญสาม เขาเลยเอิ้นลาวว่ามหาคมชาย  ลาวสอบ พ.ม. ได้  ลาวเลยลาสิกขาออกมาสอบเป็นครู  ครูกะแม่นครูบ้านนอกซ่ำแหม อยู่มาหลายปี  ลาวแต่งงานจนได้ลูกซายคนหนึ่ง  ลูกลาวกำกังดื้อ กำลังมักส่อ มักถาม มื้อหนึ่งพ่อใหญ่คมชายลาวอยากนอนกับเมียลาว ลาวคอยให้ลูกนอนหลับปานได๋ ลูกลาวกะบ่หลับจักเทื่อ... จนว่าฮอดตีสาม  ลาวเห็นว่าลูกซายลาวเงียบแล้ว  ลาวเลยค่อยๆ  มานอนกับเมียลาว...ขณะที่เลาวกำลับปฏิบัติการอยู่นั่น  ลูกซายลาวผัดตื่นขึ้นมาเห็นพอดี  ด้วยความเป็นคนมักส่อ  มักถาม  ลูกซายลาวเลยถามแม่ว่า  อีแม่  อีแม่  อีพ่อลาวเฮ็ดหยังอยู่เทิงเจ้า..  เมียครูคมชายตกใจอย่างแฮง  ลาวเลยตอบลูกซายลาวว่า  "พ่อมึงกำลังไหว้พระ" ครูคมชายเป็นคนหัวไว เทิงอยากอายลูก  กะพ่องนั่น  ลาวเลยเว้าขึ้นว่า " อะ ระ หัง สัมมา  สัมพุทโธ ภะ คะวา  พุทธัง ภะ คะ วัน ตัง อะ ภิ วา เท มิ " กราบ  

                                       ได้ดีหย่อนเคยทำวัตรเช้าตั๋วเนียะ
                                              เซียงน้อย หนองข้อง

 
 
สาธุการบทความนี้ : 1006 ครั้ง
จากสมาชิก : 1 ครั้ง
จากขาจร : 1005 ครั้ง
  
 
  28 เม.ย. 2551 เวลา 13:09:37  
   ขึ้นบน ลงล่าง  
 
         

  โพสต์โดย   20) ฟังนิทานก้อม หย่ำไนบักขามคั่ว  
  เซียงน้อยหนองข้อง    คห.ที่226) ประโยชน์ของนม      [ไปที่ความเห็นนี้ ในกระทู้นี้]  
  ยอดปรมาจารย์

ภูมิลำเนา : ขอนแก่น
เข้าร่วม : 11 เม.ย. 2551
รวมโพสต์ : 731
ให้สาธุการ : 795
รับสาธุการ : 3504320
รวม: 3505115 สาธุการ
 
นม  บ่หาต่ากิน บายซื่อๆกะมีแฮง

สอย สอยนกกดปูดกินนมนกกดปูด กินนมบูดเจ็บท้องหยั่งคืน นี่กะสอย
เซียงน้อย หนองข้อง
  
  
                                            

 
 
สาธุการบทความนี้ : 565 ครั้ง
จากสมาชิก : 0 ครั้ง
จากขาจร : 565 ครั้ง
  
 
  10 ส.ค. 2551 เวลา 06:42:24  
   ขึ้นบน ลงล่าง  
 
         

  โพสต์โดย   20) ฟังนิทานก้อม หย่ำไนบักขามคั่ว  
  เซียงน้อยหนองข้อง    คห.ที่269) เอาของไปฝาก      [ไปที่ความเห็นนี้ ในกระทู้นี้]  
  ยอดปรมาจารย์

ภูมิลำเนา : ขอนแก่น
เข้าร่วม : 11 เม.ย. 2551
รวมโพสต์ : 731
ให้สาธุการ : 795
รับสาธุการ : 3504320
รวม: 3505115 สาธุการ
 
แบบนี่  ต้องไปซื้อ กระดาษ พันกอกยา ไปฝากพ่อผู้สาว จัก สิบโหล เน๊าะ บ่ให้เลาลงมาสีกใบตองยาก

 
 
สาธุการบทความนี้ : 522 ครั้ง
จากสมาชิก : 0 ครั้ง
จากขาจร : 522 ครั้ง
  
 
  05 มิ.ย. 2552 เวลา 20:16:18  
   ขึ้นบน ลงล่าง  
 
         

  โพสต์โดย   20) ฟังนิทานก้อม หย่ำไนบักขามคั่ว  
  เซียงน้อยหนองข้อง    คห.ที่258) ตายหย่อนฟ้าผ่า      [ไปที่ความเห็นนี้ ในกระทู้นี้]  
  ยอดปรมาจารย์

ภูมิลำเนา : ขอนแก่น
เข้าร่วม : 11 เม.ย. 2551
รวมโพสต์ : 731
ให้สาธุการ : 795
รับสาธุการ : 3504320
รวม: 3505115 สาธุการ
 
     กำนันแสงเลาเป็นคนกว้างขวาง ชอบซ่อยเหลือสังคมอยู่เป็นประจำบ่เคยขาด
      มื้อหนึ่งทางลูกบ้านมีปัญหาเรื่องการพัฒนาหมู่บ้าน ชาวบ้านเลยมาหากำนันแสงอยู่ที่บ้าน  ลูกบ้านมารอ กำนันแสงล้ายหลาย รออยู่ตั้งแต้เช้าจนว่าสวยกะบ่เห็นกำนันแสงมา พ่อดีไกล้สิเที่ยง กำนันแสงเลยกลับมาฮอดบ้านพอดี  พ่อใหญ่บุญมา เลยถามกำนันแสงขึ้นว่า พ่อกำนันไปไสมาน้อลูกบ้านมาถ่าโดนแล้วกะบ่เห็นกำนันมาจักเทื่อ....กำนันแสงเลยตอบออกไปว่า" ผมไปงานศพพ่อใหญ่ดีมา บ้านพ่อใหญ่ดี อยู่ห่างจากหมู่บ้านเฮา 5 กิโลเมตร  แต่ชาวบ้านในระแวกนั้นกะฮู้จักพ่อใหญ่ดี เป็นอย่างดี   ปกติพ่อใหญ่ดีเลากะเป็นคนแข็งแร็ง  ทุกคนงงว่าพ่อใหญ่ดีเลาเป็นหยังจั่งตาย  พ่อใหญ่บุญมาถามกำนันย้ำไปอีกว่า  พ่อใหญ่ดีเลาเป็นหยังจั่งตายอาทิตย์แล้วคือเห็นเลาดีๆอยู่,,,,กำนันแสงเลยตอบไปว่า  พ่อใหญ่ดีเลาตายเพราะว่าเลาถืกฟ้าฝ่า ทุกคนแห่งงงหลาย  ฟ้าสิผ่าพ่อใหญ่ดีได้จั่งได๋ เพราะว่าปกติพ่อใหญ่ดี เลาบ่เคยออกกลางแจ้งยามฟ้าฝนตกฝนลงจักเทื่อ...
     กำนันแสงเลยเล่าให้ลูกบ้านที่มารอประชุมฟังว่า "ขณะฝนตกพ่อใหญ่ดีเลากะอยู่ในเถียงนานี่หละ เลาบ่ได้ออกไปกลางแจ้งดอก....มีคนเว้ากันว่า  "ที่ฟ้าผ่าเลากะหย่อนว่า พ่อใหญ่ดี เลามักเอาเมียยามมื้อเวน ฟ้าเลยผ่าเลาซั่นดอก แม่ใหญ่สีที่มารอประชุมได้ฟังกำนันแสงเว้าจั่งสั้น แม่ใหญ่สีเลาตกใจสุดขีด เลาเลยหลงเว้าออกมาว่า"ห้วยๆค่อยสิฟ้าวไปบอกเฒ่าอยู่เฮียนก่อน ยามฝนตกฝนลงสิบ่ให้เลาออกไปนา กำนันแสงเลยถามแม่ใหญ่สีว่า เป็นหยังหละแม่ใหญ่สี คือสิบ่ให้ผัวเจ้าออกไปนายามฝนตกฝนลงจั่งสั้น ...แม่ใหญ่สีตอบออกไปด้วยความหมั่นใจว่า โอ้ย "ข่อยย่านฟ้าผ่าเลา" ซั่นดอก พ่อกำนัน     

 
 
สาธุการบทความนี้ : 505 ครั้ง
จากสมาชิก : 2 ครั้ง
จากขาจร : 503 ครั้ง
  
 
  09 เม.ย. 2552 เวลา 21:25:56  
   ขึ้นบน ลงล่าง  
 
         

  โพสต์โดย   20) ฟังนิทานก้อม หย่ำไนบักขามคั่ว  
  เซียงน้อยหนองข้อง    คห.ที่124) ใครเห็นนมครูบ้าง      [ไปที่ความเห็นนี้ ในกระทู้นี้]  
  ยอดปรมาจารย์

ภูมิลำเนา : ขอนแก่น
เข้าร่วม : 11 เม.ย. 2551
รวมโพสต์ : 731
ให้สาธุการ : 795
รับสาธุการ : 3504320
รวม: 3505115 สาธุการ
 
       คุณครูนภา  ภูมิลำเนาเดิมลาวอยู่ทางจังหวัดขอนแก่นพุ่นหละ ลาวเรียนจบครูแล้ว ลาวเลยสอบบรรจุครูได้ที่โรงเรียนแห่งหนึ่ง อยู่อำเภอด่านซ้าย จังหวัดเลยกะยังหวะ ลาวบรรจุครูมาได้แล้ว 5 ปี ลาวกะได้แต่งงาน อยู่ต่อมา ลาวกะได้ลูกผู้หนึ่ง ด้วยความที่ลาว ไปบรรจุครูอยู่ไกลบ้านเกิดเจ้าของ ปู่ย่าตายายกะบ่อยู่นำ สามีลาวกะทำงานกันอยู่คนละหม่องว่าสั่นเถาะ
      เวลาลาวไปสอนนักเรียน ลาวกะเลยเอาอู่ลูกไปแขวนไว้หลังห้องเรียน ลาวบ่กล้าจ้างคนเลี้ยงลูกให้ลาว เพราะว่าลาวย่านเขาเบิ่งลูกให้ลาวบ่ดีสั่นดอก  
     คุณครูนภา  ลาวเป็นครูประจำชั้น ป.4  ลาวสอนไปนำเลี้ยงลูกไปพร้อม อุปกรณ์การเลี้ยงลูกลาวมีพร้อมเบิดสู่แนว บ่ว่าสิเป็น อู่ ผ้าอ้อม ขวดนม  นมผง กระติกน้ำฮ้อน และอุปกรณ์อื่นๆอีกมากมาย
     มื้อหนึ่ง..คุณครูนภา  ลาวสอนนักเรียนแล้ว ลาวกะสิมาซงนมให้ลูกลาว แต่บังเอิญ ลาวหากระป๋องนมลูกลาวบ่เห็น ลาวกะส่องหาหม่องฮั่นหม่องหนี่กะบ่เห็น ลาวเลยถามเด็กน้อยนักเรียนห้องลาวว่า นี่..นักเรียน  ใครเห็นนมครูบ้าง  นักเรียนในห้องลาว สิบกว่าคนกะบ่มีไผกล้าตอบ ลูกลาวกะแฮ่งไห้ คือสิแม่นอยากกินนม  คุณครูนภาแฮ่งใจฮ้าย ลาวเลยถามนักเรียน เสียงดังๆขึ้นว่า  นี่..นักเรียน ใครเห็นนมครูบ้าง..กะบ่มีไผกล้าตอบอีก
      บาดนี้ลาวคือสิสูน ลาวเลยถามนักเรียนแฮงกว่าเก่าว่า..นี่ นักเรียน ใครเห็นนมครูบ้าง...พอดีเด็กชายปรีดา  ย่านคุณครูฮ้ายให้หมู่ในห้อง เด็กชายปรีดา กะเลยยกมือขึ้นตอบคุณครูนภาว่า..ผมเห็นนมคุณครูครับ..
     คุณครูนภาคึดว่าแม่นเด็กชายปรีดาเห็นกระป๋องนมลูกลาว ลาวเลยถามย้อนไปว่า เธอเห็นนมครูตอนไหน..เด็กชายปรีดาเลยตอบคุณครูนภาด้วยความหมั่นใจว่า ผมเห็นนมคุณครูสู่มื้อหละครับ มือนี่ผมกะเห็นนมคุณครู ตอนคุณครูก้มลงหยิบเอาผ้าอ้อมลูกคุณครูหละครับ  

              ระวังแน่เด้อคุณครูกะดาย ถามคำถามนักเรียนอย่ากำกวมหลายเด็กน้อยกะสิเข้าใจผิดเด้
                                             เซียงน้อย หนองข้อง

 
 
สาธุการบทความนี้ : 500 ครั้ง
จากสมาชิก : 2 ครั้ง
จากขาจร : 498 ครั้ง
  
 
  29 เม.ย. 2551 เวลา 17:13:20  
   ขึ้นบน ลงล่าง  
 
         

  โพสต์โดย   20) ฟังนิทานก้อม หย่ำไนบักขามคั่ว  
  เซียงน้อยหนองข้อง    คห.ที่220) ระวังนมแน่เด้อ      [ไปที่ความเห็นนี้ ในกระทู้นี้]  
  ยอดปรมาจารย์

ภูมิลำเนา : ขอนแก่น
เข้าร่วม : 11 เม.ย. 2551
รวมโพสต์ : 731
ให้สาธุการ : 795
รับสาธุการ : 3504320
รวม: 3505115 สาธุการ
 
ระวังนมสิเข้าหว่างแข่วแน่เด้อ บ่าวเฮิม กะดาย  คันนม บ่าวเฮิม เบิดอายุแล้ว อย่ากินเด้อ  มันสิท้องเสีย เด้  หาเอานมใหม่ๆมากิน  มันจั่งแซบ  แต่บ่ปลอดภัย

                       คึดฮอดและเป็นห่วงเด้อบ่าวเฮิม
                            เซียงน้อย หนองข้อง

 
 
สาธุการบทความนี้ : 495 ครั้ง
จากสมาชิก : 1 ครั้ง
จากขาจร : 494 ครั้ง
  
 
  05 ส.ค. 2551 เวลา 13:08:13  
   ขึ้นบน ลงล่าง  
 
         

  โพสต์โดย   20) ฟังนิทานก้อม หย่ำไนบักขามคั่ว  
  เซียงน้อยหนองข้อง    คห.ที่138) แครอท แคหลอด      [ไปที่ความเห็นนี้ ในกระทู้นี้]  
  ยอดปรมาจารย์

ภูมิลำเนา : ขอนแก่น
เข้าร่วม : 11 เม.ย. 2551
รวมโพสต์ : 731
ให้สาธุการ : 795
รับสาธุการ : 3504320
รวม: 3505115 สาธุการ
 
คุณจินตนา  ลาวเป็นคนเฉลียวฉลาด  ลาวจั่งได้ทำหน้าที่ อสม. ประจำหมู่บ้าน

คุณจินตนา มักสิได้เป็นโตแทนของหมู่บ้าน ไปเข้าอบรมต่างๆ กับทางโรงพยาบาลประจำอำเภอ  หลังจากเข้าอบรมแล้ว คุณจินตนา  กะสิฟ้าว มาทำการขยายผลต่อ ให้คนในหมู่บ้านของลาว เพื่อให้ชาวบ้านมีสุขภาพดี ตามเจตตนารมณ์ของกระทรวงสาธารณสุข
      มีอยู่ครั้งหนึ่งคุณจินตนา ลาวได้เป็นตัวแทนของหมู่บ้าน ให้ไปเข้าอบรม เรื่อง ประโยชน์ของแครอท จากทางโรงพยาบาล เมื่อลาวอบรมจนมีความรู้แล้ว ลาวเลยมาทำการขยายผลให้กับไทบ้าน ตามหน้าที่ อสม.
     ในการขยายผลครั้งนี้ คุณจินตนา ลาวกะเชิญชาวบ้านมาเข้าอบรมมากมาย เพราะชาวบ้านกะศัทธาในโตของคุณจินตนาเป็นทุนเดิมอยู่แล้ว
        เมื่อทุกคนมาพร้อมแล้ว  คุณจินตนากะเลยอธิบายถึงเรื่องประโยชน์ของแครอททันที โดยบ่ต้องกล่าวเปิดการอบรมหยาก  คุณจินตนาลาวอธิบายว่า" แครอท เป็นพืชที่มีแคโรทีนสูง ซึ่งสารแอนตี้ ออกซิแดนต์มะเร็ง และมีวิตามินสูง โดยเฉพาะวิตามิน เอ(A) ซ่อยบำรุงสายตา ฯลฯ  แครอทจั่งเป็นพืชหลักของผู้ดูแลสุขภาพ เทิงคั้นสด  เทิงใช้ปรุงอาหาร แครอท สามารถปรับสมดุลร่างกาย  เพราะในพวกแครอท สิมีความเป็นหยางมากกว่า และเฮาสามารถ  ใช้แครอทให้ความหวาน  แทนน้ำตาลได้" คุณจินตนา เว้าให้ไทบ้านฟัง  ตามหลักวิชาการ         ผู้เข้าอบรมกะเข้าใจแน่ บ่เข้าใจแน่ เป็นธรรมดา  
      แม่ป้ามัย  ลาวกะเป็นผู้หนึ่งที่บ่ฮู้จัก แครอท ลาวกะเลยถามคุณจินตนาขึ้น ว่า  คุณจินตนา  คุณจินตนา  แครอทมันเป็นจั่งได๋  คุณจินตนายังบ่ทันได้ตอบ  แต่มีแม่ป้าอ่อน ผู้ลาวนั่งฟังอย่างตั้งใจตั้งแต่ต้น  ลาวว่าลาวเข้าใจดี  ลาวเลยตอบแทนคุณจินตนา ว่า
       แม่ป้ามัย  เจ้าคือมาขี้ล่ายแท้  เจ้าบ่ฮู้จักอีหลีตี้  ข่อยสิพาไปเบิ่ง
อยู่หน้าบ้านข่อย ห้อยหยามหย่างอยู่  ปะสา  แคหลอด  ซื่อๆ  มาข่อยสิพาไปเบิ่ง         
                          



                                          การสอนที่บ่มีสื่อ  อาจทำให้คนเข้าใจผิดได้เด้อ
                                                          เซียงน้อย หนองข้อง

 
 
สาธุการบทความนี้ : 491 ครั้ง
จากสมาชิก : 2 ครั้ง
จากขาจร : 489 ครั้ง
  
 
  03 พ.ค. 2551 เวลา 15:55:16  
   ขึ้นบน ลงล่าง  
 
         

  โพสต์โดย   20) ฟังนิทานก้อม หย่ำไนบักขามคั่ว  
  เซียงน้อยหนองข้อง    คห.ที่158) อยากฟัง      [ไปที่ความเห็นนี้ ในกระทู้นี้]  
  ยอดปรมาจารย์

ภูมิลำเนา : ขอนแก่น
เข้าร่วม : 11 เม.ย. 2551
รวมโพสต์ : 731
ให้สาธุการ : 795
รับสาธุการ : 3504320
รวม: 3505115 สาธุการ
 
      อยากฟังนิทานเอื้อยคำนางน้อย กับนิทานบ่าวบั้งไฟ  หลานซายเปาบุ้นจิ้น ครับ เว้าให้สมาชิก ฟังแน่
เว้าเรื่อง  "แข่ว" ( )  กะได้ ครับ  รอฟังอยู่เด้อ

                           เว้าเรื่อง"แข่ว"( )  ฟังแล้วอายุหยืนตั้ว
                                          เซียงน้อย หนองข้อง

 
 
สาธุการบทความนี้ : 476 ครั้ง
จากสมาชิก : 1 ครั้ง
จากขาจร : 475 ครั้ง
  
 
  25 พ.ค. 2551 เวลา 07:30:45  
   ขึ้นบน ลงล่าง  
 
         

  โพสต์โดย   20) ฟังนิทานก้อม หย่ำไนบักขามคั่ว  
  เซียงน้อยหนองข้อง    คห.ที่140) แคหลอด      [ไปที่ความเห็นนี้ ในกระทู้นี้]  
  ยอดปรมาจารย์

ภูมิลำเนา : ขอนแก่น
เข้าร่วม : 11 เม.ย. 2551
รวมโพสต์ : 731
ให้สาธุการ : 795
รับสาธุการ : 3504320
รวม: 3505115 สาธุการ
 
แคหลอด  คือหมากแคหน่วยบ่ใหญ่  หมากแคบ่สมบูรณ์ หน่วยน้อยๆ หลอดๆ ลีบๆ  จั่งเอิ้นว่า  แคหลอด

                                    หมากแคหลอด หมากแคบ่สมบูรณ์
                                          เซียงน้อย หนองข้อง

 
 
สาธุการบทความนี้ : 473 ครั้ง
จากสมาชิก : 1 ครั้ง
จากขาจร : 472 ครั้ง
  
 
  03 พ.ค. 2551 เวลา 19:33:52  
   ขึ้นบน ลงล่าง  
 
         

  โพสต์โดย   20) ฟังนิทานก้อม หย่ำไนบักขามคั่ว  
  เซียงน้อยหนองข้อง    คห.ที่129) สนุกเฮฮา      [ไปที่ความเห็นนี้ ในกระทู้นี้]  
  ยอดปรมาจารย์

ภูมิลำเนา : ขอนแก่น
เข้าร่วม : 11 เม.ย. 2551
รวมโพสต์ : 731
ให้สาธุการ : 795
รับสาธุการ : 3504320
รวม: 3505115 สาธุการ
 
สนุกเฮฮา ตามประสาคนอารมณ์ดีครับ อ้ายมังกร  อ้ายเฮิม

                         อารมณ์ดีมื้อละนิด จิตแจ่มใส  อายุหยืน ครับ
                                       เซียงน้อย หนองข้อง

 
 
สาธุการบทความนี้ : 469 ครั้ง
จากสมาชิก : 0 ครั้ง
จากขาจร : 469 ครั้ง
  
 
  30 เม.ย. 2551 เวลา 08:37:21  
   ขึ้นบน ลงล่าง  
 
         

  โพสต์โดย   20) ฟังนิทานก้อม หย่ำไนบักขามคั่ว  
  เซียงน้อยหนองข้อง    คห.ที่142) อสม. อศม.      [ไปที่ความเห็นนี้ ในกระทู้นี้]  
  ยอดปรมาจารย์

ภูมิลำเนา : ขอนแก่น
เข้าร่วม : 11 เม.ย. 2551
รวมโพสต์ : 731
ให้สาธุการ : 795
รับสาธุการ : 3504320
รวม: 3505115 สาธุการ
 
     พ่อลุงนัย ปกติลาวเป็นข้าราชการแต่ว่าลาวคือสิเหมื่อยหลาย หรือว่าลาวไปเจออีหยังกะบ่ฮู้ ลาวขอเกษียณโตเอง(ลาออก) อายุลาวกะบ่ทันฮอด 60 ปี ดอกครับ  หลังจากที่ลาว early แล้ว ลาวกะอยู่บ้านซื่อๆ บางเทื่อลาวกะไปซ่อยเหลือสังคมแน่ ตามแต่ลาวสะดวก เพราะลาวเป็นคนอารมณ์ดี มักเฮ็ดเวียกเฮ็ดงาน แต่ว่าลาวเอาใจเจ้านายบ่เป็น ว่าสวั่นเถาะ
    มื้อหนึ่ง  ทางเจ้าหน้าที่ปกครอง (อบต.)  ออกมาสำรวจความเป็นอยู่ของประชากรเพื่อเสนอขอความช่วยเหลือ จากหน่วยเหนือพุ่นหละ เพราะ องค์กรส่วนท้องถิ่นเพิ่นมีโครงการ จปฐ. สั่นตี้เนาะ...พอเจ้าหน้าที่ปกครองออกมาสำรวจความเป็นอยู่ของประชากรแล้ว เพิ่นกระมีแบบฟอร์มมาให้กรอกข้อมูลพื้นฐานของประชากร พร้อมอย่างดี
     พ่อลุงนัย  ลาวกะเป็นผู้หนึ่งที่ได้รับแบบฟอร์ม สำรวจความเป็นอยู่ของประชากรนำหมู่
ด้วยที่ลาวเป็นข้าราชการเก่าลาวกะกรอกแบบฟอร์มอย่างรวดเร็วเอาไปส่งเจ้าหน้าที่ก่อนหมู่
     พอเจ้าหน้าที่ได้รับแบบฟอร์มของพ่อลุงนัยแล้ว กะอยู่ไปอ่าน เพื่อสิได้ฮู้ข้อมูลพื้นฐานของประชากร พออ่านจบแล้ว เจ้าหน้าที่กะเลยเอิ้นพอลุงนัย ไปแก้ข้อความที่เจ้าหน้าที่คึดว่าพ่อลุงนัยกรอกผิด
          พ่อลุงนัย  พ่อลุงนัย มาแก้ข้อความของเจ้าใหม่แน่ เจ้ากรอกผิด พ่อลุงนัยลาวกะฟ้าวไปเอาแบบฟอร์มลาวมาอ่าน ลาวอ่านแล้ว บ่ได้แก้หยัง ลาวกะเอาไปส่ง เจ้าหน้าที่ กะเอาแบบฟอร์มไปทบทวนกะเห็นว่าลาวเขียนผิดอีก กะเอิ้นลาวไปเอามาแก้ใหม่ ลาวอ่านแล้ว ลาวกะงง เพราะว่า ลาวกรอกถืกต้องเบิดแล้ว ลาวเลยถามเจ้าหน้าที่ว่า  ผมกรอกผิดหม่องได๋ครับ เจ้าหน้าที่กะเลยบอกลาวว่า  ฮั่นเด้...พ่อลุงกรอกหม่องอาชีพผิด  อาชีพพ่อลุงเป็น  อสม. แม่นบ่ ..พ่อลุงเป็นหยัง ไปกรอกเป็น อศม.  แก้ใหม่ซะ เพิ่นสิฟ้าวเอาไปส่งให้ เพิ่นสิได้มาซ่อยเหลือ      
พ่อลุงนัยลาวกะยืนยันว่า ผมกรอกถืกแล้วครับ   เจ้าหน้าที่เพิ่นกะเลยบอกว่า คันพ่อลุงยืนยันว่าพ่อลุงกรอกถืกแล้ว  พ่อลุง ลองแปลให้หมู่ตูข่อยฟังเบิ่งดู้ว่า อศม. มันย่อมาจากหยัง...พ่อลุงนัยลาวตอบเจ้าหน้าที่ด้วยความหมั่นใจว่า... อศม. ย่อมาจา "อาศัยเมีย" ครับ
      


                                  อักษรย่อมีมากมาย อย่าสุฟ้าวไปแปลของกันผิด แหม..
                                                    เซียงน้อย หนองข้อง

 
 
สาธุการบทความนี้ : 464 ครั้ง
จากสมาชิก : 1 ครั้ง
จากขาจร : 463 ครั้ง
  
 
  04 พ.ค. 2551 เวลา 09:21:51  
   ขึ้นบน ลงล่าง  
 
         

  โพสต์โดย   20) ฟังนิทานก้อม หย่ำไนบักขามคั่ว  
  เซียงน้อยหนองข้อง    คห.ที่216) สิเอาหยังไว้      [ไปที่ความเห็นนี้ ในกระทู้นี้]  
  ยอดปรมาจารย์

ภูมิลำเนา : ขอนแก่น
เข้าร่วม : 11 เม.ย. 2551
รวมโพสต์ : 731
ให้สาธุการ : 795
รับสาธุการ : 3504320
รวม: 3505115 สาธุการ
 
????? พ่อใหญ่จ่อย ขณะนี่ลาวอายุได้? 71 ปีแล้วครับ ภรรยาสุดที่รักของลาวกะคือ แม่ใหญ่เตือนเต็ม สองเฒ่าครองรักกันมากะได้? 49? แล้ว แต่ความฮักของ เฒ่าเทิงสองกะยังเต็มเปรี่ยมคือเก่า? แต่ด้วย กฎของ ไตรลักษณ์ อนิจจัง? ทุกขัง? อนัตตา บ่อมีหยังสิยั้งยืนได้...อยู่ต่อมา แข่ว(ฟัน) ของพ่อใหญ่จ่อย กะหลุดไป 1 ซี่? (อยู่ตรงฟันกัดพอดีซ่ำแหม) ถึงแข่วลาวสิหลุดไปแต่บทรักของพ่อใหญ่จ่อยกะบ่หลุดไปนำดอกคะรับ?????? มื้อหนึ่งพ่อใหญ่จ่อยกับแม่ใหญ่เดือนเต็ม เทิงสองกะหนุงหนิงกันตามประสาผู้เฒ่า หนุงหนิงกันอยู่โดนเติบ พ่อใหญ่จ่อยกะหน้าเสียขึ้นมาทันที กะหย่อนว่า หัวนมเมียมาเข้าหว่างแข่วหว่องลาวพอดี ดิ้นจ่องได๋กะบ่ออก สองเฒ่าเบิดปัญญา กะเลยให้เมียลาวโทรตามคุณหมอมาซ่อย (หมอกะแม่นหมอคนอีสานซ้ำแหม)?????? พอคุณหมอมาฮอด คุณหมอกะตรวจอาการทันที ซอมอยู่โดนเติม คุณหมอกะเลยเว้าออกมาว่า " หมอซ่อยตากับยายบ่ได้ดอก มีทางเดียวคือ ตากับยายต้องเลือกแล้วหละ"ตากับยายเว้าพร้อมกันว่า เลือกหยังหละครับ คะ??????? หมอเลยเว้าขึ้นว่า? ถ้าสิเอาแข่วไว้กะต้องตัดหัวนม ถ้าสิเอาหัวนมไว้กะต้องถอนแข่ว คุณหมอกะเลยปล่อยให้สองเฒ่าปรึกษากัน..พ่อใหญ่จ่อยลาวกะหวงแข่ว แม่ใหญ่เดือนเต็มลาวกะหวงหัวนม เฒ่าเทิงสองตกลงกันบ่ได้ กะเลเถียงกัน ทั้งๆที่หัวนมคาหว่างแข่วอยู่ ...แม่ใหญ่เดือนเต็มสูนหลาย ลาวกะเลยถีบพ่อใหญ่จ่อยโดยบ่ฮู้โตหย่อนลาวสูน? ??????? พ่อใหญ่จ่อยหลังจากถืกถีบลาวกะกระเด็นไกลเติบ หัวนมกะหลุดออกจากหว่างแข่วสองเฒ่าคึดได้ ฟ้าวแล่นเข้ามากอดกัดด้วยความดีใจ พ่อใหญ่จ่อยเลยเว้าขึ้นว่า"เฒ่าเอ้ย คัน ข่อยฮู้จักว่าเจ้ามีวิธี เอาหัวนมออกจากหว่างแข่วจั่งซี่  ข่อยบ่ให้เจ้าโทรหาคุณหมอดอก" ???  
                  

 
 
สาธุการบทความนี้ : 459 ครั้ง
จากสมาชิก : 6 ครั้ง
จากขาจร : 453 ครั้ง
  
 
  05 ส.ค. 2551 เวลา 10:04:30  
   ขึ้นบน ลงล่าง  
 
         

  โพสต์โดย   20) ฟังนิทานก้อม หย่ำไนบักขามคั่ว  
  เซียงน้อยหนองข้อง    คห.ที่157) ขอโทษพ่อใหญ่ต๊อก ขอบคุณอ้าย โอปปอติกะ      [ไปที่ความเห็นนี้ ในกระทู้นี้]  
  ยอดปรมาจารย์

ภูมิลำเนา : ขอนแก่น
เข้าร่วม : 11 เม.ย. 2551
รวมโพสต์ : 731
ให้สาธุการ : 795
รับสาธุการ : 3504320
รวม: 3505115 สาธุการ
 
  ขอบคุณหลายๆเด้อ  อ้ายโอปปอติกะ ลืมมาแล้ว  กะเฒ่าหน้า เฒ่าหลัง จั่งซี่หละ  หือแม่นเป็นนำสาวหมอลำซิ่งบุ๊เนี่ยะ เซียงน้อย นี่กะดาย  


                             เฒ่าแล้วสายตากะบ่ดี  ซั่นดอก
                                                เซียงน้อย หนองข้อง

 
 
สาธุการบทความนี้ : 455 ครั้ง
จากสมาชิก : 1 ครั้ง
จากขาจร : 454 ครั้ง
  
 
  25 พ.ค. 2551 เวลา 06:35:19  
   ขึ้นบน ลงล่าง  
 
         

  โพสต์โดย   20) ฟังนิทานก้อม หย่ำไนบักขามคั่ว  
  เซียงน้อยหนองข้อง    คห.ที่240) ควันหลงเข้าพรรษา      [ไปที่ความเห็นนี้ ในกระทู้นี้]  
  ยอดปรมาจารย์

ภูมิลำเนา : ขอนแก่น
เข้าร่วม : 11 เม.ย. 2551
รวมโพสต์ : 731
ให้สาธุการ : 795
รับสาธุการ : 3504320
รวม: 3505115 สาธุการ
 
ช่วงเข้าพรรษาเซียงน้อยบ่ไค่ได้เว้านิทาน มัวแต่ไปวัด ทำบุญเข้าพรรษา ตามวัดต่างๆ หลังจากออกพรรษาแล้ว กะเลยมีเวลามาเว้านิทานจักหน่อยครับ

ช่วงเข้าพรรษา เซียงน้อย ได้มีโอกาสไปทำบุญ หลายวัด ส่วนใหญ่กะสิไปทำบุญนำวัดป่า หลายต่อหลายวัด แต่ว่ามีอยู่วัดหนึ่งที่เซียงน้อยประทับใจหลาย กะคือ วัดป่าเทิงภูเขาสูง ขอสงวนซื่อวัดเน๊าะครับ  
        วัดเทิงภูเขาวัดนี้  กะมีหลวงพ่อแดง กับเณรน้อยรูปหนึ่งอยู่นำกันมาโดน หลวงพ่อแดง เป็นพระปฏิบัติถือศีลเคร่งครัด จนชาวบ้านเกิดศรัทธาหลวงพ่อแดง ยามหลวงพ่อแดงลงมาบิณฑบาตร ชาวบ้านกะใส่บาตรหล้าย หลาย ข้าวกะเหลือฉันทุกมื้อ หลวงพ่อกะให้เณรน้อยตากแห้งไว้ให้ไก่  ไก่หลวงพ่อเลี้ยงไว้หลาย มีเทิง  ไก่ผู้ ไก่แม่  หลายกะด้อกะเดี้ย
         อยู่ต่อมา  กะมีแม่ซีลำดวน เพิ่นเกิดศรัทธาหลวงพ่อแดงที่หลวงพ่อปฏิบัติดีปฏิบัติชอบอย่างเคร่งครัด กะเลยขอมาปรนนิบัติ หลวงพ่อกับเณรน้อย  หลวงพ่อแดงกะอนุญาตให้แม่ซีลำดวน มาปฏิบัติธรรม อยู่วัดนำ....หลายปีผ่านไป ความคุ้นเคยระหว่างหลวงพ่อแดงกับแม่ซีลำดวนกะหลายขึ้น  จนบางมื้อ หลวงพ่อแดงกะเว้าหยอกมีซี เพื่อคลายเคลียด
         สู่มื้อ หลังจากหลวงพ่อกับแม่ซี ฉันจังหันแล้ว  แม่ซีกะเก็บถ้วยจานไปล้างเป็นปกติ  หลวงพ่อแดงกะเอาข้าวแห้งไปหว่านให้ไก่  อยู่ใกล้ๆแม่ซี  หลวงพ่อแดงเอิ้นไก่ว่า  กุ๊ก------กุ๊ก------กุ๊ก---  กุ๊ก----กุ๊ก--กุ๊ก--กุ๊ก ไก่กะแตกมาเทิงโตผู้โตแม่  ฟ้าวแล่นมากินเข้าแห้งนำหลวงพ่อ หลังจากหลวงพ่อซอมเบิ่งไก่แล้ว หลวงพ่อกะเว้าขึ้นว่า  อีดำกะไข่แล้ว  อีหม่นกะไข่แล้ว  อีลายกะไข่แล้ว.....ปานได๋น้อ......อีขาวมันสิไข่.....ว่าแล้วกะสิ่งตาไปหาแม่ซี
          มื้อลุน หลวงพ่อแดงกะเอาข้าวไปหว่านให้ไก่  อยู่ใกล้ๆแม่ซีคือเก่า แล้วหลวงพ่อกะเอิ้นไก่ว่า  กุ๊ก------กุ๊ก------กุ๊ก----กุ๊ก----กุ๊ก---กุ๊ก--กุ๊ก--กุ๊ก  ไก่กะแตกมาเทิงโตผู้โตแม่คือเก่า  หลวงพ่อกะเว้าความเก่าว่า   อีดำกะไข่แล้ว---อีหม่นกะไข่แล้ว---อีลายกะไข่แล้ว---ปานได๋น้อ  อีขาวมันสิไข่  นำหมู่-----ว่าแล้วกะสิ่งตาน้อยไปหาแม่ซี----หลวงพ่อเว้าจั่งซี่มาหลายมื้อ------แม่ซีลาวคือสิรำคาญ ลาวเลยเว้าขึ้นว่า.....หลวงพ่อเจ้าขา อีดำ--อีหม่น--อีลาย--มันกะไข่สั่นหละ.....เพราะว่าบักแจ้มันเก่ง....อีขาวมันกะอยากไข่นำหมู่อยู่..แต่ว่าอีขาวมันคือสิบ่ได้ไข่นำเขาดอกตี้.....กะหย่อนว่าบักเหลียง...มันบ่เป็นตาสีแตกนี่หละ  ...ข้าน้อย....    

 
 
สาธุการบทความนี้ : 451 ครั้ง
จากสมาชิก : 4 ครั้ง
จากขาจร : 447 ครั้ง
  
 
  21 ต.ค. 2551 เวลา 21:19:31  
   ขึ้นบน ลงล่าง  
 
         

  โพสต์โดย   20) ฟังนิทานก้อม หย่ำไนบักขามคั่ว  
  เซียงน้อยหนองข้อง    คห.ที่213) ตายหย่อนนม      [ไปที่ความเห็นนี้ ในกระทู้นี้]  
  ยอดปรมาจารย์

ภูมิลำเนา : ขอนแก่น
เข้าร่วม : 11 เม.ย. 2551
รวมโพสต์ : 731
ให้สาธุการ : 795
รับสาธุการ : 3504320
รวม: 3505115 สาธุการ
 
???? เด็กชายสมหมายเป็นคนโชคดีเกิดมาในครอบครัวที่มีความสุข เด็กชายสมหมายเป็นลูกชายคนเดียวของคุณแม่ปรานี กับคุณพ่อประกอบ? สองแม่ลูกเพิ่นฮักกันหลาย คือสิบ่มีอีหยังมาแยกความรักจากสองแม่ลูกนี่ได้ ขณะนี้เด็กชายสมหมายอายุได้เพียง 8 ปีครับ?
      ????? ต่อมาคุณแม่ปรานีลาวผัดมีลูกชายอีกคนหนึ่งลูกซายคนน้อยลาวอายุได้เพียง 1? ปี ตามปกติแม่กะเห่อลูกคนใหม่เป็นธรรมดาของคนทั่วไป? แต่เด็กชายสมหมายกะอดน้อยใจบ่ได้ที่แม่เอาใจแต่น้องหลายกว่าเจ้าของ? ?
    ???? มื้อหนึ่ง คุณพ่อประกอบคุณแม่ปรานีกะเข้านอนแต่หัวค่ำกับน้องกะเลยหลับไป ปล่อยให้เด็กชายสมหมายนอนอยู่อีกห้องหนึ่งต่างหาก ประมาณ 4 ทุ่ม เด็กชายสมหมายกะเลยหาทางสิฆ่าน้องเจ้าของ(เด็กๆอย่าเอาแบบอย่างเด้อ มันบ่ดี ) กะเลยแอบเอายาฆ่าหญ้าย่องๆมาทาหัวนมแม่ไว้เพื่อให้น้องกิน น้องกะสิตายสมใจเจ้าของ? พอทาหัวนมแม่แล้วเด็กชายสมหมายกะกลับไปนอนอยู่ห้องเจ้าของ รอฟังข่าวว่าน้องต้องตายแน่ๆ
??????? พอตื่นมื้อเช้ามา เด็กชายสมหมาย ได้ยินเสียงแม่ปรานีฮ้องไห้โฮอยู่ กะดีใจหลายคึดว่า น้องต้องตายคักๆ กะเลยฟ้าวแล่นไปเบิ่งน้อง? พอไปฮอดห้องนอนแม่กับพ่อ ผัดเห็นพ่อเจ้าของนอนตายหล่องหง่องอยู่ เด็กชายสมหมายกะตะลึงขึ้นมาทันที กะเลยฮ้องออกไปว่า "อีพ่อ? อีพ่อ? เจ้านอนอยู่ซื่อๆ เจ้าเป็นหยังจั่งตาย"??ฮือ ๆ   (...คุณพ่อประกอบตายหย่อนหยัง ครับ)

                                  

 
 
สาธุการบทความนี้ : 433 ครั้ง
จากสมาชิก : 2 ครั้ง
จากขาจร : 431 ครั้ง
  
 
  03 ส.ค. 2551 เวลา 10:54:09  
   ขึ้นบน ลงล่าง  
 
         

  โพสต์โดย   20) ฟังนิทานก้อม หย่ำไนบักขามคั่ว  
  เซียงน้อยหนองข้อง    คห.ที่119) แม่บ้านบำนาญ      [ไปที่ความเห็นนี้ ในกระทู้นี้]  
  ยอดปรมาจารย์

ภูมิลำเนา : ขอนแก่น
เข้าร่วม : 11 เม.ย. 2551
รวมโพสต์ : 731
ให้สาธุการ : 795
รับสาธุการ : 3504320
รวม: 3505115 สาธุการ
 
          แม่ใหญ่สีลาวเป็นคนผู้งาม ตั้งแต่ลาวเป็นสาวลาวแฮ่งผู้งามหลาย  พอลาวอายุได้ 15  ปี  กะมีผู้บ่าวมามักลาวหลายคน..หยาดกันจีบว่าสั่นเถาะ...ต่างคนต่างกะเอาใจลาว...ลาวแฮ่งดีอกดีใจหลาย ลาวว่ารุ่นเดียวกัน  ลาวสิได้ผัวก่อนหมู่
          พอลาวอายุได้ 17 ปี  ลาวกะได้แต่งงานกับผู้บ่าวรูปหล่อคนหนึ่ง,,ลาวมักหลายผู้บ่าวคนนี่
          30 ปี ต่อมา ลาวกะมีลูก  10  คน  แต่ปานนั้นผัวลาวกะบ่เคยขาดการบ้านจักเทื่อ จนว่าลูกลาวใหญ่เป็นครอบเป็นครัวเบิดเล้ว  
         จนปานนี้ ลาวอายุได้ 78 ปีแล้ว ผัวลาวกะอายุ 80 ปี  แต่ผัวลาวยังเสมอต้นเสมอปลาย ผู้หนุ่มผู้ลางคนฮอดอายลาวกะยังวะ..แต่ทางแม่ใหญ่สี ลาวเบื่อผัวแฮงหลาย หย่อนว่าลาวเอาผัวตั้งแต่น้อย มื้อได๋ลาวกะคอย หลบ เลี่ยง หนี ผัวลาวอยู่เป็นประจำ
            เมื่อหนึ่ง ผัวลาวคึดอยากนอนนำลาว หย่อนว่าเว้นมาหลายมื้อแล้ว  แต่แม่ใหญ่สีลาวฮู้จักนิสัยผัวลาวดี  แม่ใหญ่สีกะบ่เข้าไปนอนจักเทื่อ  จนว่าเดิก ลาวเลยเข้าไปนอน หย่อนลาวอยากหลับหลาย
           พอผัวลาวเห็นลาวเข้าไปนอนกะดีใจ คึดในใจว่า  เสร็จคักๆหละมื้อเนียะ ลาวกะเลยคานมาหาเมียลาว  แม่ใหญ่สี เทิงหด เทิงหี่ อย่างแน่นติ๊ก  แต่ปานนั่นผัวลาวกะยังกุมสิเอาอยู่  เวียนกันอยู่โดนเติบจนแม่ใหญ่สีเมื่อย ลาวเลยตัดสินใจบอกผัวลาวว่า  "ข่อยนอนนำเจ้าบ่ได้ดอกเฒ่านี่" ผัวลาวเลยถามว่า  เป็นหยัง...แม่ใหญ่สีตอบด้วยความหมั่นใจว่า"ข่อยลาออกแล้ว"
            

                                       อย่าให้หลานบาปเด้อแม่ใหญ่
                                             เซียงน้อย หนองข้อง

 
 
สาธุการบทความนี้ : 430 ครั้ง
จากสมาชิก : 2 ครั้ง
จากขาจร : 428 ครั้ง
  
 
  28 เม.ย. 2551 เวลา 18:40:11  
   ขึ้นบน ลงล่าง  
 
         

  โพสต์โดย   20) ฟังนิทานก้อม หย่ำไนบักขามคั่ว  
  เซียงน้อยหนองข้อง    คห.ที่145) หยัวะผู้เฒ่าตีกัน      [ไปที่ความเห็นนี้ ในกระทู้นี้]  
  ยอดปรมาจารย์

ภูมิลำเนา : ขอนแก่น
เข้าร่วม : 11 เม.ย. 2551
รวมโพสต์ : 731
ให้สาธุการ : 795
รับสาธุการ : 3504320
รวม: 3505115 สาธุการ
 
   พ่อใหญ่สี กับ พ่อใหญ่ใส ปกติเพิ่นฮักกันหลาย กะเพราะว่า พ่อใหญ่เทิงสอง เป็นหมู่กันมาตั้งแต่น้อยๆ  เคยร่วมทุกข์ ร่วมสุข  ผ่านฮ้อนผ่านหนาวมานำกัน จนปานนี้  อายุพ่อใหญ่เทิงสองกะ 70  ปีกว่าๆแล้ว  จนผู้เฒ่าเทิงสองมีลูกเต็มบ้าน มีหลานเต็มเมือง..ว่าสั่นเถาะ
    มื้อหนึ่ง.. พ่อใหญ่สี กับ พ่อใหญ่ใส  เพิ่นพากันนั่งผิงไฟเหลาไม้ดอกอยู่ เพราะมันเป็นเวลาเช้าๆอยู่  อากาศกะหนาวเย็น เทิงมีลมหน่อยๆ ซ่ำแหม..พอดีกะมีหลานซายของพ่อใหญ่เทิงสอง เว้าโอ้อวดกันต่างๆนานาอยู่ใกล้ๆ...หลานซายพ่อใหญ่สีเว้าขึ้นว่า..มื้อวานนี่ ควายมึงกับควายกูซนกันสู้ควายกูบ่ได้ เว้าแล้วกะหัวเราะเยาะ..
    ทางหลานซายพ่อใหญ่ใสกะบ่น้อยหน้า  กะเลยเว้าขึ้นว่า..มื้อวานนี่  หมามึงกับหมากูกัดกัน หมามึงกะสู้หมากูบ่ได้ เว้าแล้ว กะหัวเราะเยาะ.. หลานซายเทิงสองเถียงกันไป เถียงกันมาบ่ฮู้จักว่าสิยกเอาแนวได๋มาสู้กันอีก หลานซายพ่อใหญ่สีกะเลยเว้าขึ้นว่า..คันจั่งสั่น พ่อใหญ่มึงกะสู้พ่อใหญ่กูบ่ได้..
     พอได้ยินหลานซายเว้าจั่งสั่น.. พ่อใหญ่สีกะเหลียวเบิ่งหน้าพ่อใหญ่ใส..พ่อใหญ่ใสกะหน้าแดงขึ้นทันที่กะเว้าออกไปว่า..อย่าแม่นมา คันเด็กน้อยเว้ากัน นะ...บ่โดนผู้เฒ่าเทิงสองกะลุกขึ้นสู้กันอย่างอุดตลุด...ท่ามกลางเสียงเชียร์ ของหลานซายเทิงสองฝ่าย
     พอดีเมียพ่อใหญ่เทิงสองคนหย่างมาพ้อเข้ากะเลยเอิ้นถามไปว่า  หมู่เฒ่านี้  หมู่เฒ่านี่ หมู่เจ้าตีกันเฮ็ดหยัง  หมู่เจ้าเป็นบ้าตี้..พ่อใหญ่สี กับ พ่อใหญ่ใส  ได้สติขึ้นมา  บ่ฮู้จักความสิเว้าว่าจั่งได๋  เทิงอยากอายเมีย อยากอายหลาน กะเลยเว้าขึ้นพร้อมกันว่า "เป็นนำเด็กน้อยหมู่นี่หละ  มันหยัวะให้ผู้เฒ่าตีกัน นะ"


                                    สติมาปัญญาเกิด  สติเตลิดจะเกิดปัญหา
                อย่าให้หลานบาปเด้อพ่อใหญ่เทิงสองกะดาย เว้าสู่หมู่เพิ่นฟังซื่อๆดอก
                                               เซียงน้อย หนองข้อง

 
 
สาธุการบทความนี้ : 420 ครั้ง
จากสมาชิก : 1 ครั้ง
จากขาจร : 419 ครั้ง
  
 
  09 พ.ค. 2551 เวลา 08:57:10  
   ขึ้นบน ลงล่าง  
 
         

  โพสต์โดย   20) ฟังนิทานก้อม หย่ำไนบักขามคั่ว  
  เซียงน้อยหนองข้อง    คห.ที่135) ซิกม่า ซิกซ่าง      [ไปที่ความเห็นนี้ ในกระทู้นี้]  
  ยอดปรมาจารย์

ภูมิลำเนา : ขอนแก่น
เข้าร่วม : 11 เม.ย. 2551
รวมโพสต์ : 731
ให้สาธุการ : 795
รับสาธุการ : 3504320
รวม: 3505115 สาธุการ
 
หลังจากที่ไทเฮา  ได้ฟังนิทานก้อมง่ายๆ บาดนี้ กระผมเซียงน้อยสิพาสมาชิกทุกท่าน หันมาฟังนิทานก้อมวิชาการจักหน่อย เด้อครับ คือสิบ่ว่ากันดอกเนาะครับเน๊าะ

    ชาญณรงค์ กับอนงค์นารถ เป็นหมู่กัน เรียนนำกันมาตั้งแต่น้อย  อนงค์นารถเป็นคนเรียนเก่ง โดยเฉพาะภาษาอังกฤษ  แต่ทางชาญณรงค์  กะเรียนพอได้ แต่ภาษาอังกฤษ บ่กระดิกหูเลย   ตอนนี่ทั้งสองกะเรียนอยู่ชั้นมัธยมศึษาปีที่ 6  กำลังเรียนเรื่อง การบริหารองค์กร  ซึ่งท่านอาจารย์ไพโรจน์ เพิ่นกะเป็นคนอีสาน  ท่านอาจารย์เพิ่นกะเก่ง ภาษาอังกฤษ  สอนเรื่องการบริหารองค์กรมานักต่อนักแล้ว  จนมีลูกศิษย์เต็มบ้าน ว่าสั่นเถาะ เพิ่นกะอยากให้ลูกศิษย์เทิงสองเก่งคือเพิ่น เพื่อศักดิ์ศรีของคนอีสาน พุ่นเด้  เพิ่นว่า
      มื้อหนึ่ง ท่านอาจารย์ไพโรจน์ ท่านกะเป็นห่วงลูกศิษย์เทิงสอง เพราะว่าใกล้สิสอบ ENTRANCE กันแล้ว  ท่านอาจารย์กะเลย นัดลูกศิษย์เทิงสอง มาเรียนทบทวน เรื่องการบริหารองค์กร อีกเทื่อหนึ่ง  เพิ่นเป็นคนอีสาน เพิ่นกะสอนเป็นภาษาอีสาน ออกสำเนียงอีสานเฮานี่หละครับ
       อาจารย์  ท่านกะอธิบายว่า ซิกส์  ซิกม่า (Six  Sigma) เป็นเครื่องมือหนึ่งในการบริหารองค์กร ที่มีแนวทางในการปรับปรุงคุณภาพอย่างต่อเนื่อง มี 5 ขั้นตอนด้วยกันคือ
1.  Define=D  กะคือ  การกำหนด...เด้อ  
2.  Measure=M  กะคือ  การวัด/การประเมิน...เด้อ  
3.  Analysis = A  กะคือ   การวิเคราะห์/การตรวจสอบข้อมูล...เด้อ
4.  Improve = I  กะคือ  การหาทางปรับปรุงแก้ไข...เด้อ
5.  Control = C  กะคือ  การควบคุม...เด้อ
       หลังจากทบทวนแล้ว  ท่านอาจารย์ไพโรจน์  ท่านกะเลยถามความเข้าใจและความรู้สึกของลูกศิษย์เทิงสอง ว่าพร้อมแล้วยัง ที่สิเข้าไปสอบ ENTRANCE
       อนงค์นารถ  ลาวเข้าใจดี ลาวเลยตอบว่า บ่ต้องห่วง หนูดอกค่ะ  หนูเข้าใจดีแล้ว
       หลังจากนั้น ท่านอาจารย์กะเลยหันมาถาม ชาญณรงค์ว่า เป็นจั่งได๋ชาญณรงค์ เข้าใจแล้วยัง  ชาญณรงค์ บ่เข้าใจจักโต กะเลยตอบท่านอาจารย์ ด้วยความน้อยใจให้ตนเอง  ว่า
ท่านอาจารย์ครับ กระผมคือสิบ่กล้าไปเรียนปริญญา นำอนงค์นารถดอกครับ...ท่านอาจารย์ไพโรจน์กะเลยถามชาญณรงค์ว่า  เป็นหยังหละลูก
       ชาญณรงค์กะเลยตอบท่านอาจารย์ไพโรจน์ไปว่า  ขนาด ม.  6 มันยังมี ซิกส์ ซิกม่า (ม้า) แล้ว หยากกะด้อกะเดี่ย คันกระผมไปเรียน ปริญญา มันสิบ่มี  ซิกส์  ซิกซ่าง (ช้าง)  พุ้นติครับ  มันแห่งสิบ่หยากกว่านี่ติครับ  


                         ซิกม่า(ม้า) ซิกซ่าง (ช้าง) หากเป็นคำพ้องเสียงดอกเด้อ ครับ
                               นี่เป็นประสบการณ์ตรงเกือบบ่แม่นนิทานพุ้นเด้ ครับ
                                                 เซียงน้อย หนองข้อง

 
 
สาธุการบทความนี้ : 417 ครั้ง
จากสมาชิก : 1 ครั้ง
จากขาจร : 416 ครั้ง
  
 
  03 พ.ค. 2551 เวลา 07:39:49  
   ขึ้นบน ลงล่าง  
 
         

  โพสต์โดย   20) ฟังนิทานก้อม หย่ำไนบักขามคั่ว  
  เซียงน้อยหนองข้อง    คห.ที่122) ขอบคุณ คุณโอปปอติกะ กับ อ้ายผู้บ่าวเฮิม      [ไปที่ความเห็นนี้ ในกระทู้นี้]  
  ยอดปรมาจารย์

ภูมิลำเนา : ขอนแก่น
เข้าร่วม : 11 เม.ย. 2551
รวมโพสต์ : 731
ให้สาธุการ : 795
รับสาธุการ : 3504320
รวม: 3505115 สาธุการ
 
ขอคุณหลายๆครับ คุณโอปปอติกะ และ  อ้ายผู้บ่าวเฮิม   ยินดีน้อมรับในคำชม นี่คือสุดยอดกำลังใจของไทเฮาครับ


                                        ดีใจที่ได้รับกัลยาณมิตครับ
                                           เซียงน้อง หนองข้อง
                                              

 
 
สาธุการบทความนี้ : 412 ครั้ง
จากสมาชิก : 1 ครั้ง
จากขาจร : 411 ครั้ง
  
 
  29 เม.ย. 2551 เวลา 08:41:10  
   ขึ้นบน ลงล่าง  
 
         

  โพสต์โดย   20) ฟังนิทานก้อม หย่ำไนบักขามคั่ว  
  เซียงน้อยหนองข้อง    คห.ที่137) ขอบพระคุณท่านอาจารย์มังกรเดียวดายครับ      [ไปที่ความเห็นนี้ ในกระทู้นี้]  
  ยอดปรมาจารย์

ภูมิลำเนา : ขอนแก่น
เข้าร่วม : 11 เม.ย. 2551
รวมโพสต์ : 731
ให้สาธุการ : 795
รับสาธุการ : 3504320
รวม: 3505115 สาธุการ
 
กระผมขอกราบขอบพระคุณท่านอาจารย์มังกรเดียวดาย มากครับ ที่ร่วมสนุก กระผม เซียงน้อย หนองข้อง กะลองคิด เล่นๆไป ดอกคะรับ


                                        ด้วยความเคารพอย่างสูง
                                          เซียงน้อย หนองข้อง

 
 
สาธุการบทความนี้ : 411 ครั้ง
จากสมาชิก : 1 ครั้ง
จากขาจร : 410 ครั้ง
  
 
  03 พ.ค. 2551 เวลา 08:25:57  
   ขึ้นบน ลงล่าง  
 
         

  โพสต์โดย   20) ฟังนิทานก้อม หย่ำไนบักขามคั่ว  
  เซียงน้อยหนองข้อง    คห.ที่123) หอยสะเม่น      [ไปที่ความเห็นนี้ ในกระทู้นี้]  
  ยอดปรมาจารย์

ภูมิลำเนา : ขอนแก่น
เข้าร่วม : 11 เม.ย. 2551
รวมโพสต์ : 731
ให้สาธุการ : 795
รับสาธุการ : 3504320
รวม: 3505115 สาธุการ
 
แม่ป้าไล ลาวเป็นคนผู้งาม กิริยามารยาทกะดี สมเป็นกุลสตรีประจำหมู่บ้าน..แม่ป้าไล ลาวแต่งงานแล้วมีลูก 4 คน (ลูกลาวกำดื้อกำลังเล่น มักส่งเสียงดังตามปะสาเด็กน้อย)
      ผัวของแม่ป้าไล เป็นทหาร เป็นฮั่วของชาติครับ เจ้านายสิสั่งให้ไปราชการชายแดนอยู่ตลอด  ผัวแม่ป้าไล โดนๆจังสิได้กลับบ้านมายามลูกยามเมีย จักเทื่อหนึ่ง บ่แน่บ่นอน บางเทื่อกะ 2 เดือน บางเทื่อ 3-6 เดือน  บางเทื่อ เป็นปีกะมี แล้วแต่ภาระหน้าที่ของผัวลาว
        แม่ป้ไลลาวคึดฮอดผัวลาวหลาย นอนกะฝันหา นั่งกะคึดฮอด กินกะยังคิดถึง เว้าได้ว่า คึดฮอดทุกลมหายใจว่าสั่นเถาะ
        มื้อหนึ่ง..เกิดเหตุการณ์ประหลาดขึ้นกับโตลาว แต่ลาวกะบ่กล้าบอกไผ ลาวกะเก็บไว้ในใจลาวผู้เดียว บ่กล้าเว้าให้คนฟัง กะหย่อนว่าลาวเป็นกุลสตรีนี่หละครับ  ขณะที่ลาวคึดฮอดผัวลาวและคึดนำเหตุการณ์ประหลาดที่เกิดกับลาวอยู่นั่น ลูกลาวเทิง 4 คน กับหมู่อีก 3 คน คุยกันตามปะสาเด็กน้อย ส่งเสียงดัง จนแม่ป้าไลลาวบ่เป็นสมาธิ ลาวกะคอยให้ลูกลาวเงียบเสียงกะบ่เงียบจักเทื่อ ลาวเลยสูนขึ้น ฮ้องใส่หมู่ลูกไปว่า "สูอย่าเว้ากันแฮงหลาย กูหนวกหู สูฮู้บ่ ว่ามื้อนี่ พ่อสูสิมาบ้าน"  ลูกๆได้ฟังแม่เว้าจั่งสั่นกะพากันงง พร้อมกับคึดอยู่ในใจว่า  อีแม่ลาวฮู้ได้จั่งได๋ โทรศัพท์กะบ่มี จดหมายลาวกะบ่ได้รับ
      ลูกชายผู้ใหญ่ของแม่ป้าไลเลยถามแม่ออกไปว่า อีแม่ อีแม่ เจ้าฮู้ได้จั่งได๋ว่าอีพ่อสิมาบ้าน แม่ป้าไลลาว ดีใจหลายลาวเลยตอบลูกชายออกไปโดยบ่ทันได้คิด บ่ฮู้จั่งได๋ พ่อสูต้องมาบ้านแน่นอนเลย เพราะว่า    "หอยกูสะเม่น "

                                   ฮู้ล่วงหน้าปานฝนสิตกแท้น้อแม่ป้า
                                           เซียงน้อย หนองข้อง    

สะเม่น เป็นภาษาอีสาน ตรงกับคำว่า เขม่น ครับ

 
 
สาธุการบทความนี้ : 407 ครั้ง
จากสมาชิก : 1 ครั้ง
จากขาจร : 406 ครั้ง
  
 
  29 เม.ย. 2551 เวลา 09:45:58  
   ขึ้นบน ลงล่าง  
 
         

  โพสต์โดย   20) ฟังนิทานก้อม หย่ำไนบักขามคั่ว  
  เซียงน้อยหนองข้อง    คห.ที่116) สิเอาหน่ไม้ให้ไปหมก      [ไปที่ความเห็นนี้ ในกระทู้นี้]  
  ยอดปรมาจารย์

ภูมิลำเนา : ขอนแก่น
เข้าร่วม : 11 เม.ย. 2551
รวมโพสต์ : 731
ให้สาธุการ : 795
รับสาธุการ : 3504320
รวม: 3505115 สาธุการ
 
       กราบเรียนศิษย์ผู้พี่ทุกท่านที่เคารพ  กระผมเซียงน้อย หนองข้อง  อ่านนิทานก้อมแล้ว มักหลาย  ให้ขอแจมจักเรื่องแน่เด้อ
      คนเมืองเลยป่าไผ่หลาย เรื่องที่เกิดขึ้นคงหนีบ่พ้น หน่อไม้ดอกครับ

       กาลครั้งหนึ่งโดนมาแล้ว มีสาวสูงวัยคนหนึ่ง สมมุติให้ลาวซื่อ สาวสมปองสาเนาะ ...สาวสมปองเป็นสาวสูงวัย เป็นคนรูปงาม เว้ากะม่วน กิริยามารยาทเรียบร้อย ด้วยความเป็นกูลสตรีของลาว..เลยบ่มีคนกล้าจีบลาว ลาวกะอยู่มาตามปะสาคนสูงวัย..ในใจลาวกะคือสิอยากมีคู่ครองคือกันฺนั่นหละ แค่ลาวกะบ่กล้าเว้า ...หย่อนว่าลาวเป็นกุลสตรี นี่หละ
      มื้อหนึ่ง  ลาวได้กะต่า  มีดพร้าขอ  กับเสียมเข้าไปหาห่อไม้ในป่า  ตามกิจวัตรของลาว  พอไปถึงกอไผ่ลาวกะเลยเห็นห่อไม้หน่อหนึ่งมันอยู่กางกอ  หน่องามๆ อวบซำแหม ลาวกะเลยพยายามขุดเอาหน่อไม้ให้ได้ ลาวเลยถางกอไผ่เป็นฮูพอลาวหม่นเข้าไปได้นี่หละ
      พอลาวถางแหนงไผ่แล้ว ลาวเลยหม่นเข้าไปเอาหน่อไม้  บ่สนใจว่าซิ่นสิฮื้อซ่ำได๋ จนก้นลาวขาวจุ่นพุ้น..ว่าซั่นแหม....พอดีมีบ่าวสมหมาย มาหาค่องกะปอมมาเห็นก้นสาวสมปองเข้า ใจลาวเทิงสั่น  เทิงคึดไปทั่ว ลาวย่างกายไป แต่ใจลาวกะเสียดายอยู่ ลาวเลยย่างกับคืนมาใหม่ เห็นก้นสาวสมปอง..คักซำแหม..ลาวอดบ่อได้ ลาวเลยบอกกับเจ้าของว่า ..ตายเป็นตาย
      บ่าวสมหมายเลยลงมือปฏิบัติการกับสาวสมปอง..จนลุล่วงสมหมายปานซื่อลาวพุ่นหละ..บ่าวสมหมายลาวย่านสาวสมปองออกจากกอไผ่มาเห็นหน้าลาว...ลาวเลยฟ่าวแล่นหนีไปอย่างไว
      สาวสมปองพอได้หน่อไม้แล้ว  ลาวกะค่อยๆถอยออกมาจากกอไผ่ มือซ้ายถือหน่อไม้  มือขวาถือเสียม  ตาลาวเหลียวงวกพุ่น  งวกพี่  บ่เห็นไผจักคน  ลาวเลยเว้าขึ้นว่า...ไปไสล้า  ไวแท้......ว่าสิเอาหน่อไม้ให้ไปหมกอยู่แหม...

                                          ได้ดีหย่อนหน่อไม้ซ่ำเนาะ
                                             เซียงน้อย หนองข้อง

 
 
สาธุการบทความนี้ : 406 ครั้ง
จากสมาชิก : 1 ครั้ง
จากขาจร : 405 ครั้ง
  
 
  28 เม.ย. 2551 เวลา 11:56:02  
   ขึ้นบน ลงล่าง  
 
         

  โพสต์โดย   20) ฟังนิทานก้อม หย่ำไนบักขามคั่ว  
  เซียงน้อยหนองข้อง    คห.ที่132) ย้านรถตู้      [ไปที่ความเห็นนี้ ในกระทู้นี้]  
  ยอดปรมาจารย์

ภูมิลำเนา : ขอนแก่น
เข้าร่วม : 11 เม.ย. 2551
รวมโพสต์ : 731
ให้สาธุการ : 795
รับสาธุการ : 3504320
รวม: 3505115 สาธุการ
 
     คุณครูสมชาย ภูมิลำเนาเดิมลาวเป็นคนอุดรธานี พอลาวเรียนจบครูแล้วลาวเลยสอบบรรจุครูได้อยู่ที่อำเภอด่านซ้าย  โรงเรียนที่ลาวสอน เป็นโรงเรียนขนาดเล็ก อยู่ห่างจากโตอำเภอหลาย เทิงอยู่ไกลหมู่บ้าน โรงเรียนนี่มีนักเรียนอยู่  31 คน  มีครู  3 คน  ท่านผอ.กะบ่ค่อยอยู่ การอบรมกิริยามารยาท ความปลอดภัยของนักเรียนกะตกเป็นหน้าที่ของคุณครูสมชายนี่หละครับ
     กะหย่อนว่าโรงเรียนที่คุณครูสมชายสอนเป็นโรงเรียนกันดาร เปรี่ยว คุณครูสมชายกะเลยอบรมเรื่องความปลอดภัยของนักเรียนสู่มื้อ แต่ละมื้อ แต่ละมื้อลาวกะสิบอกนักเรียนว่า"นี่นักเรียน ถ้าครูไม่อยู่ให้พวกเธอระวังตัวหน่อยนะ ครูได้ข่าวว่า ในช่วงนี้มักจะมีพวกรถตู้มาจับเด็กไปขายอยู่บ่อยๆ ให้พวกเธอระวังตัวด้วยนะ เด็กน้อยกะเชื่อฟังคุณครูสมชายเป็นอย่างดี
      พอดีโรงเรียนนี่มี เด็กชายสมปองเป็นประธานโรงเรียน เป็นคนเฉลียวฉลาด ช่างสังเกต หูไว ตาไว ยามครูบ่อยู่เด็กชายสมปองกะสามารถสั่งการแทนครูได้ ว่าสั่นเถาะ
      มื้อหนึ่ง..ท่านผอ.บ่อยู่  ครูอีกคนหนึ่งกะลา  คุณครูสมชายกะเดินทางไปราชการที่ สำนักงานเขต  ปล่อยให้นักเรียน เล่นอยู่ในโรงเรียนบ่ต้องเรียน  เดี่ยวตอนบ่ายคุณครูสมชายลาวคิดว่าลาวกะสิกลับมาสอน
      ขณะที่เด็กน้อยนักเรียนเล่นอยู่นั่น  ผัดมีรถพวกพ่อค้าขายตู้เสื้อผ้ามาจอดอยู่ข้างๆโรงเรียน  เพิ่นคือสิเมื่อยหลาย เพราะเพิ่นเอาตู้เสื้อผ้าใส่รถบิ๊กอั๊ฟไปหาเลาะขายมาหลายมื้อแล้ว  เลยพากันมาจอดรถนอนอยู่ข้างๆโรงเรียน
      เด็กชายสมปอง..ผู้เป็นประธานโรงเรียน เห็นรถตู้เสื้อผ้า มาจอดอยู่จั่งสั่น  เด็กชายสมปองกะเลยเอิ้นหมู่มารวมกันประชุมแทนครูว่า  นี่พวกเฮาทั้งหลาย มื้อนี่ครูบ่อยู่ เฮาเห็นว่าเพื่อความปลอดภัยของพวกเฮา ให้พวกเฮาฟ้าวกลับบ้านซะ
        เด็กหญิงสมใจ เรียนอยู่ชั้น ป. 5  เลยถามขึ้นว่า  ท่านประธานขา  เป็นหยังพวกเฮาต้องกลับบ้านตอนนี่คะ?..เด็กชายสมปองผู้เป็นประธานโรงเรียนเลยตอบด้วยความหมั่นใจว่า"มื้อนี่เห็นท่าพวกเฮาคือสิบ่ปลอดภัย" เพราะว่า พุ้นพวกเฮาเห็นบ่  มันมี รถตู้  คันหนึ่ง  มาจอดอยู่ข้างๆโรงเรียน  เฮาว่า รถตู้ คันนี่  มันคือสิมาจอบท่าลักเอาเด็กน้อยไปขาย ตามที่คุณครูสมชายบอก  เพื่อความปลอดภัยของพวกเฮา พวกเฮาควรกลับบ้านซะ

                                 เด็กดีต้องเชื่อฟังคำสั่งของครู และผู้ปกครองอย่างเคร่งครัด
                                                      เซียงน้อย หนองข้อง

 
 
สาธุการบทความนี้ : 396 ครั้ง
จากสมาชิก : 2 ครั้ง
จากขาจร : 394 ครั้ง
  
 
  02 พ.ค. 2551 เวลา 07:36:44  
   ขึ้นบน ลงล่าง  
 
         

  โพสต์โดย   20) ฟังนิทานก้อม หย่ำไนบักขามคั่ว  
  เซียงน้อยหนองข้อง    คห.ที่126) ขอบคุณอ้ายมังกรเดียวดาย      [ไปที่ความเห็นนี้ ในกระทู้นี้]  
  ยอดปรมาจารย์

ภูมิลำเนา : ขอนแก่น
เข้าร่วม : 11 เม.ย. 2551
รวมโพสต์ : 731
ให้สาธุการ : 795
รับสาธุการ : 3504320
รวม: 3505115 สาธุการ
 
      ขอบคุณหลายๆครับอ้ายมังกรเดียวดาย

                               กำลังใจคือพลังของการปฏบัติธรรมครับ
                                         เซียงน้อย หนองข้อง

 
 
สาธุการบทความนี้ : 389 ครั้ง
จากสมาชิก : 1 ครั้ง
จากขาจร : 388 ครั้ง
  
 
  29 เม.ย. 2551 เวลา 20:50:09  
   ขึ้นบน ลงล่าง  
 
         

  โพสต์โดย   20) ฟังนิทานก้อม หย่ำไนบักขามคั่ว  
  เซียงน้อยหนองข้อง    คห.ที่149) คึดฮอดสมาชิก      [ไปที่ความเห็นนี้ ในกระทู้นี้]  
  ยอดปรมาจารย์

ภูมิลำเนา : ขอนแก่น
เข้าร่วม : 11 เม.ย. 2551
รวมโพสต์ : 731
ให้สาธุการ : 795
รับสาธุการ : 3504320
รวม: 3505115 สาธุการ
 
      ในช่วงนี้เซียงน้อยบ่ค่อยได้เว้านิทานให้สมาชิกฟัง  กะหย่อนว่ามีภารกิจหลาย เกี่ยวกับการอุปสมบทหมู่ของนาค ในงานประจำปีของด่านซ้ายครับ
  บาดนี้งานบวชผ่านไปแล้ว  เซียงน้อยขอนำนิทาน(เรื่องจริง)ที่เกิดขึ้นในงานวัดที่เซียงน้อยไปซ่อยงาน  มาเว้าให้สมาชิกฟังนำกันเด้อครับ
     เรื่องกะมีอยู่ว่า  การจัดงานบวชหมู่ครั้งนี้  บรรดาผู้ปกครองนาคเพิ่นดีใจที่สิได้บวชลูก บวชหลาน กะเลยพากันไปจ้างมหรสพมาคบงัน  จ้างกะบ่จ้างหยังหลายดอกครับ เพียงแต่มีการออกร้านเล็กๆน้อยๆ งานกะราบรื่นดีครับ
   แต่บังเอิญว่า บริเวณวัดมันบ่กว้างหลาย  กรรมการเพิ่นกะเลยเอาเวทีมวย กับฮ้านหมอลำซิ่งไว้ใกล้ๆ กัน  บ่มีการล้อมผ้า บ่มีการเก็บเงินค่าผ่านประตู..ซ้ำแหม คนเบิ่งหมอลำกะหลาย คนเบิ่งมวยกะหลาย ท่านผู้ชมบ่มีการตีกันดอกครับ แต่ว่ามันมีปัญหากับนักมวยครับ นักมวยบ่สามารถสิซกกันได้  กะหย่อนว่า หมอลำซิ่งกะเล่นไป  มวยกะสิซกไปมันเลยเกิดปัญหาครับ
      หมอลำซิ่งเพิ่นเล่นม่วน คนเบิ่งหลายขนาด  คนรอเบิ่งมวยกะหลาย แต่มวยบ่สามารถสิซกกันได้ คนกะรอเบิ่งมวยบ่หนีไปไสหย่อนเพิ่นมัก ซั่นดอกว่า
   เดิกเข้าเดิกเข้า  ทางพี่เลี้ยงมวยคือสิใจฮ้าย เพราะเกิดปัญหาใหญ่กับนักมวยทุกคู่  พี่เลี้ยงมวยเพิ่นกะเลยตัดสินใจขึ้นไปเทิง   ฮ้านหมอลำซิ่งขอประกาศเกี่ยวกับปัญหาที่เกิดขึ้นกับนักมวยว่า "หมอลำซิ่งเล่นโดนแล้ว เซาเล่นได้บ่" ทางสาวลำซิ่งเพิ่นงง คนกะบ่ตีกัน หมอลำกะเล่นม่วน  คนเบิ่งกะเรียบร้อยดี  มันมีปัญหาหยังกะด้อกะเดี้ยมวยจั่งซกกันบ่ได้..สาวหมอลำซิ่งกะเลยถามพี่เลี้ยงนักมวยไปว่า หมู่เจ้ามีปัญหาหยัง มันเกี่ยวหยังกับหมอลำซิ่ง
   ทางพี่เลี้ยงนักมวยสูนหลายกะเลยตอบไปว่า  มันบ่เกี่ยวกับคนตีกันดอก แต่มันเกี่ยวกับสาวหมอลำซิ่งโดยตรงครับ  คือว่า  "ผมบ่สามารถใส่กระจับให้นักมวยได้จักคนเลยครับ "   

                                       อารมณ์ดีมื้อละนิดจิตแจ่มใสครับ
                                            เซียงน้อย หนองข้อง

 
 
สาธุการบทความนี้ : 388 ครั้ง
จากสมาชิก : 1 ครั้ง
จากขาจร : 387 ครั้ง
  
 
  24 พ.ค. 2551 เวลา 21:23:19  
   ขึ้นบน ลงล่าง  
 
         

  โพสต์โดย   20) ฟังนิทานก้อม หย่ำไนบักขามคั่ว  
  เซียงน้อยหนองข้อง    คห.ที่130) เด็กน้อยๆ หยังฮู้จัก      [ไปที่ความเห็นนี้ ในกระทู้นี้]  
  ยอดปรมาจารย์

ภูมิลำเนา : ขอนแก่น
เข้าร่วม : 11 เม.ย. 2551
รวมโพสต์ : 731
ให้สาธุการ : 795
รับสาธุการ : 3504320
รวม: 3505115 สาธุการ
 
แม่ใหญ่แต๋ว ปกติลาวเป็นคนขยัน สู้เวียกสู้งาน (งานหลวงกะบ่ขาด งานราษฎร์ กะบ่เสีย) ลาวอยู่กินกับพ่อใหญ่ดีมาโดนแล้ว อยู่นำกันอย่างมีความสุขมาโดยตลอด แม่ใหญ่แต๋ว ลาวมีลูกหลายคน (ลูกกะหลาย หลานกะเยอะ ว่าสั่นเถาะ)
        อยู่ต่อมา แม่ใหญ่แต๋ว ลาวล้มป่วย มาได้หลายเดือนแล้ว หย่อนว่าลาว สู้เวียกสู้งาน กะเป็นธรรมดา  ของสังขารคน  แต่ละมื้อ แต่ละมื้อ พ่อใหญ่ดี กะสิเฝ้าไข้แม่ใหญ่แต๋ว อย่างใกล้ชิดเมียลาวอยากกินหยัง ลาวกะสิหามาให้เมียลาวกินเหมิด กะหย่อนว่าลาวฮักเมียลาวหลาย  ลาวเฝ้าไข้เมียลาวอยู่กับหลายชายลาว หลานชายลาวเป็นคนฉลาด  ชั่งถาม  ชั่งคิด เป็นที่ปรึกษาอย่างดี ของให้พ่อใหญ่ดี ว่าสั่นเถาะ
        มื้อหนึ่ง พ่อใหญ่ดีลาวกะหุงข้าวฮ้อนๆ กับข้าวอย่างดีที่เมียลาวมัก มาให้เมียลาวกิน ลาวคิดว่าลาวเฮ็ดดีที่สุดกับเมียลาวแล้ว..แต่ปรากฏว่า เมียลาวบ่กินข้าว เบื่ออาหารหลายว่าสั่นดอก...หย่อนความอยากเอาใจเมีย เทิงหลูโตนเมียลาวหลาย.. พ่อใหญ่ดี ลาวกะเลยถามเมียลาว..ว่า.เฒ่า เฒ่า เจ้าเป็นหยัง เจ้าคือบ่กินข้าว เจ้าอยากกินหยัง เจ้าบอกข่อยโลด ข่อยสิหามาให้เจ้ากิน..มื้อนี่  ข่อยเฮ็ดแนวกินบ่แซบบ่..แม่ใหญ่แต๋วกะตอบว่า
แซบอยู่ แต่ข่อยหากบ่อยาก  พ่อใหญ่ดีลาวกะถามเมียลาว ด้วยความเอาใจใส่ไปเรื่อยๆ
   -  เจ้าอยากกินปิ้งไก่บ๊..เมียลาวกะตอบว่า  บ่..ข่อยบ่อยาก
   -  เจ้าอยากกินแกงเห็ดบ๊.. เมียลาวกะตอบว่า  บ่..ข่อยบ่อยาก
   -  เจ้าอยากกินต้มปลาบ๊..เมียลาวกะตอบว่า  บ่..ข่อยบ่อยาก
       พอดีหลานซายลาวที่มาเฝ้าไข้ลาวอยู่ใกล้ๆกะคือสิรำคาญหลาย ... หลานซายลาวเลยเว้าขึ้นว่า อีพ่อใหญ่  อีพ่อใหญ่  อีแม่ใหญ่ ลาวบ่อยากกินหยังจั่งซี่..บ่แม่นลาวอยากให้เจ้านอนนำลาวติ๋..แม่ใหญ่แต๋วได้ยินหลานซายเว้าจั่งสั่น ลาวถืกใจหลาย ลาวเลยเว้ากับผัวลาวว่า
แน๊..เฒ่านี่เอ้ย..เจ้าคือมาปึกแท้..แต่เด็กน้อยๆ มันหยังฮู้จัก??  

                                อยู่นำกันมาโดนแล้ว ฮู้จักแน่แม้ว่าลาวอยากกินหยัง
                                                 เซียงน้อย หนองข้อง

 
 
สาธุการบทความนี้ : 348 ครั้ง
จากสมาชิก : 1 ครั้ง
จากขาจร : 347 ครั้ง
  
 
  30 เม.ย. 2551 เวลา 09:23:05  
   ขึ้นบน ลงล่าง  
 
         

  โพสต์โดย   20) ฟังนิทานก้อม หย่ำไนบักขามคั่ว  
  เซียงน้อยหนองข้อง    คห.ที่152) คึดฮอดพ่อใหญ่ต๊อก      [ไปที่ความเห็นนี้ ในกระทู้นี้]  
  ยอดปรมาจารย์

ภูมิลำเนา : ขอนแก่น
เข้าร่วม : 11 เม.ย. 2551
รวมโพสต์ : 731
ให้สาธุการ : 795
รับสาธุการ : 3504320
รวม: 3505115 สาธุการ
 
บ่ทันนอนตี้  พ่อใหญ่ต๊อก

 
 
สาธุการบทความนี้ : 30 ครั้ง
จากสมาชิก : 0 ครั้ง
จากขาจร : 30 ครั้ง
  
 
  24 พ.ค. 2551 เวลา 22:06:15  
   ขึ้นบน ลงล่าง  
 
         

  โพสต์โดย   20) ฟังนิทานก้อม หย่ำไนบักขามคั่ว  
  เซียงน้อยหนองข้อง    คห.ที่153) นิทานกะได้เรื่องจริงกะดี      [ไปที่ความเห็นนี้ ในกระทู้นี้]  
  ยอดปรมาจารย์

ภูมิลำเนา : ขอนแก่น
เข้าร่วม : 11 เม.ย. 2551
รวมโพสต์ : 731
ให้สาธุการ : 795
รับสาธุการ : 3504320
รวม: 3505115 สาธุการ
 
เป็นเรื่องจริงครับท่านอาจารย์มังกร

 
 
สาธุการบทความนี้ : 26 ครั้ง
จากสมาชิก : 0 ครั้ง
จากขาจร : 26 ครั้ง
  
 
  24 พ.ค. 2551 เวลา 22:08:51  
   ขึ้นบน ลงล่าง  
 
         

  โพสต์โดย   20) ฟังนิทานก้อม หย่ำไนบักขามคั่ว  
  เซียงน้อยหนองข้อง    คห.ที่261) หย่อนอ่านบ่คือกัน      [ไปที่ความเห็นนี้ ในกระทู้นี้]  
  ยอดปรมาจารย์

ภูมิลำเนา : ขอนแก่น
เข้าร่วม : 11 เม.ย. 2551
รวมโพสต์ : 731
ให้สาธุการ : 795
รับสาธุการ : 3504320
รวม: 3505115 สาธุการ
 
ตายหย่อน อ่านบ่คือกันแท้ๆน้อ

 
 
สาธุการบทความนี้ : 9 ครั้ง
จากสมาชิก : 1 ครั้ง
จากขาจร : 8 ครั้ง
  
 
  27 เม.ย. 2552 เวลา 12:48:37  
   ขึ้นบน ลงล่าง  
 
         

  หน้า: 1

   

Creative Commons License
ฟังนิทานก้อม หย่ำไนบักขามคั่ว --- เว็บบอร์ดอีสานจุฬาฯ