ผญา คติสอนใจประจำวันที่ 26 เมษายน 2568:: อ่านผญา 
แนวว่าทองคำนี้ ตกดินบ่หมองหม่น เอาผ้าฮ้ายห่อไว้ กะยังเลื่อมดังเดิม แปลว่า ธรรมชาติทองคำ ตกดินไม่หม่นหมอง ถูกห่อหุ้มด้วยผ้าขี้ริ้ว ก็ยังผุดผ่องดังเดิม หมายถึง คนจิตใจงาม มีศีลธรรม อยู่ที่ไหนก็งาม


  ค้นหาสาธุการ ปลาร้านอกไห  

หน้า: 1  
  โพสต์โดย   22) หูดสามเปา  
  อ้าย    คห.ที่3) ดีเด้ละแบบนี้ คือสิบ่อมีคนทุกข์คนอยาก      [ไปที่ความเห็นนี้ ในกระทู้นี้]  
  ศิษย์ใหม่ไร้วรยุทธ์

ภูมิลำเนา : มหาสารคาม
เข้าร่วม : 27 ธ.ค. 2550
รวมโพสต์ : 2
ให้สาธุการ : 0
รับสาธุการ : 5040
รวม: 5040 สาธุการ
 
คุณภาส:
       บักหูดสามเปาเป็นผู้ชายคนหนึ่ง  มีแต่ตุ่มเต็มโต   ขี้คร้านหลาย กินแล้วกะมีแต่นอน  พ่อกับแม่เลยให้ไปอยู่วัดแห่งหนึ่งกับยาคู
  ยาคูกะเลยเอาเม็ดแตงโมให้บักหูดสามเปาไปปลูก   และบอกว่าให้ไปรดน้ำทุกวัน  ความขี้คร้านของมันบ่ตักน้ำหด แต่ไปเยี่ยว(ฉี่) รดทุกมื้อ ๆ
  
    จนบักโมเติบใหญ่  พอบักโมสุกก็เลยเอาไปถวายพระยา  พระยามีลูกสาวผู้หนึ่งงามขนาด ชื่อ นางลุน  ลูกสาวพระยากินบักโมแล้วเกิดมีลูก  พระยาถามลูกว่ามีลูก  
นำไผ  ลูกสาวกะบอกว่าไม่รู้  พระยาเลยตีฆ้องร้องป่าวว่าให้คนเอากล้วยมาคนละหนึ่งหน่วย  ถ้านางเอากล้วยนำผู้ได๋ผู้นั่นสิเป็นพ่อของลูกในท้อง  

      ส่วนลูกสาวพระยาไผ๋ยื่นให้ก็ไม่เอาจนว่ามาฮอดบักหูดสามเปาเด่กล้วยให้  นางลุนก็เอาปั๊บ  พระยาเห็นอย่างนั้นก็โกรธมากหลาย เลยไล่บักหูดสามเปา
กับนางลุนหนีเข้าไปอยู่ในป่า   พร้อมกับมีดดวงหนึ่ง  เสียมดวงหนึ่งบักจกดวงหนึ่ง   เอามีดตัดต้นไม้ทำที่อยู่ นางลุนก็ไม่พูดด้วยสักที ทำอย่างไรก็ไม่พูด นานๆไปก็พูดเอง (บ่ฮู้ว่าเป็นหยัง)????
    
       ต่อมาเมียก็เลยบอกให้ไปถางป่าจะปลูกผักปลูกหญ้า   ปรากฏว่าถางต้นไม้ไว้แล้วยามมื้อเช้าต้นไม้ก็หายหมด ฟันอีกหลายครั้งก็เป็นเหมือนเดิม บักหูดสามเปาก็เลยแอบดูจอบเบิ่ง   พอแต่ตะเว็นตกดินกะมีลิงโตหนึ่งถือฆ้องเดินมาพอแต่ตีฆ้องต้นไม้ลุกพึบขึ้นมา บักหูดสามเปาเห็น เลยแล่นออกไปจับลิง   ทำท่าสิฆ่าลิง   ลิงกะเลยฮ้องขอชีวิตไว้   บักหูดสามเปาก็เลยว่ามึงเป็นหยังจังเฮ็ดจังซี่  
กูสิปลูกบักแตงบักโมไว้ให้เมียกูกิน   ลิงกะเลยว่าฆ้องนี้มันเป็นฆ้องวิเศษ    บักหูดสามเปากะเลยว่ามันวิเศษจังได๋ลิงบอกว่าตีเป็นคนงามกะได้
ตีเป็นผู้เฒ่ากะได้  ตีเอาบ้านเอาเมืองกะได้  บักหูดสามเปาก็เลยลองตีดู  ตีให้หูดกูหายกะนา   พอแต่ตีฆ้องหูดที่มีอยู่ก็หาย

      เอาตีให้กูผู้เป็นผู้งาม ๆ  ได้บ่ได้ ว่าแล้วเลากะเลยตีฆ้องให้เป็นผู้บ่าวงาม ๆแล้วลิงกะเลยเอาฆ้องให้ พอแต่ได้ฆ้องแล้วบักหูดกะเลยกลับบ้านไปหาเมีย
เรียกเมีย   เมียก็เลยว่าอย่ามาเอิ้นข้อย ข้อยมีผัวแล้ว   ข้อยลุโตนผัวข้อย   บักหูดสามเปากะเลยว่าข้อยนี่แหละผัวเจ้า  ข้อยบ่เชื่อเอ้า...
.ข้อยสิตีฆ้องให้เป็นหูดคือเก่าเด้อ   พออธิฐานแล้วกะเลยตีฆ้องให้เป็นหูดเหมือนเก่า   เมียก็เลยเชื่อ  แล้วกะเลยตีให้กลับเป็นคนงามเหมือนเดิม
  ต่อจากนั้นแล้วก็เลยตีเอาบ้านเอาเมืองอื่นๆอย่างมีความสุข
          
       กล่าวถึงพระยา   สงสัยว่าหูดสามเปามันตายหรือยัง   เลยบอกเสนาอำมาตย์ไปเเอบดู    พอแต่เสนาไปดูเลยกลับมา
บอกพระยาว่าบักหูดสามเปารูปงานกว่าเก่า  รูปงามพระยาเลยไปดูให้เห็นกับตา    ก็เลยให้บักหูดสามเปาตีฆ้องให้ตัวเองเป็นหนุ่ม แล้วกลับบ้านกลับเมือง  พอแต่เมียเห็นพระยาก็ไม่เชื่อว่าเป็นผัวเจ้าของ   เลยบอกว่ามีฆ้องศักดิ์สิทธิ์อยู่กับ หูดสามเปา  
    
    เมียกะเลยว่าข้อยอยากเป็นสาวงามเหมือนกัน ฮิๆๆ   ว่าแล้วบักหูดสามเปาก็เลยตีฆ้อง   เมียพระยาก็เลยกลับเป็นคนงามคนสวยเริ่ดประเสริฐศรี  
ปรากฏว่าบ้านเมืองนั้นมีแต่คนงาม ๆ  มีแต่หนุ่ม  ๆ สาว ๆ สวยๆ เริดๆ หมดทั้งบ้านทั้งเมือง เพราะหูดสามเปาตีฆ้อง ทั้งสองอยู่ด้วยกันอย่างความสุขแฮบผปี้แอนดิ้ง......จบจ้อย

นี่แหละเผิ่นว่า
เบิ่งคนอย่างเบิ่งแต่เพียงภายนอก เบิ่งจิตใจเขานำ

บ๋า.......... ฆ้องนั้นอยู่ไสหนอ ข่อยสิตีให้คนอีสานอยู่ดีกินดีตลอดเบิ้ดซาติ เรียนกะไห่ได้เกรด 4 เบิดซูวิชา


พวกเจ้าเด๋ ได้ฆ้องตีตีอธิษฐานอีหยัง มาเว้าสู่ฟังแหน่เด้อ...........

  
 
สาธุการบทความนี้ : 453 ครั้ง
จากสมาชิก : 0 ครั้ง
จากขาจร : 453 ครั้ง
  
 
  27 ธ.ค. 2550 เวลา 07:58:56  
   ขึ้นบน ลงล่าง  
 
         

  โพสต์โดย   22) หูดสามเปา  
  อ้าย    คห.ที่4)       [ไปที่ความเห็นนี้ ในกระทู้นี้]  
  ศิษย์ใหม่ไร้วรยุทธ์

ภูมิลำเนา : มหาสารคาม
เข้าร่วม : 27 ธ.ค. 2550
รวมโพสต์ : 2
ให้สาธุการ : 0
รับสาธุการ : 5040
รวม: 5040 สาธุการ
 
ยืมนำแนเด้อ

 
 
สาธุการบทความนี้ : 26 ครั้ง
จากสมาชิก : 0 ครั้ง
จากขาจร : 26 ครั้ง
  
 
  27 ธ.ค. 2550 เวลา 08:00:16  
   ขึ้นบน ลงล่าง  
 
         

  หน้า: 1

   

Creative Commons License
หูดสามเปา --- เว็บบอร์ดอีสานจุฬาฯ