ผญา คติสอนใจประจำวันที่ 26 เมษายน 2568:: อ่านผญา 
ชาติที่กาดำปี้ลงนทีล้างอาบ แม่นสินอนแช่น้ำสามมื้อกะบ่ขาว แปลว่า กาตัวดำสนิท ถึงจะลงไปอาบน้ำชำระกาย นอนแช่น้ำสามวันสามคืนก็ไม่มีทางขาวได้ หมายถึง บุญคือบุญ บาปคือบาป ไม่มีใครเปลี่ยนบาปเป็นบุญได้


  ค้นหาสาธุการ ปลาร้านอกไห  

หน้า: 1  
  โพสต์โดย   6) มาเว้าผญากันเด้อพี่น้องเด้อ  
  ตูบต่อเล่า2    คห.ที่2594)       [ไปที่ความเห็นนี้ ในกระทู้นี้]  
  ศิษย์ใหม่ไร้วรยุทธ์

ภูมิลำเนา : ขอนแก่น
เข้าร่วม : 07 เม.ย. 2561
รวมโพสต์ : 2
ให้สาธุการ : 0
รับสาธุการ : 3880
รวม: 3880 สาธุการ
 


.พี่น้องเอ้ย.กัลปพฤกษ์ออกพั่ว ขาวนวลงามตระการ แดนอิสานวิไลตา เดือนมีนาฯลวงมาได้ ฝากส่งให้คนไกลบ้าน ที่ทำงานอยู่ต่างถิ่น เทียวหากินอยู่ต่างบ้าน หลายปีเนิ่นนับคณา หอมสุคนธ์ไปนำฟ้า ให้ลมพาผกากลิ่น คนไกลถิ่นห่างบ้าน ได้ดมแล้วซืนหัวใจ อัศจรรย์พันธุ์ไม้ พั่วดอกใหญ่ชมพูขาว ผ่านร้อนหนาวพร่างพรูบาน คู่อีสานผ่านหน้าแล้ง ถูกหรือแพงบ่ขอเว้า ซากุระของบ้านเฮา ฮู้บ่เจ้าเขาพาว่า โอ้ดอกดวงพวงผกา แต้มท้องนายามขาดน้ำ ให้หายช้ำซืนขจี เจ้าอยู่พุ่นข่อยอยู่พี่ มีหน้าที่บ่ต่างกัน คือรอวันฝันสมหวัง มีสะตังค์พอใช้ แม่นอยู่ใสกะให้ฮู่ คอยเจ้าอยู่คิดนำหลาย สิถ่าหม่องนี้ตลอดไป อีกบ่ไกลคงได้พ่อ ขอยืนรอโตเจ้า แม่นสิสุขหรือเศร้า คำที่เว้าคือสู้ต่อ สัมผัสมันได้แน่บ่ ว่าไผที่รอพบเจ้า ทุกแลงเช้าเฝ้าฮำฮอน.อยู่เด้อ.

 
 
สาธุการบทความนี้ : 225 ครั้ง
จากสมาชิก : 0 ครั้ง
จากขาจร : 225 ครั้ง
  
 
  07 เม.ย. 2561 เวลา 02:14:39  
   ขึ้นบน ลงล่าง  
 
         

  โพสต์โดย   142) มาทางพี้ อ่านกวีศรี บังพุ่ม  
  ตูบต่อเล่า2    คห.ที่72)       [ไปที่ความเห็นนี้ ในกระทู้นี้]  
  ศิษย์ใหม่ไร้วรยุทธ์

ภูมิลำเนา : ขอนแก่น
เข้าร่วม : 07 เม.ย. 2561
รวมโพสต์ : 2
ให้สาธุการ : 0
รับสาธุการ : 3880
รวม: 3880 สาธุการ
 


.คำดูถูกที่แย่ๆ กระจอกแท้แปลว่าโง่ เงินบ่หนาหน้าบ่โก้ ให้โตได้เสียใจเป็น พากันเปรียบเทียบเช่น มึงเห็นบ่คนอื่นเขา บักหูหนาปัญญาเบา ซางบ่เอาคือเขาฮ่าย คือซัวหลายแท้หน้อข้า ซางเกิดมาชะตาต่ำ ไผกะบ่อยากเว้านำ ถามคำตอบคำเท่านั้น อายไทบ้านผู้เพิ่นมอง แม้แต่ญาติพี่น้อง บ่เหลียวส่องมองเมิน เป็นส่วนเกินในสังคม ที่ตัวผมแบกรับไว้ บ่มีใครอยากเกี่ยวข่อง ชื่อกระจอกที่คนมอง ห่อยคอค่องฟ่องว่าซัว บ่มีใครดูตนตัว นอกจากมัวเชื่อชื่อฮ่อง ที่คอยก่องประจานกัน แม่นสิเป็นจั๊งได๋นั้น ชีวิตฉันมันเรียบง่าย ปีกบ่แข็งแฮงบ่หลาย ถึงจุดหมายอาจสิช้า แต่ใจกล้าจะฝ่าฟัน ปีกกระจอกอันนั้น สิกางมันโต้ลมเซิน ขากะบ่เซาหยุดเดิน ไผสิเอิ่นกระจอกเย่ย บ่เคยแพ้แค่กระจอก.ซือๆดอกข้าน้อย.

 
 
สาธุการบทความนี้ : 163 ครั้ง
จากสมาชิก : 0 ครั้ง
จากขาจร : 163 ครั้ง
  
 
  23 เม.ย. 2561 เวลา 04:31:17  
   ขึ้นบน ลงล่าง  
 
         

  หน้า: 1

   

Creative Commons License
มาทางพี้ อ่านกวีศรี บังพุ่ม --- เว็บบอร์ดอีสานจุฬาฯ