มาเว้าผญากันเด้อพี่น้องเด้อ --- เว็บบอร์ดอีสานจุฬาฯ

คห.ที่2167) Virus หัวใจ [ไปที่ความเห็นนี้ ในกระทู้นี้]

ศิษย์น้องเล็ก

ภูมิลำเนา : อุบลราชธานี
เข้าร่วม : 01 มี.ค. 2555
รวมโพสต์ : 25
ให้สาธุการ : 5
รับสาธุการ : 95340
รวม: 95345 สาธุการ

Virusในหัวใจอ้าย นั้นคือหมายถึงคิดฮอด
ที่มาหยอดให้ทุกครั้ง และยังเว้าอยู่ดั่งเดิม
มีตั้งแต่สิเพิ่ม เติมตื่มต่อมความฮัก
ปานปักหลักความถวิล ทั่วแดนดินบน Windows
ขึ้นมาโชว์ Moniter ปานหน้าเธอในใจพี่
แม่นข่มใจใช้ Anti กี่ Version กะบ่หาย
ความเหงาแหวกแทรกใจอ้าย Scanได้กะบ่อยู่
ต้องทนบู๋พ่องหม่น ทนคิดฮอดบ่ส่างซา
MSN Online อยู่เด้อหล่า หรือโทรหาอ้ายได้บ่
ขอได้ยินเสียงเจ้า พอเบาบ้างหว่างคิดถึง
สักมื้อหนึ่งคันเป็นได้ โปรดแนบใจ Send File ส่ง
สิ Save ลงตรงใจอ้าย Rename ไว้ชื่อว่า “แฟน”....จ้า

สาธุการบทความนี้ : 715 ครั้ง
จากสมาชิก : 2 ครั้ง
จากขาจร : 713 ครั้ง

05 มี.ค. 2555 เวลา 12:07:09

โพสต์โดย

คห.ที่2439) ออนซอนสาวสารคาม [ไปที่ความเห็นนี้ ในกระทู้นี้]

พอแต่เหลียวเห็นหน้า สาวบ้านนามายิ้มส่ง
อ้ายมาหลงเจ้าคักแล้ว นางแก้วเมือง"นาดูน"
พอแต่เหลียวไปทางพุ่น เป็นยังบุญของอ้ายบ่าว
ได้มาพ้อพบเจ้า สาวนั้น"กันทรวิชัย"
อยากเบิ่งหน้าใกล้ๆ อ้ายอยากให้หัวใจ สองเฮาได้สานก่อ
แต่กะยังคิดพ้อ หน้าเจ้าสาว"แกดำ"
ตาโตๆผิวคล้ำๆ ให้คิดนำเช้าจนบ่าย
สาว"เชียงยืน"แฟนเก่าอ้าย พี่ชายได้ไหลหลง
ทาง"โกสมฯ"กะโงโค้ง ตอบตกลงคบกันใหม่ เน๊าะอ้าย
"บรบือ"สาวคนไค นางกะซวนบักอ้าย ขายมันพร้อมข้าวโพดหวาน
สาว"พยัคฯ"มาจาต้าน ปล่อยคำหวานจนมดฮาก (แอะ)
สิบ่พรากจากบักอ้าย ชายคนนี้ให้ทนเหงา
ทาง"กุดรัง"กะมาเว้า สิเอาเฮาไปฮ่วมบ่อน
ว่าบ่มีผุอยู่ซ้อน นอนแนบแอบอิง
หล่าเอ๊ย ขอหยุดใจให้แน่นิ่ง ให้น้องญิ๋ง"ชื่นชม"ก่อน
สาวบ้าน"ยางสีสุราช"เพิ่นออดอ้อน "นาเชือก"พร้อมกล่อมแต่ชาย
สาวทั้งเบิดที่เว้าไว้ กะบ่งามสุดหัวใจ ส่ำแฟนอ้าย"วาปี"พี่
อยากจะบอกคำนี้ คำว่าพี่"รักทุกคน" คนงามเอ้ย

สาธุการบทความนี้ : 668 ครั้ง
จากสมาชิก : 1 ครั้ง
จากขาจร : 667 ครั้ง

22 เม.ย. 2556 เวลา 16:27:08

โพสต์โดย

คห.ที่2437) เป็นแฟนอ้ายได้บ่ [ไปที่ความเห็นนี้ ในกระทู้นี้]

หล่านางเอ๊ย
หมื่่นแสนคำที่เธออ้าง ว่าใจนางมีแต่พี่
มันเป็นยาชั้นดี ที่มาซอยหัวใจอ้าย ให้คลายกลุ้มกลัดหนอง
เพราะในใจมีแต่น้อง บ่ข้องเกี่ยวกับสาวได๋
บ่มีไผสิมาแทน ทำคะแนนในใจอ้าย
ขอพี่ชายได้อยู่ใก้ล เป็นคู่ใจได้บ่นอ
เอิ้น ฟ.แฟน แทนเอิ้นอ้าย สิพอได้บ้อแม่คุณ 555ฮิ้วๆๆ

สาธุการบทความนี้ : 639 ครั้ง
จากสมาชิก : 0 ครั้ง
จากขาจร : 639 ครั้ง

22 เม.ย. 2556 เวลา 16:08:10

โพสต์โดย

คห.ที่2438) ผุได๋น้อ [ไปที่ความเห็นนี้ ในกระทู้นี้]

ผุได๋น้อ
ผุได๋น้อ เป็นคนสร่าง ผุได๋วางผุได๋ก่อ
ผุได๋น้อ คือเฮ็ดได้ มาเฮ็ดให้ใจหง๋อยเหงา
ผุได๋น้อ ที่เคยเว้า ว่าให้เฮาสู้เพื่อเพิ่น
ผุได๋น้อ ให้เฮาเอิ้น เธอคนนี้ที่รักจ๋า
ผุได๋น้อ สัญญาไว้ ถึงอยู่ไกลกะคิดต่อ
ผุได๋น้อ ป๋าปล่อยอ้าย มานั่งไห้อยู่ผุเดียว ผุได๋นอ

สาธุการบทความนี้ : 608 ครั้ง
จากสมาชิก : 0 ครั้ง
จากขาจร : 608 ครั้ง

22 เม.ย. 2556 เวลา 16:22:38

โพสต์โดย

คห.ที่2198) อึดหลาย [ไปที่ความเห็นนี้ ในกระทู้นี้]

เฮ็ดจังได่น้อบาททีนี้
ค่างวดรถกะบ่มี
สิใช้หนี่แบบได๋นอ
แค่สืบมื้อยังบ่พอ
ขอเพิ่นเลื่อนกะบ่ได้
มาเซ็งฮ้ายหน่ายเจ้าของ
หายืมเงินนำเพื่อนพ้อง
หนี้เจ้าของหลายเอานี
เคยยืมกันมาหลายที
บ่ทันมีดอกให้ใช้
อยากอายเพื่อนอยู่คือกัน(เด๊)

สาธุการบทความนี้ : 519 ครั้ง
จากสมาชิก : 0 ครั้ง
จากขาจร : 519 ครั้ง

27 มิ.ย. 2555 เวลา 14:08:30

โพสต์โดย

131) น้องใหม่ขอฝากตัว

คห.ที่0) น้องใหม่ขอฝากตัว [ไปที่ความเห็นนี้ ในกระทู้นี้]

มาแล้วเด้อ มาแล้ว
อย่าสะแซวผมน้องใหม่
ขอฝากตัวและหัวใจ
ให้อยู่ในหทัยแก้ว
พอใจแล้วให้ซอยยู้
เป็นน้องใหม่อาจบ่ฮู้
ให้คุณครูขัดเกลาซอย
ผมยังเล็กเป็นเด็กน้อย
และยังด้อยเรื่องปัญญา
ให้สงสารเด้อ คุณป้า
อาว อา ให้สอนสั่ง
ขะน้อยน้อมพร้อมรับฟัง
เป็นพลังแรงใจช่วย
ขอบคุณด้วยทุกคำชม (เด้อ..สาธุ)

สาธุการบทความนี้ : 518 ครั้ง
จากสมาชิก : 0 ครั้ง
จากขาจร : 518 ครั้ง

14 พ.ค. 2555 เวลา 20:11:32

โพสต์โดย

คห.ที่2) กลับมาให้บ้านเกิด [ไปที่ความเห็นนี้ ในกระทู้นี้]

จากบ้านนามาโดนมื้อ เป็นสั่งคือคึดความเก่า
จากผู้แก่แม่เฒ่า คำเพิ้นเว้า บ่ได้ยิน
จากกลิ่นดิน กลิ่นหญ้า ปูปลาอยู่ท่งไฮ่
จากพ่อแม่ปานขาดใจ หนีมาไกลจากบ้าน หัวใจนั้นกะห่วงหา
จากไฮ่นา เคยครองสร้าง กะได้ห่างมันมาไกล
... จั่กปานได๋สิได้คืน ไปชื่นชมเบิ่งอีกครั้ง
ย้อนว่าหวังเฮียนสร้าง มีความฮู้คือผู้เพิ่น
จึงได้เดินจากบ้าน มาเฮียนฮู้อยู่ไกลเมือง
เอาความเหงามาเป็นเพื่อน เอาดาวเดือนมาเป็นหมู่
คั้นแม้นได้ความฮู้ พอแล้ว สิต่าวคืน.....(สั่นดอกว้า)

สาธุการบทความนี้ : 481 ครั้ง
จากสมาชิก : 0 ครั้ง
จากขาจร : 481 ครั้ง

14 พ.ค. 2555 เวลา 19:35:47

96) นิยาย "กรรมลิขิต" (ฉบับผญา)

โพสต์โดย

คห.ที่69) ขอแจมนำแน [ไปที่ความเห็นนี้ ในกระทู้นี้]

ขอฝากตัวแนเด้อท่าน  ทางอาจารย์ผุเพิ่นป่อง
ขอฝากตัวเป็นศิษย์น้อง  ของท่านแมนจักคน
เพิ่นประสปการณ์ล้น  มีแต่คน คอยถ่าให้มาต่อ(คำผญา)
จักแมนเขียนม่วนกะดัก จักแมนคักกะด้อ  ขอยอนิ้วกราบพนม คาระวะ
ปล.ขอฝากตัวเป็นศิษย์จักคนแนเด้อครับ ท่านอาจารย์ใหญ่

สาธุการบทความนี้ : 469 ครั้ง
จากสมาชิก : 0 ครั้ง
จากขาจร : 469 ครั้ง

09 ธ.ค. 2555 เวลา 16:44:16

โพสต์โดย

คห.ที่2197) ทุกข์ในใจ [ไปที่ความเห็นนี้ ในกระทู้นี้]

พ่อขอโทษเด้อลูกหล่า
ที่ผ่านมาเคยเฮ็ดซัว(คั่กๆ)
พ่อเป็นคนเห็นแก่ตัว
มัวคะนองตอนยังรุ่น
อนาคตพุ่นเลยหม่นหมอง
พ่อเฮ็ดให้แม่เจ้าท้อง
เพราะคะนองบ่ทันคิด
เลยเฮ็ดให้ต้องทำผิด
คิดพาเธอไปทำแท้ง
เป็นแฮงให้ได้ขื่นขม
มื้อนี้ขอกราบก้ม
ทุกข์ระทมบ่อยากอยู่
ชีวิตมีแต่อดสู
เฮ็ดแนวได้กะบ่ขึ้น (บ่เกิน)
บ่มีฟื้นบ่สร่างซา
พ่อรับผิดแล้วลูกหล่า
ภาวนาขอ อโหสิแน
ขอให้พ่อได้ขอแก้
ความชั่วนั้นให้...เบาบาง(แนเด้อ...สาธุ)

สาธุการบทความนี้ : 467 ครั้ง
จากสมาชิก : 0 ครั้ง
จากขาจร : 467 ครั้ง

27 มิ.ย. 2555 เวลา 14:06:06

โพสต์โดย

คห.ที่2165) ก่องข้าวน้อยฆ่าแม่ [ไปที่ความเห็นนี้ ในกระทู้นี้]

ก่องข้าวน้อยฆ่าแม่ (ฉบับผญา)

พี่น้องเอ้ย.. ขอสาธกยกกลอนต้าน ถึงตำนานนิทานเก่า
เป็นเรื่องราวตั้งแต่เค้า โบราณเล่ากล่าวมา
ตำนานส่าคนแซ่ซร้อง ก่องข้าวน้อยฆ่าแม่
เพื่อเผยแผ่หวังสืบไว้ ในราวเรื่องแห่งนิทาน
คันไขขานผิดพลาดเพี้ยง สร้อยสำเนียงเสียงสังวาส
คันเขินขาดตกหล่นบ้าง ขอทางท่านโปรดอภัย
ด้วยหัวใจดำรงหมั่น เพื่อสร้างสรรค์เสริมต่อ
เรื่องพระธาตุก่องข้าวน้อยนั้นนอ ลูกหลานขอยกแจ้ง แสดงให้..ท่านซม...สั่นแหล่ว

…………………………………..

บัดนี้...สิได้พรรณนาเรื่อง เหตุแห่งนิทานหลัง
ยังมีบ้าน “ตาดทอง” หม่องสิเดินดำเนินเรื่อง
สังกัดเมืองบั้งไฟโก้ ยโสธรนามม่วน
ตำนวนควรคู่บ้าน ขอจาต้านสู่ท่านฟัง...
ยังมีชายเช็งกล้า ขานนามว่า “บักทอง”
เป็นลูกของชาวนา เรื่องหน้าตากะพอแล้ว (หล่อยุ..อิอิ)
ทุกมื้อแจวลงไปทุ่ง จูงควายลงไปโท่ง
ฮอดนาลงเร่งรุดฟ้าว กะเทิ่งจ้าวแม่นไถ
ไถนาไปจนบ่ายคล้อย ตะเว็นลอยเลยเที่ยง
ได้ยินเสียง จ๊อกๆ ฮ้อง อุทรท้องเหิ่มกระหาย
แดดเผากายจนเมื่อยล้า แขนขาระโหยอ่อน
ในอุทรแสบจ้าวๆ เทิ่งหิวข้าวกะแฮ่งฮน
ท้าวพร่ำบ่นปนคำป้อย เทิ่งเฝ้าคอยเทิ่งเหลียวส่อง
หล่ำแลมองส่องทางแม่ คือดนแท้แม่บ่มา
แม่นข้องคาอิหยังเจ้า ข้าวปลาบ่มาส่ง
หรือว่าหลงลืมลูกแล้ว หรือแอ่วเล่นแม่นอยู่ใส..น้อ อิแม่เอ้ย....
ขอลงเอยหยุดโหยะไว้ ในบทบ่อนตอนทองหิว
ความโกรธกริ้วโมโหสูน บั้นภายลุนสิเติมแต้ม…

…………………………………………

ขอเชิญแนมมาทางบ้าน บรรยายถึงบทแม่
ผู้ชะแรชราร่าง กำลังตั้งแต่งภาชน์
ได้จัดหาข้าวและน้ำ เพื่อนำส่งอาหาร
ได้ไม้คานคอนไป เร่งไวกะเทิ่งฟ้าว
กายสั่นเทากะเทิ่งล้ม คาดลาดหมื่นคะมำดิน
ในดวงจินต์แสนห่วงใย เจ็บแอวหลายแต่ใจพร้อม
โสใจยอมทนอดกลั้น ของสำคัญให้ลูกก่อน
ใจอาวรณ์ห่วงเจ้า สิหิวข้าวจนตาลาย..แล้วละหวา..

พอฮอดนาเลยฮ้องเอิ้น ขึ้นมาเถิ่นลูกชายแม่
ฟ้าวมาแม้ทองคำก้อน มาเซาฮ้อนซ้นฮ่มเย็น
แม่ได้เข็นขนข้าวน้ำ อาหารตามใจลูกโปรด
ทางไกลโพดแม่มาช้า มากินเถาะหล่า..ลูกไว
ปิ้งไก่..แม่กะปิ้งมาให้ มาไวๆ คำแก้วอย่าแอ่วจ่ม
มาเซาฮ่มกินข้าวน้ำ อิ่มหนำแล้วจั่งค่อยไถ...หล่าเอ้ย คำเอ้ย...

........................................

ความหิวหอดแฮ่งฮ้าย ตาลายล้าอ่อน
บ่อาจถอนโกรธากุ้ม ที่รุมรั้งอั่งสมอง
อันความหิวที่อยู่ท้อง พอแต่มองก่องข้าวแม่
ส่างมาน้อยคักแท้ สิยาท้องหม่องจั่งได๋
ความโมโหโกรธาฮ้าย โมหังกลายมาบังเบียด
พาลคิดเคียดคั่งแค้น อุกแน่นหน่วงมะโน
เกิดเป็นโกรธากริ้ว ละลิ่วใส่มือบายแอก
ความสูนแทรกพะไมมึน แฮ่งฮึนแฮงฮ้าย
สติหายกลายเป็นเคียด เดียดบุกๆในดวงจิต
หลงลืมผิดชอบชั่วดี ฟาดแอกตีกะหม่อมแม่
จนเฒ่าแซเซล้ม นอนสิ้นลมจมเลือดซ่าน
สีแดงฉานลงฉาบพื้น แดงลึ้นทั่วท่งนา
พอมารดาวายชนม์สิ้น หาข้าวกินอย่าเร่งด่วน
ท้องเซาพวนพออยู่ยั้ง สติตั้งเข้าหลั่งโฮม
แล่นไปโจมเอาศพแม่ มารดาผู้ประเสริฐ
เกิดรู้สึกสำนึกได้ สายเกินแก้เมื่อแม่มรณ์
เลยขอวอนวานไหว้ จากหัวใจของคนบาป
ศิโรราบกราบก้ม ประนมน้อมระลึกคุณ
ขอลงทุนเอาแฮงสร้าง เจดีย์ปรางค์หวังเตือนต่อ
เพียรสร้างก่อพระธาตุก่องข้าวน้อย เพื่อคอยย้ำ...อนุชน..คนรุ่นหลังต่อไป....

สาธุการบทความนี้ : 416 ครั้ง
จากสมาชิก : 0 ครั้ง
จากขาจร : 416 ครั้ง

05 มี.ค. 2555 เวลา 11:42:20

โพสต์โดย

คห.ที่2177) งึดหลาย [ไปที่ความเห็นนี้ ในกระทู้นี้]

ย่างเข้าเดือนหกฝนกะตกพรำๆ (เพิ่นว่า)
แต่ทางบ้านข่อยก้ำมีซ้ำแต่แดดลม
เฮ็ดจังได่จังสิม่ม ต้องนอนข่มเฮ็ดใจฝืน
คิดฮอดแต่วันคืน ยามฝนเททางบ้าน
บ่ได้มาจาต้าน ให้สงสารดอกอีแม่
เป็นแบบนี้ซุมข่อยแย่
ตกมาแนให้ชุ่มเย็น (ฝนเอ้ย)

สาธุการบทความนี้ : 351 ครั้ง
จากสมาชิก : 1 ครั้ง
จากขาจร : 350 ครั้ง

14 พ.ค. 2555 เวลา 20:04:22

โพสต์โดย

คห.ที่0) อ้ายแพ้เขา หรือเจ้าลำเอียง [ไปที่ความเห็นนี้ ในกระทู้นี้]

เป็นหยังหลายบ่น้องหล่า
ฟายน้ำตามาหาพี่ (เพิ่นว่า)
ยามเจ็บช้ำมาทางนี้
เฮ้ดจังซี่ได้จังได๋
ตอนเจ็บช้ำมาหาอ้าย
ยามสุขใจมิดซีลี
อ้ายแพ้เขาแมนบ่นี้
หรือน้องพี่แค่ลำเอียง(แท้แล้ว)

สาธุการบทความนี้ : 350 ครั้ง
จากสมาชิก : 0 ครั้ง
จากขาจร : 350 ครั้ง

14 พ.ค. 2555 เวลา 19:26:31

โพสต์โดย

คห.ที่3) ขอฝากเนื้อฝากตัวแนเด้อครับ [ไปที่ความเห็นนี้ ในกระทู้นี้]

สาธุการบทความนี้ : 343 ครั้ง
จากสมาชิก : 1 ครั้ง
จากขาจร : 342 ครั้ง

14 พ.ค. 2555 เวลา 19:48:03

โพสต์โดย

คห.ที่1) กด LIKE ให้แนเด้อ [ไปที่ความเห็นนี้ ในกระทู้นี้]

คำวาจาออดอ้อน เป็นมังกรผู้พลัดถิ่น
เจองูดินเจ้าที่ เพิ่นมาชี้ให่เฮ็ดงาน
เดี๋ยวกะให้เฮ็ดบ้าน เฮ็ดสนามงามใหญ่
บ้านเจ้าของบัดบ่ได้ เฮ็ดให้พ่อแม่ตน
มาเจ็บใจเหลือล้น เกิดเป็นคนมาต้อยต่ำ(แท้น้อ)
... มีแต่คนเหยียบซ้ำ บ่อนสิฟื้นกะบ่มี
ถ้ามันเป็นแบบนี้ พอกันทีเริ่มต้นใหม่
กลับอิสานหางานไว้ พอได้ใช้ให้ตั้งโต๋
เฮาบ่แมนคนโง่ สิทำโต๋ต้อยต่ำ (เฮ็ดหยัง)
สมองมี แขน ขาซ้ำ บ่ทำให้ได้อดตาย (ดอกน้า...)

สาธุการบทความนี้ : 342 ครั้ง
จากสมาชิก : 0 ครั้ง
จากขาจร : 342 ครั้ง

14 พ.ค. 2555 เวลา 19:31:43

โพสต์โดย

คห.ที่2163) น้ำตาเกษตรกร [ไปที่ความเห็นนี้ ในกระทู้นี้]

เมื่อโลกาวิปลาส ธรรมชาติกะแปรเปลี่ยน
วายุเวียนทางภาคพื้น ถมทื้นกระหน่ำฝน
กระแสชลถาบท่วม กุมกวมผืนทวีป
ทั่วทุกทีบต่างเดือดฮ้อน อุทกท้อนโถมทั่งเท
เหล่าคาเมเมืองบ้าน หลายสถานจมจุ่ม
มรสุมซัดสาดต้อง น้ำนองเอ่ออั่งพะลาน
ธัญญาหารพวมอ้วน เขียวนวลมานอ่อน
ต้องมามรณ์มอดม้วย จมด้วยแผ่นนที
พลิกวิถีชีวิตเศร้า ให้ชาวนาน้ำตาหลั่ง
ได้แค่นั่งแนมเบิ่งฟ้า น้ำตาย้อยหย่าวริน
ข้าวเคยกินขายใช้ ทุนกำไรมาหายจาก
น้ำมามากเกินแก้ ซงสิแย่กว่าเดิม
น้ำตาไหลลงไปเพิ่ม แซมเสริมความเติมตื่ม
ฟ้าฝนครึ้มคนใจท้อ รอเพียงมื้อสิส่างซา…..

สาธุการบทความนี้ : 329 ครั้ง
จากสมาชิก : 2 ครั้ง
จากขาจร : 327 ครั้ง

01 มี.ค. 2555 เวลา 13:46:31

โพสต์โดย

คห.ที่2372) ฮัก อินเตอร์ [ไปที่ความเห็นนี้ ในกระทู้นี้]

อ้ายฮักเจ้าเด้อน้องหล่า ตามด้วยคำว่า"เฌอ-แตม"
บ่เคยแนมสาวคนได๋ "บองสะไร"แต่เนียงน้อง
หัวใจเทิงสี่ห้องนี้ "หว่อ อ้าย หนี่"กับเจ้าอยู่
"ยาวาส ลุยบลิอู" ไอ เลิฟ ยู แต่เพียงเจ้า อยากบอกเจ้าว่า รักเธอ

-ภาษารัสเซีย เขาบอกรักกันว่า Ya vas Liubliu (ยาวาส ลุยบลิอู)
-ภาษาฝรั่งเศษ เขาพูดกันว่า Je t`aime (เฌอ-แตม)
-ภาษากัมพูชา เขาพูดกันว่า บองสะไร (บองสะรัญ)
-ภาษาจีนแบนดาริน เขาบอกรักกันว่า Wo ai ni (หว่อ อ้าย หนี่)

ขอบคุณท่าน PLA2KEM ครับ

สาธุการบทความนี้ : 318 ครั้ง
จากสมาชิก : 0 ครั้ง
จากขาจร : 318 ครั้ง

09 ธ.ค. 2555 เวลา 16:14:48

โพสต์โดย

คห.ที่2176) มังกรพลัดถิ่น เจองูดินเจ้าที่ [ไปที่ความเห็นนี้ ในกระทู้นี้]

คำวาจาออดอ้อน เป็นมังกรผู้พลัดถิ่น
เจองูดินเจ้าที่ เพิ่นมาชี้ให่เฮ็ดงาน
เดี๋ยวกะให้เฮ็ดบ้าน เฮ็ดสนามงามใหญ่
บ้านเจ้าของบัดบ่ได้ เฮ็ดให้พ่อแม่ตน
มาเจ็บใจเหลือล้น เกิดเป็นคนมาต้อยต่ำ
... มีแต่คนเหยียบซ้ำ บ่อนสิฟื้นกะบ่มี
ถ้ามันเป็นแบบนี้ พอกันทีเริ่มต้นใหม่
กลับอิสานหางานไว้ พอได้ใช้ให้ตั้งโต๋
เฮาบ่แมนคนโง่ สิทำโต๋ต้อยต่ำ (เฮ็ดหยัง)
สมองมี แขน ขาซ้ำ บ่ทำให้ได้อดตาย (ดอกน้า...)

สาธุการบทความนี้ : 315 ครั้ง
จากสมาชิก : 0 ครั้ง
จากขาจร : 315 ครั้ง

14 พ.ค. 2555 เวลา 19:59:28

โพสต์โดย

คห.ที่2371) หลงมักเจ้าสาว &amp;quot;สารคาม&amp;quot; [ไปที่ความเห็นนี้ ในกระทู้นี้]

พอแต่เหลียวเห็นหน้า สาวบ้านนามายิ้มส่ง
อ้ายมาหลงเจ้าคักแล้ว นางแก้วเมือง"นาดูน"
พอแต่เหลียวไปทางพุ่น เป็นยังบุญของอ้ายบ่าว
ได้มาพ้อพบเจ้า สาวนั้น"กันทรวิชัย"
อยากเบิ่งหน้าใกล้ๆ อ้ายอยากให้หัวใจ สองเฮาได้สานก่อ
แต่กะยังคิดพ้อ หน้าเจ้าสาว"แกดำ"
ตาโตๆผิวคล้ำๆ ให้คิดนำเช้าจนบ่าย
สาว"เชียงยืน"แฟนเก่าอ้าย พี่ชายได้ไหลหลง
ทาง"โกสมฯ"กะโงโค้ง ตอบตกลงคบกันใหม่ เน๊าะอ้าย
"บรบือ"สาวคนไค นางกะซวนบักอ้าย ขายมันพร้อมข้าวโพดหวาน
สาว"พยัคฯ"มาจาต้าน ปล่อยคำหวานจนมดฮาก (แอะ)
สิบ่พรากจากบักอ้าย ชายคนนี้ให้ทนเหงา
ทาง"กุดรัง"กะมาเว้า สิเอาเฮาไปซ่อนบ่อน
ว่าบ่มีผุอยู่ซ้อน นอนแนบแอบอิง
หล่าเอ๊ย ขอหยุดใจให้แน่นิ่ง ให้น้องญิ๋ง"ชื่นชม"ก่อน
สาวบ้าน"ยางสีสุราช"เพิ่นออดอ้อน "นาเชือก"พร้อมกล่อมแต่ชาย
สาวทั้งเบิดที่เว้าไว้ กะบ่งามสุดหัวใจ ส่ำแฟนอ้าย"วาปี"พี่
ขอหยุดใจไว้แค่นี้ ตรงคำที่ว่า"รักเธอ" คนงามเอ้ย

เครดิต ท่าน PLA2KEM ครับ

สาธุการบทความนี้ : 312 ครั้ง
จากสมาชิก : 1 ครั้ง
จากขาจร : 311 ครั้ง

09 ธ.ค. 2555 เวลา 16:08:36

โพสต์โดย

คห.ที่2166) หัวใจแสมฮัก [ไปที่ความเห็นนี้ ในกระทู้นี้]

น้องสาวเอย...อ้ายได้เห็นเจ้านั่งเศร้า คางเกยเข่านั่งเจ่าดิน

น้ำตานางนั้นรินไหล อยู่ทุกวันบ่เคยเว้น

เป็นหยังหลายบ่น้อหล่า คนไกลตาอยากถามไถ่

เห็นน้ำตาไหลอาบแก้ม แล้วใจอ้ายแฮ่งคึดนำ

ทุกข์ระกำหยังน้อเจ้า หรือมีเงาหัวใจหม่น

ไผเป็นคนเฮ็ดให้เจ้า มานั่งเศร้าได้ทุกข์หลาย...แท้น้อ

หากทุกข์หลายหรือใจท้อ อ้ายยังรอโอบซบไหล่

รักษาแผลใจฮักฮ่าง สิค่อยสร้างต่างฮ่วมฝัน

เซาคึดนำเขาผุนั้น ความสัมพันธ์เริ่มกันใหม่

ขอดูแลหัวใจเจ้า บ่ป๋าถิ่มให้เปล่าดาย...ชั่นแหล่วน้องสาวเอย

สาธุการบทความนี้ : 296 ครั้ง
จากสมาชิก : 0 ครั้ง
จากขาจร : 296 ครั้ง

05 มี.ค. 2555 เวลา 11:59:54

โพสต์โดย

คห.ที่2162) ซอยกด LIKE ให้แนเด้อ [ไปที่ความเห็นนี้ ในกระทู้นี้]

ซ่อยกด Like ให้แน่หล่า เสมือนว่ายังคงเดิม เป็นส่วนเสริมกำลังใจ กับห่วงใยในวันนี้

รูปที่มีในคราวนั้น ยังยืนยันอยู่คือเก่า โพสส่งเข้าในบอร์ดอ้าย อย่าอายเม่นท์เช่น "คิดถึง"

ถ้อยคำนึงถึงคำเว้า ยิ้มไส่เหงายามไกลห่าง แชร์รูปตางวางคิดฮอด กอดบ่ได้ใคร่เฟสหา

ภาพของตาทารอยยิ้ม ให้กินอิ่มได้นอนหลับ ซ่อยเฟสกลับมาถามใจ หรือหลังไมค์(Wall)เข้ามาบ้าง

คิดว่าตางเป็นยาแก้ ใจงอแงแชร์คำว่า "ห่วงใยนะจ๊ะเด็กโง่" แอบไปโม้เม่นท์(Comment) อยู่ไส

เฟสมาคุยแน่กะได้ ค่อยเติมใจทางเสียงส่ง ก่อนหลับลงสู่มื้อหน้า อยากบอกว่าอ้ายคิดถึง เด้อครับผม

สาธุการบทความนี้ : 291 ครั้ง
จากสมาชิก : 1 ครั้ง
จากขาจร : 290 ครั้ง

01 มี.ค. 2555 เวลา 13:31:51

โพสต์โดย

คห.ที่2374) อวยพรก่อนเด้อครับ [ไปที่ความเห็นนี้ ในกระทู้นี้]

ป๋าความทุก และความเศร้า
ทุกของเฮา โยนเข้าป่า
ปีเก่าลาจากแล้ว ถอยก้นหล่นหาย
ปีใหม่เถิบเยิบย้าย แซงกายมาแทนที่
ปีเก่าหนีจากพ้น ถอยส่นโหม่นขี้ดิน
ปีใหม่มา ปีเก่าสิ้น ทุกชีวินให้คือเก่า
ความเคยเหงา ปีเก่านั่น ให้มันพ้นผ่านไป
ถิ่มความทุกโยนไปให้ ปีเก่าพายเอาไปยอง
ทุกมัวหมองสิ่งร้ายๆ เดิ๊กไปไว้อยู่ข้างหลัง
ปีใหม่เวียนมาอีกครั้ง ลืมความหลังอย่าฝังใส่
ทุกโศรกมวนโรคฮ้าย ให้หายฮ้อนหม่อนใจ
สุขซำบายหายฮ้อน นอนตื่นได้เงินแสน
สองมือแขนได้ใส่ทอง อันข้าวของให้เหลือใช้
ไร้โรคภัยไข้พยาธิ บาดแผลบอมีด่าง
มีสุอย่างเพรียบพร้อม ดอมตุ้มหุ่มทอง
อันมัวหมองบอมาม้าง ทุกเส้นทางแปนเปินเริน
ยามหย่างเดินกะแมนคร่อง บอขัดข่องก่องขา
สุขสำราญกันทั่วหน้า ไร้โรคามาข่องเกี่ยว
ให้รวยรวยกันอย่างเดี๋ยว ตลอดปีใหม่นี่ และปีพุ้นแมนต่อไป เด้อพี่น้อง
ปล.เครดิต หญ้านาง ณ.บ้านมหาดอทคอม จร้า

สาธุการบทความนี้ : 259 ครั้ง
จากสมาชิก : 0 ครั้ง
จากขาจร : 259 ครั้ง

12 ธ.ค. 2555 เวลา 14:49:29

โพสต์โดย

คห.ที่2370) ห้ามใจบ่ให้ฮัก [ไปที่ความเห็นนี้ ในกระทู้นี้]

จักวาเป็นจังได๋แท้ ใจหากแว้ฮักเมียเพิ่น
นี่ซั่นบ้อคำเขาเอิ้น เป็นชู้ทางหัวใจ
ถ้าหากเป็นไปได้ อยากมีใจให้เจ้าก่อน
อาจมีหวังพอได้ซ้อน นวลแนบแอบอิง
แต่ต้องหยุดใจนิ่ง คิดประวิงให้มันทั่ว
เขามีลูกมีผัว อย่าสิหาคิดแย่ง มันผิดแพ่งข้อ กาเมฯ เด้อใจเด้อ

สาธุการบทความนี้ : 258 ครั้ง
จากสมาชิก : 0 ครั้ง
จากขาจร : 258 ครั้ง

09 ธ.ค. 2555 เวลา 16:06:26

โพสต์โดย

คห.ที่2436) อยากพับแผ่นฟ้า [ไปที่ความเห็นนี้ ในกระทู้นี้]

นางเอ๊ย
ถ้าหากพับแผ่นฟ้าได้ สิพับใส่ใจเจ้าของ
พับใส่กล่องความฮัก สลักไว้ในใจอ้าย
ย่านแต่ตายป๋าถิ่ม จากกันบ่ได้ข่าว
ย่านตั้งแต่ทางเจ้า ลืมแล้วคำคิดถึง
ลืมคำหวานปนซึ้ง ลืมคนึงถึงคนห่าง
หนีไปกอดคนอยู่ข้าง นางเจ้าคงสิลืม แล้วล่ะน้อ

สาธุการบทความนี้ : 254 ครั้ง
จากสมาชิก : 0 ครั้ง
จากขาจร : 254 ครั้ง

22 เม.ย. 2556 เวลา 15:58:50