ผญา คติสอนใจประจำวันที่ 24 ธันวาคม 2568:: อ่านผญา 
ผมบ่หลายให้ตื่มซ้อง พี่น้องบ่หลายให้ตื่มเสี่ยวตื่มเกลอ แปลว่า มีผมไม่มาก ให้เติมซ้อง มีญาติไม่มาก ให้คบหาเพื่อนเกลอ หมายถึง ควรหามิตรสหายไว้ให้มาก และรักษามิตรภาพอันดีไว้


  ค้นหาสาธุการ ปลาร้านอกไห  

หน้า: 1  
  โพสต์โดย   115) กระบี่หยันยุทธภพ  
  Maxxi    คห.ที่1)       [ไปที่ความเห็นนี้ ในกระทู้นี้]  
  ศิษย์น้อง

ภูมิลำเนา : ร้อยเอ็ด
เข้าร่วม : 29 เม.ย. 2554
รวมโพสต์ : 37
ให้สาธุการ : 20
รับสาธุการ : 81810
รวม: 81830 สาธุการ
 
555+หนี้ ธ.ก.ส. หนี้เงินล้าน กำลังดักซุ่มอยู่โรงเตี๊ยมตีนเขา ลี้ดีๆเด้อจอมยุทธมังกรเดียวดาย

 
 
สาธุการบทความนี้ : 656 ครั้ง
จากสมาชิก : 0 ครั้ง
จากขาจร : 656 ครั้ง
  
 
  07 ก.ค. 2554 เวลา 18:51:08  
   ขึ้นบน ลงล่าง  
 
         

  โพสต์โดย   114) เสี่ยว  
  Maxxi    คห.ที่10) ตอนที่#4      [ไปที่ความเห็นนี้ ในกระทู้นี้]  
  ศิษย์น้อง

ภูมิลำเนา : ร้อยเอ็ด
เข้าร่วม : 29 เม.ย. 2554
รวมโพสต์ : 37
ให้สาธุการ : 20
รับสาธุการ : 81810
รวม: 81830 สาธุการ
 
...."อีนางเอ้ย..ตื่นได้แล่วลูก ปลุกน้องนำแน เดี๋ยวน้องสิไปโรงเรียนสายดีหล่า" ยายนวลฮ้องเอิ้นจากใต้ลางเฮือน "ฟลุ๊คๆตื่นๆ..บักหล่าบ่ไปฮดผักเบาะ ฟ้าแจ้งล่ะดิ๊" .."ฮื๊อ!!แจ้งละติ ฮ่วย!เจ้าคือปลุกข่อยสวยแท้" เว่าจบบักฟลุ๊คกะฟ้าวแล่นลงเฮือน วิดน้ำอยู่โอ่งส่วยหน้า แล่นหน้าตั้งทีลี่ ย้อนมันย่านกลับมาไปเรียนบ่ทัน .."อีแม่ มื้อนี้เจ้าคือปลุกตูข่อยสวยแท้" พรถามแม่ด้วยความสงสัย เพราะว่าปรกติ ยายนวลสิปลุกลูกสาวมานึ่งข้าว ตั้งแต่บ่ทันแจ้ง .."แม่เห็นว่าอีหล่ากับน้อง ไปขายถ่านมามื้อวานคือสิเมื่อย แม่เลยบ่อยากปลุก มื้อนี่แม่กะเลยลุกมานึ่งข้าวแทน" ยายนวลอธิบายให่ลูกสาวฟัง .."แล่วน้องฮั่นเด้ ตื่นสวยซั่วสิฮดผักแล้ว ไปเรียนบ่ทันคักๆ" .."โอย..อีนางเอ้ย จะแม่นนอนบ่ฮู้ฟ้าฮู้ฝนอีหลีเนาะ มื้อคืนฝนตกแฮงกะด้อ บ่ต้องฮดแล้วผัก แม่สิเอิ้นใส่น้องกะบ่ทัน แล่นไวปานหยังนิ ถ่าเบิ่งโลดน้องสิกลับมาจ่มปู้ดๆ ว่ามื้อคืนฝนตกกะบ่บอก" ยายนวลเว่าจบกะหัวเราะก๊ากๆ.. .."กลับมาล่ะเบาะหล่า คือฮดผักไวแท้ สมกับฟ้าวแล่นลงเฮือนเน๊าะ" พรแกล้งแซวน้องเทิ่งที่ในใจ กะย้านถืกน้องจ่มให่อยู่คือกัน .."ไวฮั่นแล่วข่อยบ่ได้ฮดผักเนาะ กะมื้อคืนฝนตกเจ้าบ่ฮู้เบาะ" .."ฝนตก เอ๊า..ถ่าฮู้ว่าฝนตกคือจั่งฟ้าวแล่นแท้" .."ข่อยฟ้าวแล่นไปเก็บผัก มากินกับป่นซือๆ แล่นออกกำลังกายไปจั่งซั่นหล๊า เห็นบ่มีตะผักงามๆ" .."แม่นบ่น๊อ ฟ้าฮ้องเปรี้ยงๆแม่ลุกขึ้นมา ห่มผ้าให่ เห็นตะหลับบ่รู้เรื่องรู้ราว ฮู้ได่จั่งได๋ว่าฝนตกหว๋า" ยายนวลแกล้งถามลูกซาย .."กะ..ข่อย..ข่อย..ฝันว่าฝนตกฮั่นเด้" บักฟลุ๊คเบิ่ดคำสิเว้า ได้แต่ยืนหัวเราะจุ้มกันสามคน .."มาๆอีหล่าพาน้องมากินข้าว เดี๋ยวน้องสีไปเรียนบ่ทัน กินข้าวแล้ว สิได้ไปดำนา พ่อจูงควายไปไถนาตะเซ้าๆ คือสิหิวข้าวแล่วล่ะปานนิ" .."จ้าอีแม่" พรตอบแม่พร้อมกับหาพาข้าว ในใจกะนึกคึดถึงต้นกล้างามๆ คือสิเขียวขจีเต็มท้องทุ่งนา.. นึกเห็นภาพแล้ว พรเปรยยิ้มออกมาอย่าง มีความสุขในใจ....

 
 
สาธุการบทความนี้ : 449 ครั้ง
จากสมาชิก : 1 ครั้ง
จากขาจร : 448 ครั้ง
  
 
  22 พ.ค. 2554 เวลา 14:00:53  
   ขึ้นบน ลงล่าง  
 
         

  โพสต์โดย   114) เสี่ยว  
  Maxxi    คห.ที่80) ตอนที่#12      [ไปที่ความเห็นนี้ ในกระทู้นี้]  
  ศิษย์น้อง

ภูมิลำเนา : ร้อยเอ็ด
เข้าร่วม : 29 เม.ย. 2554
รวมโพสต์ : 37
ให้สาธุการ : 20
รับสาธุการ : 81810
รวม: 81830 สาธุการ
 
    ....สายฝนปรอยๆ  ในขณะที่ลมหนาวยังพัดพา   เฮ็ดให้รู้สึกไดัว่า ฤดูหนาวกำลังจะหมดไป  หลังจากที่บักฟลุ๊คกับเพิ่นนกเก็บผักเสร็จแล้ว  เตรียมพร้อมที่จะไปขายในหมู่บ้าน....
     ”ปิดเทอมนี้ข่อยว่าเฮาต้องเตรียมตัว รับหน้าแล้งได้แล้วหล่ะอ้ายนก  เงินที่เฮาขายผักได้กะพอมีบ้างแล้ว”
     บักฟลุ๊คเอ่ยปาก ขณะที่ทั้งสองมุ่งหน้าสู่หมู่บ้าน
     ”เดี๋ยวอ้ายสิไปปรึกษาพ่อผู้ใหญ่ก่อน  ว่าเพิ่นสิแนะนำให้เฮ็ดจั่งใด๋ ว่าการขุดสระนี่มันต้องใช้เงินเท่าได๋  แล้วพันธุ์ปลาเฮาสิไปหาใส ขายผักเบิ่ดแล้วเฮาไปหาเพิ่นกันเน๊าะ”
    เพิ่นนกอธิบายให้บักฟลุ๊คฟัง
          ,,,,,,,,,,,,,,,,,,,,,,,,,,,,,,,,,,,,,,,,,,,,
    ”โครงการขุดสระเลี้ยงปลา  พร้อมปลูกผักริมคูห้วย ฟังเบิ่งแล้วมันกะเป็นอิหยังที่เกินตัวอยู่เน้าะ  สำหรับเด็กน้อยคือหมู่โต  แต่กะหน้าปลื้มใจดี ที่ยังมีเด็กน้อยที่ขยันขันแข็ง  ฮู้จักทำมาหากินตั้งแต่น้อย
   อืม..เอาหล่ะ ส่วนเรื่องติดต่อหาคนมาขุดสระนั้น พ่อใหญ่สิหาให้เอง  ส่วนเรื่องพันธุ์ปลา เดี่ยวสิเข้าไปหาเกษตรอำเภอเพิ่นเบิ่ง บางที่เพิ่นมีอิหยังดีๆแนะนำเพิ่มอีก”
     ..พ่อผู้ใหญ่กล่าวชื่นชมเด็กทั้งสอง ในความดีความสามารถเกินวัย และพร้อมที่จะให้ความช่วยเหลืออย่างเต็มที่..
    ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
  ...พ่อผู้ใหญ่รู้สึกฮักเด็กทั้งสองคนนี้มาก  และเปรียบเสมือนลูกแท้ๆ เพราะลูกๆต่างพากันไปทำงานทำการที่บางกอก  เหลือแต่พ่อผู้ใหญ่กับเมีย  ที่อยู่ดูแลทุกข์สุขของลูกบ้านอยู่ทุกมื้อวัน...
    ”ฟลุ๊คๆมานี่ก่อน”  
   พ่อผู้ใหญ่ฮ้องเอิ้น  ขณะเด็กทั้งสองกำลังสิกลับ
    ”เกือบลืมเลย  จดหมายๆ เอื้อยพรเขียนมาหาบักหล่า  ไปรษณีย์เพิ่นมาส่งมื้อเซ้า”
   บักฟลุ๊คยกมือไหว้รับจดหมาย  จากนั้นกลับหลังหันแล่นดากมนลิ้งกลิ้ง  มุ่งตรงไปเฮือนทันที
      ”อีพ่ออีแม่  จดหมายเอื้อยพร”
   บักฟลุ๊คทั้งเว่าทั้งหอบเมื่อยหลาย  ทั้งเว่าทั้งตื่นเต้น
   ”อ่านให้แม่ฟังเบิ่งกะดู๊หล่า”
  ยายนวลกะรู้สึกตื่นเต้นบ่ต่างกันกับลูกชาย
   ”โอเคๆ ข่อยสิอ่านเดี๋ยวนี้ล่ะ”
          ................................
    กราบเท้าคุณพ่อคุณแม่ที่เคารพ
          และสวัสดีจ้ะน้องฟลุ๊คที่คิดถึง  เป็นอย่างไรกันบ้างค่ะ  หวังว่าทุกคนคงสบายดีนะค่ะ  ส่วนหนูก็สบายดีค่ะ  นี่เป็นจดหมายฉบับแรกของหนู  หนูคิดถึงทุกคนมากเลยค่ะ  ตอนมาใหม่ๆหนูนอนร้องไห้คิดถึงบ้านทุกคืนเลย  แต่ตอนนี้หนูปรับตัวได้แล้วค่ะ  คุณพ่อคุณแม่ไม่ต้องเป็นห่วงนะค่ะ  ป้าสร้อยใจดีกับหนูมากค่ะ  วันหยุดป้ายังพาหนูไปเที่ยวด้วยค่ะ  สนุกมากเลยค่ะ
     น้องฟลุ๊คหล่ะ  สบายดีมั้ยจ๊ะ ซนหรือเปล่า ต้องขยันๆช่วยพ่อแม่ทำงานนะจ้ะ อย่ามัวแต่เล่นล่ะ
    คุณพ่อคุณแม่ค่ะ หนูฝากเงินมาให้ด้วย 1600 บาทค่ะ ป้าสร้อยให้หนูตั้งเดือนละ600 บาทเชียวค่ะ หนูทำได้สามเดือน หนูเก็บไว้ใช้นิดนึง ที่เหลือหนูให้พ่อแม่หมดเลยค่ะ
    สุดท้ายนี้ขอให้คุณพระศรีรัตนตรัย และสิ่งศักดิ์สิทธิ์ทั้งหลาย จงดลบันดาลให้ทุกคนมีสุขภาพแข็งแรง มีความสุขตลอดไป
         รักและคิดถึงทุกคน
                        ลูกพร
        ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

 
 
สาธุการบทความนี้ : 428 ครั้ง
จากสมาชิก : 1 ครั้ง
จากขาจร : 427 ครั้ง
  
 
  05 ก.พ. 2555 เวลา 18:15:14  
   ขึ้นบน ลงล่าง  
 
         

  โพสต์โดย   114) เสี่ยว  
  Maxxi    คห.ที่1) ตอนที่#1      [ไปที่ความเห็นนี้ ในกระทู้นี้]  
  ศิษย์น้อง

ภูมิลำเนา : ร้อยเอ็ด
เข้าร่วม : 29 เม.ย. 2554
รวมโพสต์ : 37
ให้สาธุการ : 20
รับสาธุการ : 81810
รวม: 81830 สาธุการ
 
ซู่..ซู่...ซู่....ซ้วดดด...ด... ไปแล่วๆ ยาวไปๆ บุ้ยย..

คักๆคักอีหลี มาขึ่นงามคักแท๊บั้งนี่ หลิบแล้วๆ      
              
"บักฟลุ๊ค" กะลังยืนยิ้มมุ้ย แหงนหน้าเบิ่ง บั้งไฟน้อยของกะของ ทิกำลังหายเข้ากลีบเมฆ มื้อนี้วางเดิมพันไว้สูง กับบักบั้งไฟบักหมู3บาท กับบักหนึ่ง2บาท ส่วนบั้งของบักหมอก 5บาทหนักกว่าหมู่ เพราะว่าบักหมอก มักเฮ็ดบั้งไฟซู่คาฮ้าน..  

"ได้จักวิว่ะอ้ายนก บั้งไฟเฮา"                      
"25วิว่ะ ซ่ำนี้กะกินแล่ว"

..ทุกเสาร์อาทิตย์ สิมีการประลองฝีมือ บั้งไฟน้อยเป็นประจำ ในช่วงแรก ของหน้าเฮ็ดนา ที่ข้างวัดบ้านโนน..        

"โอ๊ย เบิดดากเลยข่อย ว่าแม่นสิกินแล่ว บักหมอก บั้งไฟมันคือบ่ซู่ว่ะ บักหมู บักหนึ่งคือกัน ขึ่นเอาๆ เซ็งๆๆ"            
"อ้ายเหลืออยู่บาทนึง เด๋วไปซื้อหวานเย็น ดูดนำกันเฮา"    

 
 
สาธุการบทความนี้ : 395 ครั้ง
จากสมาชิก : 0 ครั้ง
จากขาจร : 395 ครั้ง
  
 
  19 พ.ค. 2554 เวลา 21:24:26  
   ขึ้นบน ลงล่าง  
 
         

  โพสต์โดย   114) เสี่ยว  
  Maxxi    คห.ที่9) ตอนที่#2      [ไปที่ความเห็นนี้ ในกระทู้นี้]  
  ศิษย์น้อง

ภูมิลำเนา : ร้อยเอ็ด
เข้าร่วม : 29 เม.ย. 2554
รวมโพสต์ : 37
ให้สาธุการ : 20
รับสาธุการ : 81810
รวม: 81830 สาธุการ
 
..."มาตะไส ล่ะ2หน่อนิ่" เสียงของเอื้อยพร พี่สาวคนโตของบักฟลุ๊ค เอิ้นทัก                            
"ตูข่อยมาตะจูดบั้งไฟ"    
"เล่นลงเงินนำแม่นบ่ บ่แม่นเบิ่ดล่ะเบาะ เงินขายผักมื่อเซ้า อุตส่าห์ซ่อยกัน ปลูกผักทั่งเมื่อยทั่งล้า เป็นตาหน่ายเนาะ2คนนิ่"  
เอื้อยพร จ่มให้บักฟลุ๊คกับเพิ่นนก ที่ทั้ง2คน ตั้งหน้าตั้งตา ซ่อยกันปลูกผัก อยู่คูห้วยทางหัวนา แต่กลับเอาไปเล่น การพนันเสียเบิ่ด              
"บ่แม่นจั่งซั่นดิเอื้อย ตูข่อยขายผักได้มื้อเซ้า ตูข่อยกะเอาไปซื้อ เม็ดผักมาบักหลายนึง ล่ะกะเอาเงิน เก็บไว้นำอยู่ อีกส่วนนึง ตูข่อยกะเอาไป...ไป... เออ.....                                
"กระจายรายได้สู่ชุมชน" เสียงของเพิ่นนก ตอบแทนหมู่ฮักกะของ  ขณะทิกำลังสิจนแต้ม      
"หึย.. จะแม่นเข่ากัน เป็นปี่เป็นขลุ่ยเลยน๊อ"    เอื้อยพร ทั่งจ่มทั่งยิ้ม        
...ทางด้านพ่อใหญ่บูร กะหัวเราะ ลูกซายกับลูกเสี่ยว ทั่งหัวทั่งยิ้มว่าเถาะ ในขณะที่เลากำลัง เก็บถ่านใส่กระสอบป่าน เตรียมสิไป ขายมื้ออื่นเซ้า..                
"มาอีพ่อ ตูข่อยสิซ่อยเก็บ"            
บักฟลุ๊คเว้าจบ กระโดดลงเตาถ่านทันที  
"มื้ออื่นเซ๊า   สิไปขายทางบ้านได๋ครับพ่อ"  เพิ่นนกเอ่ยถาม    
"พ่อว่า สิไปทางบ้านจานพุ่นล่ะ สิไปนำพ่ออยู่เบาะ"        ตาบูรเอ่ยถามเด็กน้อย ทั้ง2คน                            
"ไปครับ" สองเสียงประสานกัน อย่างพร้อมเพรียง...    

 
 
สาธุการบทความนี้ : 372 ครั้ง
จากสมาชิก : 1 ครั้ง
จากขาจร : 371 ครั้ง
  
 
  22 พ.ค. 2554 เวลา 12:07:52  
   ขึ้นบน ลงล่าง  
 
         

  โพสต์โดย   114) เสี่ยว  
  Maxxi    คห.ที่13)       [ไปที่ความเห็นนี้ ในกระทู้นี้]  
  ศิษย์น้อง

ภูมิลำเนา : ร้อยเอ็ด
เข้าร่วม : 29 เม.ย. 2554
รวมโพสต์ : 37
ให้สาธุการ : 20
รับสาธุการ : 81810
รวม: 81830 สาธุการ
 
ขอบคุณครับป้าหน่อย.. ทิบอกว่าผู้ลังคนหายไป แม่นพี่บ่าวปิ่นบ่ครับ ผมกะถ่าอ่าน ติดตามอยู่คือกันครับ บ่ส๊อดจั๊กเทือ

 
 
สาธุการบทความนี้ : 350 ครั้ง
จากสมาชิก : 0 ครั้ง
จากขาจร : 350 ครั้ง
  
 
  22 พ.ค. 2554 เวลา 14:16:16  
   ขึ้นบน ลงล่าง  
 
         

  โพสต์โดย   114) เสี่ยว  
  Maxxi    คห.ที่69) ตอนที่#9      [ไปที่ความเห็นนี้ ในกระทู้นี้]  
  ศิษย์น้อง

ภูมิลำเนา : ร้อยเอ็ด
เข้าร่วม : 29 เม.ย. 2554
รวมโพสต์ : 37
ให้สาธุการ : 20
รับสาธุการ : 81810
รวม: 81830 สาธุการ
 
  ...ฝนตกปรอยๆลงมา  ที่ตรงขอบฟ้าก้อนเมฆสีครามคล้ำ ยังบดบังแสงอาทิตย์ จนบ่สามารถสิส่องแสงลงมา ผืนนาอันใหญ่กว้างสุดลูกหูลูกตา เขียวขจีไปด้วยต้นข้าว ที่กำลังออกรวงดูแล้วงามตายิ่งนัก จากที่ฝนตกมื่อคืนนี้ เฮ็ดให้น้ำในนาข้าวเต็มแทบทุกงาน บางงานน้ำกะล้น บ้างกะคูขาด ทุกๆคนต่างเร่งรีบที่จะดูแล กับสิ่งที่เทแรงกายแรงใจ ทุ่มเททั้งหยาดเหงื่อ ปกป้องเอาไว้ บ่ให้เสียหายไปหลายกว่านี้        ณ.สวนผักริมคูห้วย บักฟลุ๊คกำลังก้มหน้าก้มตา บูรณะสวนผักของมันอย่างขมักขเม้น            "ฟลุ๊คๆเป็นจั่งใด๋สวนเฮา เสียหายหลายบ่"           เสียงของนกหุ้นส่วนสวนแห่งนี้ เอ่ยถามบักฟลุ๊คอย่างร้อนรน หลังจากที่เพิ่งแล่นมาถึง          "บ่ปานใด๋ดอกอ้ายนก ดีนะทิค้างบักถั่วเฮาแข็งแรงยุ บ่ซั่นเจ๊งแท๊ๆ ผักกาดผักบั่วกะบ่เปนหยั่งหลาย บักพริกบักเขือต้นมันสิล้มแหมะ เด๋วเฮาซอยกันหาไม้มาผูกมันติดไว้  มีแนวเดียวหล่ะที่คักกว่าหมู่ บักแอปเปิ้ลเฮาล่นเต็มดินเลยวา"       บักฟลุ๊คสาธยาย พรางวางเสียมจากการขุดดิน         "แม่นอิหยังละหล่าบักแอปเปิ้ล อยู่ใสมาให้พ่อเบิ่งดู๊"        ตาบูรละจากการปั้นคู แวะมาซอมเบิ่งลูก เอ่ยถามด้วยความสงสัย          "นั่นเด๊อีพ่อบักแอปเปิ้ล หล่นแดงเต็มดินเลย มีตะหน่วยงามๆ พอดีหล่ะ ข่อยสิเก็บไปขายให้น้าทอง กับยายพิม มื่อวานเลามาสั่งไว้ตะหัวค่ำพุ้น มาๆอ้ายนก มาซอยกันเก็บเฮา"           บักฟลุ๊คหยิบกะต๊าใบใหญ่ จัดการเร่งมือเก็บผลผลิตทันที ส่วนตาบูรเฮ็ดหน้าหายงงทันควัน เมื่อตอนทิเลาเห็นสองหนุ่ม ลงมือซอยกันเก็บใส่กะต๊า         "อ๋อ..เป็นจั่งซี่ติบักแอปเปิ้ล เอ๊าพากันเก็บไวๆ มันสิสายก่อน เดี๋ยวเพิ่นสิบ่ทันขาย เดี๋ยวพ่อสิไปเบิ่งนาอีกจักหน่อยก่อน จั่งสิตามเข้าเมือเฮือนดอก ค่อยๆพากันเฮ็ดกันทำเด้อหล่า"       ตาบูรยิ้มมุ้ยๆเบนหน้าลงนาต่อ ปล่อยให้เด็กทั้งสอง จัดแจงกับสวนของเขาต่อไป          ........................................     "โห!หิ้วกะต๊าหน่วยบักใหญ่ เป็นตาได้ผักหลายน้อมื่อนิ มาๆๆเอามาให้น้าเบิ่งดู๊"          ยาทองกวักมือเอาเด็กน้อยทั้งสอง          "ป๊าดคือหลายแท๊ สิไปขายให้ผุใด๋แน๊หล่ะ มีตะหน่วยงามๆเนาะ เอาคือเก่าฮั่นละหล่า บักพริก5บาท ถั่วฝักยาว6บาท บักเขือเทศคือหลายแท๊มื่อนี่ มีตะหน่วยแดงๆกำลังพอดี จั่งซั่นน้าซอยซื้อจัก3บาทละกัน"       ยายทองเลือกผักจากกะต๊า พรางฮ้องเอิ่นลูกสาว ที่กำลังจัดเตรียมกับข้าวเซ้า อยู่ในครัว        "โงนเอ้ยโงน เอาเงินมาให้แม่จักสิบแปดบาทแน๊ แม่สิจ่ายค่าผักอ้ายฟลุ๊ค เอาไข่ฮ่างฮังในหม้อนึ่ง มาให้อ้ายนำจักสี่ห้าหน่วยเด้อลูก ให้อ้ายไปกินกับข้าวเซ้า"       "จ้าอีแม่"          เสียงตอบจากในครัว อันที่จริงโงนกับบักฟลุ๊ค ทั้งสองคนเป็นลูกพี่ลูกน้องกัน เพราะว่ายายทอง เลาเป็นน้องสาวแท๊ๆของตาบูร ครอบครัวนี้มีกันอยู่สี่คน ตาสา ยายทอง ลูกซายใหญ่คืออ้ายดำ ส่วนโงนเป็นลูกสาวหล่า บ้านของยายทอง เป็นร้านขายของชำเล็กๆ อยู่ทางทิศตะวันตกของหมู่บ้าน          "เอ๊า..นี่เงินอ้ายนกอ้ายฟลุ๊ค"      โงนยื่นเงินให้อ้าย พร้อมกับเปรยยิ้มอย่างสวยงาม     ทั้งสองรับเงิน พร้อมกับไหว้ขอบคุณยายทอง แล้วเปลี่ยนพิกัดไปทาง ร้านส้มตำยายพิมทันที ซึ่งอยู่บ่ไกลกันมากนัก เป็นความสุขอย่างยิ่งของทั้งสอง กับการที่ได้เงินที่มาจาก น้ำพักน้ำแรงของกะของ แตกต่างจากเด็กน้อยในวัยเดียวกัน ที่ยังคงแบมือขอเงินจากพ่อแม่ ทั้งสองหันมองหน้ากัน สายตาเต็มไปด้วยความมุ่งมั่น ที่สิดำเนินการ ตามแผนการขั้นที่สอง ที่เขาทั้งสองได้วางไว้ก่อนหน้านี้               ...........................

 
 
สาธุการบทความนี้ : 346 ครั้ง
จากสมาชิก : 1 ครั้ง
จากขาจร : 345 ครั้ง
  
 
  24 มิ.ย. 2554 เวลา 21:10:57  
   ขึ้นบน ลงล่าง  
 
         

  โพสต์โดย   114) เสี่ยว  
  Maxxi    คห.ที่77) ตอนที่#11      [ไปที่ความเห็นนี้ ในกระทู้นี้]  
  ศิษย์น้อง

ภูมิลำเนา : ร้อยเอ็ด
เข้าร่วม : 29 เม.ย. 2554
รวมโพสต์ : 37
ให้สาธุการ : 20
รับสาธุการ : 81810
รวม: 81830 สาธุการ
 
  ..แสงตะวันเริ่มคล้อยต่ำ เมฆก้อนสีแหล่ๆ แดงสลับม่วงปนส้มผสมผสานกัน ตรงปลายขอบฟ้า แดดผีตากผ้าอ้อมส่องแสงอ่อนๆ ลอดทะลุก้อนเมฆลงมา เป็นสีส้มชัดเจน ลมหนาวพัดหวิวๆเป็นระยะๆ หากแต่แลงมื้อนี้ ปราศจากเสียงของธนูว่าว ย้อนว่าเจ้าของว่าวทั้งหลาย ติดภารกิจแข่งขันกีฬา เหลียวมองไปตามทุ่งนา วัวควายหลายฝูงถูกไล่ต้อน เบนหน้าเข้าบ้าน เหลือไว้เพียงกองขี้ควายใหม่ๆ ที่รอคอยกุดจี่เข้ามาซอนไซ เช่นเดียวกันกับนักกีฬาทั้งหลาย เด็กน้อยหญิงชายสิบกว่าชีวิต ย่างเกาะกลุ่มลัดทุ่งนา มุ่งหน้าสู่บ้านโนน ซึ่งห่างจากโรงเรียนประมาณโลเศษๆ ถือว่าบ่เป็นระยะทางที่ไกลมากนัก..     "อ้ายฟลุ๊คๆ แม่นคึดอีหยังอยู่น๊อ หมู่พวกคุยกันแตกแซวๆ กะของหย่างเหม่ออยู่คนเดียวฮึ"  โงนสังเกตุเห็นอ้ายผิดปรกติ จึงฮ้องแซวเล่น      "บ่มีหยังดอก กำลังคึดอีหยังเพลินๆ จะแม่นซ่างจอบดีแท๊ๆเนาะ ฟ้าวหย่างกันดีกว่า ใกล้สิค่ำแล้ว เดี๋ยวผีหลอกเด้ เฮือนกะของแฮ่งอยู่ไกลกว่าหมู่"     บักฟลุ๊คฟ้าวออกโต ก่อนสิถืกส่อจนตำตอ     "บ่ย้านดอก มีอ้ายอยู่ทั้งคน ผีอีหยังกะบ่ย้าน ละที่ใจเหม่อลอยเมื่อกี้ บ่แม่นคึดฮอดสาวบางกอกบ๊อ"    โงนคาดคั้นสิเอาคำตอบให้ได้    "เฮากะว่าคือโตละโงน บ่เห็นเบาะวางเว็น ตอนแข่งฟุตบอลเลาแล่นโสตาย บ่ฮู้จักเมื่อย แม่นคักๆเฮาว่า คึดฮอดผู้สาวคักๆ"    อีแห้งเว่าเสริมสาวโงนทันที แต่กะปราศจากสัญญาณตอนรับ จากบักฟลุ๊คแต่อย่างใด     ..ทุกชีวิตหย่างมาฮอดวัด ที่อยู่ตีนบ้าน ต่างแยกย้ายเข้าเฮือนไผเฮือนมัน อ้ายนกบักฟลุ๊คสาวโงน กลับทางเดียวกัน เฮือนบักฟลุ๊คอยู่ใกล้กว่าหมู่ ทั้งสามจึงเร่งฝีเท้า ย้อนว่าเริ่มสิมืดเข้าทุกที..       "อ้ายนกข่อยถามเจ้าแนะ นี่กะใกล้สิสอบแล้ว ถ้าเจ้าจบป.6แล้ว เจ้าสิไปเรียนต่อไส"           บักฟลุ๊คยิงคำถามทันที หลังจากที่ครุ่นคิดมาตลอดทาง     "หึ!คือถามจั่งซั่น ย้านบ่มีหมู่เฮ็ดสวนบ๊อ จั่งซั่นอ้ายสิบ่เรียนกะได้ ถ่าให้โตจบก่อน อ้ายจั่งสิเรียนม.1พร้อมโต โอเคแม่ใหญ่สอนเบ๊าะ"       สิ้นคำตอบจากนก บักฟลุ๊คหัวเราะถืกใจแฮง ย้อนรู้สึกดีในคำตอบของอ้าย แม้ใจมันยังหวั่นๆอยู่กะตาม      คล้อยหลังสิ้นแสงตะวัน ความมืดกะเข้ามาเยือน แสงตะเกียงสลัวๆจากเฮือนบักฟลุ๊ค มองเห็นกลุ่มคนจากใต้ถุนเฮือน สักสี่ถึงห้าคนได้ ทั้งสามจึงมุ่งตรงไปทันที่       "เอาตามนี่ละกันน้อเฒ่าแม่ ให้พรไปอยู่นำข่อย ข่อยกะสิฮักมันคือลูกนี่หล่ะ ไปซอยงานข่อย คนใช้คนเก่าเขาลาออก กลับบ้านไปเบิ่งแม่ แม่เพิ่นบ่ซ่ำบาย อีกอย่างนึง หลานฟ้ากะสิได้มีหมู่นำ สิได้บ่เหงา ข่อยสิเบิ่งพรให้ดีที่สุดเลย ข่อยรับปาก"       สิ้นเสียงของป้าสร้อย ตาบูรยายนวลและพร ต่างหันมองตากัน      จากความที่บ่เคยจากกันไกล ตาบูรและยายนวล กะคึดเป็นห่วงลูกทันที แม้ยังบ่ทันจากกัน ย้อนว่าโตเองยังบ่ทันเฒ่าปานใด๋ ร่างกายยังพอสิสู้กับการเฮ็ดนาได้ พอมีโอกาสดีๆ กะอยากสิให้ลูกไปหาเงินหาทอง มาปลูกบ้านสร้างเรือน ส่งเสียบักฟลุ๊คให้ได้เรียนต่อ กับฐานะการเงินตอนนี้ ลูกชายคงสิบ่ได้เรียนต่อ ดังเช่นเอื้อยเป็นแท้      "ว่าจั่งใด๋หล่ะพร พอสิไปนำป้าสร้อยได้บ่ลูก"      ยายนวลเว่าเบาๆ ถามความสมัครใจของลูกสาว      ยังบ่ทันได้ยินเสียงตอบ ร่างของเด็กซายตัวเล็กๆ หย่างฝ่าความมืดมา ทุกสายตาจับจ้องไปยังจุดๆเดียว น้ำตาไหลอาบแก้มทั้งสองข้าง บักฟลุ๊คยืนนิ่ง ดวงตาที่เต็มไปด้วยน้ำตา เพ่งมองไปยังพี่สาวสุดที่รัก เมื่อมันบ่รู้ว่า สิเฮ็ดจั่งใด๋ดีถ้าขาดพี่สาวไป   "ฮือๆ..ข่อยบ่ให้เอื้อยไป ฮือๆๆ.."

 
 
สาธุการบทความนี้ : 341 ครั้ง
จากสมาชิก : 0 ครั้ง
จากขาจร : 341 ครั้ง
  
 
  07 ก.ค. 2554 เวลา 10:09:26  
   ขึ้นบน ลงล่าง  
 
         

  โพสต์โดย   114) เสี่ยว  
  Maxxi    คห.ที่20)       [ไปที่ความเห็นนี้ ในกระทู้นี้]  
  ศิษย์น้อง

ภูมิลำเนา : ร้อยเอ็ด
เข้าร่วม : 29 เม.ย. 2554
รวมโพสต์ : 37
ให้สาธุการ : 20
รับสาธุการ : 81810
รวม: 81830 สาธุการ
 
นี่เป็นเรื่องแรกของผม คึดตั้งโดนจนกว่าสิกล้าเขียน ย้านเขียนแล้วบ่เป็นเรื่องเป็นราว ผิดพลาดประการได๋ ขออภัยด้วยเด้อครับทุกๆท่าน

 
 
สาธุการบทความนี้ : 339 ครั้ง
จากสมาชิก : 0 ครั้ง
จากขาจร : 339 ครั้ง
  
 
  23 พ.ค. 2554 เวลา 20:11:18  
   ขึ้นบน ลงล่าง  
 
         

  โพสต์โดย   114) เสี่ยว  
  Maxxi    คห.ที่0) เสี่ยว      [ไปที่ความเห็นนี้ ในกระทู้นี้]  
  ศิษย์น้อง

ภูมิลำเนา : ร้อยเอ็ด
เข้าร่วม : 29 เม.ย. 2554
รวมโพสต์ : 37
ให้สาธุการ : 20
รับสาธุการ : 81810
รวม: 81830 สาธุการ
 
"หากคำว่าเสี่ยว มันเป็นเพียงคำทิเฮา เอิ้นกันเวลาพ้อหน้า มันคงสิเบิ่งบ่ลึกซึ่ง ปานได๋ แต่ถ่าหากเฮา เข๋าใจในควมหมาย มันอีหลีแท๊ ล่ะสิได้ฮู้ว่า มันบ่มีอิหยังยาก เกินกว่าทิ"เสี่ยว" สิเฮ็ดให้กันบ่ได้"  

 
 
สาธุการบทความนี้ : 312 ครั้ง
จากสมาชิก : 0 ครั้ง
จากขาจร : 312 ครั้ง
  
 
  19 พ.ค. 2554 เวลา 20:44:24  
   ขึ้นบน ลงล่าง  
 
         

  โพสต์โดย   114) เสี่ยว  
  Maxxi    คห.ที่40) ตอนที่#6      [ไปที่ความเห็นนี้ ในกระทู้นี้]  
  ศิษย์น้อง

ภูมิลำเนา : ร้อยเอ็ด
เข้าร่วม : 29 เม.ย. 2554
รวมโพสต์ : 37
ให้สาธุการ : 20
รับสาธุการ : 81810
รวม: 81830 สาธุการ
 


"ครูใหญ่มา
อีแห้งครูใหญ่มา" บักฟลุ๊คฮ้องจนสุดเสียง อีแห้งพอได้ยินกะตกใจบักใหญ่ แทบสิกระโดดลงจากต้นไม้เลย มันค่อยๆไต่ลงมาอย่างรวดเร็ว
"อีแห้งอย่าลงมาบักฟลุ๊คมันตั๋ว" เสียงของอีเป็ดฮ้องบอกอีแห้ง
"อีหลีเบาะอีเป็ด" วาแล้วอีแห้งกะงวกซ้ายงวกขวาทันที
"โอ๊ย!บักขิตั๋วเอ้ย กูบ่เซื่อมึงดอก อยู่ใสโดนิครูใหญ่กูบ่ย้านดอก มากูกะบ่ย้าน มึงอย่ามาตั๋วกู บักขิตั๋วเอ้ย เยยๆๆๆ" อิแห้งเยาะเย้ยบักฟลุ๊คอย่างสะใจ บักฟลุ๊คเจ็บใจขนาดทิแผนการ ของมันเกือบสำเร็จไปแล้ว ถ้าอีเป็ดบ่รู้ทันเสียก่อน
  
ในขณะนั่นเอง ภายในห้องเรียนซั้นป1 ซึ่งประตูด้านหน้าถืกล็อกกลอน จากด้านใน ครูสมปองฟ้าวโดดออกหน้าต่าง อย่างรวดเร็ว ตามด้วยครูสมหมายทิฟ้าวหลาย จนกางเกงแตกดูก ครูบุญหลายโดดไว่ ข้ามหน้าต่างบานที่3 ส่วนครูทรงศรีย้อนว่าเพิ่นอ้วนหลาย ครูพรจิตต์เพิ่นกะเลยมาซุกดากขึ่น บรรดาครูทั้งหลายประมาณ10คนได้ พากันกระโดดออกหน้าต่าง อย่างคล่องแคล่วปานนักกีฬาทีมชาติ ต่างคนต่างหย่างไปคนละทาง เพื่อสิออกไปด้านหน้าอาคารเรียน ให่เนียนที่สุด

"โอ๊ย!จั่งแม่นผมสูนคักฮ้ายครูจิตต์ ไพ่ผมป๊อก9เด้งพอดี กินรอบวงคักๆ จั่งแม่นซวยคักแหน แหงเสียเงินอยู่บาดสิได้กะบ่ได้ เซ็งๆๆ" เสียงครูสมหมายจ่มขณะที่ ครูทั้ง3คนหย่างมาฮอดหน้าอาคาร "อย่าซุจ่มหลายครูซ่างมันเถาะ ดีกว่าพวกเฮาสิถืกครูใหญ่จับได้อยู่เด้" ครูทรงศรีเว่าปลอบ

"ซุมเด็กน้อยหมู่นี้ สูเห็นครูใหญ่บ๊อเพิ่นหย่างไปทางใด๋ว่ะ" ครูสมหมายเอ่ยถาม สายตากะเหลียวหารถครูใหญ่ไปนำ
"บ่เห็นดอกค๊าอาจารย์ หนูเห็นเพิ่นขี่รถออกไปตะเที่ยงพุ้น บ่ทันเห็นรถเพิ่นเข้ามาอยู่ค๊า" อีเป็ดฟ้าวตอบคำถามครูทันที ครูทั้ง3คนหันมาเบิ่งหน้ากัน
"ละวั่งหั่นครูคือได้ยินเสียงฮ้องว่า ครูใหญ่มาละฮึ"
"บ่มีหยังดอกค๊าคือวา บักฟลุ๊คมันตั๋วให่อีแห้งลงจากต้นไม้ซือๆ เห็นบ่ค๊าพุ้นอีแห้ง กอดงาไม้เฮ็ดเอดเปด คือขิกะปอมอยู่เทิ่งพุ้นค๊า" อีแห้งอธิบายอย่างละเอียด สายตาครูทั้ง3 หันมารวมกันอยู่จุดๆเดียว

นายฟลุ๊ค!!!

 
 
สาธุการบทความนี้ : 294 ครั้ง
จากสมาชิก : 1 ครั้ง
จากขาจร : 293 ครั้ง
  
 
  31 พ.ค. 2554 เวลา 06:58:33  
   ขึ้นบน ลงล่าง  
 
         

  โพสต์โดย   95) นิยาย กรรมลิขิต  
  Maxxi    คห.ที่495)       [ไปที่ความเห็นนี้ ในกระทู้นี้]  
  ศิษย์น้อง

ภูมิลำเนา : ร้อยเอ็ด
เข้าร่วม : 29 เม.ย. 2554
รวมโพสต์ : 37
ให้สาธุการ : 20
รับสาธุการ : 81810
รวม: 81830 สาธุการ
 
คุณบ่าวหน่อ:
คุณปิ่นลม:

หานางเอก ผู้ฮู้ ๆ เด้อ  มันจั่งเว้าบ่ยาก
เป็นแม่ฮ้าง  กะดี   ฮู้งาน  อิอิอิ



เว้าปานตาเห็นเน๊าะ อ้าย
สงสัยนางเอกต้องเป็น แม่ฮ้างเกาหลีคักๆผมว่า

 
 
สาธุการบทความนี้ : 280 ครั้ง
จากสมาชิก : 0 ครั้ง
จากขาจร : 280 ครั้ง
  
 
  07 ก.ค. 2554 เวลา 19:12:32  
   ขึ้นบน ลงล่าง  
 
         

  โพสต์โดย   114) เสี่ยว  
  Maxxi    คห.ที่72)       [ไปที่ความเห็นนี้ ในกระทู้นี้]  
  ศิษย์น้อง

ภูมิลำเนา : ร้อยเอ็ด
เข้าร่วม : 29 เม.ย. 2554
รวมโพสต์ : 37
ให้สาธุการ : 20
รับสาธุการ : 81810
รวม: 81830 สาธุการ
 
คุณอีเกียแดง:
มีข้อข้องใจอยากสิถามบ่าวแม็ก..สั่นดอก
  ผู้สาวซือโงนว่าติ๊..คนซือแบบซี้ใบหน้าสิออกลักษณะได๋น้อ
       อย่าสะบอกเด้อว่าซือเหล่นโงน ซือจริง โงนเงน  
555+เอาฮั่นเถาะครับ สาวโงนผุดียุดอกครับ  เด๋วใหญ่ขึ่นมักบ่าวเป็น เพิ่นอาจสิเปลี่ยนซือกะได้

 
 
สาธุการบทความนี้ : 253 ครั้ง
จากสมาชิก : 0 ครั้ง
จากขาจร : 253 ครั้ง
  
 
  25 มิ.ย. 2554 เวลา 05:56:18  
   ขึ้นบน ลงล่าง  
 
         

  โพสต์โดย   114) เสี่ยว  
  Maxxi    คห.ที่68)       [ไปที่ความเห็นนี้ ในกระทู้นี้]  
  ศิษย์น้อง

ภูมิลำเนา : ร้อยเอ็ด
เข้าร่วม : 29 เม.ย. 2554
รวมโพสต์ : 37
ให้สาธุการ : 20
รับสาธุการ : 81810
รวม: 81830 สาธุการ
 
คุณอีเกียแดง:
ตอนเก่าเอามาฉายใหม่..
  แต่ว่าเพิ่มสีสันเข้ามาสั่นบ้อบ่าวแม๊ก..
กำลังหัดเฮ็ดอยู่ครับอ้ายรุทธิ์

 
 
สาธุการบทความนี้ : 241 ครั้ง
จากสมาชิก : 0 ครั้ง
จากขาจร : 241 ครั้ง
  
 
  21 มิ.ย. 2554 เวลา 05:50:56  
   ขึ้นบน ลงล่าง  
 
         

  โพสต์โดย   114) เสี่ยว  
  Maxxi    คห.ที่46)       [ไปที่ความเห็นนี้ ในกระทู้นี้]  
  ศิษย์น้อง

ภูมิลำเนา : ร้อยเอ็ด
เข้าร่วม : 29 เม.ย. 2554
รวมโพสต์ : 37
ให้สาธุการ : 20
รับสาธุการ : 81810
รวม: 81830 สาธุการ
 
คุณปิ่นลม:

เรียน คุณ MAXXI  101
เขียนได้น่าอ่านดีครับ ม่วน ๆ   แต่ งวดหน้า ขอ ตัวหนังสือ ใหญ่ๆ เด้อ
ตัวหนังสือน้อย  สมาชิกผู้ตาบ่ดี  อ่านบ่เห็น  ฮั่นน๊า  หลูโตน ผู้เฒ่า อิอิ

อีกอย่างหนึ่ง บ่มีเงินซื้อแว่นตาใส่ ( คือบ่าวหน่อ )  แพงโพด  หนี้ ธกส.ยังบ่หวิด พะนะ
ขอบคุณหลายๆ ที่ มีเรื่องมาให้อ่าน เอามาลงอีกเด้อ  
ขอบคุณที่แนะนำติชมครับ ผมจะพยายามแก้ไขปรับปรุงครับอ้ายปิ่นลม

 
 
สาธุการบทความนี้ : 237 ครั้ง
จากสมาชิก : 0 ครั้ง
จากขาจร : 237 ครั้ง
  
 
  31 พ.ค. 2554 เวลา 17:18:30  
   ขึ้นบน ลงล่าง  
 
         

  โพสต์โดย   114) เสี่ยว  
  Maxxi    คห.ที่64) ตอนที่#8      [ไปที่ความเห็นนี้ ในกระทู้นี้]  
  ศิษย์น้อง

ภูมิลำเนา : ร้อยเอ็ด
เข้าร่วม : 29 เม.ย. 2554
รวมโพสต์ : 37
ให้สาธุการ : 20
รับสาธุการ : 81810
รวม: 81830 สาธุการ
 
  ..ฟ้าเริ่มสิแจ้งแล้ว แสงตะเว็นกำลังสิสาดส่อง ขึ้นสู่ท้องฟ้า เสียงไก่ขันเอ๊กอิเอ๊กเอ้ก ดังขึ้นสลับกัน ยายนวลกับพรกำลังสิดังไฟนึ่งข้าว ส่วนบักฟลุ๊คกับตาบูร ได้จัดการต้อนควายออกจากคอก ไปก่อนสักพักนึงแล้ว พร้อมกับฝูงควายของตาเพลิน บ้านตรงข้าม จุดหมายคือดอนน้อย ที่อยู่ใกล้ๆซ่างพ่อหมี แถวๆตีนนาห้วยของตาบูรนั่นเอง..
    .........................................................

"อาวบูรเจ้าว่าเบาะขั่นมื่อคืนนี่ ฝนตกโดนกว่านี่อีกจักหน่อย ข่อยว่านาเฮา ขาวโจ้นโพนแท๊ๆข่อยว่า"
ตาเพลินเอ่ยแสดงความคิดเห็น
"ตอนนี่ข่อยกะยังบ่แน่ใจคือกัน ใจคอบ่ดีเลยย้อนว่ามันตกแฮงกะด้อ ฟ้าวไล่ควายไปเถาะเฮา ข่อยอยากฮอดนาไวๆแหมะลุงเพลิน สิได้ฟ้าวไปเบิ่งคูเบิ่งคันนำ"
ตาบูรรู้สึกใจคอบ่ดี ปากกะคาบยาสูบพันจากใบตองแห้ง พ่นควันสีขาวขุ่นออกมาเป็นระยะ

"ปาดอีพ่ออาวบูร หมู่เจ้าเบิ่งน้ำขาวโจ้นโพนเลย"

บักซาลูกซายของตาเพลิน หมู่รุ่นเดียวกันกับบักฟลุ๊ค แล่นกลับมาบอกพ่อทันที ที่มันล่วงหน้าไปสังเกตุการณ์ อยู่ตีนดอน หลังจากตอกหลักควายเสร็จแล้ว ทั้ง4คนกะฟ้าวเร่งฝีตีน ไปยังทุ่งนาทันที
"โอ๊ย!พ่อละตกใจเบิ่ด ท่วมตะคูห้วยซื่อๆตั๊วหนิ ยังบ่ฮอดนาเฮาดอก ปะอาวบูรเฮา ฟ้าวไปสำรวจเบิ่งนากันเถาะ หม่องใด๋คูขาดสิได้ปั้นทัน เด๋วน้ำสิเซาะให้มันพังกันไปใหญ่"

ตาเพลินแบกบักจกใส่บ่า จ้ำอ้าวลงนาทันที
"อีพ่อข่อยไปเบิ่งแปลงผักก่อนเด้อ ข่อยย้านน้ำท่วมฮอดหัวนาเฮา"

บักฟลุ๊คฟ้าวแล่นไปตามคันแทนา ด้วยความเร่งรีบ ในใจกะพะวงย้านแปลงผักถืกน้ำท่วม ..ปิ๊ว.ว..ตู้ม.ม.ตีลังกาหัวสักลงไฮนา ย้อนมันยังบ่ทันแจ้งดีปานได๋ กอปรกับความฟ้าว บักฟลุ๊คแล่นตกคันแทนา ขาซี่เก๊เด่ ลุกขึ้นมาหัวแฮ่ๆใส่พ่อ ละกะฟ้าวแล่นต่อไปอย่างรวดเร็ว

"คืออาบน้ำแต่เซ้าแท๊ลูกหล่า บ่หนาวบ๊อ"
ตาบูรฮ้องไล่หลังลูกซาย เชิงแซวเล่น ละกะหันมายกพนมมือใส่หัว ขอบคุณพระแม่ธรณี ผีปู่ย่าตายาย ผีไฮผีนาที่คุ้มครอง บ่ให้น้ำท่วมนาในเทื่อนี่ เป็นความเซื่อของเลา และคนทั้งหมู่บ้าน สืบมาช้านาน ที่ต่างพร้อมใจกราบไหว้  สิ่งเหล่านี้ โดยบ่มีข้อกังขา ในใจใดๆทั้งสิ้น..

 
 
สาธุการบทความนี้ : 231 ครั้ง
จากสมาชิก : 1 ครั้ง
จากขาจร : 230 ครั้ง
  
 
  20 มิ.ย. 2554 เวลา 19:36:17  
   ขึ้นบน ลงล่าง  
 
         

  โพสต์โดย   114) เสี่ยว  
  Maxxi    คห.ที่57)       [ไปที่ความเห็นนี้ ในกระทู้นี้]  
  ศิษย์น้อง

ภูมิลำเนา : ร้อยเอ็ด
เข้าร่วม : 29 เม.ย. 2554
รวมโพสต์ : 37
ให้สาธุการ : 20
รับสาธุการ : 81810
รวม: 81830 สาธุการ
 
คุณบ่าวแก่นนคร:
หนุ่ม Maxxi  สร้างสรรค์ผลงานดี  มีคุณภาพอีกแล้วครับท่าน
ขอบคุณหลายๆครับ แต่ยังบ่ทันติดฝุ่นรุ่นพี่ทั้งหลายดอกครับ

 
 
สาธุการบทความนี้ : 229 ครั้ง
จากสมาชิก : 0 ครั้ง
จากขาจร : 229 ครั้ง
  
 
  18 มิ.ย. 2554 เวลา 11:48:57  
   ขึ้นบน ลงล่าง  
 
         

  โพสต์โดย   114) เสี่ยว  
  Maxxi    คห.ที่60)       [ไปที่ความเห็นนี้ ในกระทู้นี้]  
  ศิษย์น้อง

ภูมิลำเนา : ร้อยเอ็ด
เข้าร่วม : 29 เม.ย. 2554
รวมโพสต์ : 37
ให้สาธุการ : 20
รับสาธุการ : 81810
รวม: 81830 สาธุการ
 
คุณMaxxi:
ตอนที่5ผมหาย!! ซอยผมแน๊อ้ายบ่าวหน่อ
ตอนที่3กะหาย ได้ไปก๊อปเอาจากโพสต์ป้าหน่อยมา อ้ายบ่าวหน่อเฮ็ดจั่งใด๋ดีครับ

 
 
สาธุการบทความนี้ : 225 ครั้ง
จากสมาชิก : 0 ครั้ง
จากขาจร : 225 ครั้ง
  
 
  18 มิ.ย. 2554 เวลา 20:58:12  
   ขึ้นบน ลงล่าง  
 
         

  โพสต์โดย   10) ร้อยเอ็ด  
  Maxxi    คห.ที่174)       [ไปที่ความเห็นนี้ ในกระทู้นี้]  
  ศิษย์น้อง

ภูมิลำเนา : ร้อยเอ็ด
เข้าร่วม : 29 เม.ย. 2554
รวมโพสต์ : 37
ให้สาธุการ : 20
รับสาธุการ : 81810
รวม: 81830 สาธุการ
 
คุณจารย์ใหญ่:
อยากไปอยู่เเต่บ่มีค่ารถ....
ค่อยๆหย่างเอาครับอาจารย์ใหญ่ อย่าหย่างฟ้าวเด้อครับ เด๋วเมื่อย

 
 
สาธุการบทความนี้ : 220 ครั้ง
จากสมาชิก : 0 ครั้ง
จากขาจร : 220 ครั้ง
  
 
  23 พ.ค. 2554 เวลา 05:46:44  
   ขึ้นบน ลงล่าง  
 
         

  โพสต์โดย   114) เสี่ยว  
  Maxxi    คห.ที่66) ตอนที่#8      [ไปที่ความเห็นนี้ ในกระทู้นี้]  
  ศิษย์น้อง

ภูมิลำเนา : ร้อยเอ็ด
เข้าร่วม : 29 เม.ย. 2554
รวมโพสต์ : 37
ให้สาธุการ : 20
รับสาธุการ : 81810
รวม: 81830 สาธุการ
 
   ..ฟ้าเริ่มสิแจ้งแล้ว แสงตะเว็นกำลังสิสาดส่อง ขึ้นสู่ท้องฟ้า เสียงไก่ขันเอ๊กอิเอ๊กเอ้ก   ดังขึ้นสลับกัน ยายนวลกับพร กำลังสิดังไฟนึ่งข้าว   ส่วนบักฟลุ๊คกับตาบูร ได้จัดการ ต้อนควายออกจากคอก ไปก่อนสักพักนึงแล้ว พร้อมกับฝูงควายของตาเพลิน  บ้านตรงข้าม จุดหมายคือดอนน้อย ที่อยู่ใกล้ๆซ่างพ่อหมี ตีนนาห้วยของตาบูรนั่นเอง

    "อาวบูรเจ้าว่าเบาะขั่นมื่อคืน ฝนตกโดนกว่านี่อีกจักหน่อย ข่อยว่านาเฮา ขาวโจ้นโพนแท๊ๆข่อยว่า"

   ตาเพลินเอ่ยแสดงความคิดเห็น

   "ถึงตอนนี่ ข่อยกะยังบ่แน่ใจคือกัน ใจคอบ่ดีเลยย้อนว่า มันตกแฮงกะด้อ ฟ้าวไล่ควายไปเถาะเฮา ข่อยอยากฮอดนาไวๆ  แหมะลุงเพลิน สิได้ฟ้าวไปเบิ่งคูเบิ่งคันนำ"

    ตาบูรรู้สึกใจคอบ่ดี ปากกะคาบยาสูบ ที่พันจากใบตองแห้ง พ่นควันสีขาวขุ่นออกมา  เป็นระยะๆ

    "ปาดอีพ่ออาวบูร หมู่เจ้าเบิ่งน้ำขาวโจ้นโพนเลย"

   บักซาลูกซายของตาเพลิน หมู่รุ่นเดียวกันกับบักฟลุ๊ค แล่นกลับมาบอกพ่อทันที ที่มันล่วงหน้า ไปสังเกตุการณ์อยู่ตีนดอน หลังจากตอกหลักควายเสร็จ ทั้ง4คนกะฟ้าวเร่งฝีตีน ไปยังทุ่งนาทันที

              "โอ๊ย!พ่อละตกใจเบิ่ด ท่วมตะคูห้วยซื่อๆตั๊วหนิ ยังบ่ฮอดนาเฮาดอก    ปะอาวบูรเฮา ฟ้าวไปสำรวจเบิ่งนากันเถาะ หม่องใด๋คูขาดสิได้ปั้นทัน เด๋วน้ำสิเซาะ ให้มันพังกันไปใหญ่"

   ตาเพลินแบกบักจกใส่บ่า จ้ำอ้าวลงนาทันที

    "อีพ่อข่อยไปเบิ่งแปลงผักก่อน ข่อยย้านน้ำท่วม ฮอดหัวนาเฮา"

   บักฟลุ๊คฟ้าวแล่น ไปตามคันแทนา ด้วยความเร่งรีบ ในใจกะพะวงย้านแปลงผัก ถืกน้ำท่วม
   ..ปิ๊ว.ว..ตู้ม.ม.ตีลังกา หัวสักลงไฮนา ย้อนมันยังบ่ทันแจ้งดีปานได๋ กอปรกับความฟ้าว บักฟลุ๊คแล่นตกคันแทนา ขาซี่เก๊เด่ ลุกขึ้นมาหัวแฮ่ๆใส่พ่อ ละกะฟ้าวแล่นต่อไป อย่างรวดเร็ว

     "คืออาบน้ำแต่เซ้าแท๊ ลูกหล่าบ่หนาวบ๊อ"

ตาบูรฮ้องไล่หลังลูกซาย  เชิงแซวเล่น ละกะหันมายกพนมมือใส่หัว ขอบคุณพระแม่ธรณี ผีปู่ย่าตายาย ผีไฮผีนาที่คุ้มครอง บ่ให้น้ำท่วมนาในเทื่อนี่ เป็นความเซื่อของเลา และคนทั้งหมู่บ้าน สืบมาช้านาน ที่ต่างพร้อมใจกราบไหว้  สิ่งเหล่านี้ โดยบ่มีข้อกังขาในใจ ใดๆทั้งสิ้น..           .....................................................

 
 
สาธุการบทความนี้ : 218 ครั้ง
จากสมาชิก : 0 ครั้ง
จากขาจร : 218 ครั้ง
  
 
  20 มิ.ย. 2554 เวลา 21:00:36  
   ขึ้นบน ลงล่าง  
 
         

  โพสต์โดย   114) เสี่ยว  
  Maxxi    คห.ที่76) ตอนที่#10      [ไปที่ความเห็นนี้ ในกระทู้นี้]  
  ศิษย์น้อง

ภูมิลำเนา : ร้อยเอ็ด
เข้าร่วม : 29 เม.ย. 2554
รวมโพสต์ : 37
ให้สาธุการ : 20
รับสาธุการ : 81810
รวม: 81830 สาธุการ
 
   ..."อะโหลๆ เทสๆ เอาหล่ะพร้อมแล้ว กราบเรียนท่านปลัดสมชาย พร้อมทั้งคณะครูบาอาจารย์ และสวัสดีครับพ่อแม่พี่น้อง ที่เคารพรักทุกๆท่าน มื้อนี้เป็นมื้อเปิดการแข่งขันกีฬา ระดับประถมประจำปี ของกลุ่มอุ่มเม้าของเฮา และเป็นเกียรติอย่างยิ่งครับ ที่มื้อนี้เฮาได้รับเกียรติอย่างสูง จากท่านปลัดสมชาย ที่ได้สละเวลาอันมีค่า มาเป็นประธานในพิธีเปิด การแข่งขันกีฬากลุ่ม ของนักเรียนในมื้อนี่ เพื่อบ่เป็นการเสียเวลา ย้อนว่าแดดมันพวมสิฮ้อนเนาะ กะขอกราบเรียนเชิญ ท่านปลัดสมชาย ได้กล่าวเปิดงานได้เลยครับ เชิญครับ"   สิ้นเสียงประกาศจากครูสมหมาย โฆษกประจำรายการ เสียงปรบมือกะดังแตกซวดๆ จากคณะครูและนักเรียน จากโรงเรียนต่างๆ รวมทั้งบรรดาชาวบ้าน ที่มาให้กำลังใจลูกหลาน ในการแข่งขันกีฬาครั้งนี้   ..เป็นประจำทุกปีในช่วงฤดูหนาว หลังปีใหม่ จะมีการจัดการแข่งขันกีฬา ของนักเรียนเพื่อสร้างความสามัคคี และส่งเสริมให้นักเรียน ได้ออกกำลังกาย...    "อ้ายนกๆ แม่นผู้ได๋นั่งอยู่ข้างๆแม่เจ้านั่น ข่อยคือบ่เคยเห็นหน้า"    บักฟลุ๊คสะกิดถามเพิ่นนก    "กะป้าสร้อยนั่นเด๋ฟลุ๊ค ผู้ที่เอื้อยฟ้าไปอยู่นำ เลามากับพ่อเฮา มาเที่ยวมายามบ้านเฮาตั๊ว สงสัยไปอยู่บางกอกโดน ทรงสิคึดฮอดบ้านละหว๋า" นกอธิบาย   "อ้ายนก"   เสียงใสๆของเด็กสาว ดังมาจากด้านหลังของทั้งสอง นกและฟลุ๊คต่างพร้อมใจกัน หันหน้าไปทางต้นเสียง เด็กสาวยืนยิ้มหน้าตาสดใส มือกะยื่นถุงน้ำหวานให้เพิ่นนก บักฟลุ๊คมองตาปริบๆ จ้องหน้าเด็กสาว ที่มันบ่คุ้นหน้าเอาเสียเลย..   "น้องแก้วนั่นเองนึกว่าผู้ได๋ ซื้อน้ำหวานมาฝากอ้ายเบาะ ขอบใจหลายๆเด้อ แก้วมากับไผหน่ะ อ้ายคือบ่เคยเห็นหน้า" แก้วเด็กสาวจากบางกอก ลูกสาวคนสุดท้องของป้าสร้อย ยืนเคียงคู่กับเด็กสาว รุ่นราวคราวเดียวกัน  "ลืมเลยอ้ายนก นี่บัว หมู่ของแก้วเอง กะมานำกันฮั่นหล่ะ มื้อคืนมาฮอดดึกกะเลยตื่นสาย เลยบ่ทันพ้อหน้ากัน บัวนี่อ้ายนกพี่ซายเฮา ละผู้นี่กะ...."   "ฟลุ๊คจ้ะ"...   บักฟลุ๊คตอบเด็กสาวแก้ว สายตาของมันกลับจ้องมอง ตาบ่กะพริบไปที่ใบหน้าของบัว...

 
 
สาธุการบทความนี้ : 213 ครั้ง
จากสมาชิก : 2 ครั้ง
จากขาจร : 211 ครั้ง
  
 
  05 ก.ค. 2554 เวลา 10:50:07  
   ขึ้นบน ลงล่าง  
 
         

  โพสต์โดย   114) เสี่ยว  
  Maxxi    คห.ที่47)       [ไปที่ความเห็นนี้ ในกระทู้นี้]  
  ศิษย์น้อง

ภูมิลำเนา : ร้อยเอ็ด
เข้าร่วม : 29 เม.ย. 2554
รวมโพสต์ : 37
ให้สาธุการ : 20
รับสาธุการ : 81810
รวม: 81830 สาธุการ
 
คุณบ่าวหน่อ:
ขอถือวิสาสะ แก้ของบ่าวมาดเข้มเด้อครับเด้อ เพื่อให้อ่านง่าย

คนแถวนี้มีตะวัยรุ่น สายตาบ่ค่อยดี นั่นหนา
  

นักเรียนกะจะแม่นซางเป็น มาเล่นไล่จับกัน ตั๋วกันลงกกไม้ นักเรียนบาดบ่เซือ
แต่ครูหั่งเซือ


555+
นักเรียนผีบ้า มาซางตั๋วครู
ตามสบายเลยครับบ่าวหน่อ จั่งใด๋กะซอยเบิ่งซอยซอมแนเด้อครับ

 
 
สาธุการบทความนี้ : 211 ครั้ง
จากสมาชิก : 0 ครั้ง
จากขาจร : 211 ครั้ง
  
 
  31 พ.ค. 2554 เวลา 17:25:25  
   ขึ้นบน ลงล่าง  
 
         

  โพสต์โดย   114) เสี่ยว  
  Maxxi    คห.ที่24)       [ไปที่ความเห็นนี้ ในกระทู้นี้]  
  ศิษย์น้อง

ภูมิลำเนา : ร้อยเอ็ด
เข้าร่วม : 29 เม.ย. 2554
รวมโพสต์ : 37
ให้สาธุการ : 20
รับสาธุการ : 81810
รวม: 81830 สาธุการ
 
คุณป้าหน่อย:
คุณจารย์ใหญ่:
คุณป้าหน่อย:
คุณMaxxi:
ขอบคุณครับป้าหน่อย.. ทิบอกว่าผู้ลังคนหายไป แม่นพี่บ่าวปิ่นบ่ครับ ผมกะถ่าอ่าน ติดตามอยู่คือกันครับ บ่ส๊อดจั๊กเทือ


ผุได๋ ซงมิดๆ กะโยนใส่ผู้นั้นล่ะจ้า
เหลียวหน้าเหลียว หลัง กระทู้ได๋ กะบ่อซอดแมะ


รอดไป....


อย่าซุคิดว่าสิรอด นี่ล่ะโตดี (บ่อแม่นโตเอ เด้อ )
ฮ้างมาหลายงานแล้ว
งานเข้าจารย์ใหญ่แล้วครับพี่น้อง คือสินอนสะเดิดแล้วบ๊อปานนิ

 
 
สาธุการบทความนี้ : 208 ครั้ง
จากสมาชิก : 0 ครั้ง
จากขาจร : 208 ครั้ง
  
 
  23 พ.ค. 2554 เวลา 22:39:34  
   ขึ้นบน ลงล่าง  
 
         

  โพสต์โดย   63) สถิติ (พี่น้อง 2)  
  Maxxi    คห.ที่1290)       [ไปที่ความเห็นนี้ ในกระทู้นี้]  
  ศิษย์น้อง

ภูมิลำเนา : ร้อยเอ็ด
เข้าร่วม : 29 เม.ย. 2554
รวมโพสต์ : 37
ให้สาธุการ : 20
รับสาธุการ : 81810
รวม: 81830 สาธุการ
 
คุณลุ่มดอนไข่:
คุณจารย์ใหญ่:


คุณรุทธิ์  อีเกียแดง:
หนังยางดีดขุมตาแนน๊า...


โหดแท้ ตาบอดไผสิจูงพะนะ...


จัก....มาโหดได้ใจแท้
มีอิหยังคาใจกับจารย์ใหญ่บ่นี่ทิดรุทธิ์
อ้ายทิดรุทธิ์รมฌ์บ่ดีเบาะครับ สงสัยไม้ลำปอหักอีกละบ๊อ...

 
 
สาธุการบทความนี้ : 206 ครั้ง
จากสมาชิก : 0 ครั้ง
จากขาจร : 206 ครั้ง
  
 
  30 พ.ค. 2554 เวลา 23:43:15  
   ขึ้นบน ลงล่าง  
 
         

  โพสต์โดย   114) เสี่ยว  
  Maxxi    คห.ที่49) ตอนที่#7      [ไปที่ความเห็นนี้ ในกระทู้นี้]  
  ศิษย์น้อง

ภูมิลำเนา : ร้อยเอ็ด
เข้าร่วม : 29 เม.ย. 2554
รวมโพสต์ : 37
ให้สาธุการ : 20
รับสาธุการ : 81810
รวม: 81830 สาธุการ
 


แป๊งๆๆๆๆๆๆๆ

!!! "อีหล่าๆ พร ฟลุ๊คตื่นลูกตื่น" ยายนวลฟ้าวปลุกลูกทั้งสองคนกลางดึก ย้อนว่าเลาเห็นท่าบ่ดี
ฝนที่ตกหนักบ่ลืมหูลืมตาลมกะแฮง บ่มีวี่แววว่าสิหยุดยามได๋ เฮือนเลาข้างบนกะมีแค่ฝาที่ตาบูร สานขึ่นมาจากไม้ไผ่แอ้มไว้ เพื่อความปลอดภัยจึงต้องพากันไปอยู่
ที่ใต้ถุนบ้านเป็นจั่งซี่ประจำ ถ้าเกิดมื้อได๋ฝนตกลมแฮง

"ค่อยๆลงเด้อลูกหล่าบันไดมันมืน" ยายนวลเอิ้นเตือนลูกโดยที่โตเลา ค่อยๆเอามือบังลมไว้บ่ให้ตะเกียงดับ

"อีแม่ข่อยกับน้องนอนในโอ่งเด้อ ตูข่อยหนาว" โอ่งมังกรทิอยู่ใต้ถุนบ้านถึงแม้มันสิฮัว แต่ตาบูรกะบ่ยอมถิ่มเพราะ มันสามารถเอาไปใช้ต้มเกลือได้

"เอ๊า!อีพ่อ อีพ่อเคาะมีดเฮ็ดหยัง ข่อยเห็นเจ้าเคาะทุกเทือยามฝนตกแฮงๆ" บักฟลุ๊คนั่งกอดเข่าเฮ็ดตาเหลี่ยมมิบๆ นั่งเบียดกันกับเอื้อยพรอยู่ในโอ่ง เอิ้นถามพ่อด้วยความสงสัย

"พ่อกะเคาะไปจั่งซั่นหละ เห็นผู้เฒ่าเพิ่นพาเฮ็ดฝนตกลมแฮงจั่งซี่ กะเคาะมีดเคาะขวานบอกพระยาแถน ให่เพิ่นเซาเฮ็ดให่ฝนตก ขืนตกบ่หยุดจักซี่ พ่อว่าน้ำสิท่วมนาเฮาแท๊ๆ" ตาบูรอธิบายให่ลูกซายฟัง
เว่าแล่วเลากะถอนหายใจย้อนว่า เลาคึดนำข้าวในนาที่กำลังตั้งท้องอย่างงาม ถ้าน้ำท่วมมานี่ ปีนี้คือสิได่ขายถ่านซื้อข้าวกินเป็นแท๊

"เฒ่าเอ้ย...อย่าคึดหลายเถาะ มันคือสิบ่เป็นฮ้ายปานใด๋ดอก เดี๋ยวมันกะเซาตกฮั่นหละ" ยายนวลเห็นแววตาของตาบูร เลากะฮู้ทันทีว่า ตาบูรคู่ทุกข์คู่ยากของเลากะลังคึดหยังอยู่

"เอื้อยพรเจ้าว่าพระยาแถนสิได่ยิน เสียงอีพ่อเฮาเคาะมีดบ่" บักฟลุ๊คเว่าเสียงอ่อยๆ เพราะมันง่วงเต็มที่แล้ว
หนังตาค่อยๆปิดลง ทั้งสองนั่งหลับอยู่ในโอ่งห่มผาผืนเดียวกัน ตาบูรกับยายนวลเอากระสอบป่านมาปู นั่งอยู่ข้างโอ่งใกล้ๆ แสงตะเกียงวูบไปตามแรงลม
เสียงฟ้าฮ้องครืนเป็นระยะ ฝนยังกระหน่ำบ่มีวี่แววสิหยุด ทั้งสองนั่งหลับตาพิงเสาแต่ในใจ กะยังคงภาวนาให่ฝนหยุดตกเร็วๆ

 
 
สาธุการบทความนี้ : 201 ครั้ง
จากสมาชิก : 1 ครั้ง
จากขาจร : 200 ครั้ง
  
 
  14 มิ.ย. 2554 เวลา 21:25:00  
   ขึ้นบน ลงล่าง  
 
         

  โพสต์โดย   114) เสี่ยว  
  Maxxi    คห.ที่51)       [ไปที่ความเห็นนี้ ในกระทู้นี้]  
  ศิษย์น้อง

ภูมิลำเนา : ร้อยเอ็ด
เข้าร่วม : 29 เม.ย. 2554
รวมโพสต์ : 37
ให้สาธุการ : 20
รับสาธุการ : 81810
รวม: 81830 สาธุการ
 
คุณจารย์ใหญ่:
มาเทื่อละน้อยน้อ....ดีครับดี...
คอยเป็นคอยไปครับจารย์ใหญ่ เดี๋ยวผมสิขยันลงอยู่เรื่อยๆครับ

 
 
สาธุการบทความนี้ : 190 ครั้ง
จากสมาชิก : 0 ครั้ง
จากขาจร : 190 ครั้ง
  
 
  15 มิ.ย. 2554 เวลา 06:41:47  
   ขึ้นบน ลงล่าง  
 
         

  โพสต์โดย   114) เสี่ยว  
  Maxxi    คห.ที่28)       [ไปที่ความเห็นนี้ ในกระทู้นี้]  
  ศิษย์น้อง

ภูมิลำเนา : ร้อยเอ็ด
เข้าร่วม : 29 เม.ย. 2554
รวมโพสต์ : 37
ให้สาธุการ : 20
รับสาธุการ : 81810
รวม: 81830 สาธุการ
 
คุณป้าหน่อย:
คุณบ่าวหน่อ:
ฮ่วย...Maxxi เปิดเผยโตแล้ว นึกว่าแม่น อาโนลว์ ชวาสน๊อกสแนกสเน็กเกอร์

เท่ห์ขนาด [size]


ฮั้นตั้ว หนุ่มอิสานจุฬาฯ มีต๊ะผู้ดีๆ เท่ห์ๆ กะยังว่า
ว่าปาย.ย..ย..... ภาพมันบ่ชัดซือๆดอกครับ

 
 
สาธุการบทความนี้ : 180 ครั้ง
จากสมาชิก : 0 ครั้ง
จากขาจร : 180 ครั้ง
  
 
  24 พ.ค. 2554 เวลา 20:35:12  
   ขึ้นบน ลงล่าง  
 
         

  โพสต์โดย   114) เสี่ยว  
  Maxxi    คห.ที่59) ตอนที่#3      [ไปที่ความเห็นนี้ ในกระทู้นี้]  
  ศิษย์น้อง

ภูมิลำเนา : ร้อยเอ็ด
เข้าร่วม : 29 เม.ย. 2554
รวมโพสต์ : 37
ให้สาธุการ : 20
รับสาธุการ : 81810
รวม: 81830 สาธุการ
 
..."อีแม่ น้องไปไส"                                           พร เอิ้นถามแม่ ขณะทิมือกำลังสีขิตา หย่างออกมาจากบ่อนนอน                    .."น้องกะตื่นตะข่อนสิแจ้งพุ้นหนะ         ฟ้าวแล่นออกไปฮดน้ำผักของเขาเด้"    ยายนวลตอบลูกสาวขณะที่มือกะลัง ส่ายข้าวอยู่ในฮวด                                                "จะแม่นฮู้จักควมตะน้อยเนาะ ลูกซายหล้าเจ้า" พร พรางยิ้มปลื้มใจในโตน้องซายกะของ                  .."พ่อสูไปปล่อยควายตั๊ว มื้อคืนฝนตกริน เลาไปไต้เขียดมา แม่สิต้มใส่ใบบักขามล่ะกะปิ้งไว้ เดี่ยวสิห่อให่ไปกินตอนไปขายถ่าน"          ยายนวลบอกลูกสาว พรางเอาเขียดใส่หม้อ..                                          .."อิ่มละเบาะฟลุ๊ค" ยายนวลเอิ้นถามลูกซาย     "อิ่มละอีแม่ แซบหลาย.." บักฟลุ๊คตอบแม่ พรางล้างมืออยู่ข้างเตียง                      ."อีพ่อ มื้อเซ้าพ่อสมมาตั๊ว"    ฟลุ๊คฟ้าวบอกพ่อเพราะว่าพ่อสม คือ เสี่ยวฮักของเลาที่ไปเป็นปลัดจังหวัด อยู่ที่ขอนแก่นโดนๆสิได้กลับมาบ้าน พ่อสมมีลูกอยู่2คน นกกับฟ้า ฟ้าไปเรียน ม.4อยู่กรุงเทพพักอยู่กับป้า ส่วนนกอยู่เฮีอนกับแม่2คน ตอนแรกพ่อแม่ของนก สิให้นกไปเข้าโรงเรียน อยู่ในตัวเมืองร้อยเอ็ด แต่ว่านกเลือกที่สิเรียนนำบักฟลุ๊ค อยู่โรงเรียนประจำหมู่บ้าน ที่อยู่หมู่บ้านข้างๆห่างจากบ้านโนน ประมาณกิโลนึง พ่อกับแม่กะบ่ได้ห้ามลูกซาย เพราะเพิ่นเข้าใจดีว่าสิเรียนเก่งบ่เก่ง สิเป็นคนดีหรือบ่ดี มันขึ้นอยู่กับโตของเด็กน้อย บ่แม่นอยู่ที่ชื่อเสียงของโรงเรียน..  ."เลาบอกให้เจ้าไปกินก้อยงัวตั๊ว ข่อยลืมบอกเจ้า".  บักฟลุ๊คเว้ายิ้มๆ                                                     .."มื้อแลงจั่งสิเข้าไปดอก เดี่ยวต้องฟ้าวไปขายถ่านตะเซ้า สวยมาแดดมันฮ้อน"                                             ตาบูรบอกลูกซายพร้อมกับม้วนผักสดๆ จากสวนของบักฟลุ๊คกินกับป่นเขียด  .."ป่ะหล้าเฮาฟ้าวไปสวยมาแดดมันฮ้อน" ตาบูรบอกลูกทั้ง2คน พร้อมกับซุกรถออกจากใต้เล้าข้าว .."ถ่าข่อยนำแน...ข่อยไปนำ....."       เสียงเพิ่นนกฮ้องมาตะไกล                    .."เอ๊าอ้ายนก เจ้าคือบ่อยู่นำพ่อ โดนๆเลามาทั่งเทีย"  ฟลุ๊คถามเสี่ยวกะของด้วยความสงสัย   .."ยังมีเวลาอีกหลายมื้ออยู่ เลาลาพักฮ้อนอาทิตย์นึงพุ้น มื้อนี้เฮาขอไปท่องยุทธภพนำโตก่อน"  เพิ่นนกเว่าละกะกอดคอเสี่ยวเพิ่น หย่างฮ้องเพลงไปอย่างสบายใจ..         .."จะแม่นห่างกันบ่ได้เลยเนาะ"     พรเอ่ยแซวน้องซายทั้ง2คน...

 
 
สาธุการบทความนี้ : 178 ครั้ง
จากสมาชิก : 0 ครั้ง
จากขาจร : 178 ครั้ง
  
 
  18 มิ.ย. 2554 เวลา 20:42:25  
   ขึ้นบน ลงล่าง  
 
         

  โพสต์โดย   114) เสี่ยว  
  Maxxi    คห.ที่39)       [ไปที่ความเห็นนี้ ในกระทู้นี้]  
  ศิษย์น้อง

ภูมิลำเนา : ร้อยเอ็ด
เข้าร่วม : 29 เม.ย. 2554
รวมโพสต์ : 37
ให้สาธุการ : 20
รับสาธุการ : 81810
รวม: 81830 สาธุการ
 
คุณจารย์ใหญ่:
แต่ละคนเนาะ สนับสนุนดีแท้ เดี๋ยวจัดให้สิเเต่งให้หมดทุกเรื่องนั้นละ แต่เอาตอนขึ้นซะก่อนเนาะ
ส่วนตอนลงนั้น เอาไว้สาก่อน ช่วงนี้ยากหลาย งานล้นมือพะนะ....
จัดไปครับจารย์ใหญ่ ..อย่าหักโหมงานหลายเด้อครับ เดี๋ยวสิใช้เงินบ่ทัน ปลวกกินมานิ หยุ่งเด้..

 
 
สาธุการบทความนี้ : 175 ครั้ง
จากสมาชิก : 0 ครั้ง
จากขาจร : 175 ครั้ง
  
 
  30 พ.ค. 2554 เวลา 23:51:03  
   ขึ้นบน ลงล่าง  
 
         

  โพสต์โดย   114) เสี่ยว  
  Maxxi    คห.ที่38) ตอนที่#5      [ไปที่ความเห็นนี้ ในกระทู้นี้]  
  ศิษย์น้อง

ภูมิลำเนา : ร้อยเอ็ด
เข้าร่วม : 29 เม.ย. 2554
รวมโพสต์ : 37
ให้สาธุการ : 20
รับสาธุการ : 81810
รวม: 81830 สาธุการ
 
ตอนที่5ผมหาย!! ซอยผมแน๊อ้ายบ่าวหน่อ

 
 
สาธุการบทความนี้ : 1 ครั้ง
จากสมาชิก : 0 ครั้ง
จากขาจร : 1 ครั้ง
  
 
  30 พ.ค. 2554 เวลา 21:44:32  
   ขึ้นบน ลงล่าง  
 
         

  หน้า: 1

   

Creative Commons License
เสี่ยว --- เว็บบอร์ดอีสานจุฬาฯ