มาเว้าผญากันเด้อพี่น้องเด้อ --- เว็บบอร์ดอีสานจุฬาฯ

คห.ที่224) เตือนใจสาว [ไปที่ความเห็นนี้ ในกระทู้นี้]

ยอดปรมาจารย์

ภูมิลำเนา : ขอนแก่น
เข้าร่วม : 11 เม.ย. 2551
รวมโพสต์ : 731
ให้สาธุการ : 795
รับสาธุการ : 3504320
รวม: 3505115 สาธุการ

      อย่าสุฟ้าวใจฮ้อน กินเหิ่มก่อนสุก
มันสิพาเฮาทุกข์  น้ำตานางสิรินหย่อย
ให้ตั้งใจเรียนเอาไว้  การศึกษาให้จบก่อน
อย่าสุฟ้าวใจฮ้อน  เอาผัวซ้อนก่อนวัย
การมีคู่บ่เคยหล่า  มันบ่ทันเถิงเวลา ใจเจ้าอย่าฟ้าวด่วน
อนาคตเจาสิม้วน  มืดมนแท้แก้บ่ทัน ซั่นแล้ว  นางเอ้ย

                       เซียงน้อย หนองข้อง

สาธุการบทความนี้ : 312 ครั้ง
จากสมาชิก : 1 ครั้ง
จากขาจร : 311 ครั้ง

13 เม.ย. 2551 เวลา 21:44:00

โพสต์โดย

คห.ที่225) เตือนใจสาว [ไปที่ความเห็นนี้ ในกระทู้นี้]

ยอดปรมาจารย์

      เกิดเป็นหญิงให้รักนวลสงวนไว้  ของดีโตเอาไว้แน่
อย่าสุได้แท้แล้ เสนอให้แก่เขา
เขาได้แล้ว เขากะสิทิ้ม น้ำตานาง กะสิพังหยาบย่าง
อกสิเพแตกม้าง หาผัวซ้อน กะบ่มี
สิ่งดีดีที่โบราณเพิ่นสอนไว้ ให้นางฮ่ำ คะนิงหวน
สิ่งบ่ควรอย่าสุทำ สิอัปอายน้อขายหน้า
พ่อแม่เทิงลุงป้า อาวอาเพิ่นสิหน่าย
สิ่งอับอายขายหน้าเจ้า อย่าเอาเขาฮ่วมวงศ์
ให้เจ้าทรงใจหมั่น ประพฤติดีตามฮีต
อย่าได้คิดไผ่ฮ้าย สิขายหน้า เผ่าสกุล  ซั่นแล้ว  นางเอ้ย

                       เซียงน้อย หนองข้อง

สาธุการบทความนี้ : 324 ครั้ง
จากสมาชิก : 1 ครั้ง
จากขาจร : 323 ครั้ง

13 เม.ย. 2551 เวลา 22:03:45

โพสต์โดย

คห.ที่226) เตือนใจโชเฟอร์ [ไปที่ความเห็นนี้ ในกระทู้นี้]

ยอดปรมาจารย์

       ขับรถไวไปฟ้าว  สิเพพังม่างมุ่น
เทิงกินยากระตุ้น แอลกอฮอล์นั้น  แฮ่งแล่นไว
เฮาสิตายแดดิ้น ชีวินสิมวยมอด
ไปบ่ฮอดที่หมายซ้ำ  รถพลิกคว่ำ ข้างถนน ซั่นแล้ว  พี่น้องเอ้ย

                     เซียงน้อย หนองข้อง

สาธุการบทความนี้ : 349 ครั้ง
จากสมาชิก : 1 ครั้ง
จากขาจร : 348 ครั้ง

13 เม.ย. 2551 เวลา 22:14:30

โพสต์โดย

คห.ที่227) ใต้ร่มบารมี [ไปที่ความเห็นนี้ ในกระทู้นี้]

ยอดปรมาจารย์

     สามัคคีกันไว้ ชาวไทย ทุกภาคส่วน
อย่าได้ด่วนใจฮ้อน เอาแฮงสู้ รบประหาร
เขาสิประจานเฮาแล้ว ว่าแตกสามัคคีปี้ป่น
เขาสิเอาเรื่องราวที่บ่ดีของประเทศไทย ไปประกาศจ้นจ้น เฮาคงบ่พ้นถืกเหยียดหยาม
การปกครองในระบอบประชาธิปไตยนี่ เฮากะมีรัฐธรรมนูญ เพิ่นเขียนไว้ให้เดินย่าง
พร้อมป้องกันความเพแตกม้าง ยามประขาขนนั้น ถืกรบกวน
เฮาควรสำนึกร่วมในพระมหากรุณาธิคุณของล้นเกล้า ยกเอาองค์ในหลวงเป็นที่เพิ่ง
ประชาชีสิชุ่มเริง กะเพราะบารมีเจ้า เหนือหัวเกล้า ผู้อยู่สูง พุ่นแล้ว พี่น้องเอ้ย


                                          เซียงน้อย หนองข้อง

สาธุการบทความนี้ : 430 ครั้ง
จากสมาชิก : 1 ครั้ง
จากขาจร : 429 ครั้ง

13 เม.ย. 2551 เวลา 22:40:43

โพสต์โดย

คห.ที่228) เตือนใจเซียนพนัน [ไปที่ความเห็นนี้ ในกระทู้นี้]

ยอดปรมาจารย์

     อย่าสุมัวแต่เมาเล่น  ไพ่เบอร์ เบี้ยโบก
ตกนรกแท้ๆ ให้จำไว้แน่เด้อ
คนขายเบอร์ เพิ่นกะมีแต่ได้ ไทเฮามีแต่จ่าย
คนขายรวยลื่นล้น  จนจนแท้ กะแม่นเฮา ซั่นแล้ว  พี่น้องเอ้ย

                                  เซียงน้อย หนองข้อง

สาธุการบทความนี้ : 345 ครั้ง
จากสมาชิก : 1 ครั้ง
จากขาจร : 344 ครั้ง

14 เม.ย. 2551 เวลา 07:28:17

โพสต์โดย

คห.ที่229) วันผู้สูงอายุ [ไปที่ความเห็นนี้ ในกระทู้นี้]

ยอดปรมาจารย์

      วันผู้สูงอายุนั้น  คือวันที่สิบสาม
เดือนเมษายนเด้อ ของทุกปี ใหจื่อจำเอาไว้
พากันไปกราบไหว้  ขอพรจากปู่ย่า
ไหว้คุณยายคุณตา ไหว้คุณพ่อคุณแม่พร้อมลุงป้า อ่าสุไล
ให้ค้ำโพธิ์ ค้ำไฮไว้ คำโบราณเพิ่นบอกกล่าว
เชิญคนหนุ่มคนสาว  เยาวชนผู้น้อย ไปคอยก้ม กราบฮ่มโพธิ์ ซั่นแล้ว พี่น้องเอ้ย

                                       เซียงน้อย หนองข้อง

สาธุการบทความนี้ : 402 ครั้ง
จากสมาชิก : 1 ครั้ง
จากขาจร : 401 ครั้ง

14 เม.ย. 2551 เวลา 07:47:02

โพสต์โดย

คห.ที่230) เตือนใจไข้เลือดออก [ไปที่ความเห็นนี้ ในกระทู้นี้]

ยอดปรมาจารย์

     ก่อนสินอนให้พากันกางมุ้ง  อย่าให้ยุงมากัดไต่
เป็นไข้มาแล้วสิแย่  ตายถิ่มแม่นบ่ยัง
ให้พากันใส่ใจบ้าง  เบิ่งแงงลูกหลานของเฮา เอาไว้ก่อน
เป็นไข้เลือดออกมาแล้ว สิเดือดร้อน  มรณาเมี้ยน แม่นบ่ยัง ...พี่น้องเอ้ย

                                      เซียงน้อย หนองข้อง

สาธุการบทความนี้ : 411 ครั้ง
จากสมาชิก : 1 ครั้ง
จากขาจร : 410 ครั้ง

14 เม.ย. 2551 เวลา 08:05:29

โพสต์โดย

คห.ที่231) อวยพรปีหนู [ไปที่ความเห็นนี้ ในกระทู้นี้]

ยอดปรมาจารย์

ปีหนูมาฮอดแล้ว เซียงน้อยขออวยพรให้ สมาชิกชมรม สมบูรณ์ขึ้นปานโอ่งใหญ่
มีเงินคำหลายๆ ทรัพย์สมบัติมากล้น ให้คนได้ หย่องยกยอ
การครองเรือนกะให้พ่อ สุขยิ่งทวีคูณ
อย่าได้สูญเสียทรัพย์ อับจนให้คนเย้ย
ให้ได้เขยได้ไภ้ เป็นคนดีผู้ประเสริฐ
ให้เพิ่นเลิศทุกแง่ ค่ำคูณแท้ กู่สู่แนว เด้อ ...พี่น้องเอ้ย

เซียงน้อย หนองข้อง

สาธุการบทความนี้ : 499 ครั้ง
จากสมาชิก : 1 ครั้ง
จากขาจร : 498 ครั้ง

14 เม.ย. 2551 เวลา 09:56:47

โพสต์โดย

คห.ที่232) ดื่ม เมา ง่วง อย่าขับ [ไปที่ความเห็นนี้ ในกระทู้นี้]

ยอดปรมาจารย์

คันร่างกยเฮาเพลียง่วง ให้นอนหลับพักผ่อน
อย่าสุฟ้าวใจฮ้อน ขับรถได้ด่วนไป
อุบัติภัยสิเกิดขึ้น ได้เสียทรัพย์เสียชีวิต
คิดให้ดีเด้อไทเฮา ยามง่วง-เมา อย่าขับเคลื่อน
ขออนุญาตเตือนใจไว้ เตือนสติกันจักหน่อย
ด้วยความปรารถนาดีของข่อย อ้ายเซียงน้อย ผู้ห่วงใย...พี่น้องเอ้ย

เซียงน้อย หนองข้อง

สาธุการบทความนี้ : 540 ครั้ง
จากสมาชิก : 1 ครั้ง
จากขาจร : 539 ครั้ง

14 เม.ย. 2551 เวลา 10:32:49

โพสต์โดย

คห.ที่233) อย่าเอาเหล้า เบียร์ นำชีวิต [ไปที่ความเห็นนี้ ในกระทู้นี้]

ยอดปรมาจารย์

ขอวิงวอนทุกๆท่าน หลายหน่วยงานที่สังสรรค์หละปีใหม่
ข้าน้อยนี้บ่อยากให้ กินเบียร์-เหล้า แล้วม่วนกัน
อัศจรรย์แท้น้อท่าน ปานนั้นว่าส่งเสริมสุขภาพชีวิต
สังมาติดอบายมุข เอาเหล้า-เบียร์มา เฮฮาด้วย
เป็นหยังน้อบ่ย้านชีวิตส่วย เพราะร่างกายสลายเสื่อม
ชีวิตเฮาสิเหลืองเหลื่อม แข็งแรงได้ หละจั่งได๋...พี่น้องอ้ย

เซียงน้อย หนองข้อง

สาธุการบทความนี้ : 402 ครั้ง
จากสมาชิก : 1 ครั้ง
จากขาจร : 401 ครั้ง

14 เม.ย. 2551 เวลา 10:49:48

โพสต์โดย

คห.ที่234) เหล้า-เบียร์ พาเสียหาย [ไปที่ความเห็นนี้ ในกระทู้นี้]

ยอดปรมาจารย์

  งานปีใหม่กะกินเหล้า งานสงกรานต์กะกินเหล้า งานได๋ๆกะกินเหล้า กินแล้วเมาเว้าไปทั่ว
ผู้บางคนเมาแล้วเกือกกั้ว  อบายมุขนั้นให้หม่นหมอง
ต่อไปเด้อ ไทเฮาต้องคิดเริ่ม ส่งเสริมสุขภาพ
โดยการไปกราบไหว้ ศาสนาพุ้นให้เด่นงาม
อย่าเมาตามใจเจ้า  กินเบียร์-เหล้าเมา  แล้วแอะแอ่น
มันบ่แม่นดี้ๆ  แนวนี้หากบ่ควร...พี่น้องเอ้ย

                                         เซียงน้อย หนองข้อง

สาธุการบทความนี้ : 409 ครั้ง
จากสมาชิก : 1 ครั้ง
จากขาจร : 408 ครั้ง

14 เม.ย. 2551 เวลา 11:02:26

โพสต์โดย

คห.ที่235) แย่งกันทำไม [ไปที่ความเห็นนี้ ในกระทู้นี้]

ยอดปรมาจารย์

     อันคนเฮาทุกมื้อนี้ หากยาดแย่งกันหลาย
ไผกะว่าของไผ  หอบเอาจนเหมิดเกลี้ยง
มีปากเสียงจาต้าน  ด่าเถียงกันเซงแซ่
ไผกะว่าไผแน่ โตกูนี้เก่งกว่าเขา
เลยหอบเอาจนเหมิดเกลี้ยง ไผอย่าเถียงมายาดแย่ง
บาดห่าตายแข็งแก่งแด้ง เอาหยังไปกะบ่ได้  มาเป็นฮ้ายแท้หมู่คน...พี่น้องเอ้ย

                                         เซียงน้อย หนองข้อง

สาธุการบทความนี้ : 503 ครั้ง
จากสมาชิก : 1 ครั้ง
จากขาจร : 502 ครั้ง

14 เม.ย. 2551 เวลา 11:12:03

โพสต์โดย

คห.ที่236) ไฟอิจฉา [ไปที่ความเห็นนี้ ในกระทู้นี้]

ยอดปรมาจารย์

     อันอิจฉา ริษยานี้  คือไฟไหม้โลกัณฑ์
ไผกะมีอยู่ไผมัน  มีทั่วกันในเฮานี้
ให้เพิ่นหลีกหนีผ่าย  พ่ายหนีไปแสนโยช
โลภ โกรธ หลง ท่านตรัสไว้ คือไฟฮ้อนแผดเผา
เฮาสิอุกอั่งเอ้า  หากคนเฮาบ่วางปล่อย
อย่าให้ไฟในใจดวงน้อยๆ มาลุกไหม้พวกหมู่คน
ให้นำตนต่อตั้ง  ทางธรรมจั่งสิแม่น
แสนประเสริฐแท้ๆ  คำสอนท่าน ท่านพระองค์
โพธิญาณทรงตรัสไว้  ให้ชาวโลกน้อได้เดินได่
สงบจิตสงบใจ  บ่อิจฉาผ่าม้าง  แม่นทางขึ้นสู่สวรรค์...ซั่นแล้ว พี่น้องเอ้ย

                                         เซียงน้อย หนองข้อง

สาธุการบทความนี้ : 462 ครั้ง
จากสมาชิก : 1 ครั้ง
จากขาจร : 461 ครั้ง

14 เม.ย. 2551 เวลา 11:24:45

โพสต์โดย

คห.ที่237) ควรเอาอย่างไก่ [ไปที่ความเห็นนี้ ในกระทู้นี้]

ยอดปรมาจารย์

     ฟ้าบ่ทันได้แจ้ง  ไก่กะโก่งคอขัน
เป็นนิสัยของมัน  เรื่องขยันมันมีพร้อม
ซอมเอาเด้อพี่น้อง  คนเฮาให้คิดเบิ่ง
ให้ได้เค่งไก่นั้น  ขยันแท้จั่งแม่นดี
อย่าได้มีแต่เมาคร้าน  นอนเวนบ่ฮู้ตื่น
บ้านเมืองเพิ่นเฮ็ดเวียกวื่นๆ โตผัดนอนขดขี่ขู้อยู่บ่อนนอน
พ่อแม่สอนบ่เคยเตี่ยง  เถียงคำบ่ตกฟาก
สิลำบากไปข้างหน้า  อนาคตเจ้าสิมืดมน...ซั่นแล้ว  นางเอ้ย

                                         เซียงน้อย หนองข้อง

สาธุการบทความนี้ : 400 ครั้ง
จากสมาชิก : 1 ครั้ง
จากขาจร : 399 ครั้ง

14 เม.ย. 2551 เวลา 13:13:25

โพสต์โดย

คห.ที่238) ดื่มอย่าขับ [ไปที่ความเห็นนี้ ในกระทู้นี้]

ยอดปรมาจารย์

     คันเพิ่นดื่มเหล้าแล้ว  อย่าขึ้นขี่รถยนต์ขับ
เฮาสิดับชีวา  ปวงประชาสิเดือดร้อน
ให้ใส่ใจแน่ท้อน  เรื่องอุบัติภัย  ให้ใส่ใจกันไว้แน่
เกิดเหตุมาแล้วสิแย่  ตายถิ่มแม่นบ่ยัง
ให้ระวังแน่เด้อท่าน  ขับยวดยานถนนใหญ่
อย่าได้ขับรถไว  ให้ค่อยไปช้าๆ รถลานั้นจั่งแม่นหลาย
มีมากมายสิบล้อ รถเก่ง รถจักรยานยนต์ รถราษฎร์ รถหลวง รถพ่วงใหญ่
จักเพิ่นนอนยามได๋  พากันแตกอยู่วื่นๆ เทิงเวนคืนกะโพดรถแห่งหลาย..พี่น้องเอ้ย

                                          เซียงน้อย หนองข้อง

สาธุการบทความนี้ : 429 ครั้ง
จากสมาชิก : 1 ครั้ง
จากขาจร : 428 ครั้ง

14 เม.ย. 2551 เวลา 13:26:45

โพสต์โดย

คห.ที่239) ศัตรูสันติ [ไปที่ความเห็นนี้ ในกระทู้นี้]

ยอดปรมาจารย์

     อันว่าโลภ โกรธ หลง นั้น มันเป็นศัตรูใหญ่ของสันติ
เฮาสิมีแต่แตกฉาน  แย่งชิงกันบ่มวายเว้น
สิเป็นเวนพาเฮาเข้า  ในอบายบ่ฮู้เมื่อ
ตกนรกทุกเมื่อ  คันใจเฮานั้นบ่ชุ่มเย็น
ให้พากันหลีกเว้น  นรกขุมใหญ่ให้ไกลสา
ฝูงหมู่มวลประชา  สิชุ่มเย็นสงบพร้อม
เชิญประชาชีน้อม ในรสพระธรรม แสนเลิศล้ำตั้วหละพ่อ
เฮาสิเหาะเวิ่นขึ้น ไปยืนอยู่เมืองฟ้า เป็นหมู่ดาว...พุ้นแล้ว  พี่น้องเอ้ย

                                         เซียน้อย หนองข้อง

สาธุการบทความนี้ : 508 ครั้ง
จากสมาชิก : 1 ครั้ง
จากขาจร : 507 ครั้ง

14 เม.ย. 2551 เวลา 13:38:01

โพสต์โดย

คห.ที่240) สาบกันเอง [ไปที่ความเห็นนี้ ในกระทู้นี้]

ยอดปรมาจารย์

     เชื้อชาติแฮ้ง  สิเหม็นสาบกันเอง
พากันกินของเน่าเหม็น ผัดสาบกุยกันเองซ้ำ
จักสิติผู้ได๋แล้ว  ว่าเป็นคนเฮ็ดให้เขานั้นเหม็นเน่า
ต่างคนต่างกะเว้า  ว่าโตนั้นสะอาดหลาย
สังมาเป็นไปได้  ถิ่มความชั่วให้ไกลโต
พาโลโยนความผิดให้ผู้อื่นเขา  ว่าชั่วทรามบ่งามจ้อย
อัศจรรย์หลายเด้โตข่อย โลกของเฮาสังมาเป็นลายต่าง
แนวสิเพแตกม้าง  สังเอามาเว้า  อยู่บ่อเซา..คนเอ้ย

                                          เซียงน้อย หนองข้อง

สาธุการบทความนี้ : 688 ครั้ง
จากสมาชิก : 1 ครั้ง
จากขาจร : 687 ครั้ง

14 เม.ย. 2551 เวลา 13:50:12

โพสต์โดย

คห.ที่241) ศูนย์รวมของโรค [ไปที่ความเห็นนี้ ในกระทู้นี้]

ยอดปรมาจารย์

    อันร่างกายเฮานี้  เป็นสถานีใหญ่ของโรคา
ต่างคนต่างกะเสาะหา  โรคภัยมาโฮมไว้
ล้วนเป็นภัยกับชีวีเฮานี้ บ่มีดีหรอกจักย่าง
เปรียบดั่งสถานีน้อฮ้างๆ  สังมาจอดได้คู่โรคภัย ...  พี่น้องเอ้ย

                                         เซียงน้อย หนองข้อง

สาธุการบทความนี้ : 709 ครั้ง
จากสมาชิก : 1 ครั้ง
จากขาจร : 708 ครั้ง

14 เม.ย. 2551 เวลา 13:59:15

โพสต์โดย

คห.ที่242) ระวังคนแปลกหน้า [ไปที่ความเห็นนี้ ในกระทู้นี้]

ยอดปรมาจารย์

     ให้ระวังคนแปลกหน้า  เขาสิมาหลอกต้ม หลงคารมเขาง่ายๆ
บางคนเอาของมาขาย  ตาเขาสิ่งพุ้นพี้ เหลี่ยวจ้องหม่องสิเอา
พอเขาหนีไปแล้ว  ถึงยามคนนอน เขาผัย้อนคืนมาใหม่
ลักเอาแนวที่เขาจอบเบิ่งไว้  ไปขายจ้อยกะซ่างเป็น ...  คนเอ้ย

                                        เซียงน้อย หนองข้อง

สาธุการบทความนี้ : 752 ครั้ง
จากสมาชิก : 1 ครั้ง
จากขาจร : 751 ครั้ง

14 เม.ย. 2551 เวลา 14:08:14

โพสต์โดย

คห.ที่243) ชีปลอม ต้มพระ [ไปที่ความเห็นนี้ ในกระทู้นี้]

ยอดปรมาจารย์

     มาปฏิบัติธรรมบ่พอสามมื้อ  ลายเสือเพิ่นกะออก
เทิงลายวอกกะพ่องน้น  มาหลอกต้มพวกพระเณร
ว่าโตเป็นคนซวยแท้  สามีนี้ขับไล่
เขาให้เป็นเมียใหญ่ ผัวหนีไปกับเมียน้อย โตข่อยอยู่บ่เป็น
มากรรมเวรแท้น้อท่าน  กลับบ้านมาหากแปนปล่า
สามีหอบเอาเมียน้อย ลักหนีจ้อยพร้อมทรัพย์สิน
น้ำตารินฮำหย่อย เลยหนีมาหาหลวงพ่อ
ว่าสิมาสร้างก่อบุญวาสนาอยู่พี้  มานอนลี้อยู่ศาลา
บ่ทันโดนผัวกะมานำเอิ้น  ให้คืนเฮียนโค้งต่าว
บีบน้ำตาพังหย่าวๆ เงินที่ยืมหลวงพ่อไว้ บ่ทันได้ส่งคืน
หลวงพ่อยืนฟังแล้ว  แนวแม่ชี  คนนี้ได้เอื้อนเอ่ย
เลยบ่ฮู้จักความสิเว้า  ได้แต่เอาธรรมะเข้าสู้  เงินเจ้ากู้อาตมาไปนั้น คันบ่มีแท้ๆ โตเจ้าบ่ต้องคืนดอก...ชีเอ้ย  (คืนไปอยู่นำผัวเจ้าสาไป้)

                                          เซียงน้อย หนองข้อง

สาธุการบทความนี้ : 700 ครั้ง
จากสมาชิก : 2 ครั้ง
จากขาจร : 698 ครั้ง

14 เม.ย. 2551 เวลา 14:40:58

โพสต์โดย

คห.ที่244) ลิ้น ร้ายกว่าเสือ [ไปที่ความเห็นนี้ ในกระทู้นี้]

ยอดปรมาจารย์

     ความบ่มีสังได้เอามาเว้า  ให้คนเขาได้หลงเชื่อ
มาโพดเหลือแท้ๆ  ลิ้นคนนี้หลอกกะเป็น
คันเป็นลิ้นหมู ลิ้นงัว ลิ้นความนี้น้อ กะคงสิพอได้ย่างจี่
ของดีๆกะแม่นลิ้น  คนเบิดสิ้นหากมักหลาย
แต่บาดเพิ่นได้ฮ้าย  กระดกใส่พวกหมู่คน
กะพากันหลงกล  ได้วอดวายมะลายสิ้น
ลิ้นเอ้ยลิ้นนั้นเล่า  เจ้าสังมาคือยักษ์ใหญ่
ยัวะให้คนซังกันกะได้ ยัวะให้คนฆ่ากันกะได้  สังเป็นฮ้ายโพดกว่าเสือแท้น้อ...ลิ้นเอ้ย

                                         เซียงน้อย หนองข้อง

สาธุการบทความนี้ : 755 ครั้ง
จากสมาชิก : 1 ครั้ง
จากขาจร : 754 ครั้ง

14 เม.ย. 2551 เวลา 14:57:23

โพสต์โดย

คห.ที่245) พระกับครู [ไปที่ความเห็นนี้ ในกระทู้นี้]

ยอดปรมาจารย์

     คันแม่นพระกับครูพากันกินเหล้า สิเอาหยังไปสอนเพิ่น
ไผๆเพิ่นกะเอิ้นพระ-ครูนั้น  ว่าแม่พิมพ์
คันแม่นพระกับครูถืกคนเขาตัดถิ่ม  คำสอนครูกะเหมิดค่า
กับเทิงพระจัวนั้น  สิสอนเขาได้หรอกจั่งได๋
หรือว่าสอนเขาให้เอาหลักธรรม นำไปท่อง
หม่องสินำไปใช้แท้ๆ  แล้วแต่หมู่เจ้าสิคิดเอา ...ซั่นบ้อ  พระครูเอ้ย

                                         เซียงน้อย หนองข้อง

สาธุการบทความนี้ : 426 ครั้ง
จากสมาชิก : 1 ครั้ง
จากขาจร : 425 ครั้ง

14 เม.ย. 2551 เวลา 15:27:20

โพสต์โดย

คห.ที่246) เดือนสติไฟไหม้ [ไปที่ความเห็นนี้ ในกระทู้นี้]

ยอดปรมาจารย์

     การเสียบปลั๊กไฟหรือจุดธูปไหว้พระนั้น  กะหวังเพิ่งให้เป็นสุข
เป็นหยังน้อต้องมาทุกข์  เกิดอัคคีภัยไฟไหม้บ้าน
เพราะว่าเฮาขี้คร้าน เผลอเลอโลดบ่เอาใจใส่
ไฟจั่งได้ลุกไหม้เมืองบ้านจนวอดวาย
ให้ใส่ใจแน่เด้อท่าน หลังไหว้พระวิงวอน
นี่เป็นอุธาหรณ์ นั่งขอพรแล้วเหมิดเกลี้ยง
เพียงแค่เฮานั่งไหว้ภาวนาขอสุแนว  แล้วบ่เอาใจใส่
ไฟจั่งได้ลุกไหม้  เฮียนซานเจ้าเป็นเถ้าผง...พี่น้องเอ้ย

                                         เซียงน้อย หนองข้อง

สาธุการบทความนี้ : 767 ครั้ง
จากสมาชิก : 1 ครั้ง
จากขาจร : 766 ครั้ง

14 เม.ย. 2551 เวลา 18:21:22

โพสต์โดย

คห.ที่247) อันตรายของลิ้น [ไปที่ความเห็นนี้ ในกระทู้นี้]

ยอดปรมาจารย์

     ลิ้นเอ้ยย่างลิ้น  ยามคนกินสังมาแซบแท้น้อห่า
ใส่พริกป่นเยาะน้ำปลาผงชูรสเทิงข้าวคั่ว  สังนัวแท้อร่อยหลาย
ชุมหญิงชายกะต่อตั้ง  สั่งกินแต่ลิ้นจี่
ของดีๆกะแม่นลิ้น  ได้กินแล้วกะแซบนัว
บัดยามเพิ่นได้ตั๋วคนนั้น  กะเฮ็ดให้เขาหัวปั่นหลงใหล
บ่ว่าหญิงหรือชาย  กะหวั่นไหวไปนำลิ้น
ถึงยามกินยามนอนนั้น  กะหลงฝันนำลิ้นม่วน
ลิ้นเอ้ยลิ้น เจ้าหากบ่สมควรเป็นฮ้าย มาเทียวใส่ร้ายพวกหมู่คน...ลิ้นเอ้ย

                                          เซียงน้อย หนองข้อง

สาธุการบทความนี้ : 684 ครั้ง
จากสมาชิก : 1 ครั้ง
จากขาจร : 683 ครั้ง

14 เม.ย. 2551 เวลา 19:04:58

โพสต์โดย

คห.ที่248) โมโหไม่ดี [ไปที่ความเห็นนี้ ในกระทู้นี้]

ยอดปรมาจารย์

     อันว่าความโมโหนี้  สิพาโตตกต่ำ
เฮ็ดให้เฮาหน้าก่ำ เปิดราศรีกะพ่องนั้นยามเฮาท้าด่าตี
คันแม่นเป็นจั่งซี่  พวกคนเฮานี้อย่าสุได้เอาอย่าง
มันสิเพแตกม้าง  ครอบครัวฮ้างแตกกระจาย
ยามเมื่อพ่อแม่ฮ้าย  ลูกกะใจสั่นขวัญเสีย
ผัวกับเมียตบตีกัน  สิสุขสันติ์จั่งได๋ได้
มีแต่มันสิพาให้  ครอบครัวเฮาหมองเก่า
เทิงราศรีกะสิเศร้า  ชาวบ้านกะเย้ยหยัน...ซั่นแล้ว  พี่น้องเอ้ย

                                          เซียงน้อย หนองข้อง

สาธุการบทความนี้ : 822 ครั้ง
จากสมาชิก : 1 ครั้ง
จากขาจร : 821 ครั้ง

14 เม.ย. 2551 เวลา 19:22:52

โพสต์โดย

คห.ที่249) ปี 2007 เด็ดชีวิต [ไปที่ความเห็นนี้ ในกระทู้นี้]

ยอดปรมาจารย์

    ปี 2007  มาฮอดแล้ว  สังมีแนวเป็นไปทั่ว
คนไทยเฮากะหวั่นกลัว  สิ่งที่เพิ่นนำมาซุกลี้ให้ขวัญนี้หวาดผวา
ชาวพาราต้องมาเศร้า  เพราะผีมือของคนเฮาเอาระเบิดมาถิ้มปล่อย
เทิงบาดเจ็บกะบ่หน่อย  เสียชีวิตนั้นกะพ่องกัน
หยุดฆ่าฟันสาเด้อท่าน  สงสารคนดีๆที่เขาบ่ฮู้อีโน่อีเน่
ต้องมาเซคะลาดล้ม  ระงบฮ้องก่องน้ำตา
เสียบิดาสูญญาติ  ขาดคนนำทางครอบครัวม้างแตกหมุ่น
ขาดความอบอุ่นกะพ่องนั้น  ฝันสลายแท้เด้ลูกหล่าบิดาเจ้ามาท่าวตาย

                                          เซียงน้อย หนองข้อง
                                (เกิดระเบิดกลางกรุงเทพฯเมื่อต้นปี 2007)

สาธุการบทความนี้ : 724 ครั้ง
จากสมาชิก : 1 ครั้ง
จากขาจร : 723 ครั้ง

14 เม.ย. 2551 เวลา 19:41:01

โพสต์โดย

คห.ที่250) เตือนใจวันแห่งความรัก [ไปที่ความเห็นนี้ ในกระทู้นี้]

ยอดปรมาจารย์

    วันแห่งความรักมาฮอดแล้ว  อย่าหลงพากันไปทำชั่ว
อย่าพากันไปมั่ว สิ่งเสพติดพร้อมหมู่กาม
อย่าแล่นตามวัตถุนั้น  วิ่งตามแฟชั่นใหม่
คันพ่อแม่หาให้บ่ได้  ในใจเจ้าสิหม่นหมอง
หนุ่มๆสาวๆเอ้ย..ให้พากันจดจ้อง ตั้งใจเรียนให้จบก่อน
สิสดใสแน่นอนจากนี้ไปข้างหน้าเล่า  บ่มีเศร้าอีหลี
สิสุขีไปข้างหน้า  อนาคตสดใสเทิงสดซื่น
ยามกลางเวนกลางคืน  มีแต่สุขอ้อยต้อย  ทุกข์ท่อก้อยกะบ่มี...นางเอ้ย

                                         เซียงน้อย หนองข้อง

สาธุการบทความนี้ : 479 ครั้ง
จากสมาชิก : 1 ครั้ง
จากขาจร : 478 ครั้ง

14 เม.ย. 2551 เวลา 19:54:12

โพสต์โดย

คห.ที่251) สงกรานต์ปีนี้ไม่มีเหล้า [ไปที่ความเห็นนี้ ในกระทู้นี้]

ยอดปรมาจารย์

     งานสงกรานต์ปีนี้ บ่ให้มีสุรามาจำหน่าย
ตามสายทางรถวิ่ง มาดียิ่งเพิ่นป้องกัน
คันแม่นเฮากินเหล้านั้น เมามายไปขับขี่
กะสิมีอุบัติเหตุเกิดขึ้น ตายถิ่มข้างถนน
มิติใหม่ที่ดีล้น ให้คนเฮาจำเอาแน่
นี้หากเป็นวิธีแก้ ป้องกันไว้ บ่ให้ตาย...ซั่นแล้ว  พี่น้องเอ้ย

                                                 เซียงน้อย หนองข้อง

สาธุการบทความนี้ : 378 ครั้ง
จากสมาชิก : 1 ครั้ง
จากขาจร : 377 ครั้ง

15 เม.ย. 2551 เวลา 08:04:26

โพสต์โดย

คห.ที่252) เลิกเหล้า เลิกจน [ไปที่ความเห็นนี้ ในกระทู้นี้]

ยอดปรมาจารย์

     คันพากันกินตั้งแต่เหล้า ตับเฮาสิโตใหญ่
มันสิไค่เต็มท้อง รักษาได้กะบ่หาย
สาธารณะสุขเพิ่นกะห้ามไว้ ทางคุณหมอเพิ่นกะห่วง
หลวงพ่ออยู่วัดเพิ่นกะเว้า  คันเลิกเหล้า สิเลิกจน...ซั่นแล้ว พี่น้องเอ่ย

                                         เซียงน้อย หนองข้อง

สาธุการบทความนี้ : 409 ครั้ง
จากสมาชิก : 1 ครั้ง
จากขาจร : 408 ครั้ง

15 เม.ย. 2551 เวลา 08:12:16

โพสต์โดย

คห.ที่253) ส่งความสุข วันสงกรานต์ [ไปที่ความเห็นนี้ ในกระทู้นี้]

ยอดปรมาจารย์

     วันสงกรานต์มาฮอดแล้ว ดอกคูนบานเหลืองเอิ่มเซิ่ม
นี่เป็นการเริ่มต้น ปีใหม่ของไทยแท้ให้จื่อจำ
มาร่วมทำความดีไว้ ให้ชาติไทยเจริญยิ่ง
พี่น้องไทยเทิงชายหญิง ให้อายุยืนยาวหมั่น สุขสันต์แท้กู่สู่คน
     ปีใหม่ไทยมาฮอดแล้ว  ให้ร่วมตักบาตรทำบุญ
เพื่อเป็นทุนนำทาง  ขึ้นสู่สวรรค์เมืองฟ้า
ให้เมืองไทยเจริญก้าวหน้า  พัฒนากู่สู่อย่าง
อย่าได้เพแตกม้าง  ให้กลมเกลียวแน่น กว่าแผ่นหิน...พุ้นเด้อ พี่น้องเอ้ย

                                           เซียงน้อย หนองข้อง

สาธุการบทความนี้ : 416 ครั้ง
จากสมาชิก : 1 ครั้ง
จากขาจร : 415 ครั้ง

15 เม.ย. 2551 เวลา 08:26:36

โพสต์โดย

คห.ที่254) คอยนางวันสงกรานต์ [ไปที่ความเห็นนี้ ในกระทู้นี้]

ยอดปรมาจารย์

     เห็นคนลงรถทัวร์ล่ายๆ  นางไปใสบ่โค้งต่าว
ญาติพี่น้องเพิ่นถามข่าว  ว่าเจ้ามาบ้านบ่ปีนี้ใจของพี่นี้ฮ่ำฮอน
ไปทางได๋น้อคำก้อน  ดวงสมรงามงอนตาหวานพี่
สังบ่คืนมาบ้านเฮาพี้  โตอ้ายนี้หากคึดนำ...นางเอ้ย

                                         เซียงน้อย หนองข้อง

สาธุการบทความนี้ : 427 ครั้ง
จากสมาชิก : 1 ครั้ง
จากขาจร : 426 ครั้ง

15 เม.ย. 2551 เวลา 08:35:16

โพสต์โดย

คห.ที่255) คอยนางกลับบ้าน [ไปที่ความเห็นนี้ ในกระทู้นี้]

ยอดปรมาจารย์

     ค่ำมาพอปานนี้  ตาเวนลงลับเลื่อมป่า
ใจอ้ายนี้คะนิงหาแต่กานดายอดชู้  ผู้ไกลข้างห่างหนี
ค่อยอยู่ดีบ่น้อน้องเจ้า  นงเยาว์ตาหวานพี่
ส่วนว่าทางอ้ายนี้  มีแต่คองคอยเฝ้าตนเจ้าได้ต่าวคืน
งวกไปทางได๋กะบ่เห็นหน้า เหลียวไปมากะแปนเปล่า
สังมาปล่อยให้อ้ายนี้นั่งเศร้า  โตเจ้าไปอยู่ใส...นางเอ้ย

                                          เซียงน้อย หนองข้อง

สาธุการบทความนี้ : 438 ครั้ง
จากสมาชิก : 1 ครั้ง
จากขาจร : 437 ครั้ง

15 เม.ย. 2551 เวลา 08:44:25

โพสต์โดย

คห.ที่256) ทำบุญปีใหม่ไทย [ไปที่ความเห็นนี้ ในกระทู้นี้]

ยอดปรมาจารย์

    สิบสามเมษา คือวันปีใหม่ของไทยแท้ หากมีมาแต่เก่าก่อน
ให้จื่อจำเอาไว้ถ่อน  ไปข้างหน้าอย่าสุหลง
ให้มั่นคงดำรงไว้  สละทานคือก่อนเก่า
ชีวิตของเฮาสิเจริญก้าวหน้า  รุ่งเรืองแท้พ่อแม่เอ้ย
     ให้พากันไปแต่เช้า  ที่นัดมายเด้อหม่องเก่า
ชวนหลานเหลนเทิงลูกเต้า  พากันเข้าฮ่วมบุญ
เพื่อเป็นทุนสะสมไว้  ในทางความดีที่ประเสริฐ
สิเกิดอานิสงส์โจ้โก้  พาโตขึ้นสู่สวรรค์...ซั่นแล้ว พี่น้องเอ้ย

                                           เซียงน้อย หนองข้อง

สาธุการบทความนี้ : 420 ครั้ง
จากสมาชิก : 1 ครั้ง
จากขาจร : 419 ครั้ง

15 เม.ย. 2551 เวลา 09:10:33

โพสต์โดย

คห.ที่257) น้ำฟ้า [ไปที่ความเห็นนี้ ในกระทู้นี้]

ยอดปรมาจารย์

     วันสงกรานต์มาฮอดแล้ว  ฝนโปรยปรายกายเย็นฉ่ำ
ตั้งแต่เช้าฮอดค่ำ  ฟ้าหากเป็นอึ้มคื่มเบิดมื้อแดดบ่เห็น
มันหากเป็นนิมิตรหมายที่ดียิ่ง  ประเพณีที่ล้ำเลิศ
สุดประเสริฐแท้ๆ  น้ำเทิงฟ้าเพิ่นหลั่งลง...พี่น้องเอ้ย

                                          เซียงน้อย หนองข้อง

สาธุการบทความนี้ : 456 ครั้ง
จากสมาชิก : 1 ครั้ง
จากขาจร : 455 ครั้ง

15 เม.ย. 2551 เวลา 09:17:22

โพสต์โดย

คห.ที่258) อย่าใจฮ้อนตัดวงจรชีวิตเขา [ไปที่ความเห็นนี้ ในกระทู้นี้]

ยอดปรมาจารย์

     ฝนตกมาปลาแล่นขึ้น  บืนนำล่องนาหาหม่องไข่
มีปลาเข็ง ปลาดุก ปลาข่อ โตใหญ่ๆ  ไข่เต็มท้องโอ้นโต้น แล่นนำก้นกันวื่นๆบืนขึ้นสู่ท่งนา
อย่าสุพากันใจฮ้อน  ไปตึกแหมาต้มอ่อม  หลายเด้อ
ปล่อยให้ปลาไข่พร้อมเรียบร้อย ลูกปลาโตน้อยๆใหญ่แล้วจั่งค่อยกิน
    คันเฮาจับปลาแม่ไข่มากินแล้ว  สิจิบแนวแปนเปล่า
สิพากันนั่งเศร้า  ทุกแลงเช้าก่องน้ำตา
คันกุ้ง หอย ปู ปลา เบิดแล้ว สิเอาหยังมากินกัน เฮานั้นจั่งสิใหญ่
ให้ใส่ใจแน่เด้อลุงป้า  ก่อน กุ้ง หอย ปู ปลานั้นสิบ่ยัง...พี่น้องเอ้ย

                                            เซียงน้อย หนองข้อง

สาธุการบทความนี้ : 497 ครั้ง
จากสมาชิก : 1 ครั้ง
จากขาจร : 496 ครั้ง

15 เม.ย. 2551 เวลา 09:31:11

โพสต์โดย

คห.ที่259) ให้ร้อนแต่โลก [ไปที่ความเห็นนี้ ในกระทู้นี้]

ยอดปรมาจารย์

     ถึงแม้ว่าโลกสิฮ้อนขึ้น  ใจของเฮาให้เย็นชุ่ม
ได้นั่งหัวหยุ่มๆ  ทุกแลงเช้าอย่าเศร้าหมอง
เฮาควรตรองเอาไว้  โลกของเฮาต้องแปรเปลี่ยน
เพราะว่าปี วัน เดือน บ่ได้หยุดอยู่กับหม่อง ทุกสิ่งต้องแปรเปลี่ยนไป
อันทุกขัง อนิจจัง อนตตานั้นเที่ยงแท้ เป็นของแน่บ่แปรผัน
ถึงเวลาต้องไปพลัน  บ่มีวันมั่นคงได้
ต้องสลายมะลายสิ้น  จมลงดินคักแน่
นี่หละของเที่ยงแท้  อนาคตเฮาแน่ๆเป็นเถ้าผง...พี่น้องเอ้ย

                                          เซียงน้อย หนองข้อง

สาธุการบทความนี้ : 361 ครั้ง
จากสมาชิก : 1 ครั้ง
จากขาจร : 360 ครั้ง

15 เม.ย. 2551 เวลา 09:42:54

โพสต์โดย

คห.ที่260) เมืองไทย เมืองพุทธ [ไปที่ความเห็นนี้ ในกระทู้นี้]

ยอดปรมาจารย์

     บ่พอใจกันกะฆ่าทิ้ม  มีดปาดคอโยนเข้าปา
มาโหดเหี้ยมแท้น้อมนุษา นารกกะบ่พากันย้านบาปนั้นบ่หวั่นกลัว
ฆ่ากันทิ้มอยู่ถ้วนทั่ว   ผืนแผ่นปฐพี
ย้อนบ่มีศีลธรรม  บาปกรรมบ่เกรงย้าน
ขอวิงวอนทุกๆท่าน  ได้หยุดสร้างกรรมทำก่อ สาเด้อ
เมืองไทยเฮาเป็นเมืองพุทธกะด้อ  สังฆ่ากันได้กู่สู่วัน...คนเฮาเอ้ย

                                            เซียงน้อย หนองข้อง

สาธุการบทความนี้ : 489 ครั้ง
จากสมาชิก : 1 ครั้ง
จากขาจร : 488 ครั้ง

15 เม.ย. 2551 เวลา 09:52:37

โพสต์โดย

คห.ที่261) แบ้งค์ปลอม [ไปที่ความเห็นนี้ ในกระทู้นี้]

ยอดปรมาจารย์

     ก่อนสิรับเงินไว้ ให้มั่นใจเป็นของแท้  แลให้ดีถ้วนถี่
เฮาสิโศกโสกี บาดห่ามีแบ้งค์ปลอมภายหลังเจอพบพ้อ ที่เขาเอามาล้อหลอกลวง
เขาโกงหลวงเทิงโกงราษฎร์  ผลิตแบ้งค์ปลอมมาใช้จ่าย
มาเป็นตาหน่ายแท้ๆ  คนเฮาแย่ซ่างเฮ็ดลง
     ใช้เงินปลอมทำลายชาติ  เศรษฐกิจกะปั่นป่วน
ฝูงหมู่มวลพี่น้อง ให้ใส่ใจไว้อย่าสู่เผลอ
คันแม่นเจอเงินปลอมแบ้งค์   ให้แจ้งความเจ้าหน้าที่  เพิ่นเด้อ
เงินปลอม มันบ่แม่นของดี  ใช้หนี้กะบ่ได้ ผิดกฎหมายพร้อมโทษใหญ่หลวง...ซั่นแล้ว พี่น้องเอ้ย

                                          เซียงน้อย หนองข้อง

สาธุการบทความนี้ : 455 ครั้ง
จากสมาชิก : 1 ครั้ง
จากขาจร : 454 ครั้ง

15 เม.ย. 2551 เวลา 10:05:48

โพสต์โดย

คห.ที่262) ทาสสุรา [ไปที่ความเห็นนี้ ในกระทู้นี้]

ยอดปรมาจารย์

     ดีใจกะกินเหล้า เสียใจกะกินเหล้า พากันเป็นทาสน้ำเมาเอาเหล้าเป็นใหญ่
จักยามได๋หละพี่น้อง  เฮานั่นสิร่ำรวย
ชีวิตมีแต่ส่วย  เห็นเขารวยกะได้แต่กั้งโกบเบิ่ง
เขาสนุกนอนนั่งเทิ้ง  โตนั้นผัดหน้าดำ
เฮ็ดเวียกบ่เคยหยุดซ้ำ  หน้ากำก่ำปานตอโก
หย่อนว่าโตมักเมา  เงินของเฮาเลยเบิดเกลี้ยง
เฮ็ดเวียกตากแดดเปรี้ยงๆ  บ่ได้เซาพักผ่อน
หย่อนว่าเป็นทาสน้ำเหล้า  โตเฮานี้จั่งทุกข์จน...พี่น้องเอ้ย

                                           เซียงน้อย หนองข้อง

สาธุการบทความนี้ : 430 ครั้ง
จากสมาชิก : 1 ครั้ง
จากขาจร : 429 ครั้ง

15 เม.ย. 2551 เวลา 16:31:14

โพสต์โดย

คห.ที่263) แม่พิมพ์ดีศิษย์ก็เด่น [ไปที่ความเห็นนี้ ในกระทู้นี้]

ยอดปรมาจารย์

     คุณธรรมนำความรู้  ทางคุณครูเพิ่นสอนสั่ง
เพื่อให้ศิษย์เบ่งบานสะพรั่ง  ตามบ้านหละทั่วเมือง
คันลูกศิษย์เฮือง  ทางคุณครูเพิ่นกะรุ่ง ชื่อเสียงฟ้งกลิ่นขจร
คันลูกศิษย์กะล่อน แสวงหามงกุฎสุดร้ายมาสวมใส่
ได้สิบแปดอันแล้วไซร้  คุณครูคงได้สิ่งเน่าเหม็น...ซั่นแล้ว  ลูกศิษย์เอ้ย

                                         เซียงน้อย หนองข้อง

สาธุการบทความนี้ : 432 ครั้ง
จากสมาชิก : 1 ครั้ง
จากขาจร : 431 ครั้ง

15 เม.ย. 2551 เวลา 16:44:24

โพสต์โดย

คห.ที่264) คุณธรรมนำให้สูงส่ง [ไปที่ความเห็นนี้ ในกระทู้นี้]

ยอดปรมาจารย์

     คุณธรรมสินำให้  ไทเฮาได้สูงส่ง
บ่ได้ลดต่ำลงกะหย่อนเพิ่นเชื่อหมั่น  เฮานั้นจั่งเด่นสูง
อบายมุขอย่าไปหยุ่ง  เทิงแนวเฮาสิหมองหม่น
สิ่งชั่วร้าย ส่งบ่ดี  เฮาต้องหนีแหลีกให้พ้น  หนีให้ห่างไกล
คุณธรรมสิซ่อยให้  เครดิตเฮาเข้าแน่นอั่ง
เฮาสิเว้า เฮาสิเฮ็ดอีหยัง  ไผๆกะเชื่อหมั่น เงินทองนั้นกะหลั่งมา...ซั่นแล้ว พี่น้องเอ้ย

                                           เซียงน้อย หนองข้อง

สาธุการบทความนี้ : 631 ครั้ง
จากสมาชิก : 1 ครั้ง
จากขาจร : 630 ครั้ง

15 เม.ย. 2551 เวลา 16:56:31

โพสต์โดย

คห.ที่265) น้ำตาสาวแม่ฮ้างน้อย [ไปที่ความเห็นนี้ ในกระทู้นี้]

ยอดปรมาจารย์

     ได้มาเป็นแม่ฮ้างน้อย  กะหย่อนสามีเพิ่นปะปล่อย
คอบว่าความทุกข์จนต่ำต้อย  สามีข่อยเลยทิ้มจ้อยบ่หล่ำแงง
ได้แต่นอนตะแคงไห้  น้ำตาไหลใส่ฝาเฮียนกล่อมลูกอ่อน
เดิกๆมาลูกแฮงอ้อน  ถามส่อหาพ่อตน
แสนสับสนใจเด้  คึดนำแต่ชายอยากให้อ้ายนี้โค้งต่าว
คิดเห็นแน่เด้อคิดเห็นแต่คราวก่อนกี้  ที่สองเฮานี้เคยมีสุขร่วมฮ่วมกัน...อ้ายเอ้ย

                                                     เซียงน้อย หนองข้อง

สาธุการบทความนี้ : 586 ครั้ง
จากสมาชิก : 1 ครั้ง
จากขาจร : 585 ครั้ง

15 เม.ย. 2551 เวลา 17:06:30

โพสต์โดย

คห.ที่266) ถามข่าวผู้สาวเก่า [ไปที่ความเห็นนี้ ในกระทู้นี้]

ยอดปรมาจารย์

     จากกันไปหลายปีแล้ว  นางสำบายอยู่ดีบ่
อ้ายเองมาชอกช้ำกะดัดมาชอกซ้ำกะด้อ  คอบคิดนำเจ้าอยู่สู่ยาม
เลยอยากถามข่าวน้องเจ้า   นงเยาว์ตาหวานพี่
หวังว่าคงสบายดี  ได้ครองรักกับเขาแล้วอย่าลืมอ้ายผู้ห่างใย
ทุกวันคืนอ้ายนีน้อ มีแต่ได้นั่งไห้  คึดนำจอมใจบ่ได้ขาด
คาดสิบ่ได้เป็นคู่แล้ว  ฮักเฮาเลยฮ้างได้ห่างกัน...นางเอ้ย

                                             เซียงน้อย หนองข้อง

สาธุการบทความนี้ : 510 ครั้ง
จากสมาชิก : 1 ครั้ง
จากขาจร : 509 ครั้ง

15 เม.ย. 2551 เวลา 17:17:48

โพสต์โดย

คห.ที่267) หยอกเมียชาวบ้าน [ไปที่ความเห็นนี้ ในกระทู้นี้]

ยอดปรมาจารย์

     เหลียวเห็นเมียชาวบ้าน   สังมางามแท้น้อห่า
บาดเมียเฮานั้นนา  ยามนอนเหี่ยวอิ้วติ้วได้สองนิ้วกะว่าบุญ
ยามเฮาซูนเฮาต้อง  กะบ่เป็นตาแล้วแลงเขียดแห้งกะบ่ท่อ
มาเหลือใจกะดัดมาเหลือใจกะด้อ เห็นเมียนอนหล่องหง่อง อยากกองก้นฮ้องให้ซ่วงใจ...เบิ่งเด้  พี่น้องเอ้ย

                                           เซียงน้อย หนองข้อง

สาธุการบทความนี้ : 484 ครั้ง
จากสมาชิก : 1 ครั้ง
จากขาจร : 483 ครั้ง

15 เม.ย. 2551 เวลา 17:36:41

โพสต์โดย

คห.ที่268) พระคุณแม่ [ไปที่ความเห็นนี้ ในกระทู้นี้]

ยอดปรมาจารย์

     คำว่าแม่แม่นี้มีคุณค่ามหาศาล
ให้ลูกหลานทุกคน  ได้ตระหนักน้อเอาไว้
แม่เพิ่นเสียสละให้  ความสุขแก่ลูกอ่อน
ถึงยามหลับยามนอน  แม่กะคอยนั่งเฝ้าให้เฮานี้ได้อยู่เย็น
คันเมื่อเห็นเพิ่นแก่เฒ่า  ให้ลูกรักคอยดูแล  เพิ่นเด้อ
ใจลูกอย่าได้ผันแปร  เปลี่ยนไปเฮ็ดใจฮ้าย
คันเมื่อยามเพิ่นเฒ่า  อย่ารำคาญสังขารเพิ่น
อีกบ่โดน ไทเฮากะสิเป็นจั่งซั่น  จริงแท้กู่สู่คน...ซั่นแล้ว  พี่น้องเอ้ย

                                          เซียงน้อย หนองข้อง

สาธุการบทความนี้ : 640 ครั้ง
จากสมาชิก : 1 ครั้ง
จากขาจร : 639 ครั้ง

16 เม.ย. 2551 เวลา 09:29:16

โพสต์โดย

คห.ที่269) หยอกสาวนักเรียน [ไปที่ความเห็นนี้ ในกระทู้นี้]

ยอดปรมาจารย์

     ไปโรงเรียนหรือไปเล่น  ยามกลางเวนกะพากันหนีเข้าป่า
ครูอาจารย์ตามหากะบ่เห็นฮอดส้น  พากันหม่นเข้าเหล่าหนี
บางกลุ่มกะพากันหลี้  นำร้านเกมเต็มแน่นอั่ง
ไปเรียนหนังสือหรือว่าไปอีหยัง  สังมาดื้อกะด้อ พ่อแม่เว้ากะบ่ฟัง...ลูกหลายเอ้ย

                                          เซียงน้อย หนองข้อง

สาธุการบทความนี้ : 671 ครั้ง
จากสมาชิก : 1 ครั้ง
จากขาจร : 670 ครั้ง

16 เม.ย. 2551 เวลา 09:38:27

โพสต์โดย

คห.ที่270) ข้อสอบบ่มีในเกม [ไปที่ความเห็นนี้ ในกระทู้นี้]

ยอดปรมาจารย์

    เนื้อหาในเกมนั้น  คุณครูท่านได๋เพิ่นเอามาออกข้อสอบแน่
ช่างพากันสนใจแท้ๆ  อดทนเล่นได้กะหยั่งคืน
พากันแตกวึ่นๆ  เทิงกลางเวนกลางคืนบ่พากันหยุดหย่อน
บาดคุณครูสอนให้การบ้าน  สังขี้คร้านบ่อยากทำแท้น้อ...ลูกหลานเอ้ย

                                          เซียงน้อย หนองข้อง

สาธุการบทความนี้ : 751 ครั้ง
จากสมาชิก : 1 ครั้ง
จากขาจร : 750 ครั้ง

16 เม.ย. 2551 เวลา 09:44:53

โพสต์โดย

คห.ที่271) เรียนไม่จบแต่อยากได้เงินเดือนหลาย [ไปที่ความเห็นนี้ ในกระทู้นี้]

ยอดปรมาจารย์

    เรียนบ่จบกะพากันอยากได้  ตำแหน่งใหญ่เงินเดือนหลาย
ไผน้อสิเอาไปเป็นนาย  ผู้บ่มีความฮู้
คุณครูเพิ่นสอนความฮู้ให้  บ่สนใจดึกเข้าป่า
บาดว่าเติบโตมาผัดอยากมีเงินเดือนใช้  มันสิได้บ่อนจั่งได๋...ลูกหลานเอ้ย

                                           เซียงน้อย หนองข้อง

สาธุการบทความนี้ : 715 ครั้ง
จากสมาชิก : 1 ครั้ง
จากขาจร : 714 ครั้ง

16 เม.ย. 2551 เวลา 09:50:36

โพสต์โดย

คห.ที่272) เตือนสาว 1 [ไปที่ความเห็นนี้ ในกระทู้นี้]

ยอดปรมาจารย์

     จำไว้แน่เด้อน้องหล้า  ยามไปมาให้หาหมู่
อย่าสุได้สู่ลู่ส่งหล่ง  ลงเฮียนแล้วล่วงผู้เดียว
หนทางเทียวทุกมื้อนี้  มันอันตรายบ่คือเก่า
นางสิได้นั่งเศร้า  เสียพรหมจรรย์แล้วแนวขายหน้าว่าบ่เป็น...ซั่นแล้ว นางเอ้ย

                                         เซียงน้อย หนองข้อง

สาธุการบทความนี้ : 725 ครั้ง
จากสมาชิก : 1 ครั้ง
จากขาจร : 724 ครั้ง

16 เม.ย. 2551 เวลา 09:58:44

โพสต์โดย

คห.ที่273) เตือนสาว 2 [ไปที่ความเห็นนี้ ในกระทู้นี้]

ยอดปรมาจารย์

     เสื้อผืนบางหรือว่าชุดนอนนั้น  ให้สวมใส่อยู่ในเฮือน
อย่าได้เบือนบิดกาย  ใส่ออกไปยวนยั่ว
สิได้ผัวคนฮ้าย  ภัยกามอยู่ตามป่า
บาดว่าเกิดเรื่องมา  เฮากะแก้บ่ได้สิเสียใจแท้ฮอดมื้อตาย...พุ้นเด้  นางเอ้ย

                                          เซียงน้อย หนองข้อง

สาธุการบทความนี้ : 692 ครั้ง
จากสมาชิก : 1 ครั้ง
จากขาจร : 691 ครั้ง

16 เม.ย. 2551 เวลา 10:12:59