มาเว้าผญากันเด้อพี่น้องเด้อ --- เว็บบอร์ดอีสานจุฬาฯ

คห.ที่18) [ไปที่ความเห็นนี้ ในกระทู้นี้]

อนุเซียน

ภูมิลำเนา : บึงกาฬ - หนองคาย
เข้าร่วม : 15 มิ.ย. 2553
รวมโพสต์ : 1601
ให้สาธุการ : 2855
รับสาธุการ : 4226590
รวม: 4229445 สาธุการ

คุณจารย์ใหญ่:

คุณสาวส่า เมืองยโส:
ข้างบริษัทเลยติ ฮื่อ!!!
น้องคือนึกบ่ออกหว่า
บ่เคยเห็นอีหลีเด้อนิ เหอๆๆ
สงสัยสิสูญพันธุ์ไปจากบ้านโคกนาโกแล้ว

หลายเดือนผ่านไป ตอนนี้ฮู้หรือยังว่าต้นกุ่มเป็นจั่งใด๋

ด่นปานนี่ แหม่นน้องหล้า...สาวส่าฯสิจำได้บ่บุ
หว่า...มีการบ้านที่จารย์ใหญ่ให้ไว้
"สาวส่า...ต้องไปทำควมฮู้จักต้นกุ่มนะ" หว่าซั้น

สาธุการบทความนี้ : 348 ครั้ง
จากสมาชิก : 0 ครั้ง
จากขาจร : 348 ครั้ง

24 ก.ย. 2553 เวลา 17:39:14

โพสต์โดย

คห.ที่19) [ไปที่ความเห็นนี้ ในกระทู้นี้]

อนุเซียน

คุณจารย์ใหญ่:
ฮอดยามหากะปอมแล้วตั๊วนี้ หายากคัก...

พากันใช้สารเคมีหลาย....
โหลดสิบ่เหลืออิหยังจักอย่าง
หากินหยาก ดับแนวเหมิด...ทั้งมดแดง กะปอม กิหลีด กิหล่อ จั๊กจั่น
โคกนากลายเป็นสวนยางเหมิดแล้วพี่น้องเอ้ย...
บางบ้านผีป่าซ้า ดอนปู่ตากะสิบ่เหลือ

สาธุการบทความนี้ : 606 ครั้ง
จากสมาชิก : 0 ครั้ง
จากขาจร : 606 ครั้ง

04 มี.ค. 2554 เวลา 20:08:50

โพสต์โดย

คห.ที่22) [ไปที่ความเห็นนี้ ในกระทู้นี้]

อนุเซียน

คุณอีเกียแดง (แห่งรัตติกาล):

เข่ามาหัวแก้งเซ็งเป็นหมู่ขอรับ

เซ็ง....เป็นโตจั่งได๋ทิด

สาธุการบทความนี้ : 221 ครั้ง
จากสมาชิก : 0 ครั้ง
จากขาจร : 221 ครั้ง

20 มี.ค. 2554 เวลา 20:55:10

โพสต์โดย

คห.ที่25) [ไปที่ความเห็นนี้ ในกระทู้นี้]

อนุเซียน

คุณจารย์ใหญ่:
ไผอยากรู้ว่า เซ็ง เป็นโตจั่งใด๋ เอียงหูมาทางนี้เด้อ
เดียวผมสิบอกให้...55555+

เอียงไปหาแล้ว....
กะเว้าแฮงๆแหน่...
บ่ได้ยิน...

สาธุการบทความนี้ : 193 ครั้ง
จากสมาชิก : 0 ครั้ง
จากขาจร : 193 ครั้ง

22 มี.ค. 2554 เวลา 01:03:07

โพสต์โดย

คห.ที่29) [ไปที่ความเห็นนี้ ในกระทู้นี้]

อนุเซียน

จ่อยปานนี่จักโตจั่งสิอิ่ม

ขอบคุณเจ้าของภาพจากกูเกิล

สาธุการบทความนี้ : 202 ครั้ง
จากสมาชิก : 0 ครั้ง
จากขาจร : 202 ครั้ง

26 มี.ค. 2554 เวลา 01:05:37

โพสต์โดย

คห.ที่52) [ไปที่ความเห็นนี้ ในกระทู้นี้]

อนุเซียน

แหล่กะเป็นตะฮักอยู่ดอก ลุงเลาตาเถิงตั๊วหนิ...
แต่หว่า...ป้าหน่อยไปเหลาหน้ามาติครับคือจั่งซงแหลมลง
ตอนเป็นสาวส่ำน้อยคือเห็นหน้ามนรูปไข่....ฮึหว่าจ่อยลงหน้าจั่งเรียวคับ

สาธุการบทความนี้ : 228 ครั้ง
จากสมาชิก : 0 ครั้ง
จากขาจร : 228 ครั้ง

02 เม.ย. 2554 เวลา 23:33:16

โพสต์โดย

คห.ที่60) [ไปที่ความเห็นนี้ ในกระทู้นี้]

อนุเซียน

เล็งดีๆเด้อครับ...บ่าวหน่อ อย่าให้เสียชื่อเด้....

ขอบคุณเจ้าของรูป จากกูลเกิล

สาธุการบทความนี้ : 193 ครั้ง
จากสมาชิก : 0 ครั้ง
จากขาจร : 193 ครั้ง

08 เม.ย. 2554 เวลา 13:37:13

โพสต์โดย

คห.ที่71) [ไปที่ความเห็นนี้ ในกระทู้นี้]

อนุเซียน

คุณภูไทธาตุพนม:

คุณบ่าวหน่อ:
โอ๊ย น๊อ คน
ซางตาดีแท้

ฝากไปให้จารย์ใหญ่ทางพุ้นแหน่ เอาไว้ป้องกันโต แฮงนอนในอาศรมผู้เดียว 555

บ่แหม่นจารย์ใหญ่เลาลักเอาคนไปนอนเป็นหมุ่ยู่บ้อญาเอื้อยฯ

สาธุการบทความนี้ : 206 ครั้ง
จากสมาชิก : 0 ครั้ง
จากขาจร : 206 ครั้ง

09 เม.ย. 2554 เวลา 18:40:48

โพสต์โดย

คห.ที่74) [ไปที่ความเห็นนี้ ในกระทู้นี้]

อนุเซียน

กะปอมมีหน่อย...
ใส่หมากหม่วงหลายๆเอาเด้อ...จั่งสิพอจ้ำ

สาธุการบทความนี้ : 0 ครั้ง
จากสมาชิก : 0 ครั้ง
จากขาจร : 0 ครั้ง

18 เม.ย. 2554 เวลา 18:17:36

โพสต์โดย

คห.ที่76) [ไปที่ความเห็นนี้ ในกระทู้นี้]

อนุเซียน

คุณป้าหน่อย:

คุณลุ่มดอนไข่:
กะปอมมีหน่อย...
ใส่หมากหม่วงหลายๆเอาเด้อ...จั่งสิพอจ้ำ

อยู่นาโคก บ้านป้าหน่อยยังหลาย
เห็นหมู่เถียงนาไกล้กันเพิ่นไปคล้อง
มาขังใส่โอ่ง แตกซวดๆ อยู่ ถามว่า
คือบ่อเฮ็ดกิน เบื่อว่าซั้น กินดู๋อยู่
สิเอาไปขายตลาด มัดหางจุ้มกัน 5 โต ซาวบาท เพิ่นว่า

หลายคัก...จนเผิ่นจับขายเป็นการค้าพุ้นตั๊วซั้นเนาะคับป้า
หว่าแต่...เคยเห็นเผิ่นเลี้ยงบ่คับ
เคยได้ยินหว่า...จิ้งหรีด มดแดง เผิ่นกะเลี้ยงขาย
แต่ผู่ข้าบ่เคยได้ยินหว่าเผิ่นเลี้ยง แย้ เลี้ยงกะปอมขาย

สาธุการบทความนี้ : 236 ครั้ง
จากสมาชิก : 0 ครั้ง
จากขาจร : 236 ครั้ง

19 เม.ย. 2554 เวลา 14:36:47

โพสต์โดย

คห.ที่78) [ไปที่ความเห็นนี้ ในกระทู้นี้]

อนุเซียน

คุณรุทธิ์ อีเกียแดง:
บ่าวรุทธิ์เคยเลี้ยงไก่เลี้ยงปลาขายครับ เก่งบ่...

หึยยย...
กะเก่งฮั่นแหล่ว ขั่นบ่ขี้โญ่ย...

สาธุการบทความนี้ : 293 ครั้ง
จากสมาชิก : 0 ครั้ง
จากขาจร : 293 ครั้ง

19 เม.ย. 2554 เวลา 16:19:25

โพสต์โดย

คห.ที่84) [ไปที่ความเห็นนี้ ในกระทู้นี้]

อนุเซียน

คุณจารย์ใหญ่:

คุณรุทธิ์ อีเกียแดง:
บุ๊ยยย..ไอค่อนน้อยมาเก่งซาอ้ายรุทธิ์แท้ว๊า...

เดี๋ยวสิบอกลุงจารย์ใหญ่มาเบิ่งงานนำไอค่อนน้อยเพื่อนำไปปฏิบัติสาดอก

เจ้าของ ว่าอ้าย ผู้อื่นเอิ้นลุงเนาะ...บ่ถามน้องไอค่อนน้อยเลย..

จั่งแหม่นเผิ่นย้านกันได้หลื่นเนาะ....

สาธุการบทความนี้ : 222 ครั้ง
จากสมาชิก : 0 ครั้ง
จากขาจร : 222 ครั้ง

21 เม.ย. 2554 เวลา 00:15:03

โพสต์โดย

คห.ที่94) [ไปที่ความเห็นนี้ ในกระทู้นี้]

อนุเซียน

คุณป้าหน่อย:

คุณจารย์ใหญ่:
ใหญ่จักหน่อยจั่งมากินข้าวหวานกันเนาะ ไอค่อนและไอคิวน้อย

ฮั้นล่ะพ่อใหญ่จารย์ พาลูกหลานกินไปทั่ว
จั๊กหน่อยสิพาเข้าป่าได๋แนวนี่

บุ๋ย.....
กำลังโสกัน หว่าสิติดสินบนหลาน
แต่ละคนกะอยากให้หลานเอิ้น...อ้าย...
พอแต่จารย์...เสนอข้าวหวานให้หลานน้อยท่อนั้นหล่ะ
ป้าหน่อย...โลดพาหลานเอิ้นหว่า...พ่อใหญ่ทันที
เหมิดแล้ว...คือสิบ่ได้เป็นอ้ายดอกเจ้าจารย์
เบิ่งซงแล้ว...ย้านได้เป็นพ่อใหญ่คือป้าหน่อยเลาพาหลานเอิ้นฮั่นหล่ะ

สาธุการบทความนี้ : 207 ครั้ง
จากสมาชิก : 0 ครั้ง
จากขาจร : 207 ครั้ง

25 เม.ย. 2554 เวลา 18:52:26

โพสต์โดย

คห.ที่103) [ไปที่ความเห็นนี้ ในกระทู้นี้]

อนุเซียน

คุณสาวส่า เมืองยโส:
ขี้หลีตลอด บ่มีคนคุมแล้วติ
หรือคุมบ่อยู่ แนวเก่าคือเริ่มออก
เป็นแนวนี้ซุคนอยู่บ่ฮึ ผู้ชายนิ สิได้บ่เอาซั่นดอกหว่า

บ่เกี่ยวกับอ้ายเด้อ....
อ้ายมีครอบครัวแล้ว เป็นคนฮักครอบครัวพ้อม

สาธุการบทความนี้ : 209 ครั้ง
จากสมาชิก : 0 ครั้ง
จากขาจร : 209 ครั้ง

27 เม.ย. 2554 เวลา 20:49:20

โพสต์โดย

คห.ที่105) [ไปที่ความเห็นนี้ ในกระทู้นี้]

อนุเซียน

แหม่น...โตนี่บ่คับ ป้าหน่อย

ขอบคุณภาพจากอินเตอร์เนต

สาธุการบทความนี้ : 257 ครั้ง
จากสมาชิก : 0 ครั้ง
จากขาจร : 257 ครั้ง

28 เม.ย. 2554 เวลา 18:36:44

โพสต์โดย

คห.ที่117) [ไปที่ความเห็นนี้ ในกระทู้นี้]

อนุเซียน

ใส่บั้งทิงน้อยมาฝากผู่ข้านำแหน่ซั้น...บ่าวทิดรุทธิ์
อั่น...ย้านหมู่ได้หลื่นฮั่นหนา....

สาธุการบทความนี้ : 225 ครั้ง
จากสมาชิก : 0 ครั้ง
จากขาจร : 225 ครั้ง

05 พ.ค. 2554 เวลา 00:38:26

โพสต์โดย

คห.ที่119) [ไปที่ความเห็นนี้ ในกระทู้นี้]

อนุเซียน

คุณปิ่นลม:

มีแต่ผู้ฝากเนาะ สิเอามาแนวได๋หละ ห้อยใส่ล้อเคี่ยงบินมา ซั้นติ ทิด

ขั่นสิเอาของฝากมาหลายปานนี่
คือสิบ่ม้มถืกปรับน้ำหนักเกิน...อีกหล่ะเนาะทิดรุทธิ์เจ้า

สาธุการบทความนี้ : 285 ครั้ง
จากสมาชิก : 0 ครั้ง
จากขาจร : 285 ครั้ง

06 พ.ค. 2554 เวลา 20:23:25

โพสต์โดย

คห.ที่128) [ไปที่ความเห็นนี้ ในกระทู้นี้]

อนุเซียน

ไปเลี้ยงควายยามแล้ง...
บ่ยากคือยามนา...ปล่อยถิ่มไว้กลางทาม(ยามแล้งทามน้ำแห้งเหมิด)
ระวังแต่สิเข้าสวนมัน(สำปะหลัง)เผิ่น
ได้ไม้ค้องกะปอม...กะหย่างหาเลาะค้องนำโคก
ได้กะปอมมาแล้ว กะลอกหนัง คัวเอาไส้เอาพุงออก
ตากแดดให้แห้ง ยามฮ้อนแดดแฮง กะปอมสิแห้งเร็ว
จากนั้นเอามาปิ้ง ย่างไฟอ่อนๆให้เหลือง อย่าให้ไหม้
แล้วกะตำใส่หมากม่วงป่า แซ่บคัก...พอดีเมื้อกลางเว็น

สาธุการบทความนี้ : 490 ครั้ง
จากสมาชิก : 0 ครั้ง
จากขาจร : 490 ครั้ง

09 พ.ค. 2554 เวลา 20:32:35

โพสต์โดย

คห.ที่133) [ไปที่ความเห็นนี้ ในกระทู้นี้]

อนุเซียน

ขั่นสิใช้วิธียิงกะปอมคือบ่าวรุทธิ์
สำหรับผู่ข้าคือบ่ได้กินดอก....ย้อนหว่ายิงแหม่นหลาย
ขนาดขวดกะทิงแดงใหญ่กั่วกะปอมหลาย
แล่นหนีกะบ่เป็น วางไว้เทิงเสาฮั้วกะยังยิงบ่ถืก
กะญ่อนแหม่นกะปอมโตน้อยท่อนั้นคลานหนีเร็วพ้อม
คือสิบ่ได้กินนำหมู่ดอก....

การคล้องกะปอมนี่ ต้องผิวปากนำเด้เหนาะ
ขั่นเห็นกะปอมแล้ว เฮาต้องผิวปากใส่
กะปอมได้ยินเสียงเฮาผิวปากกะสิหยืดคอฟังเสียง....
หยืดคอซื่อๆนิ่งๆ....ตอนนั้นหล่ะ...โอกาสเฮา...

สาธุการบทความนี้ : 214 ครั้ง
จากสมาชิก : 1 ครั้ง
จากขาจร : 213 ครั้ง

11 พ.ค. 2554 เวลา 18:58:55

โพสต์โดย

คห.ที่135) [ไปที่ความเห็นนี้ ในกระทู้นี้]

อนุเซียน

คุณป้าหน่อย:
งึดจะของแต่น้อยๆ เติบอยู่ดอก ก้อนหินท่อโป้มือ
กะปอมอยู่ปลายไม้กะยิงถืก บาดคุมื้อนี้ ดึ๊กค้อน
บักใหญ่ ว่าสิแก่งเอาบักม่วง คะลาดกายไปถืก
หลังคาบ้านคะเจ้า กะเบื้องแตกจ้อย อยู่บ่ออย่า
ได้เสียเงินซื้อกะเบื้องให้คะเจ้า บักม่วงกะเซาอยากซ้ำดอก

หมากหม่วงหน่วยนั้น...
คือสิแซ่บคักเนาะครับป้า
ซื้อแพงคักแหม...

สาธุการบทความนี้ : 252 ครั้ง
จากสมาชิก : 0 ครั้ง
จากขาจร : 252 ครั้ง

11 พ.ค. 2554 เวลา 21:50:45

โพสต์โดย

คห.ที่142) [ไปที่ความเห็นนี้ ในกระทู้นี้]

อนุเซียน

คุณจารย์ใหญ่:

มาแล้วเอาหมากม่วงน้อยมาฝากใส่ก้อยกะปอม..

บ่ก้อยใส่กะปอมแล้ว
เฮ็ดแจ่ว...มาจิ้มนำโลดจารย์ใหญ่
ใส่น้ำปลาแดกเด้อ ทางพี้...มีแต่น้ำปลา
อยากกินน้ำปลาแดกแหม....

สาธุการบทความนี้ : 436 ครั้ง
จากสมาชิก : 0 ครั้ง
จากขาจร : 436 ครั้ง

17 พ.ค. 2554 เวลา 14:26:40

โพสต์โดย

คห.ที่148) [ไปที่ความเห็นนี้ ในกระทู้นี้]

อนุเซียน

คุณป้าหน่อย:
คุมื้อนี้ บ่อแม่นคือต๊ะเก่า ย้านบ่อได้กินดอก ก้อยกะปอมฮั้น

เด็กน้อยรุ่นต่อไป....
อาจสิได้เห็นแต่ในสวนสัตว์ กะบ่จัก

สาธุการบทความนี้ : 257 ครั้ง
จากสมาชิก : 0 ครั้ง
จากขาจร : 257 ครั้ง

30 ม.ค. 2555 เวลา 19:05:07

โพสต์โดย

คห.ที่150) [ไปที่ความเห็นนี้ ในกระทู้นี้]

อนุเซียน

คุณจารย์ใหญ่:

ว่าเเล้วมื้อนี้ พาทิดไปหาคล้องกะปอมมาก้อยเกิ่นนา...

พากันคล้องกะปอม...
ได้พอก้อยบ่หล่ะ จารย์

สาธุการบทความนี้ : 258 ครั้ง
จากสมาชิก : 0 ครั้ง
จากขาจร : 258 ครั้ง

03 ก.พ. 2555 เวลา 20:05:14

โพสต์โดย

18) แกงหน่อไม้

คห.ที่66) [ไปที่ความเห็นนี้ ในกระทู้นี้]

อนุเซียน

คุณบ่าวหน่อ:
ทริปต่อไปว่าสิโกอินเตอร์ ไปเกาหลีตามล่าหาหอย(เกาหลี)

คันไผโอ ลงซือไว้เลยเด้อ ทางหลังเวที ทริปนี้รับจำนวนจำกัด

ตกลงแล้ว...กล้องฮ้างฮั่นหาพ้อหล่ะบ่อ้าย....
คือสิพากันไปเกาหลีพุ้น...
แล้วคั่นหาหอย(เกาหลี)พ้อแล้ว...สิมีแนวถ่ายรูปเก็บไว้เบิ่งบ่หล่ะอ้าย...

สาธุการบทความนี้ : 211 ครั้ง
จากสมาชิก : 0 ครั้ง
จากขาจร : 211 ครั้ง

27 มิ.ย. 2553 เวลา 20:50:40

โพสต์โดย

18) แกงหน่อไม้

คห.ที่109) [ไปที่ความเห็นนี้ ในกระทู้นี้]

อนุเซียน

คุณป้าหน่อย:
เดี๋ยวนี้ค้างยานางมีปลูกไว้หลายบ้านอยู่ดอก
เห็นคะเจ้าเก็บไบอ่อน มาคั้นกินน้ำยานางสดๆ
แต่ป้าหน่อยยังบ่อเคยลองกิน กินแต่ยอดอ่อนๆ
เป็นผัก ย้อนเพิ่นว่ากินผักให้เป็นยา กะเลยกินนั้นดอก

เห็นแต่แม่อยู่บ้านเผิ่นปลูกไว้ข้างโอ่งใหญ่ที่เผิ่นใช้เก็บน้ำฝนครับ
เฮ็ดค้างให้คือค้างพลูนี่แหม่...เป็นพุ่มใหญ่
ญามเฮือนอื่นเผิ่นสิแกงกะมาเด็ดเอาญู่ฮั่นหล่ะครับ...
แม่เลาหว่าได้บุญตั๊ว...ได้เอื้อเฟื้อเผื่อแผ่ผู้อื่นนำครับ

สาธุการบทความนี้ : 205 ครั้ง
จากสมาชิก : 0 ครั้ง
จากขาจร : 205 ครั้ง

12 ส.ค. 2553 เวลา 19:48:09

โพสต์โดย

18) แกงหน่อไม้

คห.ที่119) [ไปที่ความเห็นนี้ ในกระทู้นี้]

อนุเซียน

คุณรุทธิ์  (อีเกียแดง):
                   ไปค้นหาพ้อแล้วครับ ไปลักเพินมา

ผักอ่อมแซบ

ชื่อพื้นเมือง อ่อมแซบ , ลืมผัว ,เบญจรงค์ ๕ สี
ตำลึงหวาน, บุษบาริมทาง

ชื่อวิทยาศาสตร์ Justicia Gangetica

ชื่อวงศ์ ACANTHACEAE

ชื่อสามัญ -

ประโยชน์ บำรุงเลือด บำรุงกำลัง บำรุงสายตา
ใช้ปรุงอาหาร ผัดไฟแดง แกงจืด แกงอ่อม
ชุปแป้งทอด ลวก-กินสดจิ้มน้ำพริก
ส่วนที่กินได้ ดอก ใบ ยอดอ่อน ก้าน ใบ

บาดได๋ผักลืมผัวตั๊วหนิ  บ้านบ่าวรุทธิ์หลายอยู่  เขาบอกว่าผู้หญิงอย่าสะกิน
กินแล้วลืมผัวครับ  ลืมจั่งได๋วาติ๊  (ลืมหลายแนวเลยครับ)

ยกโตอย่างเนาะ
                      จารย์ใหญ่แต่งงานกับสาวแม่ฮ้างน้อยมหาเสน่ห์  อยู่นำกันใหม่ๆเขากะ
สิเอิ้น พี่จารย์ใหญ่ค๊ะ พี่จารย์ใหญ่ขา สุดที่รักใหญ่ขา สั่นตั๊ว (หลังจากกินผักลืมผัวเข่าไป) ลืมถ่อนแหล่วลืมฮอดซือจารย์ใหญ่  สุดที่รักจารย์ใหญ่กะสิเริ่มเปลี่ยนไปเรื่อยๆ อาจสิเปลี่ยนเป็น
เฒ่าผีบ้า เฒ่าผีบอ เฒ่าผีเป้า ผีโพง ผีปอบ กระสือ กระหัง ไปสั่นแหล่ว
เริ่มลืมจารย์ใหญ่แล้ว

   (ลืมง่ายกะยังว่า)

ฉะนั้นระวังครับ อย่าให่เธอกินผักอั่นนี้เป็นอันขาด  เกี่ยวกันบ่ฮึ๊
อ้ายต้องแล่งแย้งหัวชนฝาลายคุบแล้วกะซนเสาปูน บ่เกี่ยวดอก เมียเฮาบ่กินตอนนี้กะลืมซือผัวแล้วว่าซ้าน ลืมฮอดลูกเลาว่านั่งสังเกตุเห็นเมียเว้ากับลูกดุ๊ดุว่า  เหว๋ยๆๆ ลูกผู้ใด๋ว๊าหนิ พะนะ

ปล โปรดใช้วิจารณญานในการคิดนำ พะนะฮิ๊วว

555+++ผมหว่า...เถิงสิบ่กินผักลืมผัว
ขั่นญู่นำกันโดนกะลืมซื่อผัวคือเก่าฮั่นหล่ะ บ่าวรุทธิ์
ตอนไปจีบเพิ่นสิเอิ้นเฮาหว่าอ้าย...พุ้นเด้อ จารย์ใหญ่
พอได้มาเป็นเมียแล้วเพิ่นสิตีตนเสมอเฮาเอิ้นเฮาหว่า...เห้ยๆ..ปานเสี่ยวพุ้นแหล้ว
แฮ่งญู่นำกันด่นขั่นใจดีกะสิเอิ้น พ่อสู...พ่อมึง ญู่ดอก
แต่หว่าขั่นเพิ่นสูน กะสิด่าบักผี บักปอบ คือหว่าฮั่นแหล่ว...
แหม่นบ่ครับอ้ายปิ่นลม

สาธุการบทความนี้ : 188 ครั้ง
จากสมาชิก : 0 ครั้ง
จากขาจร : 188 ครั้ง

14 ส.ค. 2553 เวลา 12:35:46

โพสต์โดย

20) หมากต้องแล่ง

คห.ที่20) [ไปที่ความเห็นนี้ ในกระทู้นี้]

อนุเซียน

คุณต้องแล่ง:
มื้อนึงพ่อให้เงินบักอ้ายไปโรงเรียน 20 บาท ข้าวเที่ยงของโรงเรียนแจกบ่กิน ไปฟาด "ซูชิ" เหมิด ยืมหมู่ตื่มอีก งึดหลาย ป. 4 เด้หนิ สงสัยจะของมักอาหารญี่ปุ่นหลาย

เด็กน้อย....
เผิ่นพวมเตรียมโตให้พร้อมรับ
...ประชาคมอาเซี่ยน...ติญาอ้ายคู

สาธุการบทความนี้ : 497 ครั้ง
จากสมาชิก : 0 ครั้ง
จากขาจร : 497 ครั้ง

02 มิ.ย. 2555 เวลา 17:26:43

โพสต์โดย

คห.ที่1821) [ไปที่ความเห็นนี้ ในกระทู้นี้]

อนุเซียน

สะออนเด้น้อ....
นาเพิ่นได้เกี่ยวข้าว ทางนาเฮาผัดบ่ได้เก็บเกี่ยว
เหลียวเบิ่งขวาเบิ่งซ้าย นาอ้ายกลายเป็นทาม
พุ้นกะน้ำพี้กะน้ำ ขาวท่วมท่งห่งปานหนอง
คองถ่าให้น้ำลด หมดหวังทางใจท้อ
เฝ้าวอนขอแถนท่าน ซ่อยให้ทานผายโผด
เซาโลดเด้อส่งน้ำ ยามนี่ให้ส่งลมฮอดยามนี่ส่งหมอกมา...

ปล.หัดเขียน ผิดผลาดจั่งได๋อภัยข้อยผู่ด้อยภูมิ

สาธุการบทความนี้ : 393 ครั้ง
จากสมาชิก : 2 ครั้ง
จากขาจร : 391 ครั้ง

01 พ.ย. 2553 เวลา 02:43:26

โพสต์โดย

คห.ที่1913) [ไปที่ความเห็นนี้ ในกระทู้นี้]

อนุเซียน

จารย์เอ้ย….
ให้เจ้าสุขีหมั้นหมั่นทำดีอย่าได้ขาด  วาสนาเฮาน้อยจำจากห่างไกลกัน

มันสิลาดอนด้าวเอิ้นสั่งพงพนา ปลาสิหนีวังหนองหม่องที่เคยดีดดิ้น
หงส์สิบินไปหน้าลาทามหนองน้ำขุ่น หนีไปซ้นบวกพุ้นแก่งน้ำที่งามใส

ขั่นเจ้าทำการสร้างเวียกงานเฮืองฮุ่ง  อย่าสิลืมลุงป้าแบกจกเฮี้ยนไง้ก่นตอ
ขั่นเจ้าได้พบพ้อเพชรทองเงินมุก  อย่าสิลืมควมทุกข์ตอนคันตุ่มฮังกล้า

บุญนำพาส่งยู้ได้คืนสู่กลับเฮือนชาน   อภิบาลสองเขือเมื่อชรากำลังน้อย
คอยดูแลยามเฒ่าเบิ่งแงงเอาใจใส่  ได้ทดแทนคุณท่านแนวนั้นแหม่นต่อนบุญ...แท้แหลว

สาธุการบทความนี้ : 240 ครั้ง
จากสมาชิก : 2 ครั้ง
จากขาจร : 238 ครั้ง

13 ธ.ค. 2553 เวลา 19:29:51

โพสต์โดย

คห.ที่1950) [ไปที่ความเห็นนี้ ในกระทู้นี้]

อนุเซียน

อ้ายนี่คึดฮอดน้องผู่คิ้วก่องงามตา
ผวานำคำนางย้านถืกชายอื่นเกี้ยว
ย้านมีคนเทียวเว้าออยเอามีแนวอ่อย
น้องสิป่อยอ้ายถิ้มฮอยยิ้มสิบ่เห็น

ยามกลางคืนเย็นจ้อยลมวอยวอยพัดผ่าน
คิดฮอดหลายอยากจาต้านเฮ็ดงานหยุ่งกะบ่ถอย
ไอน้ำหมอกเย็นจ้อยข่อยแฮ่งคึดคนิงหา
อยากเห็นหน้าคำนางซ่างเป็นหลายเอาฮ้าย

คึดนำหลายจนซอดแจ้งบ่มีแฮงลุกจากบ่อน
สะออนหลายคึดนำเจ้าระทมเศร้าทุกข์ทวี
สมหัวใจชายนี่อยากใกล้นางบ่ห่าง
หว่าแต่ทางนาถน้อยสิคอยอ้ายได้บ่น้อ...

อีกสองปีจั่งค่อยพ้อขอนางถ่าเมื้อครบเกณฑ์
เฮ็ดใจเย็นคอยชายผู่หมายเฮียงฮ่วมซ้อน
สายสมรน้องหล้าอย่าลืมคำทีอ้ายฝาก
ยากซ่ำได๋อย่าท้อให้รอถ่าอ้ายผู่เดียว….เก็บใจถ่าอ้ายผู่เดียว

สาธุการบทความนี้ : 269 ครั้ง
จากสมาชิก : 3 ครั้ง
จากขาจร : 266 ครั้ง

16 ม.ค. 2554 เวลา 23:33:11

โพสต์โดย

คห.ที่1962) [ไปที่ความเห็นนี้ ในกระทู้นี้]

อนุเซียน

น้องสาวเอ้ย....
ความฮักหลายความอายน้อย คอยคึดถึงคะนึงหา
ฮอดแก้วตาคำแพง บ่หน่ายแหนงคึดนำเจ้า

ยามอ้ายเหงากะมีน้อง ผู่คิ้วก่องเป็นแฮงใจ
เถิงอยู่ไกลคนละทาง ห่างปานได๋ยังคึดพ้อ

จั่งวอนขอยืมหน้าเจ้า มาเข้าฝันนอนกอด
คึดฮอดหลายแต่นำน้อง ปองเป็นใภ้แม่อยู่เฮือน

วันเดือนปีที่หมุนย้าย สายลมหนาวที่พัดผ่าน
คำเว้าหวานของสาวนาง บ่เคยจางไปจากอ้าย....

สาธุการบทความนี้ : 835 ครั้ง
จากสมาชิก : 1 ครั้ง
จากขาจร : 834 ครั้ง

28 ม.ค. 2554 เวลา 00:38:12

โพสต์โดย

คห.ที่1965) [ไปที่ความเห็นนี้ ในกระทู้นี้]

อนุเซียน

เจ้าผู่กกเอ็นอ้า  เกิดกลางนากลางไฮ่
ไผย่างกายเข่าใกล้  ลิใบทิ่มให้ค่อยทน

ข่อยยืนเทิงคันนา เห็นเอ็นอ้าเป็นพุ่ม
ไผเด้นอสิได้อุ้ม  พาน้องเข้าพาขวัญ

สาธุการบทความนี้ : 788 ครั้ง
จากสมาชิก : 1 ครั้ง
จากขาจร : 787 ครั้ง

30 ม.ค. 2554 เวลา 01:56:56

โพสต์โดย

คห.ที่1983) [ไปที่ความเห็นนี้ ในกระทู้นี้]

อนุเซียน

หล้านางเอ้ย...
ตัดใจลืมบ่ได้แหล่ว คือมีแนวมาดึงจ่อง
พอสิไกลห่างน้อง คือเสียงฮ้องให้ต่าวคืน
ฝืนซ่ำได๋กะบ่ได้  ตัดใจลืมกะคือเก่า
ปานขี้เถ่ากับถ่าน  จั่งไม้คานกับต่างวง
ป่วงนำคำนางน้อง  ฮ้องให้อย่า...ว่าบ่ฟัง...

สาธุการบทความนี้ : 325 ครั้ง
จากสมาชิก : 1 ครั้ง
จากขาจร : 324 ครั้ง

05 ก.พ. 2554 เวลา 00:03:01

โพสต์โดย

คห.ที่1995) [ไปที่ความเห็นนี้ ในกระทู้นี้]

อนุเซียน

แม่ทนเลี้ยงลูกน้อยเหมิดตั้งแสนโตปลา
กั่วลูกสิใหญ่มาเหมิดตั้งแสนโตไก่
บัดหว่าเลี้ยงใหญ่แล้วสิแทนหนี้ค่าน้ำนม
ลูกสิเฮ็ดให้ส้มต้มต่อนให้มันสุก
เถิงหว่าแหม่นสิทุกข์สิค่อยเพียรถนอมเลี้ยง...

สาธุการบทความนี้ : 287 ครั้ง
จากสมาชิก : 0 ครั้ง
จากขาจร : 287 ครั้ง

21 ก.พ. 2554 เวลา 00:31:11

โพสต์โดย

คห.ที่1996) [ไปที่ความเห็นนี้ ในกระทู้นี้]

อนุเซียน

ฟังเสียงปืนดังโป้ง จากทางท่งดงลำดวน
มวลพี่น้องทั้งหญิงชาย ฟ้าวหนีตายกันวายวุ่น

เสียงกระสุนปืนดังก้อง ผ่องจูงลูกอุ้มหลานผ่า
ป๋าเฮือนซานถิ่มลานเล้า เห็นแล้วเอ้าอุกอั่งใจ

พวกเด็กน้อยพากันไห้  ซุมผู่ใหญ่สั่นงันงก
ปานอยู่ในขุมนรก  ปืนใหญ่ตกอกสั่นย้าน

ปวงทหารผู่หาญกล้า เฮ็ดหน้าที่ป้องกันภัย
รักษาเขตประเทศไทย  บ่ยอมให้บิ่นท่อก้อย

คอยเบิ่งแงงเป็นแนวหน้า  อาสาสู้พวกล้ำถิ่น
นอนกลางดินกินกลางทราย หมายอธิปไตยไทยคงยั้ง

อยู่แนวหลังคือเฮานี่  โชคดีหลายภัยบ่เสี่ยง
ได้นอนเคียงนั่งกอดซู้  การกินอยู่สุขซำบาย

แต่ลางคนกะเป็นฮ้าย  หมายอำนาจวาสนา
หาแต่เรื่องมาเถียงกัน ควมสมานฉันท์เกิดบ่ได้

สังคมไทยเฮาแตกแยก ย้อนแตกต่างทางควมคิด
หวงแหนสิทธิ์ของเจ้าของ บ่ฮิ่นตรองเถิงหน้าที่

ผูกไมตรีจั่งถืกต้อง  ปองดองกันนั้นหล่ะแหม่น
สามัคคีให้แน่นแฟ้น แดนเหนือใต้ไทอีสาน

คำโบราณเผิ่นยังเว้า ให้เฮาคิดพิจารณา
หว่า“ฮักกันไว้ดีกั่วซังกัน ไปพุ้นกินปลามาพี้กินข้าว” ซุมหมู่เจ้าให้จื่อจำ คำเว้านี่ให้ใส่ใจ...แหน่ถ่อน

สาธุการบทความนี้ : 456 ครั้ง
จากสมาชิก : 2 ครั้ง
จากขาจร : 454 ครั้ง

22 ก.พ. 2554 เวลา 00:00:21

โพสต์โดย

คห.ที่2026) [ไปที่ความเห็นนี้ ในกระทู้นี้]

อนุเซียน

คึดฮอดคราวเป็นเด็กน้อย ข้อยนี่แหม่นลูกชาวนา
ไปขุดปูงมปลา หาไต้กบเขียดกินกะยังได้
ซ้งสิใส่ขาดตาบก้น ฮ้อนหนาวฝนกะโตเก่า
บ่สนใจคำไผเว้า ข้าวเต็มเล้าสิงึดหยัง

สาธุการบทความนี้ : 339 ครั้ง
จากสมาชิก : 1 ครั้ง
จากขาจร : 338 ครั้ง

21 มี.ค. 2554 เวลา 01:24:36

โพสต์โดย

คห.ที่2031) [ไปที่ความเห็นนี้ ในกระทู้นี้]

อนุเซียน

คึดฮอดคราวเป็นเด็กน้อย  ข้อยนี่แหม่นลูกชาวนา
ไปขุดปูงมปลา หาไต้กบเขียดกินกะยังได้
ซ้งสิใส่ขาดตาบก้น ฮ้อนหนาวฝนกะโตเก่า
บ่สนใจคำไผเว้า  ข้าวเต็มเล้าสิงึดหยัง   (บ่าวลุ่มดอนไข่)

พอได้ฟังคำเว้า บ่าวลุ่มเอ๊ยคือจั่งว่า
ลูกชาวนาเถิงต่ำต้อย บ่เคยด้อยเรื่องการกิน
น้ำใจมีบ่สุดสิ้น ไหลโฮมรินคือฝนส่า
ตกลงมาบ่ขาดช่วง ชะโลมพื้นให้ซุ่มเย็น  (ใจ)   (บ่าวรุทธิ์)

ฝนเอ้ยฝนฮำย้อย ฮำตองกลอยย้อยตองข่า
บาดว่าข้านี้นา ฝนบ่ลงน้ำบ่ท้วมดินแล้งไหง่ผง..

นี้ล่ะน้อ เป็นชาวนาไผว่ามันต่ำต้อย จั่งใด๋กะตามซ่าง
ข้าวอยู่ฉางอั่งเล้า   สนุกนึ่งหม่ากิน
ทรัพย์ในดินสินในน้ำ หาเอาหากได้ง่าย
แลงงายได้อยู่พร้อม เป็นตาน่าใคร่สะออน...

บ่ได้เฮฮนฮ้อนพอดีพากันอยู่
หากินไปตามพื้นมีบ่อนสู้กะว่าไป
แม่นสิไกลเมืองบ้านทางใดกะตามส่าง
หนทางยาวต่อหน้าหาสู้บ่ถอย...

คอยเอ้ย พวกพี่น้องผู้เผิ่นอยู่ทางหลัง
ผู้เผิ่นหวังนำเฮาผู้ดุ่งไปไกลบ้าน
ขอให้ทนทานสู้ไผคือกันเด้อท่าน
ลูกอีสานผู้จากบ้าน อยากหวนบ้านต่าวคืน...

ฟ้าเอ้ยฟ้าฮ้องส่ง ดังไปหรอกทางใหม่
ใจหากหมายต่าวบ้าน อยากคืนห้องแห่งอีสาน
มาทำงานกรุงกว้าง ได้พรากแห่งหรอกเฮือนมา
คึดถึงคุณมารดา พ่อแม่เฮาอยู่ทางบ้าน
รอเด้อคองคอยถ้าบุตราเจ้าสิอ่วยคืน..

ฟ้าเอ้ยฟ้าสะอื้น  สิคืนโค้งล่ะอวยคืน.. (จารย์ใหญ่)
สิบ่บืนไปหน้า  ให้กายล้าใจหล่อย
ถอยกลับคืนเมือบ้าน สถานถิ่นแผ่นดินเกิด
บัวรบัดผู่ประเสริฐ  พระคุณล้นทั้งสอง
ไปสนองคุณท่าน  ซ่อยงานเถิงเบาหนัก
ให้สองเขือหยุดพัก  เซามีแฮงบ่เหมื่อยหล้า (ลุ่มดอนไข่)

สาธุการบทความนี้ : 397 ครั้ง
จากสมาชิก : 1 ครั้ง
จากขาจร : 396 ครั้ง

22 มี.ค. 2554 เวลา 19:52:32

โพสต์โดย

คห.ที่2035) [ไปที่ความเห็นนี้ ในกระทู้นี้]

อนุเซียน

พี่น้องเอ้ย...
ทุกข์คือการทนได้ยาก ต้องลำบากทั้งกายใจ
สมุทัยคือเหตุแห่งทุกข์ พุทธองค์ทรงจาเว้า
เฮาต้องใช้นิโรธเพื่อดับตัณหา มีปัญญาเป็มรรคจั่งสิดับทุกข์ได้

สาธุการบทความนี้ : 269 ครั้ง
จากสมาชิก : 1 ครั้ง
จากขาจร : 268 ครั้ง

25 มี.ค. 2554 เวลา 00:51:11

โพสต์โดย

คห.ที่2037) [ไปที่ความเห็นนี้ ในกระทู้นี้]

อนุเซียน

พี่น้องเอ้ย....
เมืองญี่ปุ่นเผิ่นเดือดฮ้อน   ย้อนดินกวยไหวภัยพิบัติ
“สึนามิ”หอบคลื่นซัด   พัดบ้านเมืองพังพินาศ
ธรรมชาติเกิดพิโรธ  สังหารโหดฆาตรกรรมหมู่
แสนหดหู่เศร้าสลด  รันทดใจไหม้เป็นปื้น
คลื่นกระหน่ำทำลายล้าง  พังทุกอย่างที่วางขวง
แฮงหนักหน่วงไหลเข้าซัด  พัดถล่มให้แปนโล่ง
โรงนิวเคลียร์สิพังพาบ  ปล่อยกัมมันตภาพรังสีแผ่
ถาโถมทุกข์เติ่มคักแท้  เหตุการณ์แย่ต้องใส่ใจ
เถิงอยู่ไกลต่างประเทศ  บ่มีเขตแดนติดกัน
แต่สัมพันธ์เคยพึ่งพา เป็นมหามิตรของเฮาแท้
มีหยังแหน่พอซ่อยได้  โฮมกันไปซ่อยบรรเทา
ตอนบ้านเฮาเกิดเดือดฮ้อน ผ่านได้ย้อนเผิ่นซ่อยเฮา
ผู่เล็กน้อยโฮมกันเข้า  สิท่อเขาภูสูงใหญ่
น้ำใจไทยไหลหลั่งล้น  คนยอย้องไทยนี่ฮู้คุณ ญี่ปุ่นซึ้งน้ำใจไทย....

สาธุการบทความนี้ : 382 ครั้ง
จากสมาชิก : 0 ครั้ง
จากขาจร : 382 ครั้ง

26 มี.ค. 2554 เวลา 01:14:04

โพสต์โดย

คห.ที่2051) [ไปที่ความเห็นนี้ ในกระทู้นี้]

อนุเซียน

แสงตะเว็นพวมคล้อย  ลมวอยวอยพัดยอดดู่
สนูว่าวถืกลมต้อง  เสียงดังก้องคับท่งนา
ควายบักตู้ยืนเล็มหญ้า เขียดจ่านาฮ้องอ้อบแอ๊บ
เขียดโม่แอบซ้นกอหญ้า ปลาดีดบ้อนอยู่กลางฝาย

ฝูงนกบินเลียงซ่ายหล่าย  มุ่งหมายต่าวกลับคืนคอน
ทางหัวดอนข้างเถียงนา  ไก่ป่าขันนกกดฮ้อง
แหงนมองเบิ่งเถิงหง่าไม้  กระแตไต่แหล่นไล่กัน
จักจั่นฮ้องก้องพงไพร หม่วนหัวใจออนซอนแท้

สาธุการบทความนี้ : 277 ครั้ง
จากสมาชิก : 2 ครั้ง
จากขาจร : 275 ครั้ง

06 พ.ค. 2554 เวลา 19:57:28

โพสต์โดย

คห.ที่2052) [ไปที่ความเห็นนี้ ในกระทู้นี้]

อนุเซียน

ให้พากันเฮียนฮู้ปาณาติบาต  เว้นจากการฆ่าสัตว์โทษฮ้ายหมายได้จ่องเวร
บาปนั้น มีโทษมากน้อยตามแต่กระบวนคุณ  สัตว์นั้นมีคุณหลายดังงัวควายซ้าง
มันทำนาให้ทั้งเกวียนลากแก่  มันมีคุณเที่ยงแท้คนได้เพิ่งแยง
กินคุณแล้วสังเล่ากินซิ้นต่อน  บ่กูร์ณาท่อก้อยสังกินซิ้นบ่ล่ำคอยฯ

อทินนานั้นอย่าลักเอาของท่าน  เว้นขโมยให้ได้ตนเจ้าอย่าเอา
อย่าเป็นฮ้ายให้สัตย์ซื่อในใจ  ตั้งแต่เข็มเหล่มเดียวอย่าไปเอาควรเว้น
อย่าเป็นโจรฮ้ายตามทางยาดแย่ง  ซิงเอาของเพิ่นห้ามหวงไว้บ่ดี
แม่นลักงัวควายซ้างสันเดียวให้เว้นห่าง  บังเบียดเอาที่ไฮ่นาหมู่นี้เป็นฮ้ายบาปเวร

กาเมเว้นอย่าไปซมเมียท่าน  อย่าไปสมเสพซ้อนใจฟั่นเกี่ยวกามแท้เนอ
มิสสาจารนี้คือการทำความชั่ว  เสพสมซู้เป็นฮ้ายบาปเวร
ผัวเพื่อนห้ามให้เว้นห่างหนีไกล  อย่าไปซิงเอาผัวเขาบาปเวรสินำต้อง
ลูกเมียเพื่อนหวงห้ามแล้วอย่าไปโลภกาเมแท้เนอ  มันจักเป็นไฟเผาจูดลนในเนื้อฯ

มุสาวาทนั้นอย่าได้ล่ายทางตัวะแท้เนอ  มันเป็นกรรมทางวาจาปากเหม็นเป็นฮ้าย
อย่าได้เว้าปิ้นไป่ไปมา  เว้าให้มีสัจจะจิงแม่นคองศีลแก้ว
ความเว้านี้เป็นยิ่งไฟลน  อย่าได้อำพางตัวดั่งแลนสองลิ้น
จักมีเวรังข้องเถิงตนฮ้อนเฮ่ง  แนวเซื้ออึ่งเพ้าความเว้าฆ่าโต
อย่าได้โวโวเว้าความบ่มีหาใส่  ใจอย่าเหมือนดังไม้มีด้วงบุ่นใน แท้เนอฯ

สุราเหล้าเมรัยให้เว้นขาด  ไผประมาทศีลข้อนี้ปัญญาน้อยถ่อยผะหญา
สุรานี้เป็นยากินเข้าแซบ  ท่อว่าอย่าเป็นนักเลงขี้เหล้าเมาฮ้ายบาปหนา
มันมักเกิดโรคฮ้ายเป็นยิ่งทอนปัญญา  เจ็บในไตพุงพยาธิถองเถิงเนื้อ

คัดจากเรื่อง “ปลาแดกปลาสมอ” หนังสือ “ของดีอีสาน” โดย ฯพณฯจารุบุตร เรืองสุวรรณ

สาธุการบทความนี้ : 303 ครั้ง
จากสมาชิก : 3 ครั้ง
จากขาจร : 300 ครั้ง

12 พ.ค. 2554 เวลา 00:23:44

โพสต์โดย

คห.ที่2058) [ไปที่ความเห็นนี้ ในกระทู้นี้]

อนุเซียน

หล้านางเอ้ย....
อ้ายนี่คึดฮอดเจ้า กินข้าวแลงกะบ่อิ่ม
จนหลงถิ่มคำข้าว คาป่นไว้ย้อนฟ้าวแฮง
ล้างมือยังบ่แห้ง ได้เซ็ดใส่หัวคันได
ถืบรถไปหานาง  คึดนำทางอยากบินได้
ไปฮอดเอือนน้องสาวหล้า ในสายตาบ่อยากเซื่อ
เหลือแฮงแต่อ้ายฟ้าว มาพ้อเจ้ายู่กับเขา
เข่าอ้ายอ่อนล่วยซ่วย เถิงคราวซวยยืนบ่ยู่
นี่บ่...เพิ่นหว่าฮักซู้ต่างบ้าน ปานฝากไข่ไว้นำกา
ฝากปลาย่างไว้กับแมว  จั่งได้เป็นแนวนี่
เฮาบ่มีสิทธิ์ฮู้  ย้อนเจ้ายู่ห่างไกลตา
วาสนาคนบ้านไกล ได้เพียงสิทธิ์แค่คิดฮอด...

สาธุการบทความนี้ : 328 ครั้ง
จากสมาชิก : 2 ครั้ง
จากขาจร : 326 ครั้ง

27 พ.ค. 2554 เวลา 18:24:06

โพสต์โดย

คห.ที่2068) [ไปที่ความเห็นนี้ ในกระทู้นี้]

อนุเซียน

นางเอ้ย....ขั่นเจ้าเป็นเส้นด้าย อ้ายนี่หมายเป็นฟืมต่ำ
อ้ายเป็นแหวนทองคำ ให้นางเป็นนิ้วก้อยคอยถ่าใส่แหวน...เด้อ

สาธุการบทความนี้ : 396 ครั้ง
จากสมาชิก : 1 ครั้ง
จากขาจร : 395 ครั้ง

24 มิ.ย. 2554 เวลา 20:33:38

โพสต์โดย

คห.ที่2076) [ไปที่ความเห็นนี้ ในกระทู้นี้]

อนุเซียน

โอยอ้ายเอ้ย...
อย่ามาติแถลงต้าน เอาคำหวานมาอ่อย
ย้านปากหวานจ้อยๆใจส้มจั่งมดแดง
สังมาติแถลงต้ม ลมบ่มีเอาบ่าว(ว่าว)แหล่นแท้น้อ
ย้านแต่แฟนอ้ายฮู้ ย้านแต่ซู้อ้ายพ้อ สิพอให้เพิ่นฮ้ายนาง...เด้อ้าย

สาธุการบทความนี้ : 357 ครั้ง
จากสมาชิก : 1 ครั้ง
จากขาจร : 356 ครั้ง

27 มิ.ย. 2554 เวลา 17:05:10

โพสต์โดย

คห.ที่2079) [ไปที่ความเห็นนี้ ในกระทู้นี้]

อนุเซียน

โอ้ยอ้ายเอ้ย....วาสนาซาตาน้อง ย้านคือกองขี้ฝอยบ่มีค่า
ตีราคาบ่ได๋ อ้ายสิถิ่มใส่กองไฟ ย้อนเก็บไว้ย้านฮกเฮือน...เด้นอ

สาธุการบทความนี้ : 396 ครั้ง
จากสมาชิก : 3 ครั้ง
จากขาจร : 393 ครั้ง

04 ก.ค. 2554 เวลา 00:25:09

โพสต์โดย

คห.ที่2088) [ไปที่ความเห็นนี้ ในกระทู้นี้]

อนุเซียน

คำแพงเอ้ย....
เป็นจั่งได๋น้อน้องหล้า อ้ายโทรหาย้อนเป็นห่วง
ทุกข์บ่ซ่วงคึดนำเจ้า จั่งต่อสายเข้ามาทักทาย
นับแต่นางหย่างจากอ้าย พายเสื้อผ้าไปหาเขา
อ้ายกะเหงามีแต่ทุกข์ สุขเคยมีกะเหล่นลี้
เขายังดีนำเจ้า คือตอนเขามาเว้าอ่อย...บ่น้อ
หรือเขาปล่อยปะเจ้าถิ่ม กินอิ่มแล้วแซ่วเจิดหนี
ขั่นเขาดีมีแต่เจ้า อ้ายสิได้เซาเหมิดควมห่วง
ทุกข์ทั้งปวงอ้ายแบกไว้ สิได้ปงลงจากบ่า....ซั้นตั๊วะ

สาธุการบทความนี้ : 559 ครั้ง
จากสมาชิก : 3 ครั้ง
จากขาจร : 556 ครั้ง

17 ก.ค. 2554 เวลา 18:25:55

โพสต์โดย

คห.ที่2192) [ไปที่ความเห็นนี้ ในกระทู้นี้]

อนุเซียน

เขยผู่ทุกข์จั่งเจ้า อย่าเว้าแฮงพ่อ(เฒ่า)อยากไล่...อ้ายเอ้ย
เถิงมีปากกะเก็บไว้ แม่เฒ่าเลาแฮ่งซัง
เพิ่นประกาศปังปัง ห้ามคนทุกข์มาเป็นเขย
เจ้าเฮ็ดโตเซยเมย กะจั่งเป็นแนวนี่
สมหัวใจเพิ่นตี้ สิให้ป๋าหาเอาใหม่...พุ้นหล่ะ
ซุมฝรั่งเพิ่นจั่งอยากได้ แนวเงินล้นฮั่งกะเป๋า...พะน่ะ

สาธุการบทความนี้ : 400 ครั้ง
จากสมาชิก : 2 ครั้ง
จากขาจร : 398 ครั้ง

26 มิ.ย. 2555 เวลา 19:27:18

โพสต์โดย

คห.ที่2367) [ไปที่ความเห็นนี้ ในกระทู้นี้]

อนุเซียน

คุณน.นม:
ฟ้าเอ๋ยฟ้าฮ้องตึ้ง...เจ้าคิดถึงอ้ายแหน่บ่ หน๋อคำน้อ
คืนฝนพรำน้ำตาคลอ เป็นหยังหน๋อโตบักอ้าย คณิงเจ้ายุบ่วาย
หล่าคำเอ้ย...หากเจ้าคิดฮอดอ้าย
ให้จดหมาย (sms) มาบอกแหน่
ตอนนี้เด๋อ...โตพี่ชายพวมสิแย่
ขาดคนแก้มาซ่อยไข แท้แล้ว...พนางเอ้ย

ขอสมมุติเจ้าของเป็นผู่สาวตอบผู่บ่าวจักหน่อย...พะน่ะ(เว้านัวหัวหม่วนนำกันเนาะ)

อ้ายเอ้ย...ฟังเสียงฟ้าฮ้องตึ่ง คะนึงซายบ่เว้นหว่าง
ตาแนมทางจดจ้อง ใจนางน้องห่วงบ่วาย
หมื่นควมคิดคึดฮอดอ้าย อยากออนไลน์ไปบอกข่าว...แท้ดาย
แต่..เป็นสาวเฮ็ดบ่ได้ ย้อนในเครื่องน้องเหมิดเงิน...ตั๊วอ้าย...

เติมเงินออนไลน์ให้น้องแหน่เด้อพี่....

สาธุการบทความนี้ : 616 ครั้ง
จากสมาชิก : 1 ครั้ง
จากขาจร : 615 ครั้ง

05 ธ.ค. 2555 เวลา 11:20:25

โพสต์โดย

คห.ที่2497) [ไปที่ความเห็นนี้ ในกระทู้นี้]

อนุเซียน

พี่น้องเอ้ย...
ปีห้าหกผ่านพ้น ห้าเจ็ดวนเข้ามาต่อ...หล่ะน้อ
คึดพ้อซุมหมู่เจ้า จั่งออนเข้ามาส่งพร…
หว่าสาธุเด้อ...ข้าขอวอนพระไตรป้อง ผองภัยอย่าได้ผ่า
“อายุ”ยืนเกินฮ้อย “วรรณะ” ผ่องผิวพรรณดี
ทวี “สุข”ทั้งใจกาย “พละ”หลายแฮงล้น
เงินไหลกองทองไหลซ้น ร่ำรวยหยอหยิ่ง
ซุสิ่งหวังตามฮีตคอง ให้สมปองมโนเจ้า...ซุคนเด้อ...

สาธุการบทความนี้ : 561 ครั้ง
จากสมาชิก : 2 ครั้ง
จากขาจร : 559 ครั้ง

02 ม.ค. 2557 เวลา 11:29:08