กาฬสินธุ์ --- เว็บบอร์ดอีสานจุฬาฯ

คห.ที่1674) ฝากเนื้อฝากตัวแน่เด้อพี่น้องเอ้ย [ไปที่ความเห็นนี้ ในกระทู้นี้]

ศิษย์พี่

ภูมิลำเนา : กาฬสินธุ์
เข้าร่วม : 03 ธ.ค. 2552
รวมโพสต์ : 72
ให้สาธุการ : 115
รับสาธุการ : 192850
รวม: 192965 สาธุการ

พี่น้องเอ้ย

บ่ได้มาจาเว้า แต่หลอยมาศึกษา หาเบิงอยู่

คำผญา แต่ก่อนกี้ พ่อแม่นี้ รักษามา

อันว่าเฮาลูกเต้า หนุ่มสาวดอกพ่อแม่

คันบ่เหลี่ยว คันบ่แล อีสานเก่า พ่อแม่เค้า สิเหลือเค้าแน่บ่น้อพี่น้องเอ้ย

ฝากเนื้อฝากตัว แน่เด้อ พี่น้องเอ้ย (เกินมื้อวานคานมื้อก่อนนิละพี่น้องเอ้ย ผมอายุ23ปี แต่รักของเก่าบ้านเฮาครับ)

สาธุการบทความนี้ : 435 ครั้ง
จากสมาชิก : 2 ครั้ง
จากขาจร : 433 ครั้ง

23 ก.ค. 2553 เวลา 09:11:44

โพสต์โดย

คห.ที่1685) แล้งแต่ฟ้าดอกพี่น้องเอ้ย แต่ว่าใจของคนอย่าสิซวนเซแล้ง [ไปที่ความเห็นนี้ ในกระทู้นี้]

ศิษย์พี่

นี้แล้ว พ่อแม่เอ้ย

            ฟ้ากะแล้งแสนแล้ง ดินแห้งไงฝง
           แต่ว่าใจของคน อย่าสิซวนเซแล้ง
   เพินว่า   ทะเลทรายแล้ง   ยังหาน้ำกินได้...อยู่เด๋
           แต่ผัดใจของคนแล้ง   สิหันหน้าเข้าหน้าเข้าหาไผ
           ใจเอ้ยใจพี่น้อง   ให้ปองดอกฮักเสี่ยว
           คันแม่นอยู่คนเดี่ยว  บ่ฮ่อนเป็นเมืองบ้าน
           คันแม่นอยู่ในบ้าน ให้ปองดอกฮักห่อ
           อย่าสู่ได้กะดัด      อย่าสูไดกะด้อ เขานั้นสิเว้าขวัญ
           ให้เจ้าฮักกันใว้ คือกะทอหอเกลือ
            คือจังเกลือ อยู่ในทอ ให้ฮักห่อกันใว้  นี้แล้วจังแม่น....พี่น้องเอ้ย

สาธุการบทความนี้ : 275 ครั้ง
จากสมาชิก : 0 ครั้ง
จากขาจร : 275 ครั้ง

26 ก.ค. 2553 เวลา 11:43:49

โพสต์โดย

คห.ที่1690) ผู้หญิง ยุกนี้พี่น้องเอ้ย [ไปที่ความเห็นนี้ ในกระทู้นี้]

ศิษย์พี่

พี่น้องเอ้ย      ตกมา ยุกยามนี้ น้องสาวหล่าชะมา เป็นต่าง....แท้น้อ
          เสียงพินแคน แม่ใหญ่ฮ้าง    ย้อนน้องหล่า บ่เบิ่งแยง
          จับมอเตอร์ไซได้    บิดไปเกือบร้อยกว่า
          การเปลืองตัว บ่เหลี่ยวแล   กะตามแต่ไผสิเว้า
          ยามมีการมีงานเจ้า     แต่งโตงามปานผ้าเวท
          การศึกษาบ่สำเร็จ     มาเข็ดแฮงแท้น้อเจ้า

           พ่อแม่จ่มแลงเช้า    อินางเอ้ย เฮือนสามน้ำสี่
           โตอีนางคนดี      บ่มีเลยแนวหมู่นี้
           แนวเพินมี รู้บ่เจ้า   มาสคาร่ามาเติมแต่ง
           ปากแดงๆโอ้ยเด้นาง  ช่างมาลืมแท้น้อเค้า
          ผญา บ่เอา  บุญบ่นำกรรมบ่ส่ง.. นางเอ้ย
          แต่งแต่โตอยู่เบิดมื้อ แม่นสวยได้กะบ่ งาม....... นางเอ้ย

สาธุการบทความนี้ : 348 ครั้ง
จากสมาชิก : 1 ครั้ง
จากขาจร : 347 ครั้ง

29 ก.ค. 2553 เวลา 12:20:38

โพสต์โดย

คห.ที่1693) พี่น้องเอ้ย แอก คาดไถ เบิ่งแน่เด้อ [ไปที่ความเห็นนี้ ในกระทู้นี้]

ศิษย์พี่

พี่น้องเอ้ย
   กล่าวมาถึงยามนี้ สองพันสิบ เพิ่นมาผ่าน
ย่านแต่พวกหมู่เจ้า หันล่วงบ่เบิ่งแยง
เหลี่ยวเบิ่งแน่เด้อเจ้า  แอกคาไถที่เคยใช้
รักษาใว้ให้เบิ่งแยง    มีแต่ติถะแลงใช้
อันควายใหญ่  ของเขา ผัดว่าดี
ของที่เฮาเคยมี ว่าบ่ดีแท้น้อป้า
รักษาแน่รักษาหน้า  ของพ่อตา อีพ่อใหญ่
ควายคาดไถ ผูกเชือกใว้ ไปหลงใช้แม่น แม่นควายเทียม นิบ่พี่น้องเอ้ย

สาธุการบทความนี้ : 277 ครั้ง
จากสมาชิก : 1 ครั้ง
จากขาจร : 276 ครั้ง

30 ก.ค. 2553 เวลา 11:26:19

โพสต์โดย

คห.ที่1695) [ไปที่ความเห็นนี้ ในกระทู้นี้]

ศิษย์พี่

สุดยอดมากๆๆครับ ท่าน อ.จารย์ใหญ่ ขอคาราวะ 1จอกครับ

สาธุการบทความนี้ : 0 ครั้ง
จากสมาชิก : 0 ครั้ง
จากขาจร : 0 ครั้ง

30 ก.ค. 2553 เวลา 21:32:57

โพสต์โดย

คห.ที่1704) คิดฮอดแม่ แท้น้อ เฮื้อย อ้าย เอ้ย [ไปที่ความเห็นนี้ ในกระทู้นี้]

ศิษย์พี่

แม่เอ้ยแม่ของผู้ข่า เราพาโตพาเฮาใหญ่
เน็ดเหนื่อยยากสัมได  บ่เคยละยากเว้าเข็นสู่อยู่บ่เซา

ยามนี้มาอั้งเอ้า ย้อนลูกเต้าอยู่ไกลห่าง
คืนและวันหันข่าง  ลูกมาช่างคิดฮอดแม่
คิดฮอดคำเคยสอน คิดฮอดคำเคยเว้า
ป่มสอนเจ้าจนโตใหญ่  ตั้งแต่ตีนสัมผ่าหอย
จนโตใหญ่บ่ลืมเค้า แม่เอ้ยแม่ของลูกหล่า
ฮอดมื้อมาอยากกราบแม่ แต่ว่ากายลูกแท้อยู่ไกลนั้นแม่นบ่ลืม
ลูกขอยืมทุนสู้ เอาอิแม่เป็นที่พึ่ง กำลังใจเป็นทุนเดิม
เสริมด้วยความสัททา ที่เก่งกล้า  ขอให้ลูกชายหล่า พบพ้อแต่สิ่งดี ..เด้ออีแม่เอ้ย

แม่เอ้ย ลูกขอวันทาน้อม เอาแต่ใจไปไหว้แม่
แต่..ส่วนตัวของชาย อีกบ่นานสิพานพ้อ
ให้ลูกลาเพินได้ สิไปกราบงามๆที่ตักแม่
ตักอุ่นๆที่เคยหนุ่น ที่เคยนอนบ่มีล้า
แม่เอ้ย ลูก ชายหล่า ขอวันทากราบส่ง
ไปบ่ได้ แต่ใจส่ง  สัททาเทิงทั่วฟ้า ขอให้แม่ จงอยู่ดีมีแฮงเด้อ แม่เอ้ย..อีแม่ผมเอ้ย..

สาธุการบทความนี้ : 640 ครั้ง
จากสมาชิก : 1 ครั้ง
จากขาจร : 639 ครั้ง

11 ส.ค. 2553 เวลา 13:00:54

โพสต์โดย

คห.ที่1707) [ไปที่ความเห็นนี้ ในกระทู้นี้]

ศิษย์พี่

นับถือๆๆๆๆๆท่านอาจารย์ใหญ่

ปล.คิดฮอดพ่อใหญ่หนู่ คิดฮอดคนเก่าๆๆน่าพี่น้องไปใสมาน้อ มาแน่ๆๆๆๆๆผมคิดฮอดหมู่เจ้าคิดฮอด กลอนผญา

พากันลืม แล้วบ่ ผมยังรอติดตามอยู่เด้อ เชียงน้อยหมู่นั้นมาๆๆๆๆๆๆๆคิดฮอดแฮง

สาธุการบทความนี้ : 312 ครั้ง
จากสมาชิก : 0 ครั้ง
จากขาจร : 312 ครั้ง

16 ส.ค. 2553 เวลา 14:39:16

โพสต์โดย

คห.ที่1725) [ไปที่ความเห็นนี้ ในกระทู้นี้]

ศิษย์พี่

เว้าถึงคราวเก่าเก้า อิสานเก่าเมืองนอน
ใจสะออนนำเด้ บ่ยากเพ่ลาม้าง
เหลียวเบิงปลาในน้ำ ทามเอ้ยบ่อยากสั่ง
เหลี่ยงเบิงคังในไม้  บ่ไลล้างอีสานเฮา
เหลี่ยวเบิงเคาเบิงเค้า เบิงแล้วเอ้าอุกบ่เป็น พี่น้องเอ้ย

ฝนเท มาจากฟ้า เหลียวเบิงหาแนวกิน
ในดินเป็นหอย ในฮอยควายมีน้ำโห่ง
ในหอยโคงไกล้กอไผ่  ในกอไผ่มีหน่อไม้
ใต้ต้นไฮ กกบังใหญ่  ใบย่านางอยู่ข้างฮั้ว
ใบผักบั๋ว อยู่ข้างสา  เหลี่ยวเบิงไปในนา
ปลาลูกคอก แตกเบื้มเบื้ม บ๋า..ชะมาปลื่มอีสานเจ้า คำอั้งเอ้าแม่น บ่มีแล้ว พี่น้องเอ้ย

สาธุการบทความนี้ : 264 ครั้ง
จากสมาชิก : 2 ครั้ง
จากขาจร : 262 ครั้ง

26 ส.ค. 2553 เวลา 11:43:12

โพสต์โดย

คห.ที่1766) [ไปที่ความเห็นนี้ ในกระทู้นี้]

ศิษย์พี่

โอ้ยน้อพี่น้องเอ้ย    บ่ได้มาหลายมือ คิดฮอดอยู่อ้ำลำ
                        ขมในๆใจอ้าย มลายแท้คิดฮอดนาง
                        พอได้มาจาเว้า นำอินางของน้องพ่อ
                        พอได้เว้าอ้อล้อ  พออ้ายได้ส่วงใจ..เบิงเด้ น้องสาเอิ้ย คนงามเอ้ย

สาธุการบทความนี้ : 409 ครั้ง
จากสมาชิก : 1 ครั้ง
จากขาจร : 408 ครั้ง

19 ก.ย. 2553 เวลา 20:19:05

โพสต์โดย

คห.ที่1770) [ไปที่ความเห็นนี้ ในกระทู้นี้]

ศิษย์พี่

เว้าขึ้นมานับมื้อกุ้ม มันงุมมาคือฮากไผ่ อาจาร์ใหญ่เอ้ย
  เว้ามาแล้วบ่อยาพ้อ พอแล้ว แต่มันเห็น นี้แล้ว จารย์เอ้ย

แนวเจ้าของมันยาก ไปมาบ่มีหมู่
มีแต่แต่ไมค์เป็นคู่ เป็นหมู่พุ้นได้อุ่นใจ   อาจารย์เอ้ย
มักสาวได๋ ได้แต่ฮ้าง ย้อนสตางค์บ่มี
สักสีเป็นคนไมค์ ค่าบ่มีพอน้อ  อาจารย์เอ้ย ชะมาคักมาแน่ น้องสาวกะดาย...

สาธุการบทความนี้ : 301 ครั้ง
จากสมาชิก : 0 ครั้ง
จากขาจร : 301 ครั้ง

22 ก.ย. 2553 เวลา 13:45:42

โพสต์โดย

คห.ที่1782) [ไปที่ความเห็นนี้ ในกระทู้นี้]

ศิษย์พี่

คิดฮอดอยู่เด้อพี่น้อง อาวอาน้าบ่าว
เทิงหมู่ญาติพี่น้อง สบายบ้างแน่บ่น้อ
บ่ได้มาโดนแล้ว ยากยุ้งหยัง ควายหลายโตดึงจ่อง พี่น้องเอ้ย
โตหนึ่งข่องงาคอง โตสองข่องงาขาม
โตสามข่องงามี้ โตสี่ข่องงาหว่า
โตห้าข่องงาบก โตหกข่องงาแต้
ไผสิมาช่อยแก้ ควายน้องจังสิไปน้อ อาจารย์ใหญ่เอ้ย ..

สาธุการบทความนี้ : 428 ครั้ง
จากสมาชิก : 1 ครั้ง
จากขาจร : 427 ครั้ง

12 ต.ค. 2553 เวลา 12:56:17

โพสต์โดย

คห.ที่1783) [ไปที่ความเห็นนี้ ในกระทู้นี้]

ศิษย์พี่

โอ้น้อพี่น้องเอ้ย..... มารอคอยคำตอบอาวอาหน้าบ่าว
ทั้งผู้บ่าวผู้สาว กะพองนั้น ชังมาถิ่มกันได้
ปล่อยข่อยใว้นำกา ปล่อยชายใว้กลางนา ปล่อยให้ชา บ่มีบั้ง ปล่อยให้กระชังบ่ลอยน้ำ ปล่อยให้ทามแตกเขิบ
ปล่อยให้เกิบบ่มีคู่ ปล่อยให้คูขาดน้ำ แนวนั้นแม่นบ่ดีเด้อ พี่น้องเอ้ย...

สาธุการบทความนี้ : 319 ครั้ง
จากสมาชิก : 2 ครั้ง
จากขาจร : 317 ครั้ง

14 ต.ค. 2553 เวลา 12:45:43

โพสต์โดย

คห.ที่1785) [ไปที่ความเห็นนี้ ในกระทู้นี้]

ศิษย์พี่

คุณจารย์ใหญ่:

คุณลูกชายหล่า หนุ่มตูมตาม:
คิดฮอดอยู่เด้อพี่น้อง อาวอาน้าบ่าว
เทิงหมู่ญาติพี่น้อง สบายบ้างแน่บ่น้อ
บ่ได้มาโดนแล้ว ยากยุ้งหยัง ควายหลายโตดึงจ่อง พี่น้องเอ้ย
โตหนึ่งข่องงาคอง โตสองข่องงาขาม
โตสามข่องงามี้ โตสี่ข่องงาหว่า
โตห้าข่องงาบก โตหกข่องงาแต้
ไผสิมาช่อยแก้ ควายน้องจังสิไปน้อ อาจารย์ใหญ่เอ้ย ..

เจ้าผู้ควายหลายโตยากยุ่งคาเครือดึงจ่อง
หลายแต่หง่าไม้ข้องทั้งบกแต้ข่า
ทั้งหง่าขามหง่าหว้าทั้งมี้หง่าคอง
ยากหลายเอาจั่งซี้เด้อน้อง ให้ฆ่ากินซะอ้ายว่า
เฮ็ดซกเล็กแซบๆแกล้มเหล้าจั่งสิดี...

อาจารย์เอ้ย เว้ามาแล้ว มันยาก ยากหลายกะยังว่า
อันคิดว่าสิฆ่า กะคาหามีดแหลมน้อย ไปแทงคอกะหายาก
ยากฮอดใบตองกล้วย เคลือคาหอนแต่ถอก คั้นสิตัดใบตอง คั้นยองใบกล้วย
กะย่านเคลือมันบ่ใหญ่ จักสิเอาใบหยังมาฮอง จังสิเอาตองหยังมาซ้น ควายนั้นจังสิตาย อาจารย์เอ้ย

เว้ามาแล้ว คิดอยาก คันแทนาคั้นบักใหญ่
แจ่วเพลี้ยขมๆ ย่างพวงนม ทั้งต้มแซบ แนวนั้นจังแม่นดี
ดีอิหลีแม่น ย่างลิ้น ดึกเข้ากองไฟ กองใหญ่ๆ
เหลียวไปเบิงไกล้ๆ คาโคลงแม่น ตับอ่อน ชอยเป็นลอนเป็นลอนเอามาจิ้ม แนวนั้นกะถืกกัน
ผ้าขี้ริ้ว ล้างดีๆเอามาเบิ่ง  ทั้งสันนอกสันใน ก้อยขมๆเพินเอิ้นควายน้อยเกลือกตม พี่น้องเอ้ย.. .. ขั้นบ่ขม เอามาแม้ พวงบี อยู่ข้างตับ  เทลงในแจ่วเพลี้ย ขมตายบ่เอาเรื่องเพินกะว่า บางคนเพินเว้า ขมหลายจนหำลอก  จังสิกะว่ามา พี่น้องเอ้ย

แนวสิเว้ามานี้ ขาดบ่ได้แม่น น้อยทิง ขั้นบ่ดึกลงไป ขั้นบ่เทลงท้อง
ทางดังมันสิคาว บ่ขาวกะให้แดง  แต่สิเอาแท้ๆๆๆเหล้าขาวนั้นถืกกันแฮง  พี่น้องเอ้ย

คั้นแม่นฆ่ากินแล้ว กะสิใคอยูดอก อาจารย์เอ้ย จากหง่าคอง หง่าขาม หง่าสามแม่นหง่ามี้ หง่าสี่บ่ยากพาก แนวยากชะแม่นหลาย  พอสิคายความยาก ไปจักหน่อย จากหง่าหว่าหง่าแต้ พอสิคายความแย่ ลงจักหน่อยอยู่เด้อ อาจาร์ยเอ้ย...

สาธุการบทความนี้ : 396 ครั้ง
จากสมาชิก : 0 ครั้ง
จากขาจร : 396 ครั้ง

20 ต.ค. 2553 เวลา 12:43:24

โพสต์โดย

คห.ที่1792) [ไปที่ความเห็นนี้ ในกระทู้นี้]

ศิษย์พี่

กะขอ อ้ายบ่าวหน่อเนาะ อาจารย์กะดาย บทันได้เฒ่าดอก แต่ ขี้ลืม ก๊ากกกกกกก

สาธุการบทความนี้ : 0 ครั้ง
จากสมาชิก : 0 ครั้ง
จากขาจร : 0 ครั้ง

21 ต.ค. 2553 เวลา 17:59:15

โพสต์โดย

คห.ที่1796) [ไปที่ความเห็นนี้ ในกระทู้นี้]

ศิษย์พี่

คุณบ่าวน้อย:
อย่าได้ไลลืมถิ้มไทเฮาพี่น้องเก่า
อย่าได้ป๋าปล่อยฮ้างมูลเค้าเก่าเดิม
ให้ค่อยเสริมแปลงสร้างทางเจริญก้าวหน้าต่อ
อย่าเห็นใหม่พ้อหน้าลืมเค้าเก่าหลัง

แม่นแล้วเด้อญาอ้าย ของดีแต่เค้า เฮาลืมไปหยัง
มูลมังพ่อแม่เจ้า ไปหลงเค้า ย้องของเพิ่น...ชั้นบ่อ

เจ้าผู้ จักยานฮ้าง แนวคนจนบ่อยากขี่ ชันตี้ ไปหลงย้องว่าดีแท้ มอไชย์ ญีปุ้นเขา
เจ้าผู้ลืมความเค้า เกี่ยวเฮาบ่อยากบายแท้น้อ ไปหลงว่าดีแท้ รถเกี่ยวเข้าของเขาพุ้นเพิ่นว่าดี
เจ้าผู้ ลืมเถียงนาฮ้างดอนตาลต้นเปลี่ยว ให้เจ้าเหลี่ยวแน่ถ่อน ความเค้าแต่เก่าหลัง พี่น้องเอ้ย.

สาธุการบทความนี้ : 366 ครั้ง
จากสมาชิก : 0 ครั้ง
จากขาจร : 366 ครั้ง

21 ต.ค. 2553 เวลา 20:57:29

โพสต์โดย

คห.ที่1799) ลมหนาวมาฮอดแล้ว จังสิเฮ็ดจังได ทางผู้ไกลบ่ฮู้ข่าว ติดต่อบ่ได้ ใจอ้ายแฮงฮำฮอน [ไปที่ความเห็นนี้ ในกระทู้นี้]

ศิษย์พี่

ลมหนาวมา จ้อยๆ ลมวอยๆ ดึกมาแล้ว
เสียงสะนูดังเจือยแจ้ว ทะเทือนทั้วทุกทุ่งนา
เดือนสิบสองไกล้มาผ่าน ใจหนาวนานมาคักแน่
คิดฮอดเด้ คิดฮอดคัก คิดฮอดแน่ ผู้ไกลก้องอยู่ทางไกล

น้องสาวเอ้ย เพิ่นว่า ไกลขอให้ไกลแต่บ้านฮั้วไฮนาสวน
               ไกลขอให้ไกลแต่มวลหมู่เฮือนกับเล้า
                ส่วนว่าวาจาเจ้าสองคนเฮาอย่าได้ห่าง
                ต่างคนแม่นสิอยู่ต่างบ้าน คำเว้าอย่าไกลกัน..น้องสาวเอ้ย
แต่ว่าคำน้องเว้า แต่ว่าคำน้องว่า
มาฉินใจอ้ายแท้ ทางสิแย่จ้องแล่นใส
ไกลกันทุกมื้อนี้ น้องเทียวห่างจากอ้ายไป
ไกลกันไกลสายคอ แม่เวนหากมาพ้อ
          น้องเอ้ย อันว่าใจของอ้าย สิหายังมาเติมแต่ง
                     ตั้งแต่มื้อคำแพง หนีไปอยู่ไกลพุ้น
                     อ้ายมาขุ่นเคืองแท้ เจ้าบ่แวถามข่าว
                     โทรศัพท์ติดต่อบ่ได้ ทางใจอ้ายแฮงวี่วอนน้องเอ้ย

ในเมื่อความฮักของเฮาก้าวไปต่อบ่ได้ จังได จังใด๋กะให้น้องฮู้ว่า.. อ้ายฮักเจ้าเด้อ

สาธุการบทความนี้ : 353 ครั้ง
จากสมาชิก : 2 ครั้ง
จากขาจร : 351 ครั้ง

26 ต.ค. 2553 เวลา 11:39:37

โพสต์โดย

คห.ที่1802) [ไปที่ความเห็นนี้ ในกระทู้นี้]

ศิษย์พี่

นี้แล้ว อาจารย์ใหญ่เอ้ย
แนวความสูขบ่พร้อม ความจนมาช้ำตื่ม
จนกะจนแต่เงิน กะยังพออยู่ได้..
แต่ว่าจนใจน้อง แนวผู้สาวไปหวั่งๆ
มีแต่ไปบ่เหลียวหลัง เป็นตาซังเอาฮ้าย
หึ..ว่าชายบ่พร้อม บ่มีคือเพิ่นสั้นตี้
อันน้องสาวคนดี กะเลยหนีจากชายจ้อย
ลมวอยๆมาแล้ว ลมหนาวกะมาผ่าน
น้องจากไปตั้งนาน ให้อ้ายเฮ็ดจังใดน้อบาดนี้
สิให้อ้ายนอนลี้ ลมหนาวอยู่จังไดน้อ....น้องสาวเอ้ย...... ท่าน อาจารย์ใหญ่เอ้ย ..

สาธุการบทความนี้ : 360 ครั้ง
จากสมาชิก : 0 ครั้ง
จากขาจร : 360 ครั้ง

26 ต.ค. 2553 เวลา 16:29:23

โพสต์โดย

คห.ที่1807) [ไปที่ความเห็นนี้ ในกระทู้นี้]

ศิษย์พี่

เว้ามาแล้วสงสารแท้ แนวหมู่เฮาชาวนา
กว่าสิเฮ็ดใหญ่มา กะรอน้ำพอแฮงแท้
แล้งกะแล้งแสนแล้ง จนดินแห้งไงฝง
อีกบ่โดนต่อมา ผันน้ำหลั่งลงท่วม
แห้งกะแห้ง ปุ๋ยกะแพงคักแน่
เทิงลงทุน เทิงลงแฮง สิลงแดงแล้วข่อย บักน้อยๆสิกินหยังน้อ พี่น้องเอย

เว้ามากะหลูโตนพี่น้องชาวนาคักเนาะครับ จังไดผมกะขอเป้นกำลังใจให้ทุกคนเด้อครับ

สาธุการบทความนี้ : 273 ครั้ง
จากสมาชิก : 0 ครั้ง
จากขาจร : 273 ครั้ง

27 ต.ค. 2553 เวลา 11:55:37

โพสต์โดย

คห.ที่1812) [ไปที่ความเห็นนี้ ในกระทู้นี้]

ศิษย์พี่

น้องสาวเอ้ย...ตั่งแต่น้องจากอ้าย หางเหิ่นเมืองนอน
                 เจ้าได้จำลาจอน จากเมืองนอนไปเมืองฟ้า
         เพินว่า..ให้เจ้าจากแต่หน้า วาจาเจ้าอย่าอ่ง
                 น้องสาวนวนอนงค์ หลงไปบ่มีเค้า
เขียวเอ้ย..เจ้าผู้เขียวใบเข้า ในนาลมพัดคอง
น้องหนีไปมีสอง ลืมพี่ชาย ทรายคนฮู้
เพินหลอยไปหาชู้ คั้นไปดีอ้ายบ่ว่า
ย้านเด้..ย้านแต่หนีไปแล้ว เขาสิถิ่มปล่อยหลง..แล้ว น้องสาวเอย

สาธุการบทความนี้ : 334 ครั้ง
จากสมาชิก : 0 ครั้ง
จากขาจร : 334 ครั้ง

28 ต.ค. 2553 เวลา 16:23:51

โพสต์โดย

คห.ที่1816) [ไปที่ความเห็นนี้ ในกระทู้นี้]

ศิษย์พี่

คุณบ่าวตั้ม เมืองศรีฯ:
คันว่าเดือนสิบเอ็ดสิบสองค้อย ลมวอยวอยหนาวมาอ้อน

ออนซอนหลายนำหมู่เจ้าผู้เพิ่นมีแนวนอนกอดพอได๋ซ้น

หลู่โตนแต่วาสนาข่อยผู้หลงคอยแต่ชู้เพิ่น

ผู้เพิ่นสูงเจิ้นเทิ้นเป็นคนงามอยู่เทิงฟ้า

อ้ายมันกาต่ำต้อยบ่สมควรดอกเคียงหงษ์

เจ้าเลยไปกับเขาผู้เพิ่นมีน้อกว่าอ้าย

เฮามันคนผู้ฮ้ายวาสนาต่ำปานหมากตาหอย

แม้นสิตัดไม้มางอย กะบ่สูงส่ำเพียงเจ้า ไปส่าหล่า ไปกับเถ่าแก่เสา-ปูนส่า

นี้แล้วบ่าวตั๋มเอ้ย   เพินว่ามี เงินคั้นบ่มีคำห้อย แสนสิออยกะบ่อยู่ ดิอ้ายเอ้ย
                       มีคำคั้นบ่มีอิงอ้อย ออยโอ้กะบ่ฟังตั๋วอ้ายเอ้ย  แม่นแนวนั้นอยู่บ่น้อ
หึแม่น...หึแม่น นางคนฮู้ คนดีชู้พี่
หนีไปกับเขาพุ้น  บ่คืนหน้าเหลี่ยวหลัง สั้นบ่
  เห็นว่าเฮาม้อต้อ ขอลอบ่อยากเคาะ สั้นติ
เพินเห็นว่าเขาดี กะเลยหนีตามจ้อย เฒ่าแก่เสาปูนติอ้ายเอ้ย
        อ้ายเอ้ยคั้นมันแม่นจังสัน  อย่าหัวชาน่ากากี หนีไปหาใหม่พุ้น
                                      สาวรุ่นละบ่อึด  อึดเด้ ขั้นมันอึดคือไม้
                                      จวงจันทร์หายาก  น้องกะบ่ปากกล้า..ลาแล้วสิอวยลง
                          แต่ว่าโลกเฮานี้..มันสิบ่สิ้นไร้ เท่าใบพุธชาจริงหรือ
                          หึขั้นหาบ่ได้ น้องชายสิหาซ่อย
                         โทรเข้ามื้อเกือบร้อย ทั้งเด็กน้องทั้งผู้สาว
                          ขาวเอ้ยเจ้าผู้ขาว เข็งข่อน ออนช่อน อ้ายอยากช่อน
                         ขอนเอ้ย เจ้าว่าขอนดอก คำนั้นอย่าพาวว่า
                          ห่าแม่นลอยหลายมื้อ สิแปรปิ้นป่งใบตั๋ว อ้ายเอ้ย

  นี้แล้วเพินว่า วาจาเว้า เว้าดี เว้าได้ ได้เงินคำย้อนปาก
                 เว้าบ่ดีเว้าต้อง ค้อนสิล่นใส่หัว
                 คั้นเฮาเว้าดีแล้ว สิหลงแซว ผู้สาวหน้าไมค์เบิ่งอ้ายเอย
                  ห่าแม่นติดอ้อยต้อย บ่าวตั้มจังสวมรอย เด้ออ้ายเอ้ย...555555+

สาธุการบทความนี้ : 441 ครั้ง
จากสมาชิก : 2 ครั้ง
จากขาจร : 439 ครั้ง

29 ต.ค. 2553 เวลา 08:32:02

โพสต์โดย

คห.ที่1826) [ไปที่ความเห็นนี้ ในกระทู้นี้]

ศิษย์พี่

แนวว่าความเคร้านี้ กายไกล้บ่มีคนเอา พี่น้องเอ้ย
แต่ว่าความโคกเส้า มาอุกเอ้าอั้งอุรา
เป็นมื้อมาได้นั้งเคร้า ได้นั้งเจ่ากับความเหงา
เป็นจังได๋น้องสาว ความฮักเฮาคือจั๋งน้ำ
ขั้นมันจางให้เอาเกลือลงตื่ม คั้นมันซึมให้มันซึมแต่ส่าง
ใจเฮานั้นอย่าซึมน้องสาวเอ้ย

นี้แล้วเพินว่าสูขอยู่ในเมืองฟ้า มีแต่แดดกับฝน
สูขอยู่ในเมืองคน กินเหล้ามาแล้วฟ้อน
ออนซอนเด้ออนซอนฟ้า เทวดาคือสิม่วน
อยากซวนเซขึ้นเทิงฟ้า คือสิบ้าม่วนในใจ....พี่น้องเอ้ย

สาธุการบทความนี้ : 479 ครั้ง
จากสมาชิก : 2 ครั้ง
จากขาจร : 477 ครั้ง

07 พ.ย. 2553 เวลา 20:47:20

โพสต์โดย

คห.ที่1829) [ไปที่ความเห็นนี้ ในกระทู้นี้]

ศิษย์พี่

กลับมาเด้อ อาจารย์เจ้า กลับบ้านเฮายังได้ม่วน
พอได้ซวนมาก๊กก้ง พอสิได้ ได้อุ่นใจ
ไปอยู่ใสมันกะยาก อุกอั่งอยู่ในใจ
บ่ท้อใสจิงลิง น้ำขิงแดงของเฮานี้
ขั่นแม่นผ่านมาทางพี้ คั้นได้แวะมายามมั่ง
คั้นได้แวะมาเบิ่งขั่ง ให้เหลี่ยวหลังแน่เด้ออ้าย
อำเภอห้วยเม็กเป็นบ้านเกิด พ่อแม่เพิ่นพาใหญ่
ย้อนว่าซ่อยการงาน จึงจากบ้านมาทนสู้
เว้าถึงยามนอนขดขี่คู้ นอนบ่มีคู่มันเดียวดาย
คิดฮอดตักอิแม่ชาย ขั้นนอนหมุนคืออุ่นแท้
คิดฮอดแม่คิดฮอดบ้าน อีกบ่นานสิคืนกลับ
คอยแต่นับวันเวลา ไกล้เข้ามาสิอ่วยโค้ง พี่น้องเอ้ย....

สาธุการบทความนี้ : 347 ครั้ง
จากสมาชิก : 0 ครั้ง
จากขาจร : 347 ครั้ง

08 พ.ย. 2553 เวลา 13:03:39

โพสต์โดย

คห.ที่1835) บ๋า อาจารย์ใหญ่เอ้ย มาช่อยแก้แถลงเว้า ให้น้องหล่าได้เสริมต่อแน่เด้ออ้ายเอย [ไปที่ความเห็นนี้ ในกระทู้นี้]

ศิษย์พี่

พี่น้องเอ้ย ถึงยามแลงลมพัดต้อง พัดเข้าทองล้มเป็นล้าว
            หนาวในในใจอ้าย มาหลายแท้ดอกปัญหา
            เกี้ยวเข้าล้มปวดหลังแท้ ทั้งมาแย้คิดฮอดสาว
ขาวเอ้ย..เจ้าผู้ขาวเข็งข่อน ไปนอนช้อนอยู่บ่อนไผ
            ช่างบ่คิดฮอดอ้าย ชายชู้ผู้เก่าหลัง

น้องสาวเอ้ย  นกมันออกจากบ้าน กะยังอ่าวคนิงหวน
                 ถึงมันม่วนปานใด๋  กะยังหวนคือฮังเค้า
                 แต่ว่าน้องสาวเจ้า ไปใสน้อบ่คืนเผ่า
                 เขาผู้ดีกว่าอ้าย เพินพาเจ้าไปอยู่ใส...น้องสาวเอ้ย

สาธุการบทความนี้ : 393 ครั้ง
จากสมาชิก : 1 ครั้ง
จากขาจร : 392 ครั้ง

12 พ.ย. 2553 เวลา 08:56:56

โพสต์โดย

คห.ที่1839) [ไปที่ความเห็นนี้ ในกระทู้นี้]

ศิษย์พี่

ยินดีหลายเอือยอ้าย พี่น้องเฮาได้มูลเก่า
บ่เคยละคลองเค้า ให้หนีเศร้าหางหาย
มาทักทายกันด้วย ผญาเก่าแต่คราวหลัง
มาถามข่าวถามคราว แนวบ่าวสาวได้จาเว้า
บ๋า..น้องมายินดีแท้ ปานกะแตได้ลงดง
ปานกระทงบ่หลงเค้า ช่างบ่ลืมพากันเข้า
มาเว้าจาภาษาเก่า ของอีพ่ออีแม่เฒ่า บ่ลืมเค้าให้ห่างหาย.. ญาเอือยญาอ้ายเอ้ย

สาธุการบทความนี้ : 349 ครั้ง
จากสมาชิก : 0 ครั้ง
จากขาจร : 349 ครั้ง

15 พ.ย. 2553 เวลา 09:34:30

โพสต์โดย

คห.ที่1865) [ไปที่ความเห็นนี้ ในกระทู้นี้]

ศิษย์พี่

ไผน้อ..มาถามข่า ลูกชายหล่านามตูมตาม
ใจประสงมาถาม แม่นตูมตามบ่น้อเจ้า
น้องอยากขอแถลงเว้า แม่นแท้และแม่นจริง
บ่ได้อิงนิยาย บ่อยากอายดอกคำเว้า

น้องเลยขอถามเจ้า "คำสัญญาที่กาฬสินธุ์"
เพินคนดีผู้มีชิน เรียนนาดทะสิน แม่นบ่เจ้า
เลยอยากขอถามข่าวเจ้า กำเกิดเมืองใด๋
ใจประสงค์ยุงไม้ จังแบกขวัญมาหา
ใจประสงค์นำปลา จังแบกมองมาพร้อม
แต่ว่าแนวใส่น้อง ข่องเอ้ยลืมอยู่บ้าน
ย้าน บ่หมานคือเพินเว้า "ไปตึกแห ลืมข่อง ลงหนองบ่หวังป่น"
เลยอยากมาขอยืมเจ้า คำสัญญาที่กาฬสินธุ์ มีบ่น้อข่องน้อย
ให้ญาพี่เจ้า เว้าแก้แถลงการ เบิ่งกันน่า ญาพี่เอ้ย.....

สาธุการบทความนี้ : 538 ครั้ง
จากสมาชิก : 0 ครั้ง
จากขาจร : 538 ครั้ง

28 พ.ย. 2553 เวลา 08:39:31

โพสต์โดย

คห.ที่1868) [ไปที่ความเห็นนี้ ในกระทู้นี้]

ศิษย์พี่

พี่น้องเอ้ย ปีใหม่เข้ามาไกล้ คอยนับมื้อถอยหลัง
            บางคนกะเฝ้าคอย ส่องทางกลับเมือบ้าน
            แต่ว่าตัวของผู้ข่า หาเงินอยู่เบิดปี
            หนีกับสินยังคอย กะหาเงินบ่ทันได้
            เฮ็ดจังได๋น้อพี่น้อง สิมีเงินพอค่ารถ
            อยากกลับบ้านไปเบิงนา เบิงปลาที่เคยเลี้ยง
            คิดฮอดเขียงไม่แต้ อู่อีแม่เพินเคยผูก
            ฮูกอิแม่เพินเคยต่ำ เข้าสิกำใส่ปากท้อง
            ห้องที่เคยเซ่าเพินอยู่ คิดขึ้นมาแล้วอุกอู้
            อุกอั่งแต่ปัญหา หมดปัญญาแล้วลุงเอ้ย
            กำลังใจบ่มีจ้อย พออยากหลอยไปนอนส่าง
            ปล่อยใจให้ว่างเปล่า  พอแต่ตื่นขึ้นได้
            หนี้แม่เพินยังคอย สิยอมลูกกะยอมบ่ได
            ตราบใดที่ชีวิตยังบ่สิ้น ลูกกะสิกัดฟันดิ้นสู้ต่อไป..ดอกแม่เอ้ย  กำลังใจของลูกเอ้ย

สาธุการบทความนี้ : 507 ครั้ง
จากสมาชิก : 1 ครั้ง
จากขาจร : 506 ครั้ง

29 พ.ย. 2553 เวลา 12:34:45

โพสต์โดย

คห.ที่1879) [ไปที่ความเห็นนี้ ในกระทู้นี้]

ศิษย์พี่

สูขเสมอหมั่น เสมอมันคือเก่า
บ่ได้ละคลองเค้า หนีไปย้องผู้อื่นดีดอก ญาอ้ายเอ้ย
มามื้อนี้..... ยังอยู่ดีมีสูข อันว่าแนวความทุกข์
ให้ไล่หนีอย่ามาไกล้ ความจังไลความค้าน
อยู่นำนานสิบ่ดี ให้เจ้าหลีกหนีเว้นแนวนั้นมันจังควร
หวนคืนมามื้อนี้ อยากถามข่าวชาวผญา
เป็นจังได๋ลุงตา สบายดีบ่น้อเจ้า
ขั้นเจ้าได้กินเข้า ให้ฝากนำลมมา
ขั้นเจ้าได้กินปลา ให้ฝากนำต้องต้อง
ขั้นเจ้าคิดฮอดน้อง ชายหล่าหนุ่มตูมตาม
ให้เจ้าเข้ามายามถามข่าว บ่าวน้องชายอย่าไลล้าง เด้อ ญาอ้าย ญาเอือยเอ้ย...

สาธุการบทความนี้ : 411 ครั้ง
จากสมาชิก : 0 ครั้ง
จากขาจร : 411 ครั้ง

02 ธ.ค. 2553 เวลา 12:02:13

โพสต์โดย

คห.ที่1893) [ไปที่ความเห็นนี้ ในกระทู้นี้]

ศิษย์พี่

เว้ามา..ช่างมาทุกข์ยากฮ้าย ความบ่แม่นเล่นใส่
      ความบ่ใสแล่นต้อง เฮ็ดให้น้องพากอ้าย
      เฮ็ดให้พายพากเฮือ เฮ็ดให้เกลือพากห่อ
      เฮ็ดให้กะท้อพากฮ้าง มาลัยร้างเปล่าแปน  น้อยสาวเอ้ย...

สาธุการบทความนี้ : 336 ครั้ง
จากสมาชิก : 1 ครั้ง
จากขาจร : 335 ครั้ง

04 ธ.ค. 2553 เวลา 20:03:42

โพสต์โดย

คห.ที่1896) [ไปที่ความเห็นนี้ ในกระทู้นี้]

ศิษย์พี่

น้องสาวเอ้ย นี้แล้วเพินว่า วาสนาสิบ่ได้บินหนีเสียห่าง
                              วาสนาสิได้แท้ๆบินแวกลับต่าง
                อ้ายบ่อยากพัดพากน้อง
                ลมหากพัดพาหนี
                บ่อยากไกลคนดี
                ผัดได้หนีไกลข้าง
อยากอยู่ข้างนางน้อง นอนนำคือสิอุ่น
แต่ว่าบุญบักอ้าย บ่สมเจ้าผู้ฮักแพง
แนวว่าแตงใบเฒ่า แงงเงาบ่ใสส่อง
วาสนาอ้ายน้อง กะเลยจ้องส่องบ่เห็น น้องสาวเอ้ย คนงามเอ้ย...

สาธุการบทความนี้ : 318 ครั้ง
จากสมาชิก : 1 ครั้ง
จากขาจร : 317 ครั้ง

07 ธ.ค. 2553 เวลา 12:26:29

โพสต์โดย

คห.ที่1897) [ไปที่ความเห็นนี้ ในกระทู้นี้]

ศิษย์พี่

นี้แล้วน้องสาวเอ้ย เจ้าว่าเอาคืนบ่ได้ ถ่านไฟเก่าเขาบ่มายาม
                      ความสุขที่เคยมี สิไปถามเอาคืนมาบ่มีได้
                      แนวว่าใจของอ้าย กะคิดนำอยู่อำล่ำ
                      เป็นหยังน้อคนงาม ชั่งมาถามหาความเก่า
                      เอาคืนมาบ่ได้ ศิริพรเพินร้อง ฟังแน่เด้อเจ้าเอิ่นสั่ง
                      มันเป็นนำความหลัง เจ้ามาชั้งจาเว้าให้คนเว้าเสียดสี
น้องคนดีอ้ายถามเจ้า มันเป็นท่าแล้วหรือบ่
ขั้นมันเป็นคือจังเว้า อ้ายอยากไลควายลง
อยากเอาควายลงสง เอาใจปลงลงที่น้อง
หรือว่าสอนลอนหน้า วาจาอ้ายบ่ส่ง
มันบ่ตรงใจน้อง ประสงค์ช้อนชื่นชม สันติ น้องสาวเอ้ย....

สาธุการบทความนี้ : 398 ครั้ง
จากสมาชิก : 1 ครั้ง
จากขาจร : 397 ครั้ง

07 ธ.ค. 2553 เวลา 15:10:58

โพสต์โดย

คห.ที่1898) [ไปที่ความเห็นนี้ ในกระทู้นี้]

ศิษย์พี่

เว้าถึงความหลังเก่าเก้า ความหลังเฮาน้องกับพี่
วาสนาอ้ายนี้พ้อสิงดีบ่รู้ค่า แล้วกะมาตัดท่า
ตัดความฮักของน้องเจ้า จนเจ้าเอ้าอั่งน้ำตา
กล่าวถึงคราวเก่ากี้ คิดขึ้นมาแล้วนั่งเศร้า
"เอาคืนบ่ได้"ใจยังห่ำขนิงหวน พออยากดึงเวลา
กลับคืนมาหานางน้อง อ้ายอยากปองใจเจ้า
น้องเอ้ยบ่อยากห่าง ต่างแต่กรรมบุญแท้"เอาคืนบ่ได้"แต่ใจกะยังหวน น้องเอ้ย

ความฮักของอ้ายจบ น้องพบกับคนใหม่
แต่อ้ายกะดีใจ ใคกว่าอยู่กับอ้าย
ชายหล่า ผู้บ่รู้ค่าความฮักเจ้า
แต่เขานั้นผัดเบิงแยง

มามื้อนี้..ชะมาตำใจอ้าย นางเอ้ยน้องคนดี
ไปสุขขีกับเขา ทั้งที่เฮาจากเขาไปแท้ๆ
กลับมาแย้กับใจตน คนเอ้ยคนแท้ๆคนดีๆมันจังแม่น
คนมีล้านหมื่อแสน แต่บ่คือนางน้องเจ้า อ้ายกะเอ้าอั๋งหัวใจ
อยากหวนคืนเวลาได้ อยากกลับไปเฮ็ดดีกับน้องเบิง
กะย้อนว่าบุญของอ้ายบ่เถิง กะเลยชวดบ่ได้น้องเจ้า จังอุกเอ้าอั้งปัญหา
วาจาที่อ้ายเว้าน้องอุกหลายอ้ายกะว่า อยากสิกลับเวลาคืนไปแก้ความเว้า
กลับไปเอาน้องคืนแน่ สาธุเด้อ...ขั้นย้อนเวลาได้แท้ๆ อ้ายสิขอสัญญาฟ้า
อาษาไถ่บาปเก่า แต่กะคือว่าละเนาะ ทุกอย่างติดคำอาญาฟ้า
วาสนา"เอาคืนบ่ได้" แต่ใจอ้ายกะยังหวัง แล้วน้องเอ้ย.....ที่รักเอ้ย

สาธุการบทความนี้ : 462 ครั้ง
จากสมาชิก : 0 ครั้ง
จากขาจร : 462 ครั้ง

07 ธ.ค. 2553 เวลา 16:59:13

โพสต์โดย

คห.ที่1899) [ไปที่ความเห็นนี้ ในกระทู้นี้]

ศิษย์พี่

คิดขึ้นมาแล้วนั่งเศร้า ได้นังเจ่ากับเสาเถียง
ได้แต่คิดแต่แค่เพียง เว้ากับเถียงแทนตัวเจ้า
เช้าค่ำแลงถึงแจ้งข่อน เดิดเดิกนอนคิดฮอดเพิ่น
สาวคนไคหนีไกลบ้าน มาไลล้างข้างนาเถียง
เอียงน้อเอียงแจ้มข่อน เดิกเดิกนอนจับบายจูบ
ได้น้อ..ได้แต่แค่เบิงรูป ผู้บายจูบแม่นตัวเขา
เสากับเถียงยังเอียงฮ้าง อ้ายผู้จอบแนมทางทุกเช้าค่ำ
รอผู้มาเหยีบย่ำรอผู้มาซ่อยสร้าง เถียงนาฮ้างจังเซ่าเซ...น้องเอ้ย

สาธุการบทความนี้ : 376 ครั้ง
จากสมาชิก : 1 ครั้ง
จากขาจร : 375 ครั้ง

08 ธ.ค. 2553 เวลา 16:18:35

โพสต์โดย

คห.ที่1902) [ไปที่ความเห็นนี้ ในกระทู้นี้]

ศิษย์พี่

ฮวยว่าแนวไดน้อ... อาจารย์เจ้า
ช่างมาลาไปแนวได ใขแก้ให้น้องเบิง
ไปอยู่ใสยอดก้ำ ไปอยู่ถ่ำหม่องได๋
ใคอยู่ดีอยู่สุขบ้าง หางเหิ่นทางโดน
คนเอ้ยคนฮักกัน ช่างมาหนีจากกันได้
ใสลองใขคำเว้า วาจาให้น้องเบิง
ใจประสงค์หยังเจ้า จั่งมาเว้าบอกลา อาจารย์ใหญ่เอ้ย..อ้ายเอ้ย

สาธุการบทความนี้ : 480 ครั้ง
จากสมาชิก : 1 ครั้ง
จากขาจร : 479 ครั้ง

08 ธ.ค. 2553 เวลา 21:09:33

โพสต์โดย

คห.ที่1904) [ไปที่ความเห็นนี้ ในกระทู้นี้]

ศิษย์พี่

โอ้เนาะว่าแต่หนีไปไกล้ บ่กลับต่าวคืนหวน
คือมาลาคักแท้ น้องกลับแย้ย้อนคิดนำ
อาจารย์ว่าลา ลาแต่คำเว้ากายยายังอยู่
หึย..ว่าแม่นลาลาแล้ว ไปเมืองแกวมิดหมี่
หนีไปอยู่ฟากฟ้า มาลาน้องสักดอกหว๋า อาจารย์เอ่ย...

สาธุการบทความนี้ : 276 ครั้ง
จากสมาชิก : 0 ครั้ง
จากขาจร : 276 ครั้ง

09 ธ.ค. 2553 เวลา 14:25:47

โพสต์โดย

คห.ที่1911) [ไปที่ความเห็นนี้ ในกระทู้นี้]

ศิษย์พี่

ลมหนาวกะผ่านลวง ล่วงเลยผันผ่านไป
ใจที่ใสต่อนาง กะเจ็บปานตอกหลักใว้
ใสมาตั๋วให้อ้าย คิดนำอยู่อ่ำล่ำ
ช่างมาตั๋วหลอกต้ม ถิ่มเกลือใส่ปลาดุก
อุกมันอุกในใจอ้าย พออยากตายดิ้นทวดทวด
ปวดมันปวดใจอ้าย ไม้หีบนั้นรอขางไฟ
ใจอ้ายฮ้อนฮนไฮ ปานว่าไฟถ่านไม่บก
อกมันฮ้อนฮูดฮาด เฮือนคิงอ้ายใหม้เกียม
เจ้ามาเตรียมตัวย่าง ปลาดุกน้อยโตจ่อยโซ แท้น้อน้องเอ้ย..

สาธุการบทความนี้ : 244 ครั้ง
จากสมาชิก : 1 ครั้ง
จากขาจร : 243 ครั้ง

13 ธ.ค. 2553 เวลา 18:32:09

โพสต์โดย

คห.ที่1915) [ไปที่ความเห็นนี้ ในกระทู้นี้]

ศิษย์พี่

อาจารย์เอ้ย กินเข้ากับหยังเจ้าชังมาจาเว้าม่วน ชังมาม่วนคักแท้ผญาเจ้าเว้าว่ามา
               อันว่าน้องชายหล่าตูมตามนามชื่อ อยากขอย่างนำก้นเก็บกำยามเหี่ย
             อยากสิเสียเอาพร้อมคือเป็นเคลือเป็นพุ่ม เป็นพุ่มเป็นพวงเป็นยวงเป็นย่าง
             อยากเด้อยากสิเอาเข้าใว้ในใจเป็นแนวทาง พอเป็นแนวสืบสร้างสืบสอนสร้างแนว สันแล้วอาจรย์เอย...

สาธุการบทความนี้ : 301 ครั้ง
จากสมาชิก : 0 ครั้ง
จากขาจร : 301 ครั้ง

14 ธ.ค. 2553 เวลา 14:49:18

โพสต์โดย

คห.ที่1921) [ไปที่ความเห็นนี้ ในกระทู้นี้]

ศิษย์พี่

แม่นสิหนีไปกล้ำ นครหลวงเขตกั้น
อ้ายกะสิด้นดั้น กั้นกล่าวคนิงหา
แม่นสิตายเป็นปลา สิวิดสาเอาจนได้
แม่นเจ้าตายเป็นไม้ อยู่ดงหลวงอันกว้างใหญ่
หรือว่าเจ้าอยู่ใส อ้ายกะสิดั้นด้น
เอาอนงค์เข้าวงษ์ฮ่วม เอามาสวมสกุลอ้าย
เอามาเลี้ยงแม่ชาย เอามาหมายเป็นคู่
เอามาดูเบิงเลี้ยง ไห้ชายอ้ายได้เบิ่งแงง กันน่า..น้องเอ้ย

สาธุการบทความนี้ : 367 ครั้ง
จากสมาชิก : 1 ครั้ง
จากขาจร : 366 ครั้ง

15 ธ.ค. 2553 เวลา 16:51:14

โพสต์โดย

คห.ที่1953) [ไปที่ความเห็นนี้ ในกระทู้นี้]

ศิษย์พี่

หนาวจับใจไผทนได้ วาสนาคนใครหนีไกลไปจากพี่
น้องคนดีหนีไปแล้ว ฮอดยามแล้วบ่แจวคืน
ว่าแต่คนอื่นได้ นอนเลี้ยงไก่ทางปลายนา
ว่าแต่เขาโกโจ้ ทางโตนั้นได้นอนเศร้าอยู่บ่วายแท้น้อ...พี่น้องเอ้ย

ไผว่า.. เป็นโสดมาดีแท้ เสียงแว้ๆกะเล่นใส่
         เป็นจังได๋กะตามแล่ว แนวนี้กะดีหลาย
         แต่ว่ายามนอนห้อง สถานทองหม่องเก่า
         ยามนอนคิดฮอดชู้ มาอุกอุ้อั่งหัวใจ
         สาวคนใคหนีไกลเยิ้น หลงลืมคำสัญญาเก่า
         ไต้ต้นกะเดาไกล้โพนค้อ ลืมแล้วบ้อคำสัญญา น้องเอ้ย...

สาธุการบทความนี้ : 394 ครั้ง
จากสมาชิก : 0 ครั้ง
จากขาจร : 394 ครั้ง

18 ม.ค. 2554 เวลา 16:34:05

โพสต์โดย

คห.ที่1954) [ไปที่ความเห็นนี้ ในกระทู้นี้]

ศิษย์พี่

เข้าไปในเฟสบุค เห็น หลายต่อหลายคน ดีใจหลายๆๆๆๆยินดีที่รู้จักเด้อครับ

สุรนันท์ หงษ์โยธี เด้อครับ

สาธุการบทความนี้ : 0 ครั้ง
จากสมาชิก : 0 ครั้ง
จากขาจร : 0 ครั้ง

18 ม.ค. 2554 เวลา 16:37:41

โพสต์โดย

คห.ที่1968) [ไปที่ความเห็นนี้ ในกระทู้นี้]

ศิษย์พี่

คิดฮอดทุกท่านทุกคนครับ รายงานตัวครับ

สาธุการบทความนี้ : 0 ครั้ง
จากสมาชิก : 0 ครั้ง
จากขาจร : 0 ครั้ง

02 ก.พ. 2554 เวลา 09:30:36

โพสต์โดย

คห.ที่1991) [ไปที่ความเห็นนี้ ในกระทู้นี้]

ศิษย์พี่

มามาแล้ว มาเอาแนวไปใว้มาเอาแนวไปหว่าน
แต่ว่าแนวขี้คร้าน หวานใว้เมืองบ่แปน...
บ่ได้แขนแวนหน้า หนีนาไกลท่ง
บ่ได้อ่งดอกเจ้า ย้อนหนีเศร้าไปเพิงเย็น
วันเว้นมื้อความฮักแพง คือเก่า
บ่ได้ไลดอกเจ้า ยังหลอยเข้าเป็นประจำ...

ได้ยินเสียงคนคิดฮอด ออนซอนหลายอ้ายเอื้อยพี่
หวีหวีอันกะแม่นพร้อม เพิ่นซอมข่าว่าไปใส
ขอบคุณหลายน้อญาอ้าย อาจารย์ใหญ่กริ่งมาถาม
ตามประสาคนเคยฮัก ประจักใจแก่ชายน้อง
หนีไปใสมาสิได้ ใจยังไผคนิงหา
ถึงฮอดยามเวลา สิกลับมาหาหมู่เจ้า
ขั่นบ่มามันบ่แม่นดอกเจ้า แนวนกเจ่าไกลหนอง
แนวยูงทองไกลดง บ่พากหนีไกลข้าง
ขั้นสิไปแท้ๆกะกลับมาคือเก่า แนวนกเจ้าไกลหนอง
แนวยุงทองไกลดง บ่หันอ่วยโงงโค้งฟ้าสิผ่า ห่าสิกินพุ้นแล้วพี่น้องเอ้ย....

สาธุการบทความนี้ : 368 ครั้ง
จากสมาชิก : 0 ครั้ง
จากขาจร : 368 ครั้ง

14 ก.พ. 2554 เวลา 12:59:06

โพสต์โดย

คห.ที่2014) [ไปที่ความเห็นนี้ ในกระทู้นี้]

ศิษย์พี่

คิดฮอดพ่อใหญ่หนูแท้น้อ

สาธุการบทความนี้ : 0 ครั้ง
จากสมาชิก : 0 ครั้ง
จากขาจร : 0 ครั้ง

06 มี.ค. 2554 เวลา 19:54:52

โพสต์โดย

คห.ที่2017) [ไปที่ความเห็นนี้ ในกระทู้นี้]

ศิษย์พี่

ตกมีนาชะมาฮ้อน ฮ้อนแฮงหลายใบดุ่หล่น
คือจังคนหนีฮักอ้าย พายกะเป๋าเข้าในกรุง
น้องขึ้นรถหนีมาดมุ่ง พุ่งเข้าพุ้นเมืองหลวงกว้างใหญ่
ใส่แต่ไปวั่งวั่ง บ่เหลียวหลังเบิ่งบักอ้ายชายหล่าผู้ถ่าคอย แท้น้อ น้องนางเอ้ย...

สาธุการบทความนี้ : 382 ครั้ง
จากสมาชิก : 0 ครั้ง
จากขาจร : 382 ครั้ง

07 มี.ค. 2554 เวลา 12:07:44

โพสต์โดย

คห.ที่2018) [ไปที่ความเห็นนี้ ในกระทู้นี้]

ศิษย์พี่

คุณบ่าวลำชี:
มามาแล้ว มาเอาแนวมันไปไว้ มาเอาไนมันไปหว่าน มาเอาแนวขึ้คร้านไปไว้ถ่าเฝ้าเฮือนแหน่เด้อ... ฝากเนื้อยฝากโตนำแหน่เด้อครับ มือใหม่หัดจับซั่นดอกหว่า

ยินดีหลายญาอ้าย มาสืบสร้างเบิ่งแงงฮีตคลองเก่า
                      บ่ได้ลืมแคนเค้าไปหลงย้องร็อกเก๊สกา
                      เหลียวเข้ามาเห็นแล้วแนวทางสิเทียวทอง
                      บ่ได้ลืมฮีตคลองเค้าเที่ยวมาเว้าสืบสานสร้างช่อยกัน พี่น้องเอ้ย...

สาธุการบทความนี้ : 352 ครั้ง
จากสมาชิก : 0 ครั้ง
จากขาจร : 352 ครั้ง

07 มี.ค. 2554 เวลา 12:17:28

โพสต์โดย

คห.ที่2038) [ไปที่ความเห็นนี้ ในกระทู้นี้]

ศิษย์พี่

ยินดีหลายญาอ้าย ปานแดงนามพี่
แวะเข้าถามยามเยี้ยม ชาวบ้านเพิ่นชมรม
อิสานจุฬา เฮานั้น มีดีอยู่หลายอย่าง
ผญาอิสานบ้านพุ้น อย่าลืมถิ่มไลหลง
ขอให้เจ้าปลงใจหมั่น ไทยฮักกันแนวนั้นจังสิแม่น
หลีกหนีความเคียดแค้น ทุกแว้นแค้นให้ฮักกันเด้อ ...พี่น้องเอ้ย

ปล.ยินดีมากๆๆครับ สำหรับ อ้าย ทราย ที่นับถือ ในนามคนฮักมวย มื้อนี้ได้ มาเยี้ยมมายาม (ถ้า ท่าน ปานแดง ดูอยู่ ถ้าท่าน เป็น สมาชิก หลังไมค์หน่อยครับ)

สาธุการบทความนี้ : 311 ครั้ง
จากสมาชิก : 0 ครั้ง
จากขาจร : 311 ครั้ง

28 มี.ค. 2554 เวลา 20:55:37

โพสต์โดย

คห.ที่2039) [ไปที่ความเห็นนี้ ในกระทู้นี้]

ศิษย์พี่

ชะมาเงียบแท้น้อพี่น้องอาวอาน้าบ่าว
ผู้บ่าวผู้สาวจ้อเก็บเสื้อผ้าสิต่าวคืน
เฮ็ดงานมาหลายปีหล่าถึงเวลาสิโค้งอ่วย
อ่วยคืนเมือทางบ้านอีสานพุ้นบ้านเฮือนเฮา
ใจขันเอาเด้อหล่าเฮ็ดงานมาแสนสิเมือ
เก็บเอาเงินเมือนอนบ้านอิสานพุ้นบ้านเมืองเฮา
เมือเอาบุญปีใหม่ สงกรานต์ไทยของดีแท้
ปะเพณีฮีตคลองเก่า อย่าสิปล่อยให้เศร้า ละคลองเค้าให้เบิ่งแงง พี่น้องเอ้ย...
เมือตุ้มโฮ้มทางบ้าน กินเข้าอ่วมเฮือนนอน
ใจอย่าลืมคำสอน พ่อแม่เฮาให้จำใว้
สงดูกวิญญาญเค้า พ่อแม่เฮาเบิ่งเอาแน่
อย่าสิปล่อยวิญญาญแย่ ส่งสารแน่เบิ่งเอา
ลงเล่นน้ำดำหัวเฒ่า ขอพรเอาให้ใจชื่น
มีแต่ความชื่นมื่น อีสานสิแย่ แม่นบ่มีแล้วพี่น้องเอ้ย....

สาธุการบทความนี้ : 360 ครั้ง
จากสมาชิก : 0 ครั้ง
จากขาจร : 360 ครั้ง

08 เม.ย. 2554 เวลา 11:56:49

โพสต์โดย

คห.ที่2099) [ไปที่ความเห็นนี้ ในกระทู้นี้]

ศิษย์พี่

ลูกซายหล่าหนุ่มตูมตามนามชื่อ แนวคนกะบ่หล่อพอปานได๋
คนกะใคพอแยง แถนบ่เต็มใจปั้น
กาฬสินธุ์บ้านเกิด ถิ่นโป้งรางคนเขาส่า
บ้านเกิดของผู้ข่า  ห้วยเม็กพุ้นคนกะส่าคนกะลือ
พระธาตุพนมจำลอง คลองอีสานเพิ่นพาสร้าง
การงานให้ตั้งต่อ ไห้ค่อยก่อค่อยสร้างอย่าไล ข้างแม่นเปล่าลืม....
บ้านเนินลาด เป็นบ้านเกิด  พ่อแม่เพิ่นพาใหญ่
ใจต่อใจใสต่อเจ้า  จั่งมาเว้าสู่เจ้าฟัง..พี่น้องเอ้ย...เจอกันได้ 91.25MHz อ.ยางตลาด จ.กาฬสินธุ์ เด้อครับ

สาธุการบทความนี้ : 286 ครั้ง
จากสมาชิก : 0 ครั้ง
จากขาจร : 286 ครั้ง

31 ส.ค. 2554 เวลา 17:50:44

โพสต์โดย

2) กาฬสินธุ์

คห.ที่48) [ไปที่ความเห็นนี้ ในกระทู้นี้]

ศิษย์พี่

พี่น้องเอ้ย ลูกชายหล่า คนกะบ่หล่อพอปานได๋เนาะ คนกะใคพอแงงแถนบ่เต็มใจปั้น
กาฬสินธุ์ บ้านเกิดถิ่น โปงลางคนเขาซ่า บ้านเกิดของผู้ข่าห้วยเม็กพุ้นคนกะช่าคนกะลือ พระธาตุพนมจำลอง คลองอีสานเพิ่นพาสร้าง กางานให้ตั้งต่อ
ค่อยสืบก่อและเฮ้ดสร้างอย่าไลข้างแม่นเปล่าลืม บ้านเนินลาดเป็นบ้านเกิดพ่อแม่เพินพาใหญ่ ใจต่อใจใสต่อเจ้าจังมาเว้าสู้เจ้าฟังพี่น้องเอ้ย เอฟเอ็ม91.25เมกะเฮิดเด้อครับ อ.ยางตลากละครับ

สาธุการบทความนี้ : 243 ครั้ง
จากสมาชิก : 0 ครั้ง
จากขาจร : 243 ครั้ง

10 พ.ย. 2553 เวลา 18:59:29

โพสต์โดย

2) กาฬสินธุ์

คห.ที่50) [ไปที่ความเห็นนี้ ในกระทู้นี้]

ศิษย์พี่

บ่รู้จักดอกครับ ญาอ้าย

แต่ยินดีที่ได้รู้จักครับพี่น้อง

สาธุการบทความนี้ : 0 ครั้ง
จากสมาชิก : 0 ครั้ง
จากขาจร : 0 ครั้ง

15 พ.ย. 2553 เวลา 10:00:39

โพสต์โดย

2) กาฬสินธุ์

คห.ที่51) [ไปที่ความเห็นนี้ ในกระทู้นี้]

ศิษย์พี่

ไผผู้อยู่ กาฬสินธุ์ รายงานตัวจักหน่อยแน่ครับ ห่าไปมาหากันรู้จักกันใว้ดีกว่าซังกันตั๋วพี่น้องครับ

ผม ลูกชายหล่าหนุ่มตูมตาม คน ห้วยเม็ก มาทำงาน ยางตลาด รายงานตัวครับ

สาธุการบทความนี้ : 370 ครั้ง
จากสมาชิก : 0 ครั้ง
จากขาจร : 370 ครั้ง

29 พ.ย. 2553 เวลา 11:28:47