ฮักสาวฟังลำ
ลูกแพร ไหมไทย อุไรพร

(เกริ่น) หละลูกสาวไผนั่งริมฮ้าน เหลียวเบิ่งไปนานๆ
มาหวานฮ้ายแท้น้อหมู่ เฮากะจอบเบิ่งอยู่
ลูกสาวไผกะบ่ฮู้ ตู๋หลูน้องจั่งแม่นงาม
เห็นแต่หัวยุ่มย่าม เหลียวเบิ่งดอกไกลๆ
ห้ามไว้เด้อบักหัวใจ อย่าคึดหลายสิเป็นบ้า

(ร้อง) แอบมักผู้สาวฟังลำ เจ้าผู้แก้มอ่ำทำยิ้มงามๆ
ผมยาวๆอ้ายหนุ่มหมอลำ เหลียวมองน้องจนลืมคาว
อยากไปวอนเว้านำ เจ้าสิได้บ่หนอ

อย่าฟ้าวเว้าหลายเหลียว เบิ่งให้มันแน่เขามากับคุณแม่
ระวังไม้สิแง่คอผู้สาวงามๆ มักมีผู้บ่าวนั่งเฝ้าจ่อก่อ
ระวังแน่หมออย่าฟ้าว ไปมักลูกสาวเพิ่น

(ลำ) เดินไปเว้าคุยนำจักคาว สิพอได้บ่นอแฟนเฝ้าอยู่บ้อ
นอเจ้าผู้งามเนาอยู่ก้ำเขต ถิ่นทางได๋ซาหัวใจอยากนั่ง
คุยนำน้องไปหาร้องลำมา หลายบ่อนยังบ่เคยพบพ้อ สาวโก้ซ่ำนาง

(ร้อง) จั่งแม่นงามน้อหล่า แอบสบตาน้องที่หน้าเวที
หากว่าน้องเนื้อทองแฟนบ่มี อ้ายหมอลำคนนี้
สิโตนฮ้านไปนั่งนำ
เลิกจากลำ สิลงไปถามที่อยู่
ยามอ้ายไกลโฉมตรู จะเขียนจ.ม.ขอมายาม
ยามได๋ปิดการแสดงหมอลำ สิมาหาคนงามตามคำสั่งหัวใจ

(ลำ) จองเอาไว้ เป็นแฟนในใจกันไว้เด้ออุ่น
จองเอาไว้เป็นแฟนในใจ กันไว้เด้ออุ่น
คันแม่นบุญส่งหยู้คือสิได้ อยู่นำ

(ร้อง) สาวฟังลำคนงาม จงคอยท่าอย่าลืมเด้อปีหน้า
ไปจ้างวงอ้ายอีกแน สิได้มาหยามมาถามมาแว
หากว่าเจ้าฮักแท้ สิให้อีแม่มาขอนาง

(ลำ) ความหวังหมอลำคืออ้าย ความหวังหมอลำคืออ้าย
สิมีความหมายกับเจ้าอยู่บ่ หรือมีไผภูมิใจแล้วบ้อ
น้อน้องเพิ่นผู้งาม หนุ่มหมอลำคนจนคืออ้าย
อยากบอกทรามวัย ถ้าไม่มีใครห้าม
ฮักสาวฟังลำ อีหลีเด้อ