อวสานขาร็อค
ร็อคแสลง

ขาเดฟฮัดเป้าอิ้งติ้ง บ่นุ่งกางเกงลิง เพราะตากบ่ทันแห้ง
ใส่เกิบผ้าใบเก่าๆ โส่งยีนส์ขาดเข่า เสื้อยืดบาวแดง
คืนนี้เทศน์มหาชาติ คอนเสิร์ตสาวมาด ปะทะร็อคแสลง
จิ๊กโก๋จากหลายหมู่บ้าน จิ๊กโก๋จากหลายหมู่บ้าน
นัดพบปะสังสรรค์ ไล่ฆ่ากันยามแลง

ห้ามขายเหล้า ขายเบียร์ในงาน กะมีวิธีการ มีเทคนิคพลิกแพลง
ตบตาเจ้าหน้าทีตำรวจ กรอกใส่ขวดน้ำสิงห์ ผสมกระทิงแดง
ระวังเด้อโจทย์เก่าเฮาหลาย ให้จับกลุ่มกันไว้ เดี๋ยวเหตุการณ์รุนแรง
เวลาเต้นบริเวณหน้าฮ้าน กะพองเต้นกะพองย่าน ด้วยความหวาดระแวง

ตีกันมันเป็นเรื่องธรรมชาติ งานได๋บ่พลาด บ่เว้นหนังกลางแปลง
เต้นหน้าฮ้านอยู่ม่วน ๆ ล้มหงายท้องล้มท่วน สงสัยสิโดนสันแข้ง
พวกมันมากันเหมิดบ้าน ผมกะเลยฟ้าวคลาน มาตั้งหลักเอาแฮง
บ่ได้ตอบโต้พอหมัด บ่ได้ตอบโต้พอหมัด
แค่โส่งยีนส์เป้าฮัด กะทรมานพอแฮง

* จั๊กเป็นหยัง ตั้งแต่เป็นจิ๊กโก๋ มีตั้งแต่เจ็บโต มีแต่ทายาแดง
เขาว่าหน้าตาผมกวน อวัยวะบางส่วน เลยเจอแต่สันแข้ง
เทิงหัวจักฮอยขวานฮอยมีด หน้ากะมีแผลเย็บ หลายเข็มพอแฮง
แต่คืนนั้นแล่นบ่ทันหมู่ ผมกะเลยดวงจู๋ นอนโรงพักจนว่าแจ้ง

** มันอึดอัดเป้ากะฮัดอิ้งติ้งน้ำตาหยดติ๋ง ๆ หลูโตนบักต่องแล่ง
นี่หรือคือชีวิตจิ๊กโก๋ มีแต่เจ็บโต ขึ้นโรงพักหลายแห่ง
งานใด๋เจอแต่ต.สระอีน แถมเข้าห้องขัง มานั่งกินข้าวแดง
ยืนกอดลูกกรงฮ้องไห้ ยืนกอดลูกกรงฮ้องไห้
ความเป็นธรรมอยู่ไส ผมนั้นถูกกลั่นแกล้ง
ยืนกอดลูกกรงฮ้องไห้ ยืนกอดลูกกรงฮ้องไห้
อีพ่ออีแม่อยู่ไส ผมอยากกินข้าวหมูแดง

*,**