ภูมิลำเนา : สกลนคร
เข้าร่วม : 16 มี.ค. 2553
รวมโพสต์ : 2213
ให้สาธุการ : 180
รับสาธุการ : 5466320
รวม: 5466500 สาธุการ
|
ทิดสาย เป็นคนมักเล่นหวย มื้อหนึ่งฝันดีขนาด เห็นเลข โตแดง จึ่งคึ่ง ( ในฝัน ) ตื่นขึ้นมา รำพึงในใจ " บาดห่านี่หละ เฮาสิรวยเป็นเศรษฐี คัก ๆ " แล้วกะฟ้าว ขายไฮ่ขายนา ตุ๊บใส่เลข สามตัวตรง 123 เมียฮ้ายปานได๋กะ บ่ฟัง ผลออกมา เลขออก 456 ทิดสายล้มทั้งยืน สูญไฮ่ สูญนา เมียก็หอบลูกหนีปะ ย้อนทนพฤติกรรม ของแกบ่ไหว ทิดสาย เมิดทางสิคิดแล้ว สูญเสียทุกอย่าง ย้อนว่า หลุบเลข แกจึงคิดสั้น เอา"ขี้หินนอนเว็น" ผูกใส่คอ ยืนอยู่ "ขัว" ทางเข้าหมู้บ้าน หวังโดดน้ำตาย ................................................... แนมซ้ายแนมขวา เห็นหญิงชรา อายุ 50 ปลายๆ เนื้อหนังหย่อนยาน แถมใส่หมวกปลายแหลมสีดำ ยืนยิ้มให้ " เป็นหยังจั่งคิดสั้น น้อ..คนเฮา " หญิงชราถาม " ข่อย หลุบเลข หลุยหวย เสียไฮ่ เสียนา ลูกเมีย กะหนีปะ " ทิดสายตอบ " เรื่องแค่นี้เอง จิ๊บจ้อย ให้แม่ตู้ ซ่อยบ่ " หญิงชราบอกพลางยิ้ม ๆ " เจ้าเป็นไผ จั่งสิมาซ่อยข่อยได้ แม่ตู้ " ทิดสายสงสัย " ฮ่า ฮ่า ฮ่า บ่จัก ซะแล้ว ข่อยเป็นแม่มด เสกได้ทุกอย่าง " แม่ตู้ตอบ " เสกให้ เงินทองที่เสียไป และลูกเมีย กลับคืนมา ได้ บ่ " ทิดสายขอร้อง " ซำบาย..โอมเพี้ยง.." แม่ตุ้ผู้ใส่หมวกแปลก ๆ ร่ายเวทย์มนต์ " เป็นได๋ " " ตอนนี้ เงินทองที่เสียไป กลับมาอยู่ในธนาคาร เลขที่บัญชีเจ้าแล้ว ลูกและเมีย ก็ กลับมานอนอยู่เฮือน รอเจ้ากลับไปหา ฮ๋า ๆ " .............................. " โอย ขอบคุณ ท่านแม่มดหลาย ๆ ต้องการสิ่งใด ตอบแทนน้อ " ทิดสาย ยอมือ " อะแฮ่ม บ่ต้องการหยังดอก ขอเพียงเจ้า จัดให้แม่มด " จั๊กดอก " ก็พอ " แม่มดเฒ่า บอกสิ่งที่ต้องการตอบแทน ทิดสาย ฟ้าวจูงแขน แม่มดเฒ่าหนังยาน บังพุ่มไม้ จัดให้แม่มด ไป 2 ดอก เพื่อเป็นการ สมนาคุณ อดสาฝืนใจ เอาผู้เฒ่า นอนหมดแรง แอ้งแม่ง ใต้ฮ่มไม้ ส่วนแม่มดเฒ่า หลังจากเสร็จกิจแล้ว นั่งสูบยา อย่าอารมณ์ดี พลางถามทิดสาย " ปีนี้ เจ้าอายุเท่าใดแล้ว " " 40 ปี ครับ ท่านแม่มด " " อืมม....อายุปูนนี้แล้ว ยังเชื่อเรื่อง แม่มด อยู่ติท้าว " " ?????????" |
| ขึ้นบน ลงล่าง |
