ภูมิลำเนา : อุบลราชธานี
เข้าร่วม : 01 เม.ย. 2552
รวมโพสต์ : 156
ให้สาธุการ : 240
รับสาธุการ : 323090
รวม: 323330 สาธุการ
|
ว่าโอ๋น้อ ฝากพญา บทกลอนต้าน ส่งเป็นสาน ฝากถึงแม่ ผู้ดูแล ลุกน้อย จนโตข่อย ได้ใหญ่มา ยามแม่อิด เมื่อยหล้า ให้ฮู้ว่า ลูกคึดนำ จำคำแม่ บอกสอน ตอนนี้หนา บ่ลืมแท้ มาจนถึง วันแม่ แวบรรจบ ครบครั้งหนึ่ง ยังนึกถึง แต่เจ้า เอาใจลูก ร่วมส่งพร แม่เคยหย่ำ ข้าวป้อน ฮอดยามนอน เหล่ากะกล่อม ฮักถนอม ลูกน้อย จนโตข่อย ได้ใหญ่มา ถึงกายอิด เมื่อยล้า ทางแม่หนา บ่เคยจ่ม คอยอบรม บอกชี้ แนวดีนั้น เผิ่นบอกมา พระคุณแม่ ล้นฟ้า มะมากค่า หาแนวเหมือน วันเดือนปี บ่มีเลือน ยังคอยเตือน ใจไว้ หาแนวได๋ มาเทียบค่า มะเปรียบค่า บ่มีไหว ลูกอยู่ไกล ยังห่วงหา ทุกเวลา บ่ลืมเจ้า สองมือนบ เหนือเกล้า เอาทางใจ ตั้งต่อ ฝากแทนช่อ ดอกไม้ ลงกราบไหว้ แม่อยู่เฮือน น้ำตาไหล บ่เอื้อน เตือนทางใจ คิดฮอดแม่ ลูกสิแว ต่าวบ้าน สถานยั้ง ถิ่นเฮา ขอส่งพร ถึงเจ้า ให้รับเอา พรลูกส่ง กราบลงตัก แม่เจ้า ทุกคำเว้า ลูกส่งพร อย่าฮ่ำฮอน เมื่อยไข้ สุขสดใส ได้สดชื่น วันหรือบ่เว้น ให้เห็นได้ แต่สิ่งดี นั่นแหล่ว แม่เอ้ย แม่เอย . . . ใกล้สิฮอดวันแม่แล้วกะฝากฮอดแม่ทุกๆคนเด้อครับ |
| ขึ้นบน ลงล่าง |
