ผญา คติสอนใจประจำวันที่ 27 มิถุนายน 2562:: อ่านผญา 
คันว่าความเฮาเว้าขมในอย่าได้จ่ม ลางเทื่อขมขี้เพี้ยภายหน้าหากสิดี แปลว่า คำพูดจาที่ขมหู ไม่ถูกใจ อย่าได้บ่น บางครั้ง คำพูดขมๆนี่แหละ ทำให้เจริญได้ หมายถึง คำสอน คำแนะนำ ตักเตือน ควรใส่ใจ นำไปปฏิบัติ


  ล็อกอินเข้าระบบ  
ชื่อ ::
รหัสผ่าน::
*จำสถานะ
 
  วิถีชีวิตชาวอีสาน  
       ดินแดนอีสาน มีวัฒนธรรม ประเพณี เฉพาะตน มีวิถีชีวิตความเป็นอยู่ ที่เรียบง่าย ท่ามกลางความแร้นแค้น ชาวอีสาน มีความเป็นอยู่เช่นไร ใช้ชีวิตอยู่เช่นไร สร้างศิลปะ วัฒนธรรม ประเพณีเช่นไรขึ้นมา

     แต่ละจังหวัด แต่ละสถานที่ อาจมีวิถีชิวิต ความเป็นอยู่ ที่แตกต่าง ตามลักษณะพื้นที่ หรือธรรมชาิติที่มีอยู่ แต่อย่างไรก็ตาม ทั้งหมด ล้วนคือวิถีชิวิตแห่งชาวอีสาน

     เชิญทุกๆท่าน ร่วมเขียนบทความ เรื่องสั้น เล่าวิถีชิวิต ความเป็นอยู่แห่งชาวอีสาน ได้แล้วครับ...



หมายเหตุ
1. ข้อความที่โพสต์ทั้งหมด เกิดจากการส่งโดยผู้อยู่ทางบ้าน ทางผู้ดูแลฯ มีหน้าที่คัดกรอง แต่ไม่100%
2. ทางผู้ดูแลฯ ขอสงวนสิทธิ์ในการเปลี่ยนแปลง แก้ไข หรือ ลบข้อมูล ตามพิจารณาเห็นสมควร

  หน้า: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 ตอบกระทู้  
  โพสต์โดย   มาเว้าผญากันเด้อพี่น้องเด้อ  
  บ่าวพนมไพร    คห.ที่90)  
  sassy_cuhotmail.com
ขาจร


 
โอ้ยอ้ายเอย.....
มีแต่ย้านอยู่หั่น  บาดได๋สิได้เมีย
ว่าแต่เจ้าเซี่ยหมั่น  อย่าหวั่นไหวใจอ่อน
คันอยากมีคู่ซ้อน  อย่านอนเล่นให่ไปหา
จ๋าใส่โลดจ๋าเว้า  เฮ็ดให้เขาเห็นค่า
บ๋า..คนคารมดีจั่งอ้าย  ถ้าหมายแล้วบ่ม้มดอก....เซี่ยข่อยหนิ...

 
 
สาธุการบทความนี้ : 434 ครั้ง
ให้สาธุการบทความนี้
 
 
  10 ต.ค. 2549 เวลา 14:19:18  
  ตอบอ้างอิง  
 
  บ่าวพนมไพร    คห.ที่91)  
  sassy_cuhotmail.com
ขาจร


 
ว่าผญาของญะอ้าย.....กะจ่ายยาวจั่งแมนม่วน
มีซื่อเสียงครบถ้วน.....เบิดนั่นแมนทุกนาม
ถามควมไปกันมื้อนี้....ส่ำบายดีกันอยู่บอ
ฝนคือตกจ้อจ้อ.....น้ำโห่งอยู่บ่หนา
ฝนกะฝนเหลือฮ้าย....หลายอีหลีตกดีคัก
จักสิเฮ็ดแนวได๋....แนวเป็นธรรมชาติ
เฮาบ่อาจหลีกม้ม....แมนมีกรมอุตุ..กะตามซ่าง
ซ่อยกะซ่อยเฮาได้....เป็นแต่บรรเทา
ข้าพเจ้าขอไหว้.......ในหลวงพระราชา
เพิ่นได้ซ่อยฮักษา....ชาวประชาบ่ป๋าถิ่ม
อณุญาตปล่อยน้ำ....เข้าที่ส่วนพระองค์
เพื่อสิซ่อยเบาลง....ของระดับแม่น้ำ
ยามประชาเดือดฮ้อน....เฮาสิเห็นพระองค์ท่าน
น้ำพระทัยไหลจั้น......ชโลมล้าให่ซุ่มเย็น
เป็นกรุณา...มหาธิคุณล้น....ประชาชนได้พ้นซ่วง
ทำควมดีถวายในหลวง...เถิดท่าน...ให่ตั้งหมั่นแน่ซูคน
ถึงสิจนหรือรวยล้น.....ให่เฮ็ดตนมีคุณค่า
ให่คนซ่าได้ย่อง.....ว่าเฮานั้นเป็นคนดี.... ซั่นแหลว.. ข่าน้อย...


 
 
สาธุการบทความนี้ : 366 ครั้ง
ให้สาธุการบทความนี้
 
 
  11 ต.ค. 2549 เวลา 16:00:10  
  ตอบอ้างอิง  
 
  sinponglang    คห.ที่92)  
  ศิษย์น้องเล็ก

ภูมิลำเนา : กาฬสินธุ์
สมาชิกภาพ : สมาชิกทั่วไป
เข้าร่วม : 10 ธ.ค. 2550
รวมโพสต์ : 24
ให้สาธุการ : 0
รับสาธุการ : 65,760
รวม: 65,760 สาธุการ

 
ผญา…ต้อนรับและทักทาย...พี่น้องนักผญา
ว่าโอนอ...พี่น้องเอย…
เฮาหากแนวนามเซื้อ…..แซงหมากนาวสีหวานเหว่อ
คอบว่าต้นต่างต้น…..ความส้มจั่งต่างกัน
ขอต้อนรับทุกๆ ท่าน…..เข้าสู่เว็บของชมรม
"sinponglang" คือนามผม.....ผู้แต่งมาผญาก้อม
สิบนิ้วอัญชุลีน้อม…..เหนือเศียรตางเทียนธูป
หมูบกราบแล้ว …..คุณแก้วหน่วยพระตรัย
ขอสะหนำรำลึกไว้…..เท่าชั่วชีวายัง
ขอบพระคุณในแววหวัง…..ทุกพลังแรงใจเจ้า
มาถะแม๊...มาโฮมเต้า…..เตินกันทุกชั้นส่วน
ชาวอีสานซ่อยซ้วน.....กันพร้อมพร่ำขบวน
เลือดอีสานล้วน-ล้วน…..ให้เกาะกลุ่มเป็นซุมแซง
อย่าสะมีหองแหง…..ให้เหี่ยวโหยโรยร่วง
ไทยอื่นเขาสิแซวท้วง.....ว่าไทยเฮา "บ่เอาถ่าน"
ไผล่ะนอสิบ่ย้าน…..ไทยบ้านเพิ่นเยาะหยัน
โอกาสดีมื้อนี้นั้น…..มากรองกลั่นกวีกานต์
จากสติปัญญาญาณ…..ที่อ่อนเยาว์ยังเบาตื้อ
ถามข่าวสารของวานมื้อ…..เป็นแนวได๋ให้บอกแหน่
มีแนวได๋ให้ซ่อยแก้…..ตูข๋อยสิซ่อยกัน
ต้อนรับท่าน..."ลูกแม่มูล" …..เขียนความเห็น
"บ่าวอุบล" จารลายเซ็น…..ซ่อยเสริมกะเยิมย้อน
ความเห็นตอนต่อจากนั้น …..คนสำคัญที่มั่นแก่น
"สุดสายแนน”ผู้เค้า…..กะมาเยี่ยมจั่งเปี่ยมบุญ
"คุณสายแนน" ผู้เพิ่นคุ้น…..เคยได้อ่านผญาตอย
น้องจุกน้อยอุบล…..ผู้เคยจาผญาไว้
ตักแรงใจมาเติมให้เว็ปจุฬา กได้กล้ากลั่น
"บ่าวภูไท นคร ฯ" ซื่อนั้น…..ฟังบ่ห้วนม่วนอี่หลี
"กกกก" ผู้นี้…..คงเป็นหนุ่มภูมิใจเขียน
"คุณบีม" กลับมาเวียน…..ไถ่ถามทุกย่ามว่าง
สารพันการสรรค์สร้าง…..ทางปัญญากล้าอวดโอ่
"เซียงคำพา" ผู้มาตรโก้.....บ่อเคยห้างให้ห่างไกล
คนสำคัญขาดบ่ได้ …..จำได้ไป่ "sinponglang"
บ่อเคยจางความผญา.....บาดผ่านมายังจาต้าน
จักคำหวานคำส้ม.....คารมกลอนซ้อนลายหว่า
คติธรรมเป็นผญา..ภาคภาษาพื้นบ้าน......เผิ่น (ผม) จาต้านอยู่บ่อเซา
“สเลเต” ผู้เค้า.....คนเว้าหม่วนผญาหลาย
ยังสนใจไต่ถาม.....ตามกะเยิมที่เคยคุ้น
“อ้ายวิบูลย์” คุณจุลินทร์ “ ได้ยินเว้า.....เลยแวะมาผญาตื่ม
“บ่าวอุบลคนโก้” กะบ่อลืม.....ตื่มพาทีต่อท้ายหว่าโตฮู้บ่อท่อเขา
“จ.เขมจิตต์” ผู้เว้า.....ผญาหม่วนชวนสนใจ
คติธรรมจำนรรจา.....แต่งผญามาจาแจ้ง
“คุณผาแดง” แถลงข้อ.....ต่อเสริมกลอนป้อนน้องพี่
ลืมบ่ลงดี้-ดี้.....ฤดีปลื้มตื่มกระแส
"คุณใบลาน " ผู้บ่แพ้…..มาดู๋แหน่กะคงดี
"อ้ายเซียง" เผิ่นพาที…..ย้องหว่าดีสิมีหม๋อง
"คุณกฤษฏา" วาจาก้อง…..จีบผู้สาวเว้าความแหม่น
ย้อนอยากได้มาเป็นแฟน.....จั่งได้เปิดปากเกี้ยว..คุยเจ้าอย่างบ่ออาย
"พันโพน พันภู" ซ้ำแฮ่งฮ้าย.....ผญาจ่ายจำนรรจา
หว่านผญาคารม.....ออกปากชมหว่าเฮาโก้
อันว่าโพธิ์ศรีสร้อย.....ใบบ่อดกนกบ่อแก่น
หมากบ่หวานจ้อยจ้อย…..กาเอี้ยงบ่อเที่ยวแว
ขอบพระคุณแท้-แท้…..หัตถาทอบขึ้นเหนือหัว
"คุณพี่ ว.เมืองดอกบัว" …..ถิ่นอุบลฯ ผู้คนโก้
ป๊าดติโท...เจ้าโฉมทะนีหน้า…..ความผญาสังมาหม่วน (แท้นอ)
หม่วนกะเดี้ยหม่วนกะด้อ…..พออยากเว้าต่อคำ (เบิ่งเด)
หันมาจาบ่อนกล้ำ..... “จารย์โด่ง” ผู้มาเยือน
เตือนสติคนเฮา.....อย่าเล่าลืมภูมิพื้น
วันหรือคืนให้จำไว้.....เป็นใหญ่มาอย่าลืมหมู่
ยามตกอับสิอดสู...หมู่สิป๋าปล่อยถิ่ม.....โตสิปู้อยู่ผู้เดียว
นี่แค่เพียงหนึ่งเสี้ยว.....ผู้มาทักทายกัน
เว็ปอีสานจุฬา.....คนแวะมาบ่อเคยเบี้ยว
“หนุ่มภูเขียว” ยังมาเว้า.....อัศจรรย์บ่อเซา...กุ้งคือกินปลาดึกใหญ่
“บักหำน้อย” ผู้บ่าวไค...แวะมาไขฝากย้ำ.....คันมีแล้วอย่าหยิ่งหลาย
“บ่าวชุมแพ” เผิ่นผู้อ้าย.....คนขอนแก่นแดนเสียงพิณ
หว่าได้ยินเสียงงัว.....อย่าหว่างัวเจ้าของฮ้อง
ห่าเป็นแนวนามเซื้อ เสื้อลายสิเป็นโทษ
โปรดพิจารณ์อย่าอยากได้.....เกินฮ้ายให้ค่อยซอม
เพื่อบ่อให้อ้อมค้อม.....ต้อมเข้าใส่ในผญา
“sawanbanna.com” .....เว็ปดีดีมีมาเยี่มม
เจ้าผู้เฮียมเมืองเกินร้อย.....”บ่าวพนมไพร” คนใจซื่อ
“หนุ่มศรีสะเกษ” คนซ่าลือ..หว่าเผิ่นคึดฮอดบ้าน.....เลยมาต้านต่อผญา
“หนุ่มเมืองพนา” บ่อได้ซ้า.....เข้ามาต่อทำนองกลอน
แสดงวาทบทออนซอน.....ป่อนผญามาแถมท้าย
มีแต่ดีบ่อมีฮ้าย  ยามได้ฟังใจว่อนหวี่
นี่หละคือของดี  บ้านหมู่เฮาเจ้าและข่อย.....ฟ้าวมาต้อยดอกซ่อยจำ
ศักราชล่วงล้ำ…..หลายขวบคราวฤดู
แต่ผญาตำราครู…..บ่ห่างหูแฮมฮ้าง
บทประพันธ์สรรค์สร้าง…..เป็นแนวทางมีอิงอ้างอีกคือเก่า
ขอต้อนรับอีสานเฮา.....จ่ายผญามามื้อนี้
หวังเป็นที่ฮักแพง...สิหวังแล้งอยู่บ่นอ …..
พี่น้องเอย …หมู่เฮาเอ้ย...

(อาจจะยาวจักหน่อยเด้อครับเด้อ)

 
 
สาธุการบทความนี้ : 783 ครั้ง
ให้สาธุการบทความนี้
 
 
  10 ต.ค. 2549 เวลา 17:32:03  
      offline ติดต่อหลังเวที ติดต่อโดยเมล์ ตอบอ้างอิง  
 
  sinponglang    คห.ที่93)  
  ศิษย์น้องเล็ก

ภูมิลำเนา : กาฬสินธุ์
สมาชิกภาพ : สมาชิกทั่วไป
เข้าร่วม : 10 ธ.ค. 2550
รวมโพสต์ : 24
ให้สาธุการ : 0
รับสาธุการ : 65,760
รวม: 65,760 สาธุการ

 
ฝนหลงฟ้า.....ซลธาหลงฝั่ง
ไหลถั่งโถมหมู่บ้าน.....เป็นตาย่านอี่หลี
ทุกมื้อนี้.....ข่าวหน้าหนึ่งหนังสือพิมพ์
อ่านแล้วหลงสะเทือนใจ.....อุทกภัยผลาญบ้าน
เฮือนบ่ซานสูญสิ้น.....โคลนหรือดินน้ำทะลัก
ภรรยาสุดที่ฮัก   พ่อแม่ทั้งลูกเต้า.....จมน้ำต่อตา
แต่มื้อวานยังพ้อหน้า.....คุยม่วนสนุกกัน
เดิ๊กข๋อน ๆ นอนกะกำลังฝัน.....เงียบงันเย็นจ้อย
ประชาชนหลายร้อย.....บ่มีไผสิฮู้เมื่อ
งัวควายเป็ดไก่เย้า.....หมาเฒ่ากะเหล่านอน
คราวสิเกิดเดือดฮ้อน.....ผีป่าสวาปาม
ฟ้าคำรามระงมฝน.....หมู่คนกะหลับสิ้น
ฝนตกรินบ่ยอมเอื้อน.....แนมหาเดือนกะมืดมิด
เมโฆปิดบ่เปิดฟ้า.....ฝนกะบ้าอยู่บ่ถอง
เดชะบุญของพี่น้อง.....ผองถิ่นดินไทยแลนด์
แหม่นสิแสนความทุกข์.....กะผ่านไปจนม้ม
ความระทมน้ำตาย้อย.....พ่อเฮาคอยซับบ่ออย่า
องค์ราชาเทิดไท้.....ลูกขอไหว้นบคุณ


 
 
สาธุการบทความนี้ : 305 ครั้ง
ให้สาธุการบทความนี้
 
 
  11 ต.ค. 2549 เวลา 22:43:56  
      offline ติดต่อหลังเวที ติดต่อโดยเมล์ ตอบอ้างอิง  
 
  บ่าวพนมไพร    คห.ที่94)  
  sassy_cuhotmail.com
ขาจร


 

พี่น้องเอย...
ใจให่เย็นคือน้ำ...ไหลโอ่พสุธา
ใจให่แข็งคือผา...ภูเขาเทียมเมฆ
ใจอย่าให่อ่อนเปลี้ย...คือเคียบักบวบอ่อน
ใจอย่าให่มันฮ้อน...ให่ค่อยแก้บรรเทาภัย... เด้อพี่น้อง..

 
 
สาธุการบทความนี้ : 365 ครั้ง
ให้สาธุการบทความนี้
 
 
  13 ต.ค. 2549 เวลา 13:15:44  
  ตอบอ้างอิง  
 
  หนุ่มหมอแคน    คห.ที่95) ผ้าไหม  
  siriprathumhotmail.com
ขาจร


 
  แพรผืนผ้าไหมทอลายมัดมี่ สลับสีเหลื่อมๆ งามล้ำลืนแพร อีกทั้งซุ้มสีพื้นดำแดงอ่อนแก่ เขียวน้ำเงินขี้ม้า ชมพูพุ่นโพดแต่สวย  
  ฮู้บ่น้อว่า....เบี่ยงหลังผืนแพรผ้าคือหยาดเหงื่ออีกแฮงกาย จิตและใจฝังลงแห่งแพรพรรณนี้ เห็นผืนผ้าย้องว่าสวยว่างามถามหาบ้อผู้คนต่ำ หน้าดำๆอยู่ทั้งเยิ้น คนเมินน่าว่าบ่อสวย ..........พุ่นตั้วผู้เฮ็ดหนะ              

 
 
สาธุการบทความนี้ : 383 ครั้ง
ให้สาธุการบทความนี้
 
 
  27 ต.ค. 2549 เวลา 19:45:41  
  ตอบอ้างอิง  
 
  บ่าวพนมไพร    คห.ที่96)  
  sassy_cuhotmail.com
ขาจร


 
มามาเด้อ พี่จ๋า มาจ๋าเว้า
ให้หมู่เฮา ซาวพื้น แดนอีสาน
ภาษิตเก่า เก่ากี้ เป็นตำนาน
มาซ่อนสาน สืบไว้ ในใจเฮา .เด้อ..

 
 
สาธุการบทความนี้ : 378 ครั้ง
ให้สาธุการบทความนี้
 
 
  10 พ.ย. 2549 เวลา 18:55:49  
  ตอบอ้างอิง  
 
  บ่าวค่าย คันคาย อ.แก้งคร้อ Fm    คห.ที่97) บ่มีหยังดอก..ลาวคือกัน  
  kik_kokkohhotmail.com
ขาจร


 
        มามาแล้วมาเอาแนวไปไว้           มาเอาในไปหวาน
        มาเอาแนวขี่คล่าน                     ไปไว้ถ่าตื่นสวย

 
 
สาธุการบทความนี้ : 22 ครั้ง
ให้สาธุการบทความนี้
 
 
  17 พ.ย. 2549 เวลา 14:42:31  
  ตอบอ้างอิง  
 
  บ่าวค่าย คันคาย อ.แก้งคร้อ Fm1    คห.ที่98) บ่มีหยังดอก..ลาวคือกัน  
  kik_kokkohhotmail.com
ขาจร


 
   เผินว่า มี มี นี่หาได้ผู๋แต่มั่น  ผู๋ขี่คล่านหาได้กะบ่มี
                            
                          (!!เดิ้ม!!)พ่ะนะ

 
 
สาธุการบทความนี้ : 25 ครั้ง
ให้สาธุการบทความนี้
 
 
  17 พ.ย. 2549 เวลา 14:46:31  
  ตอบอ้างอิง  
 
  sinponglang    คห.ที่99)  
  ศิษย์น้องเล็ก

ภูมิลำเนา : กาฬสินธุ์
สมาชิกภาพ : สมาชิกทั่วไป
เข้าร่วม : 10 ธ.ค. 2550
รวมโพสต์ : 24
ให้สาธุการ : 0
รับสาธุการ : 65,760
รวม: 65,760 สาธุการ

 
5  ธันวาวัสสารอบ.....จวนจ่อเข้ามาเถิง
อภิวันทนังนบ.....น้อมส่งพรราชันไท้
ผองชาวไทยสราญล้น.....วันเฉลิมพระชนม์พระองค์พ่อ
ปวงพสกนบจ้อก้อ.....บังคมเบื้องบาทยุคล
เป็นโพธิ์ไทรให้ไพร่ซ้น.....เสโทหลั่งบ่อเซาหยุด
มหาสมุทรทะเลหลวง.....บ่อมีปานเปรียบได้
เสด็จไปบ่อทรงล้า.....ชาวประชาได้ใจอุ่น
น้ำพระทัยบ่อเคยศูนย์.....มีแต่พูลต่อเพิ่ม เติมเต็มให้ราษฎร
พสกหนาวเดือดฮ้อน.....พระองค์ผ่อนให้คลายเข็ญ
พสกเย็นพระองค์พัด.....เป่าปัดให้ไกลเยิ้น
บุญเหลือเกินได้เกิดใต้.....เศวตฉัตรสมเด็จพ่อ
บุญคนไทยกะด้อ.....มีพ่ออุ้มโอบเอา...


ขออภัยมื้อนี้คิดหยังบ่อค่อยออก  ....เอาไว้แค่นี้กะแล้วกันนอคับ....ไว้เถื่อหน้าสิมาแต่งแก้ใหม่

 
 
สาธุการบทความนี้ : 305 ครั้ง
ให้สาธุการบทความนี้
 
 
  23 พ.ย. 2549 เวลา 13:43:42  
      offline ติดต่อหลังเวที ติดต่อโดยเมล์ ตอบอ้างอิง  
 
  ปราร้านอกไห   ตอบเต็มรูปแบบ || Quick Reply  
  หน้า: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257

   

Creative Commons License
มาเว้าผญากันเด้อพี่น้องเด้อ --- วิถีชีวิตชาวอีสาน (ปลาร้านอกไห --- อีสานจุฬาฯ)