ผญา คติสอนใจประจำวันที่ 24 เมษายน 2562:: อ่านผญา 
ทำทานบ่มีศีลพร้อมผลบุญบ่เฮืองฮุ่ง มีศีลคันบ่คิดละเว้นสิเป็นได้ดั่งใด แปลว่า ให้ทาน แต่ไม่รักษาศีลด้วย ย่อมไม่ได้ผลบุญเต็มส่วน วาจารับศีล แต่ใจไม่ได้คิดละเว้น ก็ไม่ได้บุญเต็มส่วน หมายถึง พึงประพฤติตนในศีล ทั้งกาย วาจา และใจ


  ล็อกอินเข้าระบบ  
ชื่อ ::
รหัสผ่าน::
*จำสถานะ
 
  วิถีชีวิตชาวอีสาน  
       ดินแดนอีสาน มีวัฒนธรรม ประเพณี เฉพาะตน มีวิถีชีวิตความเป็นอยู่ ที่เรียบง่าย ท่ามกลางความแร้นแค้น ชาวอีสาน มีความเป็นอยู่เช่นไร ใช้ชีวิตอยู่เช่นไร สร้างศิลปะ วัฒนธรรม ประเพณีเช่นไรขึ้นมา

     แต่ละจังหวัด แต่ละสถานที่ อาจมีวิถีชิวิต ความเป็นอยู่ ที่แตกต่าง ตามลักษณะพื้นที่ หรือธรรมชาิติที่มีอยู่ แต่อย่างไรก็ตาม ทั้งหมด ล้วนคือวิถีชิวิตแห่งชาวอีสาน

     เชิญทุกๆท่าน ร่วมเขียนบทความ เรื่องสั้น เล่าวิถีชิวิต ความเป็นอยู่แห่งชาวอีสาน ได้แล้วครับ...



หมายเหตุ
1. ข้อความที่โพสต์ทั้งหมด เกิดจากการส่งโดยผู้อยู่ทางบ้าน ทางผู้ดูแลฯ มีหน้าที่คัดกรอง แต่ไม่100%
2. ทางผู้ดูแลฯ ขอสงวนสิทธิ์ในการเปลี่ยนแปลง แก้ไข หรือ ลบข้อมูล ตามพิจารณาเห็นสมควร

  หน้า: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 ตอบกระทู้  
  โพสต์โดย   มาเว้าผญากันเด้อพี่น้องเด้อ  
  จารย์ใหญ่    คห.ที่1278) เอากลอนยากมาลงไว้อ่าน ในกระทู้นี้เด้อ  
  อนุเซียนผู้อมตะ

ภูมิลำเนา : มุกดาหาร
สมาชิกภาพ : สมาชิกทั่วไป
เข้าร่วม : 13 ก.ย. 2552
รวมโพสต์ : 5,168
ให้สาธุการ : 3,230
รับสาธุการ : 7,163,000
รวม: 7,166,230 สาธุการ

 
โอ๋นอ สังมายากนำบ่าง บ่มีโกนสินอนเอย
ยากเด ยากนำตั้งแต่ม้อน มอนสิเลี้ยงกะบ่มี...

โอน้อ ยากนำควายเขาซี้ ซนแต่กันยาดแต่คู่
        ยากนำควายบักตู้ คู่สิซ้นกะบ่มี


โอ๋นอ ยากนำเมืองและบ้าน พาลสู้ตั้งแต่กัน
        ยากนำมันปออ้อย ราคาถอยมีแต่ต่ำ
        ยากนำข้าวและน้ำ เผิ่นถามหนี้ค่าปุ๋ย
        ยากนำคนคุยโม้ โวโวเผิ่นอวดเก่ง
        มีแต่เบ่งอวดขึ้น มึนแล้วหรอกฝ่ายผม...


โอน้อ ยากนำเงินใช้หนี้ ธกส.เพิ่นเร่งไล่
        ยากนำเงินอยู่ไถ่ หาไปใช้หนี้แต่เขา
        ยากนำมื้ออื่นเซ้า สิเอาหยังน้อจิ้มแจ่ว
        ยากนำแนวใส่ท้อง เงินสิซื้อกะบ่มี...


โอ๋นอ ยากนำเงินใช้หนี้ หาหมดปีใช้แต่เผิ่น
        ยากนำเงินเดือนน้อย บ่พอจ้อยฮอดส่งเฮือน
        ยากนำเดือนดาวฟ้า ไกลตาแสนห่าง
        ยากนำเดินย่างย้าย มันล้าแต่เหมื่อยขา

ยากเด้ ยากนำเสื้อและผ้า ห่มกายามันเก่า
        ยากนำพวกผู้เฒ่า คางว้ำแข้วบ่มี
        ยากนำปีเดือนจ้อ พอศอสิกลายผ่าน
        ยากนำหลานลูกน้อย คอยบอกกะบ่ฟัง

ยากเด้ ยากนำสังขารข้อน ทุกขังมันยากยิ่ง
        ยากนำหญิงน้องหล้า หาเล่นเที่ยวบ่เซา
        ยากนำอึดความเว้า หาเอามาต่อ
        ยากนำกลอนกล่าวข้อ มาช้อนต่อกลอน...


ยากเด้ ยายยากนำลูกน้อย นอนอ้อยซ้อยถ่าพ่อแม่
         ไปเฮ็ดงานบ่ได้แล ส่งแต่เงินมายามบ้าน
         แม่นยากงานแท้บ๊อหล่า คือบ่มาเลี้ยงลูกซอย
         หลานน้อยคลานก๊อยๆ ผ้าป่านี้ แม่ข่อยคือบ่มา ..........



โอ๋นอ ยากนำควายบ่กินหญ้า แสนสิข่มกะเขาหัก
        ยากนำน้อความฮัก มักผู้สาวแฟนเขานั่น
        ยากนำแนวขวางกั้น ค่าดองฮ้องแพงลื่น
        ยากนำผู้อื่นจ้อง สิขอน้องไปก่อนเฮา...


โอ๋นอ ยากนำนางนาถเจ้า แนวบ่มีแนว
        ยากนำหอยกาบกี้ แนวนั้นกะส่างมี
        ยากนำเงินคำแก้ว บ่มีมาแต่ง
        เขาหากมายาดแย่ง เอาแล้วสิแต่งดอง...


โอ๋นอ ยากนำอยากต้มน้อง ของแซบอีสานเฮา
        ยากนำคองถ่าเอา น้องงัวกำลังคลอด
        ยากนำไฟมันมอด ต้มน้องงัวบ่สุกเทื่อ
        ยากนำเกลือใส่ต้มน้อง เหมิดแล้วเฮ็ดจั่งได๋


โอ๋นอ คันว่ายากจั่งซั้น หาน้ำปลามาตื่ม
        บาดว่าสุกคักแล้ว อย่าลืมเอิ้นแหน่เด้อ

ยากเด้นอ ยากนำเกลือบ่พอหม้อ รอกินจนเหมื่อย
         ยากนำยากอยู่เรื่อย คอยถ้าแต่สิกิน
         ยากนำรินมาช้า สุราเอ้ยหมดขวด
         ยากนำปวดจ้าวจ้าว บักขาวขึ้นใส่หัว

ยากเด้นอ ยากนำผัวเมียช้อน นำกันในบ่อน
         ยากนำนอนในห้อง คนเดียวบ่มีคู่
         ยากนำอยากอยู่เรื่อย มันยากอีหลี
         ยากนำเรื่องนั้นเรื่องนี้ กะเลยยากอยู่บ่เซา

ยากเด้น้อ ยากนำพวกหมู่เจ้า พากันเว้าแต่เรื่องหอย
          ยากนำเรื่องเล็กเรื่องน้อย คอยเว้าต่อกัน
          ยากนำน้องงัวว่าซั้น มันบ่สุกจักเทื่อ
          ย้านบ่เหลืออยู่ค้าง พอได้ซดนำ....  (จารย์ใหญ่)  


ยากนำงานการส่าง หามื้อว่างบ่เคยเห็น
ยากเหมิดมื้อเหมิดเว็น เป็นลำเค็ญในใจฮ้าย
ยากมโนเอาเหลือหล้าย บ่มีมื้อซำบายเจ็บปวดกายเอาหลายนี่
ยากฮอดหมากกะตางค์เฮาบ่มี จั่งได้มาดั้นด้นเป็นลูกจ้างอยู่ต่างแดน

(โอยน้อ) ยากกะเดี้ยยากกะด้อ ย้อนปลาค้อสวบงูสิง
ยากนำพวกหมู่ลิง ไล่กินปลิงอยู่ในน้ำ
ยากนำสาวแม่ฮ้างหล่า ตั๋วคิดนำจนเหลืองจ่อย
ยากหัวใจอยู่วอยๆ ปวดหัวใจอยู่วึ่นๆ ย้อนสาวเจ้าเขาบ่แล  สั่นดอกว๊า (รุทธ์-E เกียแดง)


โอยน้อ ยากนำสาวส่าฯย้านตกถ้วย ก๋วยเตี๋ยวชามใหญ่
          ยากนำขึ้นบ่ได้ ไผเด้นอสิมาช่อย
          ยากนำข้อยผู้เว้า เทียวเฝ้าต่อกลอน
          ยากนำตอนอยากเหล้า เงินสิซื้อกะบ่มี (จารย์ใหญ่)


โอยน้อ ยากนำขี้หมินหม้อ ติดตามคอจนแหล่ก่ำ
          ยากนำน้ำสิล้าง สบู่ฟอกกะบ่ขาว
          ยากนำหนาวลมต้อง หนาวหลายน้ำบ่อาบ
          ยากนำคราบไคย้อย ติดปื้นเข้าเก็ดโก



โอ้ยนอ ยากนำวาโยปิ้น ลมหัวกุดพัดปิ้นปั่น
          ยากนำหันแล่นเล่น โยนผ้าล่องลม
          ยากนำงมขัวหอยจูบ ตามท่งนาเอามาอ่อม
          ยากนำเฮ็ดปากจ้อม คอยจูบกินบักหอย...



โอ๊ยน้อ ยากนำบุญกรรมส่างนำมาแต่ปางก่อน
         ยากนำใจแสนฮำฮอน ต้องจากจรเมืองบ้านไกลลี้ถิ่นสถาน
         ยากนำวงวานน้อง ผู้ถ่าคองอยู่อ้อยอิ่ง
         ยากดวงใจสุดคนิง คิดเถิงผู้อยู่บ้านที่รอถ่ามื้อต่าวคืน
        
         ยากนำคนเพินเว้าพื้น มันบ่มีอย่าไปไกล้สั่นแหล่วเพินว่า
         ยากคำเพินมานินทา เฮ็ดให่ใจเฮาต่อสู่ให่เขาฮู้ให่เพินเห็น
         ยากป๋านได๋กะบ่เว้น สิสู้ต่อให่เห็นผล
         ยากเด๊น้อ ยากนำคำของคนเป็นแฮงดลให่ใจตั้ง ถ่อนแหล่ว  (รุทธิ์ E-เกียแดง)


โอยน้อ ยากนำดั้ง สันดังสังบ่โด่ง
          ยากนำคิ้วบ่โค้ง คมเข้มดั่งธนู
          ยากนำฮูดังเว้อ หลึ่งปึ่งฮูดังเหิน
          ยากนำเดิ่นลานบิน เหาบ่มีหม่องสิซ้น
        
          ยากนำกรนลั่นบ้าน ปานโรงสีก้องสนั่น
          ยากนำแข้วกัดฟัน แข้วกัดกันก๊วดก๊าด ปานตาดกวดขี้หิน
          ยากนำตีนแตกเหิบ เขียดจ่านามาหม่นอยู่
          ยากนำหูเพ่อเว่อ เติ่งต้านบานตะไท



ยากเด๊น้อ ยากย้อนว่าแลงวานได้ ไปย่างเที่ยวแถวโลตัส
         ยากย้อนว่าผู้บ่าวนัด กะเลยลัดเลาะบ้าน ออกข่างๆย้านคนเห็น
          ยากในใจลำเค็ญฮ้าย ผู้บ่าวกะแสนหลาย เป็นเอาฮ้ายเป็นเอานี่
          ยากนำควมจำบ่ดี จั๊กคุณพี่คนได๋แท้ เป็นแย่ๆบ่ส่วงใจ   (ผู้บ่าวหลายเพินจำยาก)
          ยากนำตอนไปฮอดแล้ว บ่มีแววผู้บ่าวหาย  (เอ๊า???คือเป็นแนวนั่นน้อฮ่าๆๆๆ)
          ยากปนแสนเสียดาย จั่งมากลายเป็นแนวนี่
          ยากย่างเมือคืนบ้าน คืนสถานเมือคืนถิ่น
          ยากกลับไปทอดไก่กิน น้ำตารินกินไก่ทอด ใจออดปอดแห่งเดียวดาย
                      (โอย   หลู๋โตนเลาเน๊าะ 5555 ) รุทธิ์  อีเกียแดง หัดแต่งเด้ออ้าย  


โอยนอ ยากนำคอยหาชู้ อยู่ทางไดบ่ฮู้แห่ง
          ยากนำขาแข่งแตก ยามนี้จั่งแหม่นหนาว
          ยากนำสาวบ่อาบน้ำ หลายวันแต่ทนอยู่
          ยากนำผู้ไกลห่างบ้าน ปานนี้ว่าจั่งได๋

ยากเด้นอ ยากนำเฮาบ่พ้อ อยู่ห่างไกลกัน
          ยากนำฝันบ่คิ้ว หวยดีเลขเด่น
          ยากนำเว้าหยอกเล่น สาวเจ้าหากว่ามา
          ยากนำกลอนผู้ข้า อภัยให้แหน่เด้อ

ยากเด้นอ ยากนำเผลอไปเว้า สาวเลาผั้นฮ้องโห่
          ยากนำสาวผู้โก้ ยโสธรบั้งไฟใหญ่
          ยากนำไกลกันแท้ แลหน้าหล่ำบ่เห็น
          ยากนำอยากไปเที่ยวเล่น นำน้องหากอยู่ไกล (จารย์ใหญ่)


โอ๋นอ ยากนำบั้งไฟน้อย ลอยบ่หองคือบั้งหมื่น
        ยากนำบั้งบ่ขึ้น ถืกหามถิ่มเกียกใส่ตม
        ยากนำขมขี้เหล้า สาโทอยู่ก้นโอ่ง
        ยากนำถงฮากน้อย ห้อยต่องต้อนอยู่หว่างแอว

        ยากนำแหลวบ่แม่นแข่น ยากนำแตนบ่แม่นต่อ
        ยากนำกอบ่แม่นต้น ยากน้ำก้นบ่แม่นหัว
        ยากนำขัวบ่แม่นซ้าย ยากนำยายบ่แม่นย่า
        ยากนำตาบ่แม่นคิ้ว ยากนำนิ้วบ่แม่นแขน  


โอ๋นอ ยากนำแฟนนำชู้ คนผู้มีกะไคแหน่
        ยากนำแต่นาถน้อง บ่มองซ้ำส่ำพี่ชาย
        ยากนำโตผู้ฮ้าย ชายบ่งามรูปบ่หล่อ
        ยากนำหน่อแก่นไท้ ไผสิได้ฮ่วมเฮียง...(จารย์ใหญ่)


ยากน๊อยาก คันคร้านแล้วยากเหมิดแม่นทุกแนว
        คนหมั่นแล้วบ่ยาก ลำบากหาย
        ยากเฮ็ดหยัง น๊อพี่น้อง เฮากะดาย
        คันยากฮ้าย อยากเซายาก ให้ดู๋เอา



โอนอ  ยากนำพ้อหอยเน่า หลงจูบเอาบักแฮงนึง
         ยากนำเหม็นทืงทืง ยืงนำคนต่อยก้น บักหอยเน่าเอาอ่อมแกง
         ยากนำข้าวแลงนี้ หอยเกาหลีบ่มีอ่อม
         ยากนำลังคนอ้อม แอบหนีเล่นเที่ยวทะเล
        
         ยากนำสะพายเป้ หาเก็บหอยทะเล เป็นของฝากให้จารย์ใหญ่
         ยากนำคนไกลบ้าน งานเข้าฮอดเกาหลี
         ยากนำมุกมื้อนี้ ห.อ.ย. บ่าวหน่อว่า
         ยากนำมุกมื้อหน้า ห.อาย่อย บ่าวเฮิมแปล


โอ้ยน่อ ยากนำกลอนยาวเยิ้น ตกกระเทินได้ว่า
          ยากนำหนีบ่ม้ม วนเว้าเรื่องหอย
          ยากนำส่าไปพู้น เกาหลีไกลถิ่น
          ยากนำกินบ่แล้ว พวนท้องหยื่งมา

ยากเด้นอ ยากนำหามุกเว้า มาโสเว้าต่อ
          ยากนำผู้หลอยไปเล่น ทะเลกว้างหม่วนใจ
          ยากนำรอของฝาก ยากนำรอของต้อน
          ยากย่อนย้านบ่ได้ สิคอยแล้งเปล่าดาย...  

ยากเด้นอ ยากนำบอลไทยแพ้ มาเลย์เป็นตาหน่าย
          ยากนำเล่นขี้ล้าย นำแล้วกะเล่าเสีย
          ยากนำเชียร์บ่ขึ้น มันบ่ได้ดั่งใจ
          ยากนำไทยเฮาแพ้ คราวนี้คักอีหลี...


โอยน้อ ยากนำมื้อวันนี้ มีเวลาว่างนิดหน่อย
          ยากนำกลอยแซ่ไว้ ในน้ำบ่ดน
          ยากนำคนเมานึ่ง หัวกลอยหน้าเหลืองหล่า
          ยากนำหม่าข้าวไว้ บ่ไหน่แล้วนึ่งบ่สุก
          
          ยากนำอุกอั่งตึ้ง ท้องหยื่งลมผาย
          ยากนำกลั้นหายใจ หลบลมที่ผายแล้ว
          ยากนำแนวหัวหยุ้ม หยุ้มบ่ไหวอภัยแหน่
          ยากนำเสียงแอดแอ้ แตรน้อยที่ปล่อยลม


โอยน้อ ยากเด้ ยากนำซุมหมู่เจ้า เว่าเรื่องยาก อั่งอุรา
                  ยากนำอยากสิหา แนวได๋ มาซ่อยแก้
                  ยากนำบอลไทยแพ้ ให่ถือว่า ประสบการณ์
                  ยากนำการนำงาน ให่ขยัน หมั่นเพียรไว่
                  ยากนำเจ็บยากนำไข่ ให่หายา มาปัวก่อน
                  ยากบ่มีคู่ซ่อน วอนให่ท่าน นั่นหมั่นหา
                  ยากนำควายบ่กินหญ่า หาเฟียงแห่ง ให่ลองแหน่
                  ยากนำนั่น นำนี่แท้ หาแนวแก้ เบิ่งก่อนนา ...    


โอยน้อ ยากอีหลีเด้ญาอ้าย กระบี่โลหิต
             ยากนำคิดกลอนยาก มาแก้ต่อกัน
            ยากนำมันเป็นหัวข้อ รอคอยผู้มาต่อ
            ยากนำว่าบ่แล้ว ขอเชิญเจ้าต่อกลอน..


ออโน ยากนำคีผำน้วน เผ็นบ่ปวน บ่ฮ้วนหมู่
        ยากนำคูบ่ฮ้น แอ่วล้าน บ่ใข้เจา
        ยากนำเซาผู้ฒุ่ม กุมหัว หุมยั่วหย่าม
        ยากนำนามบักไข อาศัยงัวคันฮ้อย คำหย่อย นามบักไข

        ยากนำใจหญ่านท่าน หลานอ่ง กลวนผอน
        ยากนำกลอนควนผำ ซ่างทำไลด้ง
        ยากนำหลงเคาว้ำ คองเจ้าขำ กะตามหนี่
        ยากนำกระบิตโลหี่ หอยเกาหลีใหญ่น้อย คำหย่อยแกล้มโสทา


(แค ปลำ :
  ออโน => โอนอ,   คีผำน้วน => ควนผำนี้ => คำผวนนี้
   เผ็นบ่ปวน => ผวนบ่เป็น,   บ่ฮ้วนหมู่ => บ่ฮู้หม่วน
   คูบ่ฮ้น => คนบ่ฮู้,   แอ่วล้าน => อ่านแล้ว
   บ่ใข้เจา => บ่เข้าใจ,   เซาผู้ฒุ่ม => ซุมผู้เฒ่า
   หุมยั่วหย่าม =>หัวยุ่มหย่าม,   นามบักไข => ไนบักขาม
   งัวคันฮ้อย => งอยคันฮั้ว,   คำหย่อย => คอยหย่ำ
   ใจหญ่าน => จารย์ใหญ่,   หลานอ่ง => หลงอ่าน
   กลวนผอน => กลอนผวน,   ควนผำ => คำผวน
   ทำไลด้ง => ทำลงได้, หลงเคาว้ำ => หลงคำเว้า
   คองเจ้าขำ => คำเจ้าของ,   กระบิตโลหี่ => กระบี่โลหิต
   คำหย่อย => คอยหย่ำ, โสทา => สาโท)  


อ๋อโน้ย ยำนากแหกลอนกล้า ผำควนบำลาก
          ยำนากไค้บ่ดิด คือสิไส้บ่หวู๋
          ยำนากขอหัวไข้ ควนผำมันยาก
          ยำนากย้อกะดาก ยำนากที้อีแหลฯ..


โอนอ ยากนำ ต.เต่าตั้ง ตกตั่งตำตอ
        ยากนำ ตีนเตะต๊อ ต่อแตนตามตอด
        ยากนำ โตต้องต๊อด ตูดตนตามแต่
        ยากนำ โตต้องแต้ ตู๊ดใต้ต้นตาล


โอ๋ยนอ ยากนำ ตีนตำต้อง เตะต่อยตำตอ
         ยากนำ ตนโตเตะ ต่อยตอตำต้อง
         ยากนำ ตองตาลตาว ต่าวตายตามต้น
         ยากนำโตตัวตน เตะตำตอต้อง...


โอนอ ยากนำ ล.ลิงล่อง ลอยหล่อง เลไหล
        ยากนำ เลาะแล่นไล่ ล.ลิง เลยล้ม
        ยากนำ ลมลวงล่อ ล.ลิง หลิงหล่ำ
        ยากนำ ล.ลิงล้ำ หลอยเหล่น แล่นลง
        
        

ยากนำเรื่องหอยฮ้าย สาวภูไทเลานั่งจ่ม
        ยากเหมิดหมู่เทิงชมรม ย้อนหอยนั่นหอยนี่หอยจั่งซี้กะว่าไป
        ยากฮอดคนอยู่ไกล้ คนทางไกลกะมีส่วน
        ยากไปฮอดทางกระทรวง ออก อย มาบอกไว้ว่ากินได้บ่เป็นหยั๋ง
        ยากนำใจต่อตั้ง เทิงฟ้าวฝั่งนำเกาหลี
        ยากนำหอยของดี สิเลาหามาให่ค้น
        ยากจำใจต้องหม่น ด้นเข้าเมืองเบิ่งจั๊กเทือ
        ยากย้อนว่าบ่มีเกลือ ใส่ต้มหอยมื้อนี่เป็นจั่งซี้ดอกท่านเอ๋ย (สิไปซื้อเกลือครับ555)
             (รุทธิ์ อีเกียแดง) ขอบคุณอ้ายใหญ่ที่มาเปลี่ยนสีให่ตลอดครับ    


ยากเด้นอ ยากนำแลเหลนหล้อน ลูกหล้าหลานหลาย
        ยากนำ ลายเหลือล้ำ ลมลือลวงหลอก
        ยากนำ ลอกแลกล้น ลวงล่อหล่ายลืม
        ยากนำ โลมลูบไล้ ไลแล้วเล่าลา....


ยากเด้ ยากนำอยากแกงปลา เลยเล่าเลาะหา
         ยากนำอยากปูนา หาก่นจนล้า
         ยากนำอยากบักหว่า หาปีนตามป่า
         ยากนำอยากหอยนา เลาะถามนำแม่ค้า ถ่ามื้อหน้าสิหามา (พะนะ)


ยากเด้ ยากนำ อุกอั่งเอ้า เอ้าอั่งอุกอัก
         ยากนำ หนักไปหน้า ปานกุลาหาบนุ่น
         ยากนำ บุญบ่ยู้ ชูค้ำส่งเสริม
         ยากนำ เติมกลอนแก้ มันแย่คิดบ่ทัน
        
         ยากนำกันน้อพี่น้อง ให้ยอย้องแน่เด้อ
         ยากนำ บ่เจอพบหน้า ไกลกันคนละบ่อน
         ยากนำ กลอนยากหยุ้ง เทียวยุ่งแต่บักหอย
         ยากนำ คอยหาชู้ คอยแล้วได้แต่คอง

โอ๋นอ  ยากนำ ยาดองเหล้า รินมาไวแหน่
         ยากนำ แลหล่ำน้อง เมินซ้ำเผิ่นบ่มอง
         ยากนำ ของบ่ยาก ยากนำของง่ายง่าย
         ยากนำ หลายเรื่องยาก เทียวเว้าต่อกัน...

โอนอ ยากนำจันทราแจ้ง แสงส่องนวลใย
        ยากนำกระต่ายหมาย ต่อจันทร์ทุกแลงเซ้า
        ยากนำชายหมายเจ้า อับเฉาหมองหม่น
        ยากนำจนทุกข์ไฮ้ หวังได้ บายบ่เถิง

โอ๋นอ ยากนำแตนต่อเผิ้ง อยู่เทิงไม้ใหญ่
        ยากนำไก่อยู่เล้า มันฮ้องบ่เซา
        ยากนำ คนเฮาเฒ่า บ่สวยงามคือเก่า
        ยากนำ เว้าเรื่องยาก มันมีหลายอย่าง

ยากเด้นอ ยากนำ การงานสร้าง หากินเลี้ยงปาก
        ยากนำ ลำบากสู้ ต่อการงานยาก
        ยากนำ ย้านจรจาก พรากห่างของฮัก
        ยากนำ มักบ่ได้ เลยซ้ำอยู่ผู้เดียว...  

        ยากนำ เทียวมาเว้า คอยเฝ้าต่อกลอน
        ยากนำ ออนซอนเจ้า สาวงามบ่ได้แต่ง
        ยากนำ แยงบ่แล้ว ใจนั้นหากมักแฮง
        ยากนำ  แกงเอาไว้ ไฟไหม้บ่ได้กิน

       ยากนำ ยุงนำนำฮิ้น เทียวบินมากัด
       ยากนำ  ขัดคาค้าง ทางหน้าบ่อนสิไป
       ยากนำ ไหมนำฝ้าย งัวควายใต้ตาหล่าง
       ยากนำ ช้างและม้า ไผสิเลี้ยงเบิ่งมัน
      
      ยากนำ หลายอันยาก ลำบากกะใจจิต
      ยากนำ มิตรหมู่พวก เทียวหลอกแต่กิน
      ยากนำ หมดทุกสิ้น ทุกสิ่งสารพัด
      ยากนำ อึดอัดอั้น ในห้องแห่งใจ...    
  

      กลอนนี้ผู้ข้าได้ร่วมกันแต่งขึ้น มีญาอ้ายมังกรเดียวดาย บ่าวหน่อ กระบี่โลหิต บ่าวรุทธิ์
ได้ซ่อยกันแต่งเติมเพื่อความหม่วนซื่น และกาพย์กลอน ดังนั้นไผผู้มีความสามารถ ปรารถนาจักต่อเติมก็ขอเชิญเด้อขะน้อย.....  

 
 
สาธุการบทความนี้ : 301 ครั้ง
ให้สาธุการบทความนี้
 
 
  14 ม.ค. 2553 เวลา 03:18:29  
      offline ติดต่อหลังเวที ติดต่อโดยเมล์ ตอบอ้างอิง  
 
  อีเกียแดง {แห่งรัตติกาล}    คห.ที่1279)  
  อนุเซียนผู้อมตะ

ภูมิลำเนา : บุรีรัมย์ @ขอนแก่น
สมาชิกภาพ : สมาชิกทั่วไป
เข้าร่วม : 07 เม.ย. 2552
รวมโพสต์ : 5,431
ให้สาธุการ : 4,145
รับสาธุการ : 9,079,450
รวม: 9,083,595 สาธุการ

 
........  

     ต่อเด้อครับ หย่าวต่อพะนะ


        ยากในดวงจิตเศร้า เป็นเมาเมาบ่ฮู้ส่วง
        ยากนำสาวเขามาลวง เขามาตั๋วปล้อนปลิ้น เทน้ำกรดฮาดใส่ใจ
        ยากจนโตสิเป็นไข่ เจ็บในใจจนสิป่วง
        ยากเด๊น้อ ยากนำเห็นเขาย่างควงย่างกายหน่าบักอ้าย เจ็บปวดฮ้ายตายทั้งเป็น
        
        ยากปานใด๋อ้ายบ่เว้น สิสู่ต่อขอจำจด
        ยากคือทางเคี้ยวคด ใจของเธอมาเป็นฮ้าย
        ยากนำเฮาแพ้พ่าย เหมิดสไตล์เหมิดท่วงท่า
        ยากต้องจำใจลา โบกมือบายนางน้อง ผู้ขาวผ่องสาวสองใจ(พะนะ)    
                                      
                          
                          (รุทธิ์ อีเกียแดง)    

 
 
สาธุการบทความนี้ : 288 ครั้ง
ให้สาธุการบทความนี้
 
 
  18 ม.ค. 2553 เวลา 10:58:54  
    MySite  offline ติดต่อหลังเวที ติดต่อโดยเมล์ ตอบอ้างอิง  
 
  หนุ่มเมียงแปะ    คห.ที่1280)  
  จอมยุทธน้อย

ภูมิลำเนา : บุรีรัมย์
สมาชิกภาพ : สมาชิกทั่วไป
เข้าร่วม : 03 ต.ค. 2552
รวมโพสต์ : 245
ให้สาธุการ : 805
รับสาธุการ : 638,890
รวม: 639,695 สาธุการ

 
ม่วนหลายอ้ายเอย...

มาคือมัก..มาคือเหลือใจในผญ๋า...แท่น้อ
เผิ่นผู่เซียนผญ๋า...มาซ่อยก้นจาเว่า
ขอให่พากันเว่า...พากันจาผญ๋าต่อ
พอได่ให่หลานลูก...ได่ศึกษาต่อธรรมเนียม...เด้ออ้ายเอย


ขอเป็นกำลังใจครับ...ผม

 
 
สาธุการบทความนี้ : 230 ครั้ง
ให้สาธุการบทความนี้
 
 
  18 ม.ค. 2553 เวลา 11:04:36  
    MySite  offline ติดต่อหลังเวที ติดต่อโดยเมล์ ตอบอ้างอิง  
 
  อีเกียแดง {แห่งรัตติกาล}    คห.ที่1281)  
  อนุเซียนผู้อมตะ

ภูมิลำเนา : บุรีรัมย์ @ขอนแก่น
สมาชิกภาพ : สมาชิกทั่วไป
เข้าร่วม : 07 เม.ย. 2552
รวมโพสต์ : 5,431
ให้สาธุการ : 4,145
รับสาธุการ : 9,079,450
รวม: 9,083,595 สาธุการ

 
   .....ยากนำคำสาวส่าฯเว้า ให่รับเอา ส.ว.ใหม่
        ยากฮอดทางจารย์ใหญ่ หลีกปานใด๋กะบ่พ้นสาวส่าฯด้นหม่นใส่แก(จั่งบ่555)
        ยากหัวใจแท้แท้ทางบ่าวหน่อเมืองร้อยเกิน
        ยากย้อนสาวส่าฯเชิญ อย่าฟ้าวเปิ่นเซินหนีได้

        ยากนำควมคนไกล้ สาวภูไทฯเพินมาว่า
        ยาก ส.ว.นั่นหนา บ่ต้องหาบ่ต้องค้น เตรียมใจหม่นทนรับเอา
        ยากปนอุกอั่งเอ้า เลยรับเอาให่มันส่าง
        ยากนำเหมิดหนทาง หาป่องออกบ่พ้อ สูนกะด้อพี่น้องเอย....

ปล. (กลอนยากกลอนนี้มอบให่ผู้บ่าวที่ถืกยัดเยียดให่เป็นว่าที่ ส.ว.ทุกคนครับ)
                          ส.ว.      คือ สูงวัย ว่าซ้านนน  

                               (รุทธิ์ อีเกียแดง)    

 
 
สาธุการบทความนี้ : 282 ครั้ง
ให้สาธุการบทความนี้
 
 
  18 ม.ค. 2553 เวลา 16:06:53  
    MySite  offline ติดต่อหลังเวที ติดต่อโดยเมล์ ตอบอ้างอิง  
 
  จารย์ใหญ่    คห.ที่1282)  
  อนุเซียนผู้อมตะ

ภูมิลำเนา : มุกดาหาร
สมาชิกภาพ : สมาชิกทั่วไป
เข้าร่วม : 13 ก.ย. 2552
รวมโพสต์ : 5,168
ให้สาธุการ : 3,230
รับสาธุการ : 7,163,000
รวม: 7,166,230 สาธุการ

 
...


ยากเด้นอ ยากนำสูนกะด้อ ถืกผู้สาวลวงหลอก
            ยากนำเขาบ่บอก ไปจ้อยบ่เหลียว
            ยากนำคนเดียวเว้า เมาหลายบ่ส่วง
            ยากนำย้านป่วงบ้า สาวน้อยขี้ตั๋ว

            ยากนำพากันกลัวย้าน ส.ว.ตำแหน่ง
            ยากนำเงินบาทแบงค์ ไปหาฮอดเกาหลี
            ยากนำผู้อยู่พุ้นอยู่พี้ ไกลกันคนละแห่ง
            ยากนำแลงมื้อนี้ สิจาเว้าต่อไผ

 
 
สาธุการบทความนี้ : 241 ครั้ง
ให้สาธุการบทความนี้
 
 
  18 ม.ค. 2553 เวลา 23:17:01  
      offline ติดต่อหลังเวที ติดต่อโดยเมล์ ตอบอ้างอิง  
 
  อีเกียแดง {แห่งรัตติกาล}    คห.ที่1283)  
  อนุเซียนผู้อมตะ

ภูมิลำเนา : บุรีรัมย์ @ขอนแก่น
สมาชิกภาพ : สมาชิกทั่วไป
เข้าร่วม : 07 เม.ย. 2552
รวมโพสต์ : 5,431
ให้สาธุการ : 4,145
รับสาธุการ : 9,079,450
รวม: 9,083,595 สาธุการ

 
....

โอน้อ   ยากนำความคิดฮอด นั่งออดปอดคิดในใจ
           ยากย้อนนำคนไค อยู่อยู่ไกลไปทางบ้าน
           ยากนำนงคราญน้อง ที่เฮาปองเป็นเนื้อคู่
           ยากแท้เด๊ยอดซู้ อ้ายบืนสู้ย้านบ่ไหว

           ยากตอนเจ็บป่วยไข้ แนวอยู่ไกลเอาเหลือนี่
           ยากนำหยูกยานี่ ไผ๋สิป้อนหล่ะพี่ชาย
           ยากมาคือยากฮ้าย ย้านเจ้าบ่ายแล้วเมินหนี
           ยากนำขวัญชีวี โอ้คนดีจอมศรีอ้าย

           ยากนำความคนไกล้ คนทางไกลไผ๋กะส่า
           ยากสิไปข้างหน้า กำลังล้าดอกแผ่วถอย
           ยากนั่งหน้าซ้อยม้อย ย้านคนคอยมาแปรเปลี่ยน
           ยากบ่ได้ไปเวียน เขียนแต่ความคิดฮอดฝากบอกยอดจอมศรี

           ยากเหมิดปีเลยตั้วนี่ ขวัญชีวาแก้วตาพี่
           ยากสุดอยู่หม่องนี่ ความหนาวเค้าหั่นเลามา
           ยากหลายเด๊น้องหล่า โฉมดาราขวัญตาพี่
           ยากเงินคำกำกี้ ไปขอหมั้นดอกแต่งดอง (สั่นดอกว๊า)   รุทธิ์ อีเกียแดง
                                  (ร่วมสืบสานความยากพี่น้อง)
          ผู้สาวซูมื้อนี้กะเอิ้นแพงเหลือฮ้าย มีต๊ะหลักแสนขึ้น ปวดหมองเด๊พี่น้อง
          เข่ามายากนำกันครับ"หนุ่มเมืองแปะ" ผมกะยากหาหม่องไปบ่ได้แล้ว  

                         (รุทธิ์ อีเกียแดง)

 
 
สาธุการบทความนี้ : 247 ครั้ง
ให้สาธุการบทความนี้
 
 
  19 ม.ค. 2553 เวลา 10:58:01  
    MySite  offline ติดต่อหลังเวที ติดต่อโดยเมล์ ตอบอ้างอิง  
 
  อีเกียแดง {แห่งรัตติกาล}    คห.ที่1284)  
  อนุเซียนผู้อมตะ

ภูมิลำเนา : บุรีรัมย์ @ขอนแก่น
สมาชิกภาพ : สมาชิกทั่วไป
เข้าร่วม : 07 เม.ย. 2552
รวมโพสต์ : 5,431
ให้สาธุการ : 4,145
รับสาธุการ : 9,079,450
รวม: 9,083,595 สาธุการ

 
      .....บุรีรัมย์บ้านเกิดอ้าย คือเมืองหินปราสาทใหญ่
           แดนภูเขาไฟอดีตครั้ง โบราณยั้งหว่างล้านปี
           ผ้าไหมงามกะท่อนี่ เทิงของดีมีหลายอย่าง
           วัฒนธรรมเป็นที่อ้าง รวยล้นคนกล่าวขวัญ

           ขอเชิญชวนให่แวะบ้าง เข้ามายามให่เถิงถิ่น
           บุรีรัมย์ "ตำน้ำกิน" มีแต่ในอดีตเค้า  บ่ได้เศร้าบ่ได้หมอง
           ว่าจั่งได๋หล่ะพี่น้อง  ให้เอี้ยมป่องฟ้าวมายาม
           แดนอีสานผู้สาวงาม "บุรีรัมย์"  อีสานใต้พี่น้องเอย.....(บ่าวรุทธิ์สิพาเที่ยวมาเด้อ)    

 
 
สาธุการบทความนี้ : 247 ครั้ง
ให้สาธุการบทความนี้
 
 
  19 ม.ค. 2553 เวลา 21:05:51  
    MySite  offline ติดต่อหลังเวที ติดต่อโดยเมล์ ตอบอ้างอิง  
 
  จารย์ใหญ่    คห.ที่1285)  
  อนุเซียนผู้อมตะ

ภูมิลำเนา : มุกดาหาร
สมาชิกภาพ : สมาชิกทั่วไป
เข้าร่วม : 13 ก.ย. 2552
รวมโพสต์ : 5,168
ให้สาธุการ : 3,230
รับสาธุการ : 7,163,000
รวม: 7,166,230 สาธุการ

 
แต่งได้ดี พัฒนาหลายคัก
เดี๋ยวสิมาต่อ....ป้าหน่อยบ่เอาจักกลอนบ้อ...

 
 
สาธุการบทความนี้ : 0 ครั้ง
ให้สาธุการบทความนี้
 
 
  19 ม.ค. 2553 เวลา 21:25:26  
      offline ติดต่อหลังเวที ติดต่อโดยเมล์ ตอบอ้างอิง  
 
  จารย์ใหญ่    คห.ที่1286)  
  อนุเซียนผู้อมตะ

ภูมิลำเนา : มุกดาหาร
สมาชิกภาพ : สมาชิกทั่วไป
เข้าร่วม : 13 ก.ย. 2552
รวมโพสต์ : 5,168
ให้สาธุการ : 3,230
รับสาธุการ : 7,163,000
รวม: 7,166,230 สาธุการ

 
...


ยากนำความมักน้อง ค่าดองแพงเผิ่นได้ว่า
ยากหลายเด้น้องหล้า หาได้หากบ่พอ
ยากนำหลายจนว่าท้อ ย้านเขาขอไปก่อน
ยากหลายจนว่าฮ้อน มันเอ้าอั่งในทรวง

ยากนำลมมาลวง หมู่ผู้หญิงลวงล่อ
ยากหลายบ่อยากพ้อ ขอลาไกลห่าง
ยากนำนางนาถน้อง มันข้องอยู่บ่เซา
ยากนำคองคอยเว้า ไปหน้าบ่ถอย

ยากนำแปวหนูน้อย ยากนำฮอยหนูแม่
ยากนำในหมากแต้ แนวนั้นกะส่างมี
ยากนำหัวปลีกล้วย ทั้งกระบวยอู๋แอ่ง
ยากนำแลงงายเช้า เทียวเว้าต่อกัน...
จารย์ใหญ่

 
 
สาธุการบทความนี้ : 267 ครั้ง
ให้สาธุการบทความนี้
 
 
  20 ม.ค. 2553 เวลา 03:17:23  
      offline ติดต่อหลังเวที ติดต่อโดยเมล์ ตอบอ้างอิง  
 
  อีเกียแดง {แห่งรัตติกาล}    คห.ที่1287)  
  อนุเซียนผู้อมตะ

ภูมิลำเนา : บุรีรัมย์ @ขอนแก่น
สมาชิกภาพ : สมาชิกทั่วไป
เข้าร่วม : 07 เม.ย. 2552
รวมโพสต์ : 5,431
ให้สาธุการ : 4,145
รับสาธุการ : 9,079,450
รวม: 9,083,595 สาธุการ

 
...

          ยากนำคำหัวหน้าจี้   ว่า"ปัลลีซูเซโย"
          ยากเอาเป็นพาโล  เฮ็ดโหย๋ๆยั่งๆ  บ่ทันด้ามดั่งใจ
          ยากจนผมสิเป็นไข่  งานแสนหลายเข้ามาเร่ง
          ยากจนว่าสิเจ๊ง  กำลังล้ามาเลาถอย

          ยากนำสาวอ๊อฟฟิ๊ตน้อย  ผู้ร่างจ่อยดอกเอวบาง
          ยากนำสาวคนงาม  "อันโพจางแฮโยมั่น"
          ยากในใจจนสุดกลั้น  ความเหน็บหนาวเข้ามาถ่อ
          ยากหัวใจจนฝ่อ  รอแฮงใจกะบ่พ้อ  นั่งจ้อก้ออยู่เดียวดาย พี่น้องเอ๋ย
          
         ปล."ปัลลีซูเซโย"  (กรุณาทำเร็วๆหน่อยครับ)
              "อันโพจางแฮโยมั่น" (ยังไม่แพ็คกล่องให้อีกหรือค่ะ)
                (ขออภัยท่านผู้รู้เน๊าะครับ)

                          (รุทธิ์ อีเกียแดง)  

 
 
สาธุการบทความนี้ : 393 ครั้ง
ให้สาธุการบทความนี้
 
 
  20 ม.ค. 2553 เวลา 11:01:34  
    MySite  offline ติดต่อหลังเวที ติดต่อโดยเมล์ ตอบอ้างอิง  
 
  ปราร้านอกไห   ตอบเต็มรูปแบบ || Quick Reply  
  หน้า: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257

   

Creative Commons License
มาเว้าผญากันเด้อพี่น้องเด้อ --- วิถีชีวิตชาวอีสาน (ปลาร้านอกไห --- อีสานจุฬาฯ)