ผญา คติสอนใจประจำวันที่ 25 เมษายน 2568:: อ่านผญา 
มีไหมบ่มีครั่งย้อมเป็นป่านชาวกะเลิง ดำบ่แดงพอกะเทินส่วนสิเสียเซิงผ้า แปลว่า มีไหมแต่ไม่มีครั่งย้อม เหมือนป่านชนเผ่ากะเลิง ดำก็ไม่ดำ แดงก็ไม่แดง ชายผ้าจะเสีย หมายถึง เป็นอะไร เป็นให้เหมาะสม ทำอะไร ทำให้เหมาะสมกับกาละเทศะ

นิทานพื้นบ้านอีสาน  

ท้าวเสียวสวาด (นิทานพื้นบ้าน---อีสานจุฬาฯ)
นิทานแลง.. ท้าวเสียวสวาด

  หน้าก่อน หน้าถัดไป
ปัญหา อัศจรรย์ใจโอ้ โอนอ สังเวช


     พระราชากะถามอีกว่า “อัศจรรย์ใจโอ้ โอนอ สังเวช สังมาเป็นดังนี้ เป็นน่าอยากหัว  หมายความว่าจั่งได๋”

     ท้าวเสียวสวาด กะอธิบายโดยยกนิทานเรื่องแม่ออกกับพระ มาประกอบว่า

     มีพระรูปนึง ย่างเลาะหาเปลือกไม้ สิเอามาย้อมสบงจีวร กะได้ไปพ้อแม่ออกผู้นึงนั่งฮ้องไห้อยู่ แม่ออกกะอ้อนวอนให้พระ ซ่อยเอาหน่อไม้ที่หักคาหว่างขาอ่อน ออกให้ พร้อมทั้งสัญญาว่า สิยอมให้ร่วมประเวณีเทื่อนึง

     พระกะเลยซ่อยเอาออกให้เรียบร้อย แต่ว่า ก่อนสิร่วมประเวณีกัน แม่ออกขอโตไปอาบน้ำก่อน แล้วสิฟ้าวกลับมาหาตามสัญญา ระหว่างที่พระกำลังรอแม่ออกอาบน้ำอยู่นั้น เกิดความกำหนัดแฮงจนทนรอบ่ไหว กะเลยเอาองคชาตแหย่เข้าไปในโกนกกไม้ เพื่อคลายกำหนัดไปพลางๆ

    บังเอิญว่าโกนนั้นมีกั๊บแก้อยู่โตนึง กั๊บแก้ กะเลยงับองคชาต พอแม่ออกกลับมา พระกะขอให้แม่ออกซ่อยเอากั๊บแก้ออกให้ แม่ออก กะเอาออกให้ เรียบร้อย

     พระกะเลยทวงสัญญากับแม่ออก แม่ออกกะบอกว่า บุญคุณที่พระซ่อยเอาหน่อไม้ออกให้นั้น นางได้ตอบแทนแล้ว ด้วยการเอากั๊บแก้ออกให้ เป็นอันเหมิดสิ้นบุญคุณกันแล้ว

     นี่ล่ะ ความกำหนัด เพราะราคะ ตัณหา กิเลสครอบงำบังตา แม่ออกกะเฮ็ดไปทั่ว พระกะเฮ็ดไปทั่ว บ่คองบ่คือ มันกะเป็นน่าสังเวช เป็นน่าอยากหัว จั่งซี้ล่ะ

(แม่ออก หมายถึง สีกา)

 
  หน้าก่อน หน้าถัดไป

 
Creative Commons License
ชมรมอีสานจุฬาฯ... นิทานพื้นบ้านอีสาน