นิทานเรื่อง พ่อเฒ่ากับลูกเขย เป็นเรื่องสนุก ม่วนซื่นเฮฮา ฟังแล้ว มักสิเอาขี้แข่วปันให้ผู้อื่นเบิ่ง (เรียกรอยยิ้มว่าซั่นเถาะ) เพิ่นกะยังว่า คันอยากเห็นขี้แข่วผู้ได๋ ให้เว้าเรื่องพ่อเฒ่ากับลูกเขยให้ฟัง พะนะ

     บ่ว่าอยู่ดินแดนไกล ใกล้ซั่มได๋ อยู่จังหวัดได๋ กะสิมีเรื่องพ่อเฒ่ากับลูกเขย เว้าแจกกันฟัง แบ่งปันรอยยิ้ม อยู่คุหม่องเอาโลด กะยังว้า กะยังว่า

     ย่อนว่าพ่อเฒ่ากับลูกเขย บ่ได้มีคู่เดียว บ่ได้อยู่ยุคสมัยเดียว มีหลายคู่นับบ่หวาดบ่ไหว เรื่องราวมันจั่งมีหลายคัก แต่ว่า ข้าน้อยผู้เดียวกะได้ฟังมานิดๆ น่อยๆ อันที่ได้ฟังมา กะเลยสิเอามาเว้า ปันแจกให้ผู้อื่นฟังต่อ เด้อ

     เอาล่ะ เว้าไปหลาย มันลายมันล่าย คือพี่อ้าย ห่มผ้าลูกเขย... (หมายความว่าจั่งได๋ ??? บ่เข้าใจ) ....เว้าผิดซื่อๆ ดอก ขออำภัยหราย หราย... ฮู้ว่าเว้าผิดแล้ว กะบ่ต้องเว้าใหม่ดอกเนาะ

     เอ๋า.... คันจั่งซั่น กะเชิญพากันฟัง (พากันอ่านนั่นล่ะ) นิทานเลียง .. พ่อเฒ่ากับลูกเขย ..เด้อ..

     เชิญม่วน..สะล่ะล่ะ

		สมบัติ		ศรีสิงห์
		ธันวาคม		๒๕๔๖