เบอร์โทรเจ้าชู้
ดอกอ้อ ทุ่งทอง

(เกริ่นลำ)
อย่าบอกไผเด้อเบอร์โทรอ้าย
ลับเฉพาะคนรู้ใจ เป็นคำอ้ายที่วอนต่อ
ล่ะจั่งแม่นลับคักน้อ เปิดมือถือไผกะพ้อ
เบอร์โทรอ้ายจ่ายสู่คน สาวโทรหาอยู่จ้นจ้น
สาวโทรหาอยู่จ้นจ้น ทำเป็นบ่นบ่เคยว่าง

ดนตรี

อ้ายแจกเบอร์โทร ปานแจกซองผ้าป่า
แล้วยังมาซิมเฮาว่า ที่ผ่านมา บ่เคยบอกไผ
นอกจากเรื่องงาน เพื่อนสนิทและญาติชิดใกล้
ผู้สาวที่ฮู้เบอร์อ้าย มีน้องคนเดียวเท่านั้น

ดีใจจนสั่น หลงว่าตัวสำคัญต่อเพิ่น
น้องตกกะเทินกับคำคุยโอ่ แลกเบอร์โทรกัน
บาดฮู้เมือคิง เบอร์โทรอ้ายแจกไปบ่อั้น
คนฮู้ทั่วบ้าน พอปานเบอร์ หนึ่งเก้าหนึ่ง

ดนตรี
(ลำ)
โอ้ยเด้ชาย จั่งแม่นซึ้ง
บาดฮู้ความจริงล่ะ มึนย้อนหลังนี่
เพิ่นใช้วิธีเอาเบอร์เลาะอ้าง หาทางด้อยผู้สาว
ย่างไปเว้า เอาความหล่อไปโชว์
ย่างไปเว้า เอาความหล่อไปโชว์
แลกเบอร์โทรกับสาว บาดเทื่อเหงาได้โทรอ้อน

สาวหน่อย สาวพร สาวอ้อนก็มีเบอร์อ้าย
สาวอนามัย สาวอบต. ละสาวครูหมู่นั้น
เขาเมมติดเครื่อง มื้อดีคืนดี
ก็กดโชว์อวดกัน ผู้สาวเหล่านั้น
โทรตำกันมื้อละหลายเทื่อ

ตอนน้องหลงเชื่อ กะกายเป็นเหยื่อคือกัน
ได้เบอร์มาฝัน แต่โทรหาติดยากเอาเหลือ
กดหาหน่ำหน่ำ สิได้เว้านำอยู่ดอกจั๊กเทื่อ
สาวอื่นคุยเผื่อ แทบบ่เหลือเวลาให้เรา

เบอร์นี้แม่นไผเขากะมี
หากว่ายังบ่มีกะให้ยกมือขึ้น
แจกเบิดทั้งหัวตรอกท้ายซอย
แจกกระทั่งเด็กน้อย
ถ้าเจ้ายกมือขึ้น
เบอร์โทรอ้ายแม่นไผอยากได้
สาวน้อยสาวแก่แม่หม้าย
ถ้าแม่นไผอยากได้
กะให้ยกมือขึ้น

(ลำ)
โอ้ยเด้ชาย มือถือเจ้าใช้เบอร์ตั๋วสาว ไปแล้วจักบ่อน
เล่นละครกับไผแนอ้าย บรรยายได้บ่น้อ
ใช้เบอร์ล่อหากไผต่อโทรติด ใช้เบอร์ล่อหากไผต่อโทรติด
ขั้นต่อไปลองคิด เบิ่งเองกะพอฮู้

เบอร์โทรเจ้าชู้ ชอบอยู่กับสาวงามงาม
บ่ต้องมาอำ ว่าน้องเป็นคนเดียวที่ได้
ขนาดเพื่อนน้องเขากะยัง หลอยมีเบอร์อ้าย
หลักฐานมัดใจ อย่าได้ตั๋วให้คึดต่อ

(ลำ)
โอ้ยเด้น้อ หลายกะด้อ น้องอยากสิขอส่งคืนเบอร์พี่
ล้างมือถือบ่ขอเมมโมรี่ ให้มันตี้หน่วยตา
ไว้มื้อหน้ายามอ้ายบ่มีไผ ไว้มื้อหน้ายามอ้ายบ่มีไผ
ยอมเปลี่ยนซิมหลายใจ
จั่งสิขอ ล่ะเบอร์อ้าย
จั่งสิขอ ล่ะเบอร์อ้าย