ขอยืนเคียงข้าง
ดอกอ้อ ทุ่งทอง

เกริ่น..
ล่ะน้องขอยืนเคียงข้าง ฝากความฮักความหวัง ไว้กับอ้ายบ่ไหวหวั่น
เป็นหุ้นส่วนความฝัน สู้ซ่อยกันไปทุกด้าน สุขหรือเศร้าเป็นหมู่ใจ
เติมพลังให้อ้าย ไผเว้าใส่บ่เคยสน
รวยหรือจนบ่สำคัญ เฮาฮักกัน.. กะพอแล้ว

ได้รับบ่อ้าย น้องห่อใจส่งไปทุกวัน
เติมแรงสู้งาน ช่วยอ้ายนั้น เดินลุยต่อไป
ว่างงานโทรหา นัดสบตาเวลาเหงาใจ
เนิ่นนานเท่าใด จำได้ไหมที่เฮาคบกัน

ก็ยังยืนยัน บ่แปรผันแม้ผ่านวันคืน
บ่เคยมีคนอื่น มาแทรกใจได้เลยซักวัน
อ้ายอย่ากังวล แม้คำคนอาจคอยรุกราน
อยู่ไสให้ไว้ใจกัน ปูทางฝันเพื่อวันสองเรา

ลำ....
สุขหรือเศร้า เฮาสิมีเฮาเคียงข้างกันอยู่
สุขหรือเศร้า เฮาสิมีเฮาเคียงข้างกันอยู่
ก้าวไปสู่จุดหมายข้างหน้า ที่ทายท้าให้ฝ่าฟัน

อ้ายอยู่ทางนั้น คึดฮอดกันบ้างแนบ่น้อ
เฮ็ดงานเมื่อยบ่ น้องยังรอขอเป็นแรงใจ
มีหยังให้ซ่อย บอกโลดเด้อน้องสิฟ้าวไป
หยิบผ้าเย็นให้ ซับเหงื่ออ้าย จ้องใจแนมตา

ฝ่าฟันปัญหา ตลอดเวลาในทุกเส้นทาง
ถนนลาดยาง หรือเป็นทาง ขึ้นเขาเข้าป่า
ขอยืนเคียงข้าง ส่งเสบียงกำลังใจมา
ยืนคอยสบตา เป็นคนแรก ยามอ้ายโรยแรง ..

ลำ...
ขอเป็นแป้ง เย็น ๆ หอม ๆ ทาย้อมใจหม่น
ขอเป็นแป้ง เย็น ๆ หอม ๆ ทาย้อมใจหม่น
ขอเป็นคนที่ปรับทุกข์ได้ ยามอ้ายหม่นหมอง
เป็นคือน้อง ใช้คล่องเหลือแสน
เป็นคือแฟน ล่ะชุ่มใจยามจ้อง ยามขัดข้อง
ให้มองเป็นคือหมู่ หาทางซ่อยยู้ เบาแฮงอ้ายได้ซูทาง

คอยเติมพลัง ให้ทางโทรจิต
ส่งไปสะกิด ให้อ้ายมีแรงใจ
อยู่ไสกะอย่า ให้ฮู้ว่าน้องฮักอ้าย
ทุกเส้นทางใจ ขอเคียงกายอ้ายเดิน ..

ลำ...
เผชิญอีหยังบ่ย่าน เผชิญอีหยังบ่ย่าน
ถ้าเฮามีกัน และกันตลอดไป
ฝากใจแทนหมอน ไปนอนอุ่นข้างอ้าย
กอดได้บาดท่าเหงา ฮักสองเฮา
บ่ให้มีคนแย่ง ฮักสองเฮา บ่ต้องย่านคนแย่ง
เฮ็ดใจแดง ๆ ไว้เด้อ..อ้าย